殿 大喜屋

营业中

休息中

攞咗假陪亞仔放暑假，終於可以試吓午市放題，始終小朋友唔食得多，會抵食D。呢度格局比較光猛、有水晶燈、有獨立嘅房間，大部分梳化座，坐得好舒適。拎野食都好集中方便，氹氹圈就見到有熱食、炸物、手卷、飲品、甜品、沙律吧、水果、雪糕區。雖然係放題，但唔想浪費，又心思思想試多啲野食，想食嘅先點一件，啱食先再點。食物方面較驚喜嘅係有蟹腳食，尺寸都唔細，味道鮮甜。蜜汁一口牛同燒牛都係必點之選，牛味香濃配埋唔同醬汁，各有風味。銀鱈魚亦好嫩滑亦有魚香，點完又點。如果食榴連嘅，炸榴連亦係必點的，食落好香榴連味，暖笠笠少少拉絲。呢度嘅甜品都有多款選擇，一口一件啱曬，雪糕都有數款高檔品牌，亦沒有數量限制。飲品最喜歡還是清酒，配刺身一絕，暖暖甜甜的。飲飽食醉真係身心滿足又放鬆，簡簡單單已一樂也！

殿可謂係我一再光顧既放題。食物選擇多，上野快，質素唔錯，仲有梅酒，清酒提供星期五，六，日，下午時段5點就開啦，大家Walk in記得早D去拿位。餐廳會Update餐牌，記得上次黎有一款燉湯，今次黎已經無左。雪條雪糕選擇少左，之前有便利店賣十幾，二十蚊條既韓國雪條，而家除左兩款大牌，只有幾款唔知黎自邊度既雪條雪糕，大牌亦只有一個口味，稍微失望。熟食推介一款短既台灣黑椒腸鮑魚，和牛薄燒，燒菠蘿，榴莲炸彈，芝士年糕，encore之選99％甜品（只有一款黑朱古力批ok）大部分雪糕雪條，糖味太重

一入去就覺得好cheap，book位要同唔book位嘅人一齊等，排隊排到出門。頭兩次淨係落刺身就好地地，之後落左啲熟食就淨係黎熟食，成個鐘冇黎過刺身！12點九落，落左三次，一點九仲未有！曬錢！成個鐘淨係度食串燒，好似淨係黎食零食咁，乜都飽曬啦，唔知想點。加上啲位好逼，沙發位條隙都要坐人，一個booth明明應該擺兩張檯最舒服，但係就有三張檯，啲檯細到。食物只可以話中規中矩，唔難食，但未到好食，都唔係話特別新鮮。自助吧就好多選擇，飲品選擇夠多，好多前菜。

上網睇8月有優惠: 二人同行，1人半價 (只限午市及星期一至五)! 於是同朋友book左星期四12點! 限食3小時~相信大家聽過大喜屋, 質素都幾好既! 見佢做優惠, 平均每個人都係$236! 平時晚市每人加埋一都係300幾蚊架!咁梗係無執輸, 去試下啦! 影左好多相 最推介既係拖羅刺身!!! 難得可以任食拖羅, 梗係瘋狂嗌啦! 不過可恉既係 我地無論嗌 4/6/8年, 佢都係俾2件渣不過唔緊要, 話明任食, 我都encore左好多輪! 拖羅都算中上啦, 但唔夠肥美, 而且有少少筋, 咁任食放題, 俾到拖羅食算好好架啦~跟住有海膽心卷, 無苦味, 但亦都唔多甜味, 不過細細舊, 唔會飽到食唔到其他野,  任食之餘而且D紫菜都係脆既, 要求就唔好太高啦~另外, 比較推介既熟食有芝麻雞翼同鰻魚, 因為都幾大塊, 亦都整得好入味! 其他既食物就普通啦, 因為選擇實在太多! 所以我都無每項陳述出黎啦~俾各位網友去慢慢欣賞啦!飲品方面, 都有好多道地烏龍茶+道地綠茶! 而且亦都任飲!而甜品方面 (無影到相呀sorry), 除左好多唔同款式既cake, 亦都有haagen dazs (有藍莓+脆餅

我記得我中學嗰陣已經開始食放題，嗰陣第一次食飯同真係食到飽咁濟，依家我係讀緊大專嘅時候食都食咗好多次我諗最少都十次喺佢嘅分店，但唔知係咪因為疫情之後會情況好似每況愈下，一般般

