永年士多港式車仔麵 (加拿分道)

营业中

休息中

大家都知元朗係美食集中地，有好多好野食，但隨住越黎越多小店發跡，好多店舖都開始係唔同地區開設分店🇭🇰，令更多人可以試吓佢哋小店嘅風味同情懷，就好似今次試既永年一樣。係早一兩年前就係尖沙咀插旗🚩，其實啱啱開幕嘅時候就同朋友黎朝聖過一次，但因為我哋高估左自己實力，叫咗大辣結果兩個人都頂唔順食唔晒碗麵🥴。今次唯有再黎挑戰一下，試真啲個味道！-我就揀咗蘿蔔、咖喱魚蛋、豬皮同牛筋配米粉小辣。原來小辣先係啱啱好，最能突顯到湯底嘅味道，唔會死辣，仲可以襯托出餸菜配料嘅原汁原味😮。魚蛋用咗陳皮魚蛋，非常彈牙有魚味，不過就略嫌冇乜咖喱味。蘿蔔處理得好，帶清甜味；豬皮一啲都唔腥，而且好索味；牛筋好淋，煮到膠質都出哂黎。另外，叫左杯🥤抹茶紅豆冰，估唔到又幾好飲喎衰鬼，抹茶味幾濃，紅豆起哂沙但仲食到粒粒口感，好飲😋。整體而言，每樣餸都處理得好好，係高質既車仔麵店，亦同樣反應左係價錢上💰，不過既然而家係尖沙咀咁方便，我覺得可以一試。👍🏻-

本身想堂食堂，但人太多，所以外賣了，叫了3餸$42， 我轉了河粉加$2 ， 最出名係豬腸金 牛肚， 蘿蔔， 佢既湯底真係幾入味，我已經叫左小辣， 第一口就係有點辣， 之後好小小， 果幾個餸都正正常常，但我覺得都麵既份量有d 小， 五係好夠飽。

由the one 行過美麗華商場時經過這店，突然想食個下午茶就入去試試入左睇到d資料先知，原來永年喺元朗很出名，因為我呢啲鄉下仔，終日不離開九龍，唔知新界啲大事睇左輪餐牌，好多餸都想食最後揀左五樣餐三餸一麵$41，我加多左兩個餸，每個加$8，另外見到河粉好似比較出名再加左$2轉，total=$41+$8+$8+2=$59五樣餸分別係蘿蔔，牛肚，牛筋，魷魚，豬紅首先講下個湯底，清甜唔會太鹹，唔怕確喉，無令人口乾，以雞，豬骨，當歸，果皮，甘草煲成，我最後全碗飲哂!由於不吃辣，所以揀左唔辣，但資訊話辣汁好出名，喜歡吃辣的應該一試河粉細滑，$2值得加蘿蔔好好味，好入味，多汁無渣，清甜但有一點點辣，不吃辣的要注意牛肚好淋;牛筋好有膠質又唔怕韌；魷魚爽口得嚟唔韌；豬紅亦好入味樽仔奶茶又濃又香又滑

相信無人不知元朗名物「永年士多」，😏 最有名嘅車仔麵和鮮油多， 而家九龍人都有口福啦！ 自尖沙咀開左分店， 是小編不時獨食嘅好選擇， 一個人嘅浪漫💕，無得輸！☺️ 值得一讚的是元朗和尖沙咀分店小編都食過好幾次，  食物水準一直keep得好！ 唔洗再專登入元朗啦！😂 如果想一次過試晒所有精選餸， 一定要食聚10寶於其中嘅大碗麵（$65）， 一次過滿足晒所有願望。 不過小編就鐘意單點， 可以集中食自己鐘意嘅餸！😂 三餸一麵$41， 其後再加餸每份$8。 🌟必試❗️流心蛋 超好食，滷得入味， 又夠流心，蛋香十足！😋 牛筋晶瑩剔透， 腍、滑、爽、又有嚼勁！ 雞翼燜煮得入味，肉質滑溜惹味。 豬紅沒有一夾就散， 咬落口軟腍嫩滑，不錯👍🏾！ 「嗱喳麵」🌟必食❗️豬腸！ 豬腸用滷水長時間浸煮， 顏色夠深，又夠入味。 豬腸洗得乾淨，無多餘嘅內臟味， 有小腸大腸，腍滑軟身，又不失嚼勁，值得一試！😏 食「永年士多」嘅車仔麵必加自家秘製辣汁， 分勁辣、大、中、小和細辣， 辣度刺激，十分惹味！ 係整碗車仔麵嘅精髓！😎 店

