殿 大喜屋

营业中

休息中

高質.新鮮.平價.衞生.舒適三小時任食放題一間可以有拖羅、包魚任食嘅放題食放題來講，我已經好耐無食刺身，原因有好多，或者你可以話我咀叼😂😂😂但我係昵到食刺身都叫咗三四個Round食✌️✌️✌️👍👍👍👍—————————-🤎入到去比我感覺環境舒適、地方大、座位寛闊、衛生乾淨、服務也相當不錯的，可以比我慢慢嘆，慢慢拍照打卡的三小食任食任飲嘅放題，完全係好自在咁食😆好充足的時間，可以話係嘆😂——————————💝平日食放題我都吃熟食多，係呢到有我至愛吃的鮑魚、和我喜愛的刺身😍😍，今日熟食我暫且放埋一邊😆不過我嘅朋友就好似大小通吃未停過口😂——————————-💜用自己電話掃一掃個Code就全部一目了然，想食乜自行落單，新鮮即製，食得安心又放心，衞生又新鮮👍👍而且食物上枱時間唔會慢，點咗單之餘，又可以行出去取沙律🥗、甜點🍮、雪糕🍦、雪條、部份熟食和飲品嘆住先，真係可以長拿長有😂行出去拿食物永遠都係咁乾淨企理，又可以拿到自己的心頭好食物👍——————————-🧡我就好簡單，食幾款自己想食嘅食物就夠，其餘都係朋友叫來吃，我嚐一口味道就可以滿足到了我的食望，隨了鮑魚，我就真係可以食咗十幾隻咁多，是關鮑魚真

🖤 殿 大喜屋 (尖沙咀)🤍尖沙咀金巴利道26號1樓而家殿大喜屋逢星期一至五去食，二人同行第二位就會減$100，見到有得任食拖攞同埋海膽手卷，幾正，唔怪之就算平日晏晝都人山人海！刺身好新鮮，我哋叫咗拖羅，三文魚，赤貝，油甘魚，甜蝦同劍魚腩，款款都好新鮮同肥美，加上厚切，啖啖爽口，另外仲帶咗三款火炙壽司，火炙三文魚最出色，燒出油香！小食有燒牛舌，燒羊架，北海道芝士焗帶子，西京燒比目魚同埋浦燒鰻魚，羊架羶唔重，唔食羊嘅我都覺得易入口，西京燒比目魚醬汁甜甜再配上沙律醬，非常開胃，牛舌就普普通通，唔夠彈牙，如果厚切啲就好當然唔少得海膽手卷，海膽好新鮮，即叫即包，加埋脆脆嘅紫菜食勁夾！我哋加埋都食咗八件壓軸嘅甜品非常驚喜，有movenpick，哈根達斯雪糕任揀，而且鋪頭準備咗自家嘅軟雪糕機同埋甜品🍮我就揀咗燕窩雪耳椰汁燉木瓜，啱晒養顏一族

星期一Blue Monday，梗要約朋友去「殿大喜屋」盡情食個飽！跟其他放題餐廳相比，裝修後的「殿大喜屋」環境寬敞，食客間的空間感大得多，傾偈時感覺更自在！自助區方面，都有很多選擇！除了一般的沙律吧、甜品區、軟雪糕區、飲品區和炸物區外，最最最估唔到的是，竟然有日本清酒放題任飲呢！餐廳以QR Code點餐，上菜速度迅速，最快的落order後五分鐘即到！而且數量準確，點十片魚生就來十片，不多也不少！一大盤新鮮魚生，很呃like！壽司每款一件，試勻唔同口味！炸廣島蠔外脆內juicy，正！估唔到日本放題都有鮑魚任點，我們一口氣吃了四個呢！更估唔到的是，有食幾個即回本的海膽手卷！雪糕更是酒店自助餐先有的名牌Movenpick和Haagen Dazs，絕非普通的牛奶公司！$295埋單，抵到笑！

朋友生日聚會，離不開食放題，一個價錢可以任食任飲，呢度仲有唔同既酒任飲。環境整潔企理。侍應服務態度都可以，始終要招呼滿坐既食客，的確各有各忙。點餐方面十分方便，手機掃二維碼便可以清楚見到唔同分類的食品，點完後都不用等很久，便續一送到枱上。食物多元化，最喜歡吃拖羅，三文魚，帶子，雖然任食，但質素都幾好。飲品方面，Asahi，一定要飲返幾罐先夠盡興。見有其他清酒，梅酒都無試，為免溝酒飲易醉。Asahi一款都夠。甜品有Haagen-Dazs,moven pick，成個雪櫃滿滿的，食了很多。呢餐飽醉回家大喜屋食嘢真係抵食之餘，食物質素幾好，又多元化，酒亦任飲，比幾百元可以有呢個收獲真係着數。

