水門雞飯 (萬勤商業大廈)

营业中

休息中

泰國食完水門雞飯就成日心思思想食，雖然香港就貴好多，但為左滿足下返工返得咁辛苦，都係排隊試下🤤🤤🤤泰式奶茶☕️雖然泰式奶茶不嬲味道偏甜，但呢間嘅奶茶飲落去唔係得個甜字，茶味都幾濃仲有少少炭燒味，啱晒用嚟解辣水門雞飯🐔 食落去d雞都算幾滑，而且無咩肥膏，不過唔點個豉油嘅話就無咩味，好似食緊白切雞咁😂😂但個油飯就唔錯，煮到啱啱好而且飯粒分明，個飯會配個胡椒冬瓜湯鳳尾蝦金邊粉🦐一碟會有4隻蝦，仲有好細粒嘅蝦皮，食落去辣辣地又甜甜地，又唔會好似食炒河咁油膩，會令到人想keep住食落去👍🏻👍🏻👍🏻如果唔想食咁辣，可以係撈之前整走少少辣椒粉

最近實在太忙了，已經好耐無返鄉下(曼谷)，香港勝在泰國餐廳多，得閒食返餐也可止下渴~通常都係去九龍城食泰國野，今次去尖沙咀食下地道水門雞飯先~水門雞飯雞肉唔肥，肉質非常嫩滑，油飯夠哂香，一邊食一邊感受到泰國既地道風味~海鮮冬陰功湯金邊粉泰國菜我最愛吃之一一定係冬陰功呀~呢個海鮮冬陰功非常足料，配有大隻鮮蝦，鮮鱿，酸酸辣辣味道好正宗，吸左湯既金邊粉好正呀~鳳尾蝦炒金邊粉賣相100分，金邊粉炒得有鑊氣，同樣配有大隻鮮蝦，吱埋d桔仔汁去吊味，真係大滿足~芒果糯米飯最後一定一定唔少得芒果糯米飯，泰國芒果特別清甜，糯米粉軟糯，加埋香甜椰汁一齊食，真係好完美~泰式檸茶另外亦叫左一杯泰式檸茶，酸酸甜甜好解喝~

這日和朋友來到尖沙咀，逛街逛到腳也累了，很想找個地方坐下來吃個飯，便來到這間有泰國人開辦的餐館，品嘗地道的泰式味道。望一望餐牌，就被其中一款龍蝦金邊粉吸引着，很久沒有吃海鮮了，便立即叫了一客。龍蝦鉗足足有整個湯碗那麼大，輕輕撬開外殼，便看見裏面飽滿的龍蝦肉，烹調時間拿捏得好，肉質保持鮮甜，質地嫩滑，配合海鮮湯和湯粉，非常好吃。朋友叫了一個海南雞飯，雖然不是特別款式，但質素也不錯，雞肉明顯過個凍水，所以肉質特別鮮嫩，也能保持新鮮雞肉味，整個飯給香口。食晚飯怎能沒有甜品，和朋友分享了一個芒果糯米飯，芒果新鮮，入口清甜，椰漿醬汁調校得剛好，不太甜，又充滿椰香和椰奶的味道，製作果然用心。

行過見到招牌唔知寫乜，見到食雞飯咁，再望下原來泰國野，見個門口咁有趣，應該都唔太差大頭蝦冬陰功湯河一黎就見到大大隻蝦，已經十分的吸引，泰國的湯河，無太大的配料，但個湯底就一定要夠入味夠哂濃，剩係湯底都超惹味，而且仲有少少丸，很滿足芒果冰香港人鍾意飲特色飲品，講到泰國的，當然少不了芒果冰，香甜的芒果，但唔會過份的人工甜鳳尾蝦炒金邊粉金邊粉係我食泰國野，都最想食的菜式，夠哂鑊氣的金邊粉，再加上隻隻都超大的鳳尾蝦，而且仲幾大碟，其實價錢黎講都幾抵食

今日朋友帶咗我去食泰國菜，渡過左好滿足嘅晚上。價錢亦都唔會太貴，我啱啱放工同朋友去食。我哋分別帶咗三款食物，分別係秘汁泰式生蝦，泰式炒通菜同鳳尾蝦炒金邊粉。而當中我最鍾意就係秘汁泰式生蝦，食泰國嘢嗌生蝦是常識吧😆呢度既生蝦好新鮮，咬落去爽口彈牙。不得不提嘅係佢嘅秘製醬汁，唔會係得辣味咁單一，令到生蝦更加香口惹味，朋友食完都讚不絕口。而泰式炒通菜就好有鑊氣，上菜時熱辣辣，有少少辣，但唔會話好難接受，就算唔食得辣都會接受到的。而鳳尾蝦炒金邊粉同樣火候十足，炒得夠乾身，唔會黐埋一舊，條條分明，蝦肉都彈牙，唔錯。夏天咁熱當然唔少得一杯沙冰，我哋就叫咗一杯芒果冰，飲完即刻爽晒。而且呢度嘅服務態度都值得一讚，店員好有笑容同禮貌，有問必答☺️