永年開到尖沙咀了，十分方便我們這些九龍人。店舖跟銅鑼灣分店差不多大，座位不多，但感覺銅鑼灣分店比較光猛及開揚，座位都闊落一點。下午2點多，餐廳門口仍然有人龍，要先排隊下單，後找位。幸好，大家食完都會快快離座，所以都不用等位。大碗麵是我們必點的，$65 有十個餸(豬腸，魚旦，雞翼，蘿白，豬皮，豬,紅，雞翼尖，紅腸，菜及魷魚)，餐廳的主打通通有齊，不用煩，份量足。最鍾意餐廳的陳皮魚旦及雞翼，夠淋夠入味，另外要讚他們的豬腸做得十分乾淨。另外一碗就要九菜餃，支竹球及牛肚配粗麵，支竹球比較特別，牛肚再淋身一點會更好。車仔麵的湯底比較清甜，原來是他們加入藥材一齊熬製的。永年除了有車仔麵提供，還有多士餐，班蘭咖央多都是很出名的。今次更點了永年出名的樽仔奶茶，雖然加$17，有點貴，但味道真的不錯，甜度剛好，茶味濃，奶夠滑。

以前去永年食車仔麵，只能夠去元朗，但這幾年永年已在尖沙咀開了一間分店，那就方便多啦! 今天和朋友放工後,去食碗車仔麵,我們分別點了粗麵+魚蛋+雞翼+蟹籽包, 配凍檸樂，另外一碗就要了油麵+雞翼+牛筋+支竹球,配抹茶紅豆奶茶。湯底有一碗叫了中辣，如果食得辣的朋友，是極力推介! 因為越食越辣越起勁 ! 另外其他的配料如雞翼就十分入味，牛筋也非常之諗，陳皮魚蛋是懷舊的味道，實在是沒有地方可以挑剔!另外再推介抹茶紅豆奶茶冰，裏面的抹茶味香濃，紅豆也香甜，實在好飲 !

星期六冇節目， 和朋友結伴搜尋香港地道美食。 到了尖沙咀， 才發現這間地道車仔麵竟然在尖沙咀開了分店， 之前曾經在元朗吃過 ，今次試一試看看質素有沒有改變。這裏的門面比較新派 ，內籠的感覺和老店有點不同。我依舊點了招牌的豬腸，蘿蔔和糖心蛋油麵。 另外還點了腐乳通菜。豬腸做得住水準， 除了吃得出醃製的鹵水味外，咬落還有啖啖油香。蘿蔔雖然不是當造季節，但依然清甜。糖心蛋夠入味。最後係一碟腐乳通菜 ，結束了地道的港式午餐。

行過尖沙咀，特登要食永年士多。等咗一陣，好好彩有位，咁就可以埋位一試啦。雖然排隊買飛等咗陣，不過更加證明佢係有真材實料👍👍👍我地兩個人都各叫咗五寶麵，呢度嘅魚蛋係陳皮魚蛋，比起一般嘅車仔麵大魚丸唔同，更好咬口，更有彈性。另外，豬紅係甜嘅，呢個真係好少有，其他車仔麵檔都未試，唔怪得佢有信心做四寶推介。蘿蔔都係甜嘅，係我第三檔食到甜蘿蔔嘅車仔麵檔，豬皮都好入味。另外，我地叫咗菠蘿冰同樽仔奶茶，個奶茶茶味好濃，夠哂港式茶記味道👍😚

我心目中既士多係比較舊式個種～ 但原來係食車士麵嫁～ 一入去就有cashier ~ 叫完野食～ 坐低等一等～ 我叫咗個咖央牛油多士同埋熱柚子蜜厚厚既咖央醬話明食車仔麵咁梗係要叫返一碗先得喇可以自己揀三餸一麵面嘅湯底非常之香而且又唔貴仲有埋嘢飲添我飲嗰個係烏龍茶原來係一尊樽裝嘅入邊仲有埋茶包添唔係溝稀左嘅茶不得不讚就係糖心蛋真係流心㗎我食到真係乜都冇晒得返啲湯車仔麵嘅餸菜都比較多選擇可以揀面底仲可以揀辣同埋唔辣

同朋友係星期四晚嚟食，咁啱窗邊位有人走即刻坐低，不過係風口位好凍啊。之後買野食條龍好長！要排五至十分鐘左右，排隊前記得搵位先，因為店面好細下。menu因為想食多士同飲樽裝奶茶所以叫咗麵加一個多士餐（樽裝奶茶跟餐更貴～）湯底好好味，推介溏心蛋！班椰多士反而有啲失望，醬係好味既，但多士好淋唔脆既。奶茶又係好正！標準港式奶茶味，每日新鮮製造架

