永合隆飯店

营业中

休息中

好肚餓既途中，經過呢間野，就買盒叉雞飯返屋企食。佢講盒飯加野飲要$60，我有啲已經覺得唔抵，算 我未食過當試下，唉 返到屋企個盒到有隻蟻系盒面冷冷下，即刻比我整死左，我唔介意呢小小問題，哇，一食啲姜蓉撈左白飯都可以咸到咁既？啲飯仲未煮得熟，生米未煮成熟飯，太過份，憑咩收一個飯$55？啲叉燒又硬 仲要無例湯 唔係你貼啲明星相系門口就值咁既價錢。中晒伏！以後唔會再試 物無所值。

今晚放工買左個叉燒燒肉飯加例湯外賣，點知返到屋企一打開盒飯，竟然只係得燒肉！雖然一定搭兩件唔係頭就尾，但今次5舊燒肉搭左2舊剩肥膏加塊硬皮又冇肉，1舊豬骨，剩低可以食既肉只得2舊，但其中1舊硬到乾，双拼價錢買得2舊燒肉，簡直錢！！打去舖頭，一句唔好意思都冇，只係重覆講"唔係我斬"，叫我落去舖頭換！大佬呀！放左工已經散晒！買左飯盒返左屋企換晒衫準備食飯重要走番落去....咪玩啦！重問我想點！完全冇誠意！駛唔駛我教呀？你可以講"唔好意思，你隨時落黎我哋斬番D叉燒比你"，個客咪冇禁嬲囉！其實上次買已經好差，只不過因為幫襯左好多年，比多次機會佢，點知重衰！呢個價錢旺區好多地方都食到，重送例湯！唔需要食頭同尾！

我唔係特別鐘意或要推介永合隆，但久不久總要黎買下燒腩骨食。我是叉燒、燒肉嘅fans，雞係我生命，金錢雞係我童年重要一幕，只要聽聞有好燒味，上天下海都要試，目下最好味嘅燒腩骨港島區係跑馬地永祥，九龍區係永合隆，三十幾年黎佢腩骨總要貴人二、三十蚊一斤，但我和貓老爺每次總要兩條骨，未開車已經食左幾舊，但，我地從來唔會喺呢度買叉燒、燒鵝、雞等燒味，無腩骨即走，燒肉都要睇過先買。食燒肉，梗係要腩骨，唔通要又鞋又鹹嘅沙尼篤？買左都係嘥錢嘥個胃嘅quota。邊個叫你喺度買叉燒？即係等如喺tempura專門店叫壽司，同係燒味但製法大相逕庭，唔係招牌專長，盞搵黎攪！佢個地滑唔係今日，見到咁你仲坐低食？佢啲斬料師傳真係有一句無一句架，但係，師傅專長唔係答你問題嘛，佢地根本就係唔識同人溝通，否則做企堂啦，況且你問邊part好食，一定係腩骨，答你咩呢？我最初都被佢地吹到啤一聲，但以質素而言，暫時又真係搵唔到第二度。溝通係雙向嘅，講多兩句讚賞說話就有計傾，佢地唔認得我，但每次都可以講到幾句，當然啦，你唔識做，人地最忙踢晒腳嗰陣你走埋去問呢樣嗰樣，就梗係想踢你走啦，佢又真係唔憂做架喎。跑馬地永祥好啲，但都唔好得去

間中有時想食燒臘時都會來「永合隆飯店」。多數都是買一些叉燒和燒肉，而今次是買一些燒排骨來送飯。燒排骨($30) 燒排骨雖然沒有叉燒這樣嗒嗒肉，但位置上是近骨所以肉味更加香，醬汁的味道的味道更濃，雖然肉量比較少但感覺小食多滋味，用來送飯連肉汁一同食非常好食。雖然這店的水準有時都幾飄忽，有時對這店都有一些的微言，但家中老人食了這樣多年始終對它都有一些的感情，時不時都會光顧這間老店。水準飄忽但感情分加分，老店的「永合隆飯店」。

We ordered 燒肉飯, 乳豬飯, and 1 can of coke.  Although those 燒肉 contains little fat layer, the meat textue is extremly tender and juicy.  Those 乳豬 looks fat but the skin is extremly crispy and the suckling pig meat are also soft and juicy.  As a die-hard fans of Wing Hop Lung, I found no reasons for not having a meal there during my 2-weeks stay in HK.  If I can rank both Wing Hop Lung ("WHL") and Tai Hing ("TH"), I probably offer the same overall score to them.  However, WHL offers extremely high qu

今天特登去買燒腩肉，由於我吾識分燒肉和燒腩肉便問師傅 邊件系燒腩肉呢？師傅指一指，然後我便要一條骨$130，點知回到家，老公見到話系甲前喎（完全冇肥肉，乾真真）可能條友見我系女人仔吾識就點我！貴吾緊要，但吾好咁吾老實囉！於是我便打電話去投訴，他們仲講埋啲不負責任嘅說話「你吾鐘意可以吾要嘛」「你肯定系燒腩肉才要嘛」我識就吾駛問邊舊系燒腩肉啦！

永合隆的名字，在燒味界來說也很有名，雖然沒有吃過所有的出品，不過最出名的應該是燒肉，幾年前在公司慶典吃過兩次，印象中的燒肉水準很不錯，今天要回家和老人家吃飯，便買了半斤回味一下。半斤的代價不便宜，要１００大元，其實現在香港的物價很高，所以１００元也可能不算太誇張的了。燒肉的皮很香脆，剛買的時候吃了一件已知它的脆度，估不到在兩小時後開飯時間脆度仍不錯，最難得是有肉香，入口又不會太硬太乾，有部份燒肉的肉身層次分明，心中覺得今次的燒肉是值回票價的。