大喜屋中"殿"的級數是高一級的。食材選擇確係多一點，高級一點，比如有鮑魚，蟹脚，泰蝦刺身，吞拿魚…清酒任飲. 用QR code 點餐，8月優惠，二人同行，一人半價，但食材的質素好明顯係將貸就價刺身的質量参差，叫多幾輪就好明顯分辦到，但整體也新鮮肥美。壽司賣相吸引，細細件，不會浪費，可以試多幾款，但係食材一般。蟹腳有海水鹹味和雪藏味， 但係因為太細條，所以 肉量不多，或者要每人叫最小3條，才可試不同部位。鮑魚反而有驚喜，size中等，彈牙又淋，再配 杞子，花雕調味，不錯。醬汁蝦羊架用黑椒燒，很入味。燒椒鹽雞翼，味道不錯。燒菠蘿香甜多汁，巳去皮燉木瓜~味道怪怪，感覺麻麻。雪條類有很多選擇，賣點係movenpick朱古力雪糕，其餘雪條味道都超甜。食後感2人同人，一人半價，又確係幾抵上菜速度一般，但食3小時，也可回本。但衛生方面，整體感覺麻麻，自助區，地面某些位凹凸不平， 濕立立影響觀感

開開心心去食飯，點知食到有驚喜！袋子刺身帶發泡膠粒，搵經理話佢話再點過一碟食啦！果然係高級處理手法👍👍👍全店每張台貼張客人離座時間紙，搞到成個80年代咁，唔識用電腦代替嗎？果然夠經典！整體又逼，台又細，絕對冇下次！

難得放星期一，又知道有第2個半價就去訂位。12點正到，閒日都爆場。門口企滿人，無工作人員指示，無訂位有訂位的都排一條隊。好多人問點排比較亂。入座被派半邊卡位，左右都有人出入超迫，嘢食好多唔熱。魚生唔得唔新鮮。大拖垃圾，食唔到。其實除了帶子ok, 其他都麻麻。串燒唔熱，好難食。飲品多選擇，但長期雪櫃被人打開，所以大部分飲品都唔夠凍。人數太多，員工不夠，好多時齋坐等食，收碟又慢，張枱又細，兩位埋單都$455左右。唉！總結同樣價錢寧願食x氣,司壽x好過。起碼啲食物質素，服務和環境更好。

早排食過尖沙咀極上大喜屋（大pizza）隔離個間，食物質素同員工服務都好好，有幾款刺身壽司例如toro仲拍得住omakase的質素。咁食過好味，就諗住再揀貴d 以間殿大喜屋，諗住一定會再好味d，點知惡夢黎啦。。。。。。首先，一入到餐廳，感覺已不好，因為前台阿姐大大聲話你一個人呀？好似歧視人咁，令人十分尷尬😳跟住入到位，好大陣 ‘up’ 味，已經覺得想走，嚴重影響食囉。。。。。。落完order，唔夠一分鐘，waiter已經端上壽司數司數件😓 令人好懷疑食物質素，放落口，唔難食，亦唔好味，但同之前極尚的好味壽司極大對比！跟住上刺身，正常嘅，但有d俾少，有d又比多。重頭戲黎啦，個件赤身花之戀，嘩，真係難食到嘔咗出黎lor! 痴線！今時今日仲有d咁難食的東西！跟住再食個d海膽，已難嚥下，仲有一舊舊不知所謂的壽司。。。。。。熱食也是不知所謂，燒牛肉，凍的，雞湯，充滿著飛水的揸阻。。。。。。仲有！落完第一次order，d 食物等了十五分鐘才漫漫來，你話好味用心煮就話，真係食都罷食，係度打以篇文！仲要唔只三百蚊，係305蚊！😤😤😤

睇食評見到好似唔錯，又咁岩就腳所以去試下。服務：1) 預先訂左位，準時去到confirm左。等左5分鐘左右店員開始叫飛帶左一批人入去。我地好奇仲要等幾耐先食得，先發現店員一早刪左我地個no.，再問下先知，原來佢地以為有叫到我地個no.，已經帶左我地入去😓2) 開始食，執台既店員經常唔睇清楚就收走我地未食完既野食😅3)坐低食左半個鐘已經叫我地盡快埋單😅好快手😂4) 唔知點解我地同隔離枱同一時間入座，我地會早人地半個鐘截單😅5) 一共叫左兩轉，兩轉食物都有漏單，起碼漏兩樣以上食物：1) 刺身不過不失，叫做都新鮮。2) 熱盤味道還好，但冇驚喜，叫做樣樣都ok，但唔係特別好食。3) 長腳蟹刺身肉質係ok既，但唔知點解勁咸，完全無鮮甜味，搞到個味好奇怪，唔會再嗌。4) 飲品款式種類好多，但樣樣都唔夠凍😓5) 飲品吧d杯勁油勁污糟，拎上手睇杯入面係有未乾既油跡同污跡，拎完隻手仲油林林，都係拎返罐裝飲品算。。整體黎講好一般，一樣既價錢有更好選擇，唔會再黎，完。

