水門雞飯 (萬勤商業大廈)

营业中

休息中

午餐時間同同事去了附近的泰國餐廳食飯，午市套餐全部都是$5-60起，還包雞湯。雞骨湯雞湯味道清甜，有些冬瓜等配料，而且不會太油膩。水門雞飯其實即是海南雞飯，雞皮爽彈而且少脂肪，雞肉已起骨，啖啖嫩滑雞肉，絕對是懶人至愛。秘汁泰式生蝦同事想食泰式生蝦，所以叫了一個兩份share，生蝦爽口，加上秘製醬汁，酸酸甜甜還帶點辣味。泰式炒通菜以辣椒仔及一些乾蝦米等材料一起炒，所以通菜帶點辣及海鮮香，十分惹味。最後飲埋杯泰式檸茶，十分滿足的一餐。

行街經過。下午茶時間唔使排隊。即刻衝入去回憶泰國嘅味道。一個人唔肚餓。都對得哂成個海南雞飯。轉左雞肶同加雞雜。油飯夠熱好香好夠味。雞肉嫩滑雞皮又薄。配埋個醬汁少少辣。好好味。依家諗起都留口水😆相比之下。雞雜就不是我杯茶。值得一再回味。而且價錢合理。可惜因爲太飽嘅關係。下次一定要飲埋杯泰式奶茶先得。

第一次食，聽聞好似幾出名食泰國雞飯，所以黎試吓囉。個雞飯真係冇咩特別，同普通嗰啲白切雞差唔多，不過白身少少同埋冇骨。。。。。。。。。。。。。。香港價錢香港味道。唔覺得有咩咁特別。雞冇雞味。飯無雞油味。整體質素唔覺得有咩咁值得推介。名過於大。食唔到泰國嘅感覺。坦白講有少少失望。見咁多人排隊食。都係去返泰國食好過。唔知係咪就收舖嘅關係。椰青唔夠凍。應該話係常溫黎。無雪過。有小小失望。我好少比負評。SORRY LA今次有話直説。

平時出開尖沙咀見到呢間水門雞飯已經好想試，可惜佢成日都排晒長龍🤷‍♀️可能因為時間早，大家未開始食飯，所以今日唔使排隊就有得食✌🏻泰式炒通菜 $52通菜嫩口、無渣，味道微辣、香口、有鑊氣，碟頭不小，抵食👍🏻👍🏻水門雞飯 $50呢碟係舖頭招牌飯，我點會有理由唔試😏飯係油飯，本身已經香噴噴，食落就更香。至於雞肉就嫩滑多汁、但唔肥。無骨雞肉啱晒啖啖肉嘅我，而且雞味好香，肉嘅份量都幾多。配埋特製醬油，一絕，令我一口接一口咁無停手，不知不覺食晒成碟飯😅其實我仲好想試埋個豬手飯，可惜今日得自己食...等我下次約朋友陪我食，咪可以食得幾樣囉😜

尖沙咀開左間泰國水門雞飯，之前在曼谷試過,一直都想去試試，但常常大排長龍，今天終於試了.下午三時左右.不用排隊即坐下，餐廳的裝修簡約整潔，主打水門雞飯和泰式湯粉，價錢不太貴.即叫了水門雞飯及凍泰式奶茶。1.水門雞飯雞肉好滑嫩,無骨,無油,好入味,秘製醬汁配一起吃美味.雞油飯好香,雞湯附送，都幾好飲,重胡椒味.2.泰式奶茶 茶味香濃不澀口，味道甜香滑，夠奶味,美味可口.回味指數五粒星.下次可以水門雞雙拼試下個炸雞好唔好食.

