殿 大喜屋

营业中

休息中

之前打電話常常都冇人聽，於架好多餐廳都set左whatsapp預約，如果這裏都有就方便好多客人。於架款式比以前少左，失望左，希望佢保持原有殿應該有既質素。🥺🥺🥺

上次是星期五去，無set lunch職員叫我下次當日打來問下先今日打去問，有得食$59未計加一有角切魚生飯加牛肉烏冬加一款甜品。估唔到份量咁大。出面仲有小食，湯，飲品任拎細細佬食炙燒壽司加無肉烏冬我同他交換烏冬阿媽也食角切魚生飯，一半俾了細細佬食

日式放題真係好耐冇食過，差唔多五年起碼，真係變咗姐姐級數，發現原來而家嘅日式放題，已經做到咁多元化同埋咁高質！坐低咗之後你張單上邊會有一個二維碼，用手機掃描佢，就可以開始點餐。嘢食分好晒類別，有刺身壽司、手卷、一品料理等，一目了然，非常清楚而且又環保。仲可以睇返手機記錄，檢視自己嗌咗啲咩嘢食。刺身嚟咗3 rounds，全部都好新鮮，而且魚生嘅類別亦都好多選擇。三文魚腩、赤背同埋拖羅係我嘅首選！佢個陀螺係入口即溶嘅！花雕醉鮑魚任食一人一隻，唔使爭，鍾意食幾多都得！酒味唔係好重，反而甜甜地而且好稔！仲有個賣相都擺盤好靚！新鮮滾熱焗出嚟嘅元貝我個朋友嘅至愛！個沙律雜椒醬調味調得好，好惹味！炸物炸蠔、芝麻炸雞翼乾身，香口！天婦羅個漿較厚，同埋未鯨乾啲油，有啲濕！避風塘炒蟹隻蟹幾肥美，肉身有膏，不過蒜椒味唔多重壽司每一舊佢都擺放得幾美麗！甜品有Häagen-Dazs Movenpick，味道都好多選擇！咁啱今個月，午餐佢做緊第二位客人光顧半價，埋單每人$250，我覺得好超值！

四個人每次落刺身都畀得很少,拖羅落十件比得四件,其他好少少但係都比唔足,失望.第三灣拖羅更加失準.最好味就係燒羊架,值得一讚.壽司一般般,再我order時又要等好耐. 比較失望.唔會再去.

好耐無食過日式放題啦😆搵間試下先！睇睇下OpenRice 見到哩間有拖羅食😦 一於試試佢！以日式放題黎講佢都算唔錯 門口仲有海膽手卷攞添 不過衝住拖羅黎既我對佢既拖羅就有啲失望🤧都係去番日式餐廳食拖羅穩陣啲 相對起佢個拖羅刺身 拖羅卷反而仲好食👌🏻

6月期間限定 二人同行 一人半價午市放題 十二點食到三點 慢慢食慢慢傾 保證吃到飽場內設有食物自助區 擺放咗各式各樣嘅頭盤 如：沙律菜，涼拌醃菜， 時令水果... 還有熟食，熱湯，炸物 無限量供應 除咗現成即有嘅食物之外 亦可用落單紙點選多種食物 千萬不要錯過刺身及壽司嘢飲種類夠多 分門別類擺放整齊 除咗一般嘅汽水之外 啤酒也是任飲的一定要先攻陷我期待已久嘅刺身 刺身種類繁多 而且款款新鮮 有頭甜蝦非常出色 蝦肉鮮甜無比 刺身叫咗兩轉 唔會頭一轉好啲 第二輪差啲 兩轉質素相等 竟然有長腳蟹及拖羅提供 有驚喜 有驚喜排隊美食 每人每次限拎兩個海膽手捲 師傅即場製作 紫菜夠脆 海膽夠鮮 必食推介壽司嘅款式都幾多樣化 有火炙的 有刺身的 有熟食的 有卷物 亦有軍艦…雖然係放題 但係賣相一啲都唔差 做工非常精緻 有造型有賣相天婦羅即叫即炸 上枱嘅時候仲係熱辣辣 脆漿夠薄夠鬆化鐵板燒和牛 肉質夠淋 牛味好濃 脂肪好重 我咁嘴刁 一食就知係靚牛烏雞蟲草花花膠湯 好味喎 有肉嘅鮮甜 亦有蔬菜嘅清甜 落足料 啖湯好鬼濃味鮑魚雞粥 真係有鮑魚 真材實料 粥底好綿好滑 仲有粒粒粟米 口感不錯瘋狂進食一輪之

