永合隆飯店

营业中

休息中

今日叫左碟叉燒，燒肉飯。 諗住叉燒普通野，燒肉話自己出名， 碟飯一上台真係由心內𨳒到出口。 忍唔住影相俾朋友睇，朋友問係咪用來餵狗 D燒肉同叉燒仲瘦過索馬里D人乾。 食之無味道。。。總之心情差到極點。如果唔係怕浪費食物真係想倒佢落地。埋單時我俾佢老闆聽朋友語音, 同時話佢咁既垃圾都可以賣出來真係痴x線。因為要夠200字先可評分， 我為左可以有評分權利要再打多d字出來。 以下內容可以唔睇， 回想起幾年前都試同樣情況所以都有好幾年無幫襯，今日咁啱經過又想食飯諗住無理由咁黑仔既。。。點知難食原來不會是偶然。。。 真係不要再去。

做燒味黎講真係小學雞都不如，港式燒味由細食到大，鋪面間間都差唔多就唔講，講服務先，應該唔駛講根本無服務，叫極唔應，串過碼頭個批。講食物，就必須睇個師傅掂唔掂啦！人地做燒味做到賣相同碟頭攞位都整齊吸引，可惜今日得見六國大封相咁，見到都已經扣一半分，到食物，一碟乳豬拼燒鵝飯，乳豬件還可以但唔鬼俾醬，燒鵝全部係皮同骨，有肉個兩件可惜是臘鴨味，應該係放了很久的，硬身無肉感，無味，難食。五十五元碟飯老實講一定唔會再傷害自己囉。人地話做左咁多年燒味的店一定有返咁上下，如果班師傅阿姐收錢同老板唔係個種以為食老本可以一世不求進步的店就係嘅。眾觀環境，服務，食物，賣相各方面都做得咁出色的老店真係香港唔多了。希望他們會進步吧！

永合隆對於我嚟講唔算係老字號，因為我出世嘅時候都未有佢！後嚟幾歲大先睇住佢開張。不過隨住自己年紀增加，“唔算”老字號都變成老字號了！永合隆係少數一開張已經要排隊買燒肉嘅旺舖，我細個嘅時候喺深水埗，買义燒就去西湖(荔枝角道/北河街)，買燒肉就去永合隆。難得永合隆四十多年都保持舊貌，多年幫襯感覺依然。雖然燒肉最出名，我自己反而最愛叫雞什飯，可惜佢話依家都冇新鮮雞何來雞什，噢！可惜呀～唯有嗌番燒肉飯。另外一樣出名嘅係佢嘅幾十年不變例湯 —— 菜乾豬肺湯，D料多到滿瀉，真係就咁叫多個白飯都可以當一餐。埋單一飯一湯收成六十，梗係算貴啦，但其實佢不嬲都貴，已貴足四十幾年，真係“嫌貴就唔好幫襯吖笨”！講開燒肉，細個嗰陣爺爺(外公)會帶我哋一家坐船去梅窩游水，嗰度榕樹底有檔D燒肉係一生人食過最好食嘅燒肉，每次阿爸都會買燒肉同豬耳過對面飯店坐低食。後嚟深水埗碼頭由通州街搬到冇雷公咁遠，就再少有去梅窩食燒肉。三、四十年前聽人講檔燒肉搬咗上市政街市，請問有冇人知檔嘢仲存在否？

同事上openrice見到呢間燒尾好正咁~~~咁就特登係MK搭MTR落太子買啦!!話近唔近話遠唔遠，不過呢個天氣大熱天時下午點幾鐘都幾係野!!!!去到門口見到間鋪同幾個名星影過相諗住穩陣架啦~~~叫左6盒外賣，叫既時候佢話鵝貴5，OK無問題+俾佢，返到公司一打開嘩........1盒鵝飯得皮包骨無肉食唔知以為自己食緊片皮鴨!!!!另1盒鵝肥過肥豬肉完全食唔到落口，姐係呢1盒入面1舊半舊係咁都冇咁著~~~最慘係舊舊都係咁成盒都唔洗食!!!!切雞飯，成盒得雞骨冇肉!!!再講肥叉飯，買果時已經講左肥叉盡量所以呢樣冇得投訴。另外2個乳豬叉燒飯，乳豬唔係乳豬，皮唔脆，格硬食都食得落既!!!!叉燒又瘦又硬真係送俾我都唔會食果隻總結盒飯又貴又難食~~食左半盒淨飯頂唔順掉左~~~真係食唔落口!!!!最慘係佢都唔係叫平架!!!雙拼55元但俾埋D咁既燒味你!!!!仲要鵝係要+多5元但都係俾埋D頭頭尾尾食骨頭~~~~~!!!唔會再去食~~~重要係靖都唔食LOR!!!!!

