永合隆飯店

营业中

休息中

今晚放工買左個叉燒燒肉飯加例湯外賣，點知返到屋企一打開盒飯，竟然只係得燒肉！雖然一定搭兩件唔係頭就尾，但今次5舊燒肉搭左2舊剩肥膏加塊硬皮又冇肉，1舊豬骨，剩低可以食既肉只得2舊，但其中1舊硬到乾，双拼價錢買得2舊燒肉，簡直錢！！打去舖頭，一句唔好意思都冇，只係重覆講"唔係我斬"，叫我落去舖頭換！大佬呀！放左工已經散晒！買左飯盒返左屋企換晒衫準備食飯重要走番落去....咪玩啦！重問我想點！完全冇誠意！駛唔駛我教呀？你可以講"唔好意思，你隨時落黎我哋斬番D叉燒比你"，個客咪冇禁嬲囉！其實上次買已經好差，只不過因為幫襯左好多年，比多次機會佢，點知重衰！呢個價錢旺區好多地方都食到，重送例湯！唔需要食頭同尾！