今個月放題停不了，只因進行暴風式吸入減肥，所以放題就最啱我，可以食多啲不同種類選擇很喜歡吃碎吞拿魚壽司，三件捲着吞拿魚的小卷加上碎吞拿魚，非常美味壽司有生有熟，吞拿魚壽司，油甘魚壽司，美味可口，蟹棒加上沙律醬更加好味左口魚壽司肉質柔軟，入口充滿魚脂香味，牛肉壽司香濃牛肉味加上微酸的壽司飯減去牛脂油膩感池魚剌身切得薄薄，池魚肉質有口感但味道比較清淡，點上醬汁或豉油，可以加添味道刺身拼盤點了一轉又一轉， 油甘魚大大嚿，鮮甜美味，最喜歡吃生蝦，每輪必定再點，吞拿魚腩肥美但不膩，多食幾件也不怕，帶子赤貝希靈魚爽口鮑魚雞粥有水準，綿綿雞粥混入粟米粒，食落更豐富蟲草花花㬔烏雞必食之選，花膠炆得軟熟，呷口湯濃郁美味真料實料炸天婦羅炸漿不太厚，尚算合格，南瓜軟熟，小蕃薯甜美甜品有多多選擇，雪糕雪條名牌貨，糕點，豆腐花，生果任君選擇

殿 大喜屋尖沙咀金巴利道26號1樓好耐都冇食過日式放題，我哋見到殿大喜屋做緊二人同行，就有一人半價既優惠，加上午市任食3小時，即刻諗返起以前讀書嗰陣成日食日式放題既回憶，見到咁平嘅優惠，同朋友決定試吓！餐牌選擇同以往一樣，非常之多，出面有前菜同小食自己拎，當然第一輪即刻叫咗刺身先，每款刺身都非常新鮮，尤其拖羅，真係好肥美，色澤均勻，帶子亦都粒粒飽滿，我最鍾意食嘅希靈魚，餐廳用咗厚切，令到個口感更加豐富，另外出面有海膽手卷拎，海膽好新鮮鮮甜，無腥味，亦俾得好大方，我哋都拎左幾轉串燒方面，我哋最鍾意就係食鹽燒牛舌，係即叫即燒，牛舌十分爽口，咬落熱辣辣，令我哋點左好幾次食，而且餐廳有和牛薄燒，令我哋非常之驚喜，以往我哋係居酒屋食都要幾十蚊得一至二小片，喺呢度我哋可以盡情咁食，牛味香濃，沾上燒醬汁食一流蒲燒鰻魚串非常肥美多汁，而且鰻魚基本上都冇咩骨，啖啖肉咁食，又厚又軟熟，真係好邪惡好吸引，另外佢仲有香草燒羊鞍，燒得好嫩滑，羊味好重，配上香草好夾朋友叫咗天婦羅蝦，亦都係新鮮即炸，個天婦羅漿非常薄脆，真係好正，相都未影就忍唔到食哂。見到佢小食亦都有唔少以前未見過嘅新款式，例如香煎味噌虎蝦同黑松露

今日同朋友嚟咗食日式放題，價錢唔算好貴，除返都係$200左右，入到去侍應都好快幫我哋帶位，見到好多唔同款式嘅嘢食，我哋決定咩都點嚟試吓刺身有好特別嘅松葉蟹腳，蟹腳都幾大隻而且都幾香蟹味，油甘魚就肥美新鮮，呢度有拖羅揀梗係要試，色澤都好靚入口即溶，放題質素來講超晒班，另外呢度仲有左口魚壽司，都好新鮮幾香，令我哋都不停咁樣點嚟食另外呢度仲有特色小菜，例如炒蟹，西京燒比目魚，炒硯等，味道都非常好，而且即叫即炒，熱辣辣上碟，夠晒鑊氣，燒物我哋叫咗雞軟骨串，鰻魚串，同埋燒菠蘿，菠蘿真係必點之一，好鮮甜好多汁，令到我哋非常開胃炸物除咗平時我哋見開嘅吉列蠔，一口芝士同埋芝麻雞翼，呢度亦都有芋心丸同炸榴連，兩者都非常之香口，炸榴槤味勁濃郁，愛榴槤既人必食！呢度侍應收碟非常之快手，而且落order都冇咩點漏單，令到我哋可以食足晒想試嘅嘢食，亦都重拾左以前讀書食日式放題嘅回憶

今日lunch放題，坐1號枱，剛坐下冇耐，就有隻甴曱爬上枱面，有叫服務員處理。再食食下，第2隻甴曱又爬上枱面，都有叫服務員處理。但服務員用紙巾弄死甴曱後，是跨過滿枱食物把屍体拿走，如果屍体半途跌返落D食物到，或者本身是否不應把包著曱甴的紙巾跨過食物咁吾衛生？算吧，沒打算投訴。但剛回到家，打門開背囊，第3隻曱甴走了出來，我食lunch時把背囊放在卡座上。我忍無可忍，真係要寫出來。做飲食嘅，食物好吾好食，見仁見智，但食物和環境衛生就一定一定要攪好，專重客人。

