水門雞飯 (萬勤商業大廈)

营业中

休息中

去泰國，一定會去食水門雞飯，而家香港都有得食啦！雖然無泰國咁抵食，不過份量好肉比泰國既大碟。雞肉一樣嫩滑，點埋特有既醬汁再配油飯食，好滋味。不過泰式奶茶就甜左啲啦。

「水門雞飯」黎到時其實呆左呆，堆成半圓嘅油飯上面蓋住幾件雞肉，一碟汁、一碗清湯，分量真係唔多，望上去普通不過，食落就感受到廚師深厚功力！雞油飯粒粒分明，口感煙韌，飯香油香撲鼻，乾爽唔黏膩雞肉全去骨，滑得黎有趙口，好有雞味，皮下冇乜脂肪；豉油汁入面有辣椒、薑片，只食到小辣嘅我都覺得好正！香辣惹味，同充滿雞味嘅雞肉簡直係perfect match！最大反差係雞湯，睇上去只係一碗平淡嘅清湯，飲落竟然有濃濃胡椒味，感覺有少少似肉骨茶，精神為之一振！「鳳尾蝦炒金邊粉」望落豐富好多，做到乾炒牛河果種鑊氣，煙煙韌韌，入面有炒到好香口嘅雞蛋同豆卜，支埋青檸汁、撈埋花生碎，好有層次鳳尾蝦有4隻，啖啖肉又爽口

今日禮拜日，入尖沙咀同朋友食曼谷嘅水門雞飯。冇得去泰國，唯有喺香港食一食，當自己去咗旅行啦。😭😭一入到去個裝修其實都幾似泰國嗰間，咁就諗都唔諗梗係叫一個海南雞飯，另外一個就叫咗有炸雞嘅。海南雞飯啲雞好滑，佢啲食水同泰國嗰啲真係一樣，啲雞皮色係淡少少。但係最估唔到嘅事朋友叫嗰個炸雞版，啲炸雞都非常之好食。另外仲加咗啲雞腎，但係就普普通通咁啦。都有嗌左佢啲特色飲品，柚子物啊嗰啲。但係都冇乜特別，好耐冇食泰國嗰間都係純粹攞下個感覺。🤣🤣總括來講可以唔使去泰國就有得食泰國版本嘅海南雞飯，感覺係唔錯嘅。😁😁

其實耐唔耐都會過黎呢間食lunch或者下午茶，間唔中出尖沙咀睇戲都會特登過番呢邊食呢個水門雞飯。早幾日再同同事過左黎食晏，好好彩唔洗等，有時過到黎見到太多人排，最終會食唔到。今次都係叫左水門雞飯同埋生牛肉牛丸湯河。同事既水門雞飯，油飯一向都好夠味，又夠香，濕潤既程度剛剛好，雞肉亦都滑。我平時就唔太鐘意點佢個醬汁，因為我覺得太濃味，而且佢既雞肉都無腥味，就咁食都好好食。叫水門雞飯仲會送多一碗湯，好重胡椒味，好飲！我今次叫左生牛肉牛丸湯河，牛肉普通，我覺得無乜牛肉味。但係牛丸好好食，好彈牙，而且咬落唔係平時加左好多粉整個種口感，仲有淡淡既黑椒味。湯我就覺得還可以，因為我本身鐘意意酸或者辣既湯，所以我每次叫呢個粉都會落好多佢擺係枱既橙橙地色個醋（？）加上呢間既河粉亦夠滑，加埋一齊無得頂！最後係每次都叫既泰式奶茶，好濃好好味！！！真係每次黎親都會叫呢個飲，不過有時會甜左啲，睇佢手勢，不過overall 都ok既，唔會話甜到飲唔落。

午市同下午茶都有套餐，午餐$60海南雞飯餐, 如果想再便宜點，單叫飯$50都已經有，價錢以尖沙咀區來說都算便宜。而質素都還可以，都算滑，不過可以更多肉少皮！套餐有湯，比較咸。龍眼水和泰式奶茶都濃郁。整體都值得一試的。

我一年點都要去一次泰國...仲要每次都住水門附近...就係要探下d美食最近公司附近開左間自稱"水門雞飯"就試下你！一到去坐低..裝修走平民路線..大大個泰文招牌..d雞掛哂出黎..好有泰國地道風味..好有feel係泰國地道upgrade版..因為呢度冷氣夠呢度有main menu同午餐..細心一睇..其實分別唔大..只係午餐價錢多少少但包飲品咁囉...唔飲野ge其實可以單點黎得呢度梗係要試佢招牌啦~水門雞飯 $50 (單點)份量其實同泰國個d一樣...但價錢...貴幾倍但呢度係香港..無計啦...我想講講佢個汁..我可以大聲講..佢地個汁係我食過咁多間泰國菜入面..最最最近似泰國個隻味！！！！！！！！！仲要係水門粉紅色衫個間呀！！！！！！入面係有埋ginger粒同chili粒！完美還原泰國味！ 泰國粉紅色衫雞飯 fans可以黎呢度一解單思之苦！因為個汁太出色..都唔記得左個油飯同雞係點另外我地仲單點左2樣野泰式無骨豬手 $88又係另一完美還原泰國風味..豬手好淋..個d骨膠原入口即溶肉同皮係分開上ge..覺得骨膠原太肥..可以食肉...d肉又係炆到勁淋，而且好入味炸黃門鱔魚皮 $48呢

