水門雞飯 (萬勤商業大廈)

营业中

休息中

到咗9月天氣仍然都係好熱,想食點酸may may嘅嘢, 朋友就帶咗我去食一間比較新潮嘅泰國餐廳.海鮮冬陰功湯金粉其實都唔使點諗, 就嗌咗呢個冬陰功金邊粉, 海鮮唔係急凍嗰啲, 而係有新鮮蝦,魷魚,同埋青口, 個湯底好鬼濃郁, 食得出佢落咗唔少青檸汁，就算佢係有椰汁底都唔會好有飽滯感, 另外仲有好多香草感覺清新好多! 朋友點嘅係鳳尾蝦炒金邊粉, 除咗有新鮮蝦之外,仲有炒蛋碎同花生碎, 成碟嘢好香. 另外, 仲叫咗芒果冰和泰式檸茶, 芒果冰唔會一味死甜又會食多啲芒果肉添, 而泰式檸茶, 茶底好夠濃郁, 檸味都好足, 十分解渴. 順帶一提, 呢度員工服務都幾好, 食得好愉快.

今日如常咁叫網上外賣平台~ 點知食食下有舊硬物夾係飯入面～ 原來係一塊硬膠～ 好彩我無吞落肚～ 完全唔明白點解可以有塊硬膠碎片係入面～ 有無人可以解釋下？Btw..初初叫水門三寶雞飯啲分量真係大份啲～ 依定啲水準越來越飄忽～ 三寶雞飯入面得兩舊炸雞都見過～ 真心覺得比早幾個月差左好多~

聽同事講得多，今日總算有機會黎試下！每日到食飯時間就勁多人，客似雲來！今日遲左少少放lunch，唔洗點等位。同朋友兩個食，叫甘多碟好似有啲誇張秘汁泰式生蝦一碟六只，大大只，蝦肉晶瑩剔透，食落好爽，好新鮮！點埋個酸辣汁食，正呀！作為前菜一流！泰式炒通菜好香馬拉盞同蒜蓉味，通菜炒得好爽，沾晒啲汁！正！泰式無骨豬手好大份！啖啖肉！多骨膠原之外又唔會好肥膩。鹵水醃得好入味，好香！芒果冰熱辣辣既天氣飲返杯芒果冰係最佳既享受！爽呀！

呢度都幾多人喎，坐滿人呀！都幾多款食物揀！有下午茶餐，價格平啲，有幾款揀！加$20幾蚊仲有個小食水門雞飯試下個招牌水門雞飯先！配雞骨湯。雞肉都幾多，啖啖肉，夠嫩滑，雞皮爽！配埋個秘製汁，好夾！好味！雞骨湯個湯清甜，有雞香味，最緊要係無物油！西蘭花炒鳳尾蝦鳳尾蝦好大只，夠新鮮，所以肉質好爽口！西蘭花個汁好味，炒得惹味！芒果糯米飯最愛既芒果糥米飯！！芒果好甜好香！椰漿都好椰味，夾住糯米飯食無得頂！大愛！整體上唔錯！

這間位於尖沙咀的泰國水門雞飯，之前每次經過門口總是要排隊，剛巧今天經過不用排隊，而且立刻有位，於是就試一試！叫了一個水門雞飯，及一個雙併飯(水門雞及炸雞)，雞非常滑，又嫩口就算係炸雞，都好食，另外仲有其他泰國粉麵，下次可以再試下

想食地道少少既泰國野都唔洗去九龍城既，尖沙咀就得！泰式無骨豬手喜歡呢道菜！首先，豬手無骨啖啖肉，唔係lun骨，岩晒我！另外，豬手夠稔又鹵得好入味，好好味！鳳尾蝦炒金邊粉用我最中意既泰式辣醬去炒，岩晒唔係好食得辣既我，又有泰式風味！蝦大只又爽口，喜歡既撈埋啲辣椒乾同花生去食，又另一番風味！泰式檸茶夏天飲杯凍飲，即刻消暑！秘汁泰式生蝦生蝦好鮮甜，個醬汁好香，辣辣地，好惹味！價錢唔貴，份量都好足，滿足既一餐！