落雨放題之夜做野經開尖沙咀，見咁耐冇食過放題，一個鐘頭前book位，好彩仲book到，唔知今日係咪落雨，8:00去到都唔使等位，直接入座。環境：入去開嗰度大門比較用力，女士未必開得到，唔知係咪落雨大風嘅關係，座位舒適都闊落，枱與枱之間唔會太埋，因為最怕食放題坐得太迫。食物：食物款式都比較多刺身款式比較多，仲有大大粒嘅帶子，大蝦等，不過唔知點解等刺身仲耐過等熟食熱食：都係例行公事，放題必點榴槤炸彈炸芝士芝麻雞翼等，味道都係一樣好食必點有啲創新食物池魚刺身加海膽醬同醉鮑魚，反而我覺得麻麻地，總體唔係好新鮮，咬落去唔覺有咩特別搶味，好淡口甜品方面一讚，有我最愛嘅榴槤雪條，每次來都必點，出邊唔係太多有得食，同埋有得食Hagen雪糕，味道唔算好多，但總要有得食，總結甜品方面種類都較多。 食物bar，不過不失有熱食又有沙律又有泡菜，仲有海膽手卷，海膽手卷係即做要排隊，不過味道唔錯總結大喜屋都食到熟晒，如果抱住有個殿字食物質素高左，可能會失望，但如果當佢普通大喜屋食，總體都非常唔錯

趁老闆今天不在辦公室，時間較充裕，同事們一同來這裏吃個午市放題，午市時間真是座無虛席，幸好很快能安排入座，我們隨即以二維碼下單，食物很快便逐碟上枱，我們有點餓鬼投胎似的。這裏有刺身、卷物、特色壽司、前菜、燒物、串燒、粉麵、甜品，選擇包羅萬有… 只能精挑細選心儀的食物，怕只會眼闊肚窄。推介食物有：蟲草花煲花膠烏雞湯，看看湯渣亦知道是真材實料，花膠厚厚的一大片，湯底滋補清甜燒鰻魚，厚肉肥美，配上鰻魚汁味道可口剌身，帶子大粒鮮甜、拖羅入口即溶海膽手卷，海膽鮮味香濃，記得不能以二維碼下單，要自行到前台要求豉汁炒蜆亦很開胃，不會太鹹、啖啖肉又不會有飽肚感而炸物天婦羅亦炸至脆口、很不錯。趁着繁忙嘅工作日子可以出來享受美食，稍為輕鬆一下，真是一大樂事，回去又再衝刺了…

大喜屋有咁多個系列點解要食呢一間呢？ 因為想食日本嘢嘅人係想食高質而且美味食物， 價錢比酒店平但食物款式多。已經成年冇食過放題， 畀我嘅感覺就係刺身新鮮， 如果唔係我一開始就會唔想食。 因為自身嘅質素影響整體感覺。 餐廳嘅拖羅， 鮮甜肥美無渣算咁多間放題對面最高質。熟食推介羊扒燒元貝， 一口牛肉粒， 記得要食佢個木瓜甜品 飲佢嘅蟲草花花膠湯。 木瓜甜品味道同外面差唔多， 蟲草花湯花膠質感唔錯， 未到小同伴們認為比較淡。 我覺得OK。多款特色卷物壽司， 唔建議叫因為真係好飽， 天婦羅質素普通， 都唔建議你叫口痕可以食。另外有多款飲品蛋糕甜品糯米糍雪糕雪條， 雪糕雪條都有十幾款， 熟食同湯仲有水果係外面自取。晚市318加一， 我滿意。

好耐冇食過放題 唔去都唔知原來而家咁平Lunch 第二個人半價記憶中呢一間大喜屋都應該唔係平 但係估唔到而家做到咁平當然依家平咗 心入面都估到應該有差到㗎啦環境真係舊咗好多 成間酒樓咁嘈見到有食客出去拎自助食物嗰陣冇戴口罩…我都唔敢食了..嘢飲嗰度仍然係好多選擇 多到都要諗一諗有乜嘢好😆竟然仲有清酒任飲咁大手筆！嘢食方面不過不失 呢個價錢都冇得要求咁多食刺身就真係好抵食！壽司都唔錯啦叫咗個花膠雞湯但係菜味仲多過雞味甜品仲有好多雪糕揀整體來講性價比真係算高㗎啦！

都有一段時間無食放題, 主要係因為疫情關係, 同埋亦都係因為好多時 D 放題餐廳既位都 set 得好密, 同埋幾嘈, 而且有 D 食物都係好普通, 但價錢都要成 $3XX - $400 一個人 !今次來呢度最主要都係朋友訂位, 同時佢食過都覺得唔錯,  枱與枱之間又唔會太密同太嘈, 另一方面就係食物, 原來大喜屋本身都分幾個 level, 而呢一間 係最高 level, 所以食物方面會多 D 種類之餘, 亦會有 D 係比較高性價, 咁當然每位既價錢都相應地高少少 ! 講返今次食物, 我同朋友都比較喜歡食魚生, 所以都叫左幾轉, 好新鮮, 重點係一定要叫拖羅啦, 除左拖羅之外, 仲有就係鮑魚, 當然要必食先夠回本啦, 熱食方面都係大同小異, 自己就幾 like 個酸菜魚, 細細份, 夠熱, 魚好滑 ! 服務方面都唔錯, 有禮貌係感覺親切好多 !