最近得知尖咀開左間泰國水門雞餐廳平時都鐘意食海南雞飯既我緊系要去試一試啦環境就真系比較普通，而且坐位都唔系太舒服不過最緊要都系睇食物質素lunch有set叫既，大約貴12蚊包埋野飲咁就叫左個海南雞飯+泰式奶茶油雞飯味道偏淡，所以我撈埋佢個汁食個汁一流，帶點微辣，好惹味，點雞撈飯冇得輸雞肉好滑，冇骨，皮同肉之間都唔會好肥，正仲跟個冬瓜湯，有d胡椒味，唔錯泰奶都系泰國野必飲，個色同普通奶茶唔同不過我覺得偏甜，下次應該要叫少甜有陣獨特既香味，唔錯炸魚皮高質，系連埋骨炸既，炸到好脆有咬口，可惜分量太少淨豬手滿滿既骨膠原，而且起曬骨，全部都系肉雖然好多系皮，但系唔會覺得好肥好膩食落仲有d 張住個口既feel，值得推介食物素質唔錯，美中不足系個環境比較差坐得唔系咁舒服～ 叫外賣既話應該好d而且lunch時間比較多人食完好快就收曬d野想趕你走

朋友同我講每逢Lunch time總會見到呢家餐廳大排長龍，好好彩我今次黎到等咗無幾耐就有位。今次encore既係雙拼海南雞飯，有切雞加炸雞。有時淨切雞我覺得味道寡咗少少，所以加埋炸雞啲調味粉就岩岩好。雖然睇落份量偏細，但女仔既話，一碟飯加埋送既雞湯已經好夠飽。呢度既味道的確似曼谷食到既雞飯。但當然似水門雞既同時，平時鐘意食開油雞滑雞既話可能就會覺得鞋口啲喇。下次再黎就應該一於試下湯河啦。

今日肥雞去咗呢一間叫水門雞嘅泰式餐廳食飯，因為聽人講佢嘅泰國菜做得唔錯，價錢又相宜，所以就約咗朋友一齊食。泰式炒通菜去到泰國餐廳必要嘅菜式!非常濃味!佢嘅通菜好新鮮冇渣，有馬拉盞嗰種調味，所以非常惹味，攞嚟撈飯一流。泰式無骨豬手肥雞最鍾意食豬手，佢個皮非常之爽口彈牙，但又一啲都唔肥膩!再加埋佢嘅滷水汁甜甜地， 分量又多，真係滿足曬肥雞嘅胃口。秘汁泰式生蝦呢個係肥雞嘅朋友想試，所以叫咗黎試下 。佢嘅蝦肉好新鮮，一啲雪味都冇，食落去幾清甜。 而佢嘅汁係偏酸偏辣，所以食落去除咗食到蝦嗰種鮮甜味，仲食到青檸汁嗰一隻酸辣味，真係勁開胃。泰式檸茶 泰式奶茶個檸茶好夠酸，超級好飲，肥雞係鍾意飲勁酸嘅檸茶!而佢嘅泰式奶茶好似喺泰國飲嗰隻，超重茶味，而且偏甜，非常之地道。

肥妹仔其實好鍾意食泰國菜，尤其是佢嘅雞飯!肥妹仔喺泰國食完，一試難忘，知道香港有一間叫水門雞，聽聞佢嘅味道同泰國好相似，好道地，於是今次就去試下。水門雞飯啲雞非常嫩滑，好香雞油味，而且雞嘅份量好多，一啲都唔吝嗇。佢嘅飯係油飯，食落去好香雞油嘅味道，油性十足，鍾意食雞飯嘅朋友定要試。芒果冰嚟得食泰國嘢又點會唔食芒果冰呀？佢嘅芒果冰好清甜，芒果唔酸。泰式無骨豬手肥妹仔嘅朋友就試咗呢一個無骨豬手，非常好食!個豬皮非常彈牙，好香滷水汁味，啲豬手有一啲都唔鞋， 鍾意食骨膠原嘅朋友呢一個一定可以滿足到你。海鮮冬陰功湯金粉另外我哋仲要咗一個海鮮冬陰功湯一齊分享嚟食。好多海鮮配料，有蝦，青口，魷魚等等，再配上菇類，飲落去又酸又辣，仲有海鮮嘅清甜， 好正!而佢嘅粉煮得剛剛好，唔會太軟或者太硬，呢一個肥妹仔強推。