好耐無食過泰式野啦，係尖沙咀行街見到幾吸引就即刻入去食啦！食送菜幾大碟！擺滿一枱！秘汁泰式生蝦食泰菜又點少得生蝦呢？生蝦好大只下，好新鮮，食落好爽口，肉質清甜！最正係個秘汁！同出面食開既唔同，好香，酸酸辣辣！正！水門雞飯雞肉好嫩滑，點埋個好濃既汁，咸咸地，好夾，好味！西蘭花炒鳳尾蝦有鑊香，炒到好香！蝦肉好爽口。泰式炒通菜超惹味！通菜夠嫩，唔會好老，食落爽口。微辣，好香蒜味！送飯一流！餐廳整體上唔錢，值得再去！

係水門雞飯當然要食水門雞飯，簡單沒有任何配料，證明有信心只係一碟雞飯就足夠，唔需要任何配角。的確味道和星加坡一些出名名店一樣，雞肉十分嫩滑，而且啖啖肉，超好送飯西蘭花炒鳳尾蝦簡單的小菜，其實食泰國野好少可見到，由其幾似中式茶咁，不過都帶點泰國的風味最重要隻鳳尾蝦都幾大隻，拎黎送雞飯一流，。芒果糯米飯食泰國野講到甜品又唔少得芒果糯米飯，份量比想像中大份，芒果當然香甜，再加上微熱軟糯的糯米飯，質素黎講都唔錯。

今日公司開會開到三點幾先放飯，真係餓到阿媽都唔認得，同事介紹去食泰國嘢嘅下午茶，簡直係喜出望外之旅。我嗌左個海鮮冬陰公湯金邊粉，滿足晒我可以飲冬陰公又可以填飽我空虛嘅肚，海鮮好足料，湯底完全有驚喜，湯底肯定用左好多香料去煮，好似遊走泰國嘅感覺，加埋個脆脆吸晒啲湯未，一試難忘可回頭。同事就揀咗個海南雞飯，唔算話好特別但係個飯好香，啲雞仲好滑添。由於我地餓到七彩，所以我哋仲share左個西蘭花炒鳳尾蝦，啲蝦勁彈牙，配料好多，下午茶來講呢個質素真係估佢唔到。

收藏左一排既水門雞飯，今晚終於去一嘗，門面同裡面既裝修不一，門面比較吸睛，裡面有種置身於泰國的感覺。先來個湯，一飲就覺得中伏，所以飲左一啖就放棄，超重胡椒味，個人不太喜歡。水門雞飯最期待就係呢個水門雞飯！先講個飯，入口有雞油香而又唔膩。再試雞件，肉質偏鞋身，又冇咩雞味，好失望呢！泰北清冬陰魚片湯粉男朋友知我喜歡食魚，所以就揀左呢個魚片湯粉。裡面配料除左有魚片，仲有幾隻蜆、草菇。魚片滑嫩，蜆肉鮮甜，但男朋友表示食到隻係有沙。呢個泰北清冬陰湯底同平時冬陰湯好唔同，味道較清淡，略帶點微辣，辣度大概係譚仔既10小辣。不過不失的一餐飯，試過一次就夠啦。另外想講講店員的服務態度真的很一般，強迫客人怎樣坐，口吻亦不友善，去過的人就會明。

For those of you who know me, I am an active fan of the athai cusine, so today I took on a journey across the harbor to check on this local joint. The decoration is quite minimal, and seeing the storefront full of hanging chicken is weirdly appetising. For starter, I ordered the Thai style water spinach. It's quite delicious!I also loved the shrimp sashimi and boneless pork feet.The porkfeet is slightly sweeter than what I like but still very tender and moist.They always say you have to have the