首先，人多及費用昂貴，食物質素差，牛舌似橡根，刺身不新鮮。 其次，服務態度非常惡劣，加上座位空間十分窄，令本人受傷 。如果你是想試伏十分推介，但食好西唔了。 還有裝修設計像大陸cheap 雞扮土豪餐廳，十分老土。

呢間🇯🇵日式🏯放題其中一個😍吸引我嘅地方係佢有🐟拖羅🤤任食！呢度環境都算企理，坐得👌幾舒服😌。刺身🐟款式🤩十分之多，其中我比較中意😍油甘魚、帆立貝，同埋甜蝦🦐。油甘魚🐟油脂幾足幾鮮味，帆立貝幾☺️甘甜爽口，佢哋啲甜蝦🦐算係幾大隻👍。呢度🤩最正係有😍拖羅🐟任食，任食來講質素都算👌ok，鮮甜又無乜渣而且都😋肥美，不過上枱嘅時候都仲有少少🤏硬身未完全解凍😂。鱆紅魚🐟又幾有驚喜🤩，鮮甜得來沾埋佢配嘅海膽醬油一齊食好滋味🤤。芝士🧀焗帆立貝我哋都幾中意食🤤，勁多🧀芝士汁而且焗得好香，不過肉就🤏細粒咗啲😂。🌼花雕🍶醉鮑魚🤩上枱賣相幾好，鮑魚肉嫩 juicy 幾鮮味，不過花雕酒🍶味未算太突出，反而有少少🤏偏甜。我哋幾個人不停追加拖羅🐟，雖然有時候出得慢咗少少🤏，但都有出齊👍無甩單。甜品🍨我最欣賞係有 macaroon 😍，雖然質素一般般，但都算👌ok嘅。最正🤩係有 Häagen-Dazs 同埋 Movenpick 😋，而且 Häagen-Dazs 味道都有好幾款可以揀👍！總結來講呢度🇯🇵放題幾抵食🤤，特別係有拖羅🐟、Häagen-Dazs 同埋 Movenpick 😋，食物質素整體唔錯，而且款式十分之多

我係禮拜六去食既，之前見到網上面寫午市第二位半價既優惠，果陣打電話去booking既時候有再確認過，而果陣職員係話都有呢個優惠。但今日去到先知話星期六日無呢個優惠…只可惜我無錄低當時既對話。講番今日既質素，首先手卷佢地寫佐係12:00開始有得拎，但最後12:15先有得拎。我認為雖然時間相差唔多，只係15分鐘，但都係欺騙顧客既行為，絕對有必要檢討下！另外海膽手卷既質素真係差佐好多，啲飯係熱既，啲海膽既份量仲要少佐好多。另一樣就係海鹽雪糕一拎番位已經係軟曬，溶佐咁，食完唔肚痛真係已經好好彩。總括就係呢間既質素真係差佐好多，性價比完全唔相等，質素下降佐好多好多

放題店我就食得多啦，但係任食又好食嘅海膽真係好少。入邊有新鮮嘅海膽手卷，師傅即叫即整，海膽入口即溶，仲有鮮甜嘅味道，令人讚不絕口，食到停唔到口。佢放題嘅款式無論係熟食定係刺身壽司等等，種類都係非常多。最值得一讚嘅係，佢嘅芝士焗蝦真係非常好食。蝦係開邊，大隻之餘仲好有彈性，證明食材品質真係非常高，加埋香濃嘅芝士，真係唔食返十隻八隻對唔住自己。喺甜品方面我最鍾意就係佢嘅木瓜燉鮮奶，木瓜非常鮮甜，配搭住香滑嘅牛奶，同埋紅棗，絕對補身暖胃 。

第一次寫差評真心覺得唔係咁好食🌚 果然新假期推薦啲餐廳比較中伏啲刺身賣相一啲都唔吸引，影響晒食慾🙄🙄三文魚同拖羅極度唔新鮮，勁林，冇魚味甜蝦冇鮮味，好似雪藏左好耐🤮仲比我見到佢有綠色既物體（一定唔係芥末）每件刺身都切得好薄🌚羊鞍勁柴，又冇乜味🌚肉勁少比較最正常係：燒鰻魚，西籣花，燒帆立貝熟食等等比較伏既係：羊鞍，牛脷，刺身，鵝干壽司，鮑魚$308一位仲要加一，真心貴左啲🤮從來未試過咁伏既日式放題👎🏻👎🏻👎🏻👎🏻試過一次唔會再去