食物 3分環境 1分衛生 0分服務 1分 （服务員識攞嘢，不懂清潔）價錢 1分 （双拼65元，一条菜都冇，只有鼓油） 今時今日，咁嘅償钱可以食到咁嘅嘢，善哉善哉！！！！無下次。

咁啱今日經過就買個叉燒燒肉飯食下，點知同以前差咁遠，難食到不能形容，叉燒又乾又韌，燒肉凍既，大家樂仲好食過佢。以前佢啲炭燒味好正，現在冇曬。唔知係唔係頂咗手，定轉咗師傅。以後唔會再去！

朋友跟我說，這是全港十間有炭爐燒製燒味的餐廳之一。每次佢都念口黃咁數呀數，有邊十間。今日佢相約我們一班愛吃之人，星期六晚我們都轉登出來吃。.怎料6:30 已經沒有燒鵝、叉燒等等想吃之菜式。原來搞手無做功課，這家店子會很早賣完所有燒味的呢！.最後我們點了只剩下的乳豬。我們還是吃完這個，先去吃別的吧。.乳豬眼見到已經十分脆皮，爆得很漂亮。而且還是十分油潤。.豬肉充滿調料香，肥瘦相間，味濃而多汁。而那皮不負聚望，十分脆口！我會再再再來吃！.

呢間飯店我由靚仔食到变老野起碼有5O年好多時会由荃灣駕車去買燒肉反每次燒肉新鲜 熱辣辣皮脆肉香不過最近發現食物差左今年初到永合隆買左1合燒肉反'發現啲燒肉凍嘅(反就熱.)初時以為係間中点知最近二次都係咁又期夲星期一下午约6時買左6份1乳豬(2佰元)另7O元叉燒但回家后(约半小時)發現乳都又凍皮又淋义燒好像燒燶樹皮肉冇法咬得入另斬燒肉啲師父問十句說話只答一句未問完就攞旧乳都比你(未经同意)自從老闆走左后就变差左希望以后有所改善

乳豬通常都係過時過節加餸先會食，出街非常少食。不過有一日突然想食，就同男朋友去左呢間傳統既燒味飯店食乳豬飯$55蚊就有大大碟飯同乳豬，正！乳豬皮好薄好脆，唔會一咬落去成啖油出黎，唔知係咪佢呢個做法令個皮好易甩皮下面脂肪唔算厚，脂肪下面有大大舊肉，非常爽滑男朋友叫左叉雞飯$55都不過不失此店燒味都唔會太咸，食完唔會覺得好口乾，幾好見店內其他食客都會叫例湯，但因為我已經食飽晒，所以無叫，下次會試下推介此燒味店，第日加餸斬料都會幫櫬的

未食過一餐飯咁嬲嬲到要開openrice食評警戒大家唔好食呢一間垃圾今日同女朋友去咗太子搵野食行行下想食燒味飯 又太肚餓唔想搵其他野食見到呢一間門面咁舊 好似好有香港味道 以為老字號信心保證 實冇死點知個飯一黎到 就知中伏我女朋友就叫左個叉燒飯 我自己就叫咗個燒肉飯 因為太肚餓嘅關係 入門口都冇睇餐牌價錢 望真啲就出事燒肉飯50蚊叉燒飯45蚊仲要冇湯冇嘢飲 不過如果好食都算個問題係個飯連狗都唔食叉燒飯乾爭爭無肉味 啲飯太霖 豉油汁得2滴 都算 可能個師傅琴日夜瞓但係我個燒肉飯 唔會咁啱掛?正式嚟講佢唔可以叫燒肉 係叫燒豬肥膏95%都係豬肥膏 勁油!!ok fine!!!!!!!我當你係特色但係食到一半 其他幾張枱都同侍應講啲燒肉全部都係肥膏明明打住炭燒燒肉嘅名號但最差嘅竟然係燒肉我真係笑而不語我認我鍵盤戰士唔敢喺店面嘈喺度講出黎希望大家唔好去幫襯呢一間無良食店 侍應態度又差( 嬲到唔記得影相直接走咗)