呢間水門雞飯好似本身得大埔先有，但半年前到係尖沙咀都開左分店，所以就突登黎左試下。黎到既時間咁岩係晏晝放飯時間，發現都幾多打工仔黎食，再遲少少黎應該都要等位。一坐低望下個menu，梗係就要叫佢個招牌菜「水門雞飯」黎試下啦。原來lunch係包埋野飲，唔係淨係包普通檸茶檸水，而係泰式奶茶、龍眼冰等等個d都得，60幾蚊都幾抵食。個飯未黎之前會上左個湯先，唔係好知係咩湯不過入面有舊冬瓜，仲要勁重胡椒粉味，唔鍾意既應該會覺得有d辣。個飯都好快就送到，雞既數量都算多，最重要係超級滑，一d都唔老！下面既飯都唔係普通白飯，而係雞油飯，勁香，配埋佢俾既酸辣汁真係食慾大增

I really miss this Thai chicken rice. When I went there on Saturday it wasn’t that many people. Me and my friend ordered the famous chicken rice and it arrived within a minute. The chicken was smooth and tender, the sauce really lift up the flavour. The rice was tasty and oily. We also ordered the fried cabbage with pork belly, it smell so good! The pork belly was meaty and juicy. The cabbage was crunchy and flavourful. The sauce they used was delicious!

市道淡靜, 連尖沙咀人流都減少😣變相排隊店都易去咗😛趁機黎到尖咀新晉雞飯「水門雞飯」呢個過江龍🇹🇭  晚上7,8點黎到, 唔駛排隊🤔但店內都全滿。今日又係孤獨的美食家模式, 一個人好快有位坐。舖頭格局似泰國當地店, 金屬枱櫈, 純白燈光💡 加埋入面既燒味掛架玻璃窗, 都有7成風味, 好彩唔駛吹風扇🌬️有冷氣❄️不過店舖開得係旺區, 少不免要加埋香港元素「迫」😑 基本上係坐到背靠背好似運動衫品牌Kappa個公仔咁, 還好同隔離枱唔駛手踭掂手踭🙄 Menu我嫌佢太複雜, 飯有5款, 湯河8款, 小食10款, 飲品都20款 😩 為咗試菜, 我揀咗水門三寶雞飯; 上菜速度接近光速🏃‍♂️杯泰式鴛鴦同碟飯, 應該3分鐘都無就出現係我面前。由於現場擁擠既情形, 請原諒小弟無機會擺好碟黎影相📸 先講白卥水 (店家叫做雞骨湯)🍲 其實應該係整作海南雞既副產品, 一飲落口, 鹹到有啲「那」喉😥應該係加咗好重鹽去處理。還好個切雞唔係同一隻味, 否則真係要差評👎 飯既賣相係樣衰架喇, 油飯色澤偏白, 油香無乜, 僅僅比白飯多少少味道😑本人習慣係淋湯或者薑蓉去飯度一齊食, 但今日個湯既鹹度令我卻步❌至於炸雞, 炸粉

自從公司附近開左水門雞飯，久唔久都會去食，鍾意佢味道夠正宗，夠道地，好合我口味。每次都一定會叫水門雞飯，今次想試下其他野，怕太飽，所以就食少一次水門雞飯啦！秘汁泰式生蝦食泰國野一定要食泰式生蝦架！今次呢個有驚喜！首先生蝦好鮮甜，重點在個秘製汁，酸酸甜甜帶點微辣，味道好特別，這個必試！西蘭花炒鳳尾蝦睇落好簡單既一味餸，有蝦有西蘭花有菇有紅蘿蔔，蝦新鮮彈牙，西蘭花爽脆，調味好惹味！泰式無骨豬手豬手啖啖肉，膠質好豐富，個泰式卥汁好香濃，好下飯，一定要用來送飯呢！芒果糯米飯第二個胃留來食甜品，酸甜既水仙芒同椰汁糯米飯味道真係好夾，明明已經好飽，但都可以ko一整份呀！