水門雞飯 (萬勤商業大廈)

聽同事講得多，今日總算有機會黎試下！
每日到食飯時間就勁多人，客似雲來！今日遲左少少放lunch，唔洗點等位。

同朋友兩個食，叫甘多碟好似有啲誇張

秘汁泰式生蝦
一碟六只，大大只，蝦肉晶瑩剔透，食落好爽，好新鮮！點埋個酸辣汁食，正呀！作為前菜一流！

泰式炒通菜
好香馬拉盞同蒜蓉味，通菜炒得好爽，沾晒啲汁！正！

泰式無骨豬手
好大份！啖啖肉！多骨膠原之外又唔會好肥膩。鹵水醃得好入味，好香！

芒果冰
熱辣辣既天氣飲返杯芒果冰係最佳既享受！爽呀！