中午一碟燒肉飯加例湯，飯到跟本唔係燒冏肉，係肉絲or碎飯斬埋頭頭尾尾比人，50蚊一碟...20都比多佢谷氣，要佢換一碟同場有個上左年紀的女人，直情羅埋碟飯出去比個師傅，點知個師傅話：係甘架啦！個收銀女人全程玩手機由細食呢間食到大，宜家搞成甘，really disappointed~

永合隆，一個本地經典港式燒臘老字號....聽不少食友說這裡的出品已今非昔比，而且最重要是環境骯髒之餘又貴服務態度又惡劣。總之是一切可以說盡之壞話，都可用諸以論述此店....事先聲明，我是這裡的老顧客 (儘管經已多年沒有光顧了)。就算店水準是已大不如前，但我想，老店也未至於被彈得一文不值吧?!好，今天就讓我來去求證一下先....甫踏進店，發覺地下已少了那從前有的既髒又黏稠稠的可怕狀況。相對起我上趟來時，已算是大有改進....來得這裡，若不點燒肉的話，便等於是枉來了....但主食上桌之前，例必要加十塊錢喝一碗她的老火例湯....在別的燒臘舖，"例水"大多只是一勺味精水而已....但在這裡喝到的，卻是完全無添加之餘又足料的菜乾湯。除菜乾之外還有一大堆的雜肝等下欄嘢，說要加人工味的便是笑話一樁啦....接著擺在我面前的，是一大碟的燒肉鵝飯....今天真的夠運，竟在沒有加錢要脾位的情況下能吃到厚肉的鵝脾，可說是食神歸位了....鵝肉不算很嫩；皮亦不見得薄而脆。說實在，真的是很普通....招牌燒肉看上去依然不靚仔賣相粗糙，但食落去，肉不柴不韌之外皮是鬆化香脆到極。招牌不愧是招牌....但對我來講，

今天和家人到了太子，原本打算到大南街的餃子店吃晚餐，但去到了才知道店子逢星期日休息。家人說附近的永合隆燒肉很好，於是便一同前去試試。舖面很傳統，有幾位老師傅負責斬燒肉义燒...等。店內木枱木櫈，是傳統不能久坐的格局。那時下午6:30分左右，已差不多坐滿了。要試當然是點它最出名的燒肉飯。看到隣桌的菜乾湯好像不錯，也就都叫了一碗。燒肉樣子看來比較肥，吃落皮也不夠脆，飯也不夠熱。反而，十元的豬肺菜乾湯不錯。不油膩，有菜乾味。飲完發現有些羅漢果殼，應有用羅漢果煲。

好耐無食過呢間馳名的燒味檔. 幾年前仲係中學生的時候係附近補習. 所以每逢補習前就會黎醫一醫肚. 果陣燒肉陣陣芳香. 皮脆肉嫩. 食一啖就已經停唔到口!!! 繼續食繼續食事隔幾年. 今日路過太子. 又想起脆皮燒肉的味道. 不自覺地走進老店. 叫左碟叉燒燒肉飯噢. 不過阿姐話無哂叉燒. 咁唯有食白切雞燒肉飯一出場. 好大碟喎. 嗯..... 但點解d 飯咁水既... 貌似好多舊肉. 但反一反. d 雞得皮同脂肪既乍喎.... 白切雞肉鞋口又乾身. 皮硬又多毛. 燒肉皮已軟哂. 脂肪層鬆散唔實淨. 肉感硬實又太咸. 最下面的一層另加咸到變哂黑色莫講話要做到層肉層脂咁整齊有口感. 連快餐店質素都達唔到 ...仲要收貴到55 蚊 真係回憶破滅. 叫我點有信心再黎幫襯

今日早收工，忽然好想食燒肉飯，不期然便想起這裏；以前經常到這買外賣燒味，但近年水準有所下降，因此也有一段日子沒有來幫襯了。店內人流明顯比以前小，只有小貓三四隻，是否已真的不復當年勇？主要想吃燒肉，但又覺得單調了一點，那就要叉燒燒肉飯吧。叉燒燒肉飯～ 部份叉燒肥瘦分明，油脂分布平均，實屬佳品；燒肉雖然不是熱辣辣的，但皮仍然是非常之鬆脆，肉質偏瘦但唔會嚡口，水準之作。反而配角的飯是最差的，水份過多，部份還會粘在一起，有食糊仔的感覺。這樣簡單的收條（只有銀碼），現在實在少見，相信沒有一定日子的店舗，也沒有這樣用了。