#中意嘅請分享請點讚🍻----------😋生牛肉扎肉冬陰功湯 $51生牛肉肥瘦均勻，食落唔會好韌。扎肉就比較普通。河粉係比較闊身，唔會煮到好淋。我期望嘅冬陰功湯底係酸酸辣辣，但呢度嘅冬陰功係比較酸冇乜辣味。-😋水門雙拼炸雞飯 $52想一次試2款雞就可以叫雙拼，雙拼有白切雞同炸雞，配有2款自家製醬汁。白切雞好嫩滑，又唔會好肥。炸雞香脆又唔會好乾身，沾上自己製醬汁更加好味。而雞飯比較乾身唔會加左好多油。叫飯嘅都會送一碗湯，不過雞湯胡椒味太重又太鹹。-😋泰式炒通菜 $52通菜份量岩岩好，又唔會太鹹， 加左蒜蓉同辣椒所以好香。-😋凍泰式奶茶 $20顏色好深色，好似黃泥水咁，奶味重，所以唔係好飲到茶味，同平時嘅泰式奶茶一樣偏甜。----------🚩水門雞飯🔎尖沙咀金馬倫道18號萬勤商業大廈地舖🔎大埔汀角路11號地舖

出開尖沙咀，拎淘寶貨行街之餘，肚餓就搵食～泰國野呀～～～ 一直都鐘意泰菜夠惹味～ 呢日要左個大頭蝦冬陰功湯河隻蝦除左頭大，其實個身都好大～ 肉質實的的，又夠鮮。 冬蔭公湯底夠香辣惹味，配料又多，有草菇，白茄子等，仲有泰式脆片添。河粉又滑，份量足。兩個女仔都夠食～仲嗌多碟泰式炒通菜，超有鍋氣夠晒香㷫 👍🏻食飽，飲啖茶，再嗌多個芒果糯米飯做甜品 😋超大碟，好似食極都有咁 😂 糯米飯甜甜糯糯，配住酸甜芒果一齊食，簡直係天作絕配 😋😋😋

同朋友去做完運動，餓到手軟腳軟，求其入了一間餐廳食飯。兩個人叫了幾款小菜及一個水門雞飯。泰式無骨豬手份量頗多，豬手醃過，外層似滷水汁的顏色，豬皮炆至入口溶化，肉質鬆化，油脂入口帶甘香，完全不覺油膩。這個西蘭花炒鳳尾蝦的蝦仁不算多，只有四隻，但蝦肉新鮮爽彈，有些新鮮蘑菇炒在一起，西蘭花及椰菜花炒得爽口不腍身。做完運動，所以都想食得健康一點，所以再點多個泰式炒通菜，帶點蒜椒辣味，通菜翠綠，又嫩又脆。最後一定要試這裏最出名的水門雞飯，雞胸已去骨，十分嫩滑。

懷念曼谷的綠色水門雞飯今天就來到尖沙咀的水門雞飯菜單見到鳳尾蝦炒金邊粉就毫不猶豫炒金邊粉非常大份即叫即炒有鑊氣調味地道和泰國吃到的分別不大灑幾滴檸檬汁味道更加突出秘汁泰式生蝦別具泰式風味生蝦味淡然但加了泰汁後脫胎換骨一口接一口不知不覺就吃罷了一碟泰式炒通菜是在泰國餐館必點菜式加入蒜蓉辣椒又香口又惹味點一碗絲苗白飯吃得好過癮甜品當然要點杧果糯米飯一鹹一點那種味道不能言喻沒有時間去泰國也可以來懷緬一番

每次去泰國，最懷念一定係佢個水門雞飯，實惠價錢+ 佢個獨特醬汁，每次都令我回味無窮。 咁岩見到尖沙嘴開左水門雞飯，於是去試下睇同泰國食到味道一唔一樣先。 雖然價錢當然同泰國無得比啦，但胡椒湯+ 雞飯都同泰國好相似，最愛當然係佢個醬汁，唔同平時食開果d海南雞飯三色醬汁，佢醬汁有d辣辣地，但好惹味，雞份量都算ok，而且佢好夠滑，顏色淺色d，唔似平時食果d黃油雞。食完好有返左泰國感覺，價錢都係$50 左右，好值得再encore啊