【水門雞飯 親民價錢 不過不失】正宗泰國菜用上多種香料，比港式小炒調味更重口味，刺激味蕾，係唔少香港人最愛。呢開泰國過江龍，打住水門雞旗號，試過覺得的確唔錯，價錢尖沙咀食飯嚟講，唔食環境淨睇食物叫做好貼地啦！海南雞飯（$ 58下午茶）雞肉結實，皮同肉之間有嗰層海南雞獨有嘅啫哩，沾上配備嘅辣豉油醬汁，三四舊雞已經可以送曬成碗飯。附上嘅瓜湯都入口清甜，唔係普通味精湯。但係油飯嚟講就比較普通，有油但唔夠香，撈嘅雞油唔夠多。泰式炒牛河（$ 60下午茶）偉大嘅廚神Gordon Ramsey都曾經俾一位正宗泰廚話過，Pad Thai has to be sweet, sour and salty〜雖然呢碟唔伇Pad Thai，泰式炒牛河叫Pad See Ew（含牛肉），但佢都係完全唔夠調味，唔咸亦唔辣，要自己加豉油。河粉未炒散就上碟，有啲黏住一舊舊。泰式奶茶（下午茶跟餐）呢杯嘢就真係比較正宗，見到廚房都係用手標牌茶葉沖，顏色偏橙，帶有煉奶香，下午茶仲免費跟餐送嘅飲品，出去買杯奶茶都$ 30啦，所以呢個位真系好抵！

我一直都聽聞尖沙咀開左水門雞飯去親曼谷都要食幾次嘅我 又點可以唔黎試今日趁放假12點幾嚟到 唔使排隊就可以人裝修都好新淨 有啲拳套喺牆上面仲有呢啲裝飾 都幾趣致因為係lunch所以有餐食一個餐都係60幾蚊 香港來講算係咁冇咩可能好似泰國咁平我哋兩個都叫咗雞飯仲有湯飲 都幾解渴個雞飯啲雞好嫩 但就冇乜雞味啲飯都完全冇雞油味 可能一般嘅海南雞飯仲好食跟餐有送一杯嘢飲一杯要左香茅特飲 令一杯就要咗正宗嘅泰國奶茶香茅特飲味道好清新但個味道都好重 鍾意香茅嘅人就千祈唔好錯過泰國奶茶不過不失 冇乜太大驚喜店員個個都好似好忙 我哋一路食都好多人入嚟 都好多人嗌外賣

去食泰國嘢，都會諗起辣辣酸酸重口味重調味嘅嘢，今次就有啲唔同！ 今日首先試左水門雞飯，感覺有啲似海南雞飯，件件雞都幾大件，好肉質，皮薄肉嫩而且無骨，個雞油飯唔太油又唔太鹹，飯味好吸引，另外有個雞骨湯看似清但其實係濃香味十足！ 朋友點左泰式無骨豬手，可以話係骨膠原爆棚，食得出有彈性，又唔太肥！泰式生蝦嘅蝦都幾新鮮，口感爽脆，連埋啲秘製醬汁，更加清新！依度嘅裝修雖然簡約, 但有風味, 食物種類有特色, 地點又方便, 我用咗舊嗰啲真係wendy嗰啲跟住減返係咁樣囉會推介畀朋友仔試下!

今日同班朋友約咗去食水門雞飯之前同佢哋去泰國已經成日食差唔多一日食一次先夠依家開咗真係實在太開心了我哋發現呢度唔止雞飯仲有其他嘢食見到個餐牌咁吸引所以都係下次先食雞飯大頭蝦冬陰功湯河個冬陰公湯超級好飲而且都好夠辣亦都有椰奶香易啲蝦亦都好大隻芒果糯米飯呢度竟然有我嘅至愛芒果糯米飯啲糯米煮到好香而且唔會煮得太林鳳尾蝦炒金邊粉亦都有我最愛嘅金邊粉佢呢度唔會炒得太油膩但係又有小小辣好惹味我同朋友都非常之滿意

水門雞飯喺泰國就食得多香港就真係未食過行過經過見到即刻就好想入去食入到去見到餐牌佢呢度比起泰國嘅款式多好多喺泰國剩係得雞同飯呢度有好多唔同嘅菜式所以今日我哋就叫咗西蘭花炒鳳尾蝦啲蝦食得出好新鮮爽口彈牙而且炒埋一齊有一個好惹味啊感覺泰式炒通菜泰式炒通菜又唔會太咸因為喺其他餐廳試過食得好鹹秘汁泰式生蝦啲生蝦亦都好新鮮而且配埋特製嘅酸甜醬真係一流泰式無骨豬手啲豬手啖啖肉非常之正而且亦都煮得啱啱好唔會太淋