水門雞飯 (萬勤商業大廈)

营业中

休息中

海南雞來說，我比較在乎個油飯，這間水門雞飯，雞都算滑的，但個飯要讚，因為佢唔油，但好香亦有雞汁味。。。個泰式奶茶又好滑，但又唔太甜，，平時d奶茶一飲成口糖水咁。。。

上個月泰國返黎，一直都好掛住雞飯哩件事，可惜九龍城滿足唔到我，噚晚有機會入左大埔立即車去試，嘩，個初戀嘅感覺返哂黎，海南雞軟又滑，炸雞香脆鬆化，雞雜新鮮爽口，泰式奶茶香滑。我一個人食都感覺好溫馨，好似有個泰國靚女坐响我對面咁

下午茶時間$48送飲品麵方面呢不過不失加$5轉左冬陰公湯底🌶🌶🌶🌶🌶🌶🌶🌶🌶🐥🐥🐥🐥🐥🐥🐥🐥🐥🐥雞飯呢就比較普通啦雞肉唔算滑唔係好夠飽牛肉大大塊最最最好飲係呢個泰式奶茶唔會死甜 奶茶味濃😍 呢杯野一定會再飲☺️☺️☺️☺️☺️☺️❣️❣️❣️❣️❣️❣️❣️❣️❣️❣️❣️❣️呢間野次次經過都要排隊 今次終於試到$48價錢都抵食地鋪都好少做到茶餐廳都$50/60埋單 😂😂😂😂😂

經過著名王黃店水門雞飯， 外賣拎走。 飲品加五蚊都幾抵。外賣十分鐘都有，幾快。點了咖哩牛腩麵， 水門雞飯， 外賣仍然有餐湯，滿足。 咖哩牛腩麵的咖哩湯非常香濃， 是濃郁的新加坡的咖哩口味 ，由於是外賣都有另上一碗湯， 面上鋪有炸過的麵條，賣相及口感加分。搭了半小時車，湯仍然熱，飯仍有餘溫。牛腩軟腍有少少肥香，非常好吃。咖哩牛腩面好正!主菜水門雞飯， 飯有海南雞香，有味飯已經食不停，雞件仲好滑足味，另有一碗仔醬料味道也很好，裡面的青辣椒好夠辣，夠惹味，飲住湯飲住水都要搵醬料粒辣椒食。$5的洛神花茶，用大飲管，都好味的，用另一個膠袋仔裝方便飲。黃店的要求真係要好食，呢間非常滿意但我期待的特長收據就冇啦，算啦！在心中區區食玩遊-尖沙咀

係尖沙咀黎講$50 一個海南雞飯連湯的確算係平😍😍😍佢做到既係正常、正常、正常既好食程度，唔會話好鞋但又唔覺得滑既雞😝講真好多貴過佢既都唔見得好滑😂😂😂個飯好有香料味又唔會話好濃😋基本上唔點醬都已經好有味，仲有好鍾意個熱湯😋辣辣地有胡椒味，飲完個人都暖晒☺️本來仲想試埋個雞雜🙈但真係太多人喇，雞心同雞腸都賣晒👉🏻👈🏻冇左雞腸就冇左個雜既靈魂，下次再黎試先得💪🏻非常期待中！

懲罰到停唔到手 🥺 今次試下呢間泰菜，喺尖沙咀好方便。【鴨腿湯河】鴨腿原隻上，我最近牙骹出事，怕隻鴨會韌，點知原來用筷子都可以將肉同骨分開。鴨肉煮得腍身，個湯幾香濃，配粗河粉同芽菜，好食 😋 Remind me of 清邁夜市嘅美味鴨腿湯粉 😭【水門雞飯】雞肉好嫩滑，雞皮薄薄唔肥膩，飯味偏淡。點佢個泰式醬汁會比較惹味，不過我覺得醬汁偏酸，會鍾意同名另一間黃店嘅醬汁多啲（之前我都有評論過 🤭）。【泰式辣生蝦】一向係我最愛，見到必點。呢間餐廳嘅生蝦幾爽口，唔太辣，不過冰凍至較硬身，如果唔係我牙骹痛應該食得更開心... 🥺【泰式凍奶茶】好橙色呀 😂 泰式奶茶一向偏甜，但都好香滑，又大杯。埋單兩個人百幾蚊，係一間好食得黎又有良心嘅泰國菜，我推薦黃色經濟圈朋友去試下佢 😌