夏天好熱入到去一心諗住可以好好地坐底食飯涼下冷氣 點知！一入到去好似冇開冷氣咁。。 😤然之後我哋就帶咗一個芒果糯米飯 個糯米飯冇乜味 😀食食吓食到最底係啲糯米根本都未熟 🙂搞到有一大半都冇食 🙁啲芒果好酸 🥴然之後我地叫咗一個炒金邊粉 等左好耐先嚟 之後啲蝦冇味 個面炒到黐埋一舊 食頭嗰幾啖都OK嘅 但食落去真係超級無敵濟 我哋最後差唔多成碟都冇食 然之後我哋仲帶咗一杯柚子蜜 好少柚子味 整體嚟講好差 好失望囉😞😞😭

今日黎到尖沙咀既水門雞食飯，正值晚餐時間，人流都幾多，等左一陣先可以入座。我地餓到爆，一口氣嗌左四款食物，包括西蘭花炒鳳尾蝦，泰式無骨豬手，海鮮冬陰功湯金邊粉同雞骨湯開心 share。 西蘭花炒鳳尾蝦份量十足，西蘭花爽口，鳳尾蝦夠新鮮，蝦肉一啲都唔會老。泰式無骨豬手好方便食用，啖啖肉，而且口感軟稔，豬手好入味。冬陰公湯金邊粉既辣味唔會過火，味道有層次，金邊粉吸收晒湯底嘅精華。而雞骨湯味道香濃，唔單調，唔錯。最後再加多一杯冰涼透心嘅芒果冰，消暑一流。

同男朋友約左一起晚飯，其實想比過驚起佢，因為大家今年都好忙要將原先計劃延期，所以今次先帶佢先享用泰國美食止住喝先。我專程過尖沙咀同佢晚餐，當然我先去搵定位，大家就多些時間邊食邊傾啦!我坐抵後立刻睇menu，選擇左秘汁泰式生蝦，西蘭花炒鳳尾蝦同鳳尾蝦炒金邊粉 三樣食物，他黎到剛剛好可以開餐。秘汁泰式生蝦做生蝦的蝦一定新鮮，最好即叫即製，質地少少糯又點爽夾著生蒜片同朝醮點佢地的秘汁辣醬汁，非常可口。西蘭花炒鳳尾蝦男朋友喜歡食蝦，所以盡量選擇蝦的菜式，西蘭花炒風味尾蝦，啖啖彈牙脆口蝦肉，同生蝦原全唔同食琿法，用醬汁炒蔬菜同蝦更惹味濃味。鳳尾蝦炒金邊粉金邊粉煙煙靭靭炒起更香更好味道，有鑊氣。撈埋花生粒青檸汁好滋味。另外每人一款泰式檸茶和泰式奶茶可以試晒佢地的茶底，無論配奶或者檸檬也配合。

去尖沙咀見完客，一個人諗緊食甚麼好？食些東西先回屋企，終於諗到泰國水門雞在尖沙咀開左新店，就趁有空去嘆下泰式風味先。去到都多人不過好快就安排到位比我，一個有一個人的好，去到諗住食出名海南雞飯啦! 但係我被大頭蝦冬陰功湯河，泰式炒通菜，泰式奶茶，芒果糯米飯吸引住，所以全都叫晒囉。好彩無失望兼有驚喜。味道夠正宗, 尤其是他們的泰式奶茶，有種獨有茶葉香係口感過軟過滑。大頭蝦冬陰功湯河巨型大頭蝦已經值回票價，大頭蝦的鮮橙黃羔鮮甜味無比，啖啖彈牙蝦肉還有草菇炸雲吞配酸酸辣辣香濃冬陰功湯底，非常夾真係非常好味。泰式炒通菜泰式炒通菜鑊氣夠，熱辣辣又惹味，岩晒我口味芒果糯米飯我實在太愛芒果糯米飯，香甜芒果QQ軟綿糯米還有鮮甜椰漿同綠豆脆脆，必食item.

午餐時間同同事去了附近的泰國餐廳食飯，午市套餐全部都是$5-60起，還包雞湯。雞骨湯雞湯味道清甜，有些冬瓜等配料，而且不會太油膩。水門雞飯其實即是海南雞飯，雞皮爽彈而且少脂肪，雞肉已起骨，啖啖嫩滑雞肉，絕對是懶人至愛。秘汁泰式生蝦同事想食泰式生蝦，所以叫了一個兩份share，生蝦爽口，加上秘製醬汁，酸酸甜甜還帶點辣味。泰式炒通菜以辣椒仔及一些乾蝦米等材料一起炒，所以通菜帶點辣及海鮮香，十分惹味。最後飲埋杯泰式檸茶，十分滿足的一餐。