水門雞飯($50) 餐廳裝修真係會呃到人去左泰國，用左鋅鐵餐桌、寫滿泰文廚房，標榜雞肉選用羅浮山走地品種，勝在皮薄肉滑，而且已經預先起哂骨，啖啖肉。油飯係泰國香米，粒粒分明，再加埋秘製醬汁，真係有啲去左泰國既感覺🥳。

正當我介紹老公今晚食X丸之際老公話不如食對面呢間我赫然發現點解冇人排隊嘅😱因為冇諗過呢間冇人排隊所以我冇打算食呢因為前排我仲見到條龍勁長嗱嗱聲行過去之後仲唔使等位即刻有得入座嚟到呢度梗係要食雞飯所以我嗌咗水門雞飯老公仲話想試吓豬手，所以佢叫左豬手飯然後發現佢哋係唔包餐，所以另外飲品係要另外order 我哋就嗌咗個咖啡share $20講返兩個碟頭飯雞飯啲雞好嫰而且D飯係油飯，正最正係個醬汁👍🏻👍🏻👍🏻其實個豬手都幾好食，好夠淋，又入味不過因為對比起雞飯就比下去了話時話佢哋啲飯好似仲少過啲餸😅我同老公都想嗌多碗飯🤣另外覺得佢個杯咖啡同嗰個冬瓜湯好好飲👏🏻

這家人氣雞飯來自泰國，早前常常大排長龍，然而熱潮退卻，但午市時間仍不乏食客等候。餐廳的裝潢實而不華，整潔簡約，走平民飯堂風格。午餐的餐牌一目瞭然，主打水門雞飯和泰式湯粉，價錢由$56-$78，免加一包飲品。凍泰式奶茶這凍泰式奶茶茶味香濃而不澀口，入口冰涼，味道甜香滑溜，不錯。水門雞飯（轉雞脾）$75這水門雞飯令我有點兒失望，明明加了$10轉雞脾，結果只有表面的幾件雞是雞脾，其他都是雞胸肉，真叫人失望。這水門雞的份量唔多，已經去骨，方便進食。雞件皮下沒有脂肪，而雞肉未算嫩滑肥美，肉質比較瘦和帶一點嚼勁，雞味稍淡。沾上特調醬汁稍稍提味，配上油飯，淡淡然的，感覺平實，沒有預期的驚喜，整體味道比較單薄。可能是有所期望，結果失望而回。

之前聽朋友講尖沙咀開左間泰國水門雞飯，一直都未有時間去試，今日就的起心肝由柴灣搭車到尖沙咀試一試去到見到門口要排隊都怕要等好耐，點知過左十分鐘就入得去，入面環境都算大，裝修簡約，不過見到一排排水門雞都感覺到好震撼!我當然要叫一碟水門雞食啦，個飯好快就黎左，油飯好香，d雞都都算嫩同滑！而個湯就好重胡椒味，個人認為好正！可以再飲多碗！!我朋友就叫左無骨豬手飯，我都試左幾啖，一開始怕好肥好多油，但食落發現豬手好入味！送飯一流!山長水遠黎到當然要食一個芒果糯米飯同一杯thai tea！糯米飯真係好正，可以打包多一個返屋企！Thai tea 好重茶味!💯

搬左出嚟緊係試一試佢啦🥳靠近12:00到既時候已經有人開始排隊了，唔算太多，舖頭都多位，不過大概12:30就多人同已經要排隊了，所以想食就預一預時間啦☺️🧒🏽叫水門雞而👦🏻就叫左雙拼試下個炸雞好唔好食，先講雞真係好滑好入味份量又夠多播，之後油飯油度岩岩好又夠哂香，超級推盡食飯既速度呀😂😂😂炸雞都好食好脆，不過雞肉就柴左小小，都係正常好食dddd🤤🤤🤤仲有一個雞湯附送，好足料加上胡椒味好重都幾好飲架，仲有加埋個醬甜甜地又別有一番風味架，仲有飲埋泰式凍咖啡，都係泰式偏甜果種都可以既👅💦💦💦💦

見到朋友ig先知原來水門雞黎左香港 身為半個泰國人應該要試下同本地食係咪一樣星期五晚7點左右到 都有十個人排隊 好彩唔洗等好耐 餐牌如下叫左半隻水門雞 加兩個雞油飯 完全同泰國食既一樣 雞完全無油 好滑 個汁配雞一流 冇骨 雞油飯好香 雞湯就麻麻地叫左杯泰式奶茶 同泰國飲既一樣 比較甜 係泰國個隻茶葉黎 隻色都一樣仲叫左d串燒 有豬同雞 還有一碟炒雜菜 餐廳環境裝修到有d似泰國個d 整體想幾好 雖然價錢就冇泰國個d咁平 但都算性價比比較高既如果想食真泰式雞飯 真係要黎