今日晏就同朋友到尖沙咀上堂，順便食一食最近好出名既水門雞飯。等左大約十五分鐘就入得。餐牌設計同我係曼谷食既水門雞飯好似，有種番左泰國既感覺～～最後同朋友叫左兩個雙併雞飯、芥蘭苗、鮮檸梳打同埋泰式駌鴦先講雞飯，普通雞同炸雞都okay，唔會太鞋，但又未至於難忘。相反，芥蘭苗好好味，啲菜好林，同埋佢個醬酸酸甜甜好開胃，美中不足既係份量唔太多。不過廿蚊都唔可以期望太多～最後野飲就冇咩特別啦～正正常常*提外話，如果枱面有牙櫼會更貼心

呢間水門雞飯真係好多人排隊，一睇就知好出名。排左一陣入到去，環境真係幾似泰國個間！裝修都似，比起泰國個邊乾淨好多！感覺好舒服。老細伙記又好好人，服務態度好，我個日叫到個到有伙記落錯單，佢地都好好咁換番又講唔好意思。佢呢到最出名係雞飯，咁就我嗌左雞飯，份量好大，好多舊雞，飯又多。佢雞肉好滑，飯係用左油飯黎煲，好香最重要係配搭獨特既辣醬，無論配飯或雞都帶出佢既香味。佢仲有其他倒如豬手等等泰國野食，下次試先。除左主食，仲有串燒同沙律等等。呢碟雞飯好正宗做得，下次經過一定會再排多次隊！！大大力支持

A small local Thai restaurant located in TST.Raw shrimp served with bitter melon, garlic and chili, also served with special homemade sauce ! I think this was probably the best out of all the dishes, never thought bitter melon enhance the freshness of the shrimps. It is rare, haven’t seen this in other hk restaurants . Thai style chicken rice..... it’s very average on this I had much better ones before ! Tom yum goong noodle soup, I had chosen pick my own topping version, which most of the toppi

尖沙咀經常排長龍既水門雞飯，係隔黎打完泰拳，就梗係去食下泰國野啦試一試距同水門市場附近果两間雞飯有咩分別先水門雞飯既裝修保留左啲泰國風味，當然加左冷氣啦係香港無冷氣都幾大件事近門口處有啲拳套同腳pad做裝飾比起水門市場既海南雞飯，依度既餐牌食物選擇比較多，除左雞飯之外，仲有咖喱同泰式湯粉同泰式炒粉依碗湯真係同曼谷既如出一徹，一樣甘咸嗌左雞脾，要加十蚊下午茶份量比較少，男仔應該唔係幾夠食，油飯粒粒分明有油香，我認為做得比曼谷既好雞尚算嫩滑，不過個人認為無咩特別下午茶雞脾飯要六十幾蚊，唔算非常好食，性價比唔太高，如果仲要排隊就更加要考慮下