下午兩點多來到尖沙咀的永年士多，店內人潮滿滿，需要排隊點餐、自己拿麵。車仔麵重要的就是配料，永年士多的選擇很多，這次來試試招牌品項三餸一麵 41 + 一餸 8選了豬腸、流心蛋、雞翼、蘿蔔麵底選了米粉，正常份量，這間的餸都切的大大塊，看起來很足料。湯底看起來清透，喝起來甜甜的，加了腩汁使味道更重，喝起來都是那個味道，整體湯頭不是很特別溏心蛋做得成功，蛋黃呈黃色半熟，不過本身沒有蛋味和調味，略顯單調豬腸很薄，沒有什麼肥肉，滷得入味，大大件有嚼勁雞翼一份兩隻，滷汁的味道和大腸差不多，體積為普通大小，肉質有點硬蘿蔔是這次最驚喜的部分切的大塊咬下去多汁，而且有自然蘿蔔甜味，非常好吃總結：永年士多是一間好吃的車仔麵，但就味道而言沒有太過人之處

《永年士多》喺元朗非常出名！好多朋友都專登去食！我一直都好想試！但係入元朗太唔方便。。點知。。嗰日聽到同事叫外賣。。話叫永年！我立即一齊叫！終於有機會試吓！究竟佢嘅車仔麵點解咁受歡迎呢！等我又試吓先！我叫咗四餸一麵嘅車仔麵！紫菜、芝心丸、墨魚丸同埋豆腐卜，米粉配小辣！原來個小辣都幾辣！不過個湯底真係幾好味！芝心丸同墨魚丸都幾好味！米粉索咗個湯之後變得更加入味！👍👍👍overall 值得再試😋😋😋

永年士多我之前係都有食過. 但平時人龍真係好長.. 今次經過見到都唔係咁多人所以又黎多次喇! 哈哈永年士多既店面, 乾淨企理光猛.. 同一般車仔麵鋪唔同…今次我要左 佢地推介既豬腸，豬紅、雞翼同埋流心蛋… 配佢地每天鮮製既滑滑河粉 & 小辣^^另外,仲要左碟<<腐乳生菜>> $25 係等候期間見到有永年既模型! 好得意呀!!! 特別係豬腸 哈哈哈都係滿滿既一碗!!! 見到隻雞翼已經好想快D食喇!先飲一下佢個湯底.. 都仲有一陣淡淡既藥材味道.. 感覺比一般車仔麵高級..哈哈感覺同味道係幾新鮮的^^除左湯底之外，佢地出名既仲有<<招牌咖喱辣汁>>, 佢地既咖喱夠香而且食落去係有辛辣既感覺! 幾刺激下! 而且味道香濃.. 唔錯唔錯! 豬紅: 好香好滑.. 食落甜甜地^^ 口感同味道都好OK!豬腸: 彈牙乾淨且多脂肪 哈哈哈哈, 好正呀雞翼: 雞翼炆得好入味好香, 而且雞肉好軟腍流心蛋: 做得唔錯喔.. 係我中意既口感呢~ 連蛋白都仲有小小流心呀! 啱晒我呢D貪心既人類^^ 滑滑河粉~ 呢度既滑滑河粉比出面既河粉幼身D.. 而且

今天是難得的休息日，與友人在尖沙咀閒逛，逛到咁上下， 突然見到一間充滿港式風情的車仔麵鋪，就入去試試。首先環境不錯，裝修新淨企理，唔似印象中既車仔麵鋪。 坐底叫左兩碗五餸麵，第一碗要左烏冬，配牛筋，流心蛋，芝士腸，豬腸同埋生菜，辣度要左中辣，首先佢個豬腸係極之出色，夠哂入味，牛筋有咬口，都唔錯。同埋佢個辣汁都好惹味，唔係一味死辣，係令人想飲哂碗湯既辣味，中意食辣既朋友可以試下佢地既辣汁。另一碗叫左碗唔辣既魚蛋，蘿蔔，蟹籽丸，炸魚皮同紫菜配油麵，湯底夠濃。油麵都算軟身，有少少豬油味，還算不錯。最抵讚係蘿蔔！佢本身比得多，都有成5,6舊，切到大大舊，又炆得夠軟身，吸哂啲湯汁👍🏼！另外魚蛋夠彈牙，意外既係竟然有少少陳皮味，好特別，推薦大家去試佢地既蘿蔔同魚蛋。

一直聽朋友介紹永年車仔麵好好食，但一直未有機會嘗試，難得星期六要返工，可以抽時間去食個Lunch差唔多二點先到，門口已經排左十幾人，但速度都好快，大約排十分鐘左右就可以買餐！以車仔麵黎講⋯三餸麵$41 唔算好平，但當食完之後就覺得物有所值！今次試下豬腸牛肚蘿蔔，牛肚夠爽，豬腸唔會好淋有口感，蘿蔔好甜好入味，要左小辣岩岩好，唔會搶過湯底既味道，食完都唔覺得口渴，正！