永年士多 (寶城洋樓)

营业中

休息中

又是一間出名的食店，又是老公介紹。可能是新界區吧，他說的好幾間我都沒聽過，不過，從沒令我失過，好食到不得了！大碗麵 - 湯底超正！選的少辣，少少辣，少少甜，味道濃厚；米粉點辷湯，真的好正！說好大碗麵，配料是大雜會，不過就是普通又平價的配料，雖則如此，每樣都非常入味；豬紅、豬皮、雞翼、豬大腸、菜心、蘿蔔、魚旦，每樣都好好吃！凍檸茶 - 超好喝！超讚！清甜，茶香又不太甜，茶底和檸檬都新鮮，才會這麼清甜。必點！

入元朗必試的嘅車仔麵， 稱元朗人氣最強。 如果你係第一次幫襯有四大名物……必食。 第一樣豬大腸， 鹵水味濃郁，絕無豬臭味，爽口。 第二樣豬紅， 好入味醃得好入味，冇腥味，較實彈牙。 第三樣雞翼尖， 炆到好冧好香。 最後一樣係蘿蔔，爽口清甜冇渣。 鍾意食辣嘅朋友可以點小辣(已經屬好辣的)。補充一句：佢哋嘅魚蛋係果皮魚蛋，同埋食完會好口喝的

作為麵控的我，當然不能放過永年，雖然只是普通的車仔麵，但它卻發揮的淋漓盡致，湯底簡單但與麵配塔得十分好，麵條有口感，環境雖小但十分骨子，與食物型成配合，如果想吃較高級的車仔麵，這間絕對推介。

多年無去，諗住經過，已經排隊買飛又要排隊拿食物。用了差不多半個鐘。買食物時話辣汁可否分开上，因小朋友吾食我食辣，佢話辣汁叧上要$18，如要大就$38， 跟住話可拿食物時叫前枱加小小比你，跟住等了半個鐘拿食物時，那些臭串服務員話辣汁要另買，問我要大定細，我又重覆收銀嗰番話，跟住佢話吾得要收錢。好，我就要細，個臭串即刻啤住我話細得兩滴炸喎，好，我都要。以上是我幾十年去光顧餐廳嘅一次非常印象深刻的餐廳服務經驗，亦希望是最後一次。希望此餐廳管理人感受到你此餐廳給我及其他客人的非常服務體驗。另㚈，除此不快㚈，詚白講食物質數非常一般。

走到元朗梗係要食永年正店啦，話曬佢係元朗起家。不過帶住小朋友唔方便出去，佢嘅座位都唔太適合帶住小朋友去坐。住係元朗嘅親戚話用外賣app叫嘅質素都好好，同堂食無乜分別，咁就試吓啦！由落單到送到只係20分鐘，重點：係個餐仲非常熱辣辣的！真係同堂食差不多👍🏻今次點咗豬紅、豬肚同紫菜。紫菜份量都幾少，好唔抵下次唔會再點。豬紅同豬腸葉左滷水，味道好香。豬腸同之前喺銅鑼灣分店食嘅一樣，煮得好淋一啲都唔韌。今次試咗樽仔奶茶，同太興嘅冰鎮奶茶味道都好似，茶味夠濃。個份量都幾少，幾啖飲晒。三餸一麵加嘢飲$59 ，車仔麵來講價格都算中上，不過質素都對得住價錢。

車仔麵係我經常會食既午餐， 黎到元朗發現呢間係最多人讚既車仔麵食店🍜所以明知要排隊都決定要試下😃店內坐位唔算多， 但人流都快， 好快就有位 , 反而叫野食要排一陣， 大約15分鐘都唔算耐😁同朋友叫左好多野share😛叫左個少辣粗麵仲有炸魚皮，雞翅，流心蛋同菜餃🤣麵質都好彈牙，個湯少辣夠濃好好味， 炸魚非常皮脆， 雞翅入哂味都好正， 流心蛋都好有水準，岩岩好， 蛋黃仲暖暖地蛋白又好滑， 正呀另外仲有個通菜，新鮮又爽口咖央多味道都幾好。 不過醬可以再多d 就更好喇不得不提呢度既凍檸檬茶， 非常好味， 好香茶味，檸檬又新鮮唔會有苦澀味仲有自家制烏龍茶，好清新冇添加，正呀

都有好多年冇去過永年士多食車仔麵，因為而家太多人食，成日都要排長龍，可能以前唔係住元朗，所以一有機會入到黎就會去永年士多食返個車仔麵先因為以前嘅永年士多真係一間士多好有特色，以家就係一間餐廳，如果係一間餐廳，佢哋做嘅車仔麵我就唔會排隊去食啦，豬腸夠，中亦冇味豬紅普通，份量ok，湯底味精麵質一般

好久沒吃這家的車仔麵了，今天路過，看見排隊人也不多。於是我們興致勃勃的準備好好吃一頓，我們點了兩碗不同的麵，亦點了好多料，豬紅、豬腸是他們的招牌，一定要吃，鮮美濃郁的味道，停不下來，這湯頭咖喱味，很特別，有點甜有點辣，很入味！

每次去食永年都係要排隊, 今次醒左下午6點去 未到晚市時間, 所以即刻落得單每次一定一定會叫豬腸, 食過好多其他出名既車仔麵鋪既豬腸 , 敢講香港地永年既豬腸一定係排三甲入口滑 香 爽, 溝埋些少湯底, 辣味, 10分我俾20分呀! 略嫌份量唔夠多!魚旦, 用既係陳皮魚旦, 入口"煙UN", 比起街鋪小食/便利店既發水魚旦 優勝十倍。雞翼, 唔會太細隻, 入味, 唔錯韭菜豬紅 一定要加辣, 因為佢個辣汁配呢款小食係無得頂, 流住鼻涕都要食!坐位方面都係比較逼, 不過在商言商, 香港鋪租咁貴, 永年既車仔麵份量唔算細, 出左名賣呢個價呢講都算良心企業希望可以KEEP住味道, 期待下次再食過