今天公司清假難得約到尖沙咀返工嘅朋友食飯，平時甚少來該區食中午，一時間想唔到食乜好，朋友就話食開依間介紹我試試。十二點前來到仲未開門已見十多人排隊，街道狹窄人流多，排隊都有點阻礙途人排得唔自在，幸好排了一陣十二點準時開門。餐牌上選擇唔算多，有午市套餐供應，套餐包湯和飲品，價錢唔貴在該區而言相當抵食。而且難得食到咁正宗泰式地道風味，CP值甚高，難怪十二點入座後好快已滿座。雞骨湯好似飲緊胡椒豬肚湯，湯裡頭剩係放了片冬瓜，飲落好重胡椒味可以驅寒醒胃，天氣凍飲就好正，湯味道唔咸清清地無乜油，唔錯唔錯。水門雞飯(轉雞脾) $72招牌菜一定要食，朋友識食補多十蚊轉做雞脾，夾左佢兩件雞食又真係幾好味。雞肉起左骨食落啖啖肉，雞皮薄無乜脂肪，肉質嫩滑細緻有雞味。雞油飯份量唔多可要求加飯，飯粒粒分明口感煙韌，但略為乾身油香味無咁濃，食落清清地無乜油膩感，食都食得健康！泰式豬手飯 $62豬手我至愛，皮肉都好入味好軟身，而且食落唔係好油膩，又係無骨啖啖肉相當好味，同樣都係配雞油飯，幾有水準。泰式奶茶 +$5有二十多款選擇，當中以泰式奶茶比較突出，有紅茶香味飲落幾滑，味道濃少少偏甜幾好飲。

女朋友響附近做完treatment想食晚餐, 發現呢間寫泰文既海南雞店, 一於回味下3個月前既泰國之旅, 睇下呢間過江龍有冇泰國嗰d咁好食. 店員見我地帶住導盲犬，特登安排左3人位比我地。我地點左海南雞飯($50), 咖喱雞麵($50) 泰式奶茶(跟餐$5, 海南雞冇得跟餐)。雞飯仲好味過之前係水門食既粉紅制服！油飯充滿油香，幾濕潤（又無天天雞飯咁濕），雞就雞味濃郁，估唔到肉質仲好滑，雞皮都滑，滑到似新加坡雞飯，好有驚喜。雞有7件，份量充足。豉油幾乎唔辣，無乜特別，反正雞肉好夠味唔駛點佢。咖喱雞麵既雞都係白切雞，好似得5件，一樣咁好味。麵似廣東粗麵，啱晒重口味既湯底。其實又唔係好重口味，可以放心飲既，味道就類似港式黃咖喱，唔錯既。奶茶味道都幾正宗，無得簡少甜，好彩都唔太甜。下次要一人一碟雞飯先得。

看完戲已經差不多晚上九點幾，搵地方醫肚，醒起喱間水門雞飯，跑到來這邊，因差不多十點⋯⋯不用等位，裝修簡單、坐位不太濶落，朋友叫雞飯丶而我叫白胡椒豬什粉加牛腩！一吃雞飯，雞完全普通零雞味、飯完全冇有油飯香味，到個粉⋯湯底只有鹹味丶同魚露味，叫走青又冇走，d食牛腩完全冇味，整體零分！唯一泰式奶茶🥤算可以！其他食物質素又很多改善空間⋯⋯不過有得選擇也可以不用試，尤其有到訪泰國時吃泰國🇹🇭的雞飯相比下，只有失望一餐！

朋友介紹呢間裝修好貼地既泰國餐廳，好味到連續食左兩日招牌水門雞飯👍水門雞係全去骨、肉質幼嫩，雞油飯粒粒分明。重點係個醬汁，有辣椒同薑但又唔會太辣，撈埋飯真係好正😋👍 而碗湯好濃胡椒味，唔食得辣未必handle 到。呢兩日試左泰式鴛鴦同泰式咖啡，兩樣都唔太甜，個人喜歡鴛鴦，因為一次過飲到兩種味道🥰

行過金馬倫道，見到哩間餐廳未見過，應該都開左唔太耐，可以一試。三寶飯三寶分別係切雞、炸雞扒、雞雜，配埋酸酸既點醬，not bad。雞雜有雞心、雞肝等等跟餐既湯係胡椒湯，辣辣咁幾開胃。泰式乾炒辣牛河哩個牛河有少少辣，我覺得係小辣程度。牛河免不了多油，不過唔係成日食都ok既，哈哈哈~泰式奶茶真係推薦！實物睇上去係有少少橙橙地似胡蘿蔔汁，味道係比港式既甜少少，但係幾好味，真係應該試試。芒果冰我試左啖，其實還好