呢間野激發起我專登開個OPENＲＩＣＥ　ＡＣＣ。黎寫食評，　唔明點解可以有咁多人讚！今日ＬＵＮＣＨ TIME 我同同事一共叫左6個燒味飯, 咩燒味都有, 無一樣係好味既, 唔好味都唔緊要, 叫佢少飯唔要雞胸,完全IGNORE 我,我唔介意俾多D錢食D有質素少少既燒味,但唔係俾成50蚊一盒燒味飯都無得少飯呀?? 叫佢俾肥义,結果盒盒义燒都係硬到好似柴皮咁,你俾一兩件頭尾都算, 件件都可以好似拜左三日神咁!連出名既燒肉都係一樣, 好似隔過夜既燒肉!全程態度差,最基本既禮貌都欠奉! 十問九唔應!奉勸大家唔好再食呢間野, 成條街咁多其他野食, 隔壁廣東燒味都好過佢,彷如地獄的一餐!!!

今日公司訂左隻中豬送上門, 香嘖嘖, 師傅即場切件, 皮脆, 肉香, 好有豬味, 半肥瘦,即使放置約1小時, 皮依然鬆脆, 果然明不虛傳, 10個like呀! 中豬果然比乳豬好吃好多! 

今日訂了隻乳豬，差不多1千元，皮係脆，但勁勁勁肥，大部都係肥肥肥膏，真的中招了，好難頂，垃圾桶吃得多過我！所以招牌菜無乳豬，义燒一般，無驚喜，燒肉有味，係鹹味，真係得鹹味，跟白飯一流！

燒肉味鞋、肉韌、皮唔脆有毛、肥瘦不勻 (五舊極瘦、一舊極肥) ；雞雖為新鮮雞、但骨多肉少 ；薑蓉極鹹、油略多 ；飯底合格、不會太硬或太軟 ；切口唔齊、件頭大少嚴重不一甚至未切斷、擺盆相當求其 ；豉油甜味適中，份量合適。整體相當一般，隨處可見，無甚突出之處。

通常每天接孖寶放學時，我都會帶些生果或yoghurt當放學後茶點給他們在車上享用，這天車駛至太子附近，才猛然想起忘記了準備茶點，剛巧經過燒肉界名字響噹噹的永合隆，就買半斤給他們嘆吧。孖寶是食肉獸，有燒肉吃當然喜歡啦:就這樣半斤便要HK$100，很貴耶，但永合隆的燒肉，又真係能做到皮脆肉香，令人食到停唔到口嘅～

日前同朋友講起食燒肉，有人盛讚某酒家嘅燒腩仔幾咁皮脆肉香，幾咁肥肥肉相間，無骨易食，比諸拜神燒肉，優勝百倍云云。聽罷，不勝唏噓，歎現今人既未知靚燒肉嘅標準，亦未聞燒肉界之泰山北斗。感懷之餘，決定去永合隆再嚐燒腩骨嘅滋味。       食燒肉要食燒腩骨，原因好簡單，因為燒腩骨係最能表現燒肉唔同層次嘅美味。外皮燒成芝麻皮，薄而脆;之後半肥瘦肉香滑，油脂香、入口即溶;骨位淡鹹香,骨肉一咬好易分離;最難得係瘦肉部份仍然鬆化，入口無渣，成件燒肉每一部分都處理得好。有人話永合隆，無復當年勇，往昔人龍不再，但我認為，店舖出品無變，而係現今識欣賞嘅人太少，又，只要水準保持，對於真正食家嚟講，永合隆係咪人龍店，WHO CARES?

周六晚上與平日一樣，好多外賣燒臘，堂食更多自由行。1）燒肉保持正常水準，皮脆，肉有碳燒既香味。比一般非碳燒的好很多，脆皮下面的脂肪層也不厚。2）叉燒。已經第二次叫。比上次更差。全部叉燒瘦到一點脂肪也沒有，結果好似食一塊熟到干成一塊，無任何水分的肉。甘都叫叉燒？相像一塊熟透無水分無脂肪的豬肉片，就是這樣。 上次食，交待要肥叉，結果叉燒中間有一丁點肥肉，但也好乾，完全無水分的肉，根本吾好食，這次無特別要求肥叉，因爲上次經驗，叫吾叫根本無分別，睇師傅就手和心情。結果，這次，更差。 甘以爲自己吾夠運，但望下搭台的幾個自由行叫的叉燒，全部與我一樣。真係送比我都吾食，結果他們全部也食剩叉燒。埋單時候，問收錢個貌似老闆既人，夠竟可以吾可以要求肥叉燒，答案如我所料：可以，但要睇師傅有無。 甘即係無咯，睇你運氣。所以，這個店鋪，唯一還可以食的，就祇是燒肉或乳豬。 其他就免提。 不過，全香港都好多燒臘店又係炭燒，又提供非常好食的叉燒。

排隊食燒肉，個店地下好油，由於老爸以前在附近上班，很愛食。今天經過所以一家人去食下。評：D燒肉皮很脆，堅脆，而且肉味鮮不穌，味俾8/10 . 不過＄180一碟，都很貴，五人食一碟加白飯。叉燒真係，又鞋又硬，不好味，而且太健康（太瘦）5/10坐得好唔好，好迫成日有人要搭你台。我們本來5人要分台。後來有四人台走，把我們5人迫進。