呢間車仔麵喺元朗出晒名，出名到喺尖沙咀等地區都有分店，車仔麵配料選擇都幾多，但湯底偏鹹，有味精。所以我覺得只係不過不失，但另外值得一提嘅係咖咉多士。個人覺得多士相當唔錯，唔會太甜，而且10分鬆脆。

7月中有朋友從外地回來，他說你們一定要來元朗探我，順便吃下他的摯愛「永年士多」車仔麵。一行四人到達時，有十數顧客在排隊，我們分頭行事有的去排隊買車仔麵，有的分頭去找座位，鋪頭坐滿了顏客，大家都努力在吃，排隊的靜靜的等很有秩序。我們叫的車仔麵各自精彩，有一碗是冬菇、大腸、糖心蛋，朋友吃得津津有味，他說大腸鹵得很入味，冬菇得很好，很滑，糖心蛋就比較熟了些。另一碗有雞翼、蘿蔔、滷水大腸，雞翼很和味，蘿蔔是甜的，沒有那種苦苦的味道，同是滷水大腸癡的朋友也叫好。我叫的豬紅、蘿蔔、魷魚也是很好味，豬紅入味有質感，魷魚爽脆，我叫了粗麵份量頗多，你一定可以吃飽。我跟朋友說雖然好吃，但是好像沒有什麼突出之處，朋友說永年士多最出名是他們的辣，是神粹所在，很可惜我們四人都不能吃辣，下次一定要淺嘗一下。

永年永年開咗十幾年😂我真係10幾歲食永年食到大真係陪住我大可能有啲人覺得佢冇咩特別但有啲人又覺得永年好正其實鍾意食辣嘅朋友一定會覺得永年好正因為佢個辣汁係最出色嘅 如果唔食辣嘅朋友區加辣汁就會冇嗰種興奮嘅感覺我嘅永年三寶豬紅 蘿蔔 豬腸首先講吓佢嘅豬紅 佢個豬紅同出邊好唔同係特別入味同埋甜口至於個蘿蔔同豬腸更加唔使講啦😂🤣真係好入味 ......以前佢係冇得坐低食宜家裝修左之後起碼都有位坐下環境舒服左

位於元朗嘅老字號車仔麵店永年士多，佢本身係開士多做附近學校學生嘅生意，係後來先加入車仔麵，結果就變成佢嘅主力，做到今時今日，仲開到出尖沙咀同銅鑼灣，但係識食一定係食元朗永年士多元祖店！閒日午市去食，你會見到好多學生中午放飯去食，因為佢價錢真係好經濟實惠，而且仲有學生優惠。佢嘅車仔麵其實唔算特別出眾，不過餸方面就係蘿蔔比較入味，其他餸都係中上。另外佢嘅特飲反而更加出色，紅豆冰、紅豆奶茶冰等等，一定要叫埋！

先唔講嘢食住，鋪頭設計好有問題，鋪面極細但用快餐店形式，造成好多人霸位，俾錢已經大排長龍，啲人一個人就霸住張四人枱叫朋友去比錢買嘢食，但條龍根本就要排至少20分鐘，令到好多一個人黎食嘅買完揸住碗麵喺度企，食碗面可能都只係5-10分鐘，但啲人霸住啲枱就搞到返唔到枱，我上次同幾個人企係到攞住碗麵望住d人野食都未有就坐係到生霸爛霸，同侍應反映但根本冇理過我哋，鋪面逼逼夾夾，根本就係一個唔user-friendly既設計。食物方面，完全唔值得身水身汗排咁耐去食仲要冇位，佢唔係難食但冇驚喜，周街大把地方整到呢個水準，同樣係味精湯。衛生環境裝修完之後有改善。

2人在星期日的下午3時半左右到達，未到門口已見隊龍，見到前面有十多人在排隊(排隊時要想好要吃什麼)，但幸好等了大約10分鐘，就能在門口下單了(餐廳是先付款後取餐的模式和只收現金)。當時大約3時40分，下單的次序是要先說在堂吃或外賣，然後說要哪一種粉麵類，最後說要什麼餸和喝什麼(因為小編當時先說要什麼餸，同時店員重覆了問幾次要什麼麵質而無視剛說了要的餸，所以代表下單時是有次序)。小編想先說試了杯裝的凍奶茶(跟餐+$12*冷熱同價；單點$19)和樽仔奶茶(跟餐+$17；單點$25)的分別。兩者比較下，味道極相近，可能杯裝的有碎冰所以相比會有丁點兒較淡味一些，而樽裝的就不夠凍，是常溫再多點兒凍的程度。還有一點，如果可以的話就盡量少用膠樽，所以在價錢和環保上，前者的杯裝奶茶絕對是優勝！好了，當時是3時50分，已等了10分鐘的兩碗車仔麵到了，是一碗小辣(這個小辣的程度可相比是譚仔的三小辣)粗麵的四寶麵($46，有豬紅、豬肚、豬腸和蘿蔔。麵質就見人見志，小編並不特別喜愛；湯底很夠味濃郁；餸很入味，有層次的；蘿蔔完全沒有渣和煮得很軟，但不是非常入味的那種，咬開看到最裡面還是白色。但整體已經是很高質的