第一次嚟呢間食，聽聞好似幾出名食泰國雞飯，所以試吓。個雞飯真係冇咩特別，同普通嗰啲白切雞差唔多，不過白身少少同埋冇骨。如果真係要去排隊食，就唔使啦，唔值得特登去食。另外，我哋仲叫咗個炸雞小食，好唔掂，凍嘅，個炸粉又硬又鞋口，雞冇雞味，似雪藏雞扒再攞返出嚟咋，真係唔掂，千祈唔好叫。反而，個辣雞絲湯粉就跑出左，幾好味，不過個湯就有啲一般，同埋佢上面嗰塊三角形脆脆淋既就唔好擺出嚟啦，唔擺好過擺，令到成碗湯粉失晒色。

上次已經黎食左一次水門雞飯，好好食，所以今次決定要再encore!今次決定試下其他新野食今次叫左個泰式炒通菜同鳳尾蝦炒金邊粉！通菜一上黎就聞到好香的蒜味同辣椒味，食落都好爽口,正呀,估唔到小菜都整得咁好食! 份量都幾多,兩個人食一定會夠飽肚鳳尾蝦炒金邊粉今次食呢個都無失望!好有獲氣!撈起撈起,個人建議要撈得均勻d咁食落啖啖都會有小小花生碎!估唔到份量都有d多!搞到好飽食唔到芒果糯米飯,不過唔緊要,我都已經準備好下次叫咩野食...哈哈

老婆有咗特別鍾意食啲酸酸地嘅嘢，尤其係泰國菜，見佢有冇得去旅行，難得同佢出街買啲嬰兒用品，就同佢食呢間水門雞飯。一場黎到，當然要食招牌菜水門雞飯啦，食落口啲雞一啲都唔鞋，而且唔會凍冰冰，上到枱都仲熱辣辣，啲雞多數係雞胸肉，有豐富蛋白質，唔會食肥媽咪呀。跟住帶咗個西蘭花炒鳳尾蝦，入邊有花椰菜有西蘭花，紅蘿蔔，仲有幾隻大蝦，份量都唔少喎，而且原來唔辣嘅，老婆唔食辣都食到！幾好幾好！再嚟又係叫咗個主食，叫咗個泰式炒金邊粉，不嬲我都好鍾意食金邊粉，所以好滿足呀！感覺佢炒得好有鑊氣，但係又唔會太油，最重要係有好多花生同芽菜。食完就早早返咗屋企休息，總括嚟講，都幾滿意，希望下次老婆生完可以黎試啲生冷野啦。

同朋友突然好想飲泰式奶茶，就去搵吓尖沙咀有咩泰式餐廳，結果就見到呢間水門雞飯，睇咗個餐牌果然有泰式奶茶，見其他嘢都幾啱食，就入去坐低左。一嚟到一人叫咗一杯嘢飲，我當然叫咗泰式奶茶，朋友叫咗杯菠蘿特飲，果然夠晒凍，杯泰式奶茶都好正！夠奶又夠甜，大大杯，菠蘿冰又吾會糖漿味，有點菠蘿粒。由於我哋吾肚餓，所以只係叫咗小食，就係泰式生蝦，可能因為天氣熱，所以特別想食啲生冷野，啲蝦下面有冰冷藏住，感覺都幾新鮮，而且個汁好夠味，調味得好好唔會死辣，搶走咗生蝦嘅鮮味。跟住就叫咗個甜品芒果糯米飯，記得之前去泰國，幾乎晚晚都會食，喺香港做得出色嘅，其實冇幾多間，一係個飯太硬，一係個芒果太酸，但係呢間竟然超級似泰國嘅味道，飯軟硬適中，好軟糯，芒果又甜，配埋啲椰漿同上面d脆脆，真係一個都唔夠食呀。