平時我都好鍾意食日式放題，因為又可以食刺身，又可以食熟食、串燒、甜品🤩等等🤣🤣所以我都去過唔同地方食～不過最滿意當然係呢一間 殿 大喜屋😍雖然佢嘅價錢相對上貴，但係絕對係物超所值，間唔中黎一次都唔過份啦～淨係要講呢一盤刺身都已經回到本～佢嘅油甘魚超級重油香🙈甜蝦超級鮮甜，而且佢個頭嘅膏都唔苦😍😍仲有比較罕有嘅象拔蚌，同樣地切得好薄，一啲都唔會難咬😍呢度仲有好多回本嘅雪糕可以任食～鍾意食放題嘅不妨一戰

啱啱食完返到屋企 好飽食品果然 高一級不愧為大喜屋的殿堂級任食拖羅同鮑魚好少buffet有仲有泰式生蝦同埋海蝦 我最欣賞不過拖羅嘅size 每一件都好細我睇openrice其他啲相好似好大舊原來都係咁不過唔緊要叫多幾十嚿冇錯係幾十嚿 加埋等於正常 元氣三文魚嘅 八，九件左右size我鍾意食鮑魚所以叫咗十幾舊不過冇酒味 雖然有鮑魚口感 算啦仲有buffet少有嘅池魚薄切花膠雞湯好多花膠燕窩椰汁燉木瓜 黑松露蒸蛋 都幾特別埋單305連加一 比其他日式放題高丁丁咁多啫 但係我覺得值嘅 因為佢嘅食物普通放題冇

大喜屋就食過好多次 殿就第一次 果然係正啲👍🏻Book左閒日6點 未有太多人 好好坐 叫嘢食都係用QR code 方便環保唔怕漏單環境寬敞乾淨 放題舖來講佢裝修都好高級 嘢食未黎之前可以出去拎下冷盤熱食 有清酒飲👍🏻出去行咗個圈落單嘅嘢食已經到咗 大概5分鐘左右刺食新鮮濕潤 拖羅好鮮甜👍🏻放題壽司質素真心好過好多出面單點嘅 呢度都唔例外 本人最愛蟹柳 正正子🥰回本位仲有鮑魚同海膽手卷🤤要特別講係件羊架 係放題入面食過最好食👍🏻厚身肉嫩 有彈性 juicy唔蘇 一個人食左3件🤤重點黎啦 任食！大滿足🥰整體食物質素 環境同服務都好 會再黎👍🏻

先寫啲好架啦。刺身係好食嘅，新鮮又甜。鰻魚都好食，厚身又有夠味，不過鹹咗少少。西瓜都甜。完。好食嘅已經寫完。到難食嘅，我唔係所有嘢都叫哂嚟食 ，但我叫過嘅都唔好食。包括一口牛、炸物、羊架、避風塘炒蟹、北海道燒帆立貝、燒牛舌、鹽燒雞軟骨、和牛薄燒、中華海蜇、醃酸薑、鮑魚雞粥又水個雞又黑，仲要係飽魚粒等等等等，唔係凍就韌，總之唔好食。因為岩岩裝修完，環境係幾好，不過啲人就一般般，尤其係好似高級少少嗰啲經理定唔知咩。加上二人同行一人半價先食，總之唔會有下一次..

今日約咗個舊同學係尖沙咀食午餐，我哋兩個都想食放題，記得曾經食過喺尖沙咀有一間放題都幾抵食，而且食物質素都唔差，諗起都好似好耐無去食過，咁就行過去睇吓，喺門口搭lift嘅時候見到原來而家仲抵食，星期一至星期五，午餐二人同行第二位減100，嘩！咁抵咁超值唔使諗就直踩上去食😂————————-我哋上到去乜都唔使諗，有鮑魚、有多款刺身任食，仲要鮑魚拖羅都係任食，花雕味道嘅鮑魚彈牙，咁嘅價錢真係抵到爛，羊架、燒鯖魚燒得夠香夠嫩、沙律夠新鮮，大蝦天婦羅、南瓜天婦羅、炸榴槤、燒菠蘿、燒秋葵、燒雞軟骨、燒物串燒炸得脆燒得好香，仲有好多食物食完都冇影相，淨係掛住食，因為食物太好味😅————————仲有清酒飲，啱晒我哋兩個，雖然我哋兩個係舊同學，但係我哋已經過咗18歲，所以飲係絕對冇問題😂就係咁坐足三小時的滿肚而歸—————————

殿 大喜屋尖沙咀金巴利道26號1樓大喜屋系列既放題餐廳，永遠都係同屋企人或者朋友聚會既最佳地點，因為貪佢呢到咩食物既選擇好多, 有刺身，壽司，鍋物，串燒，炸物，天婦羅，沙律，甜品，緊有幾款岩食既，可以滿足到唔同人既要求，今日趁放假我地就黎左位於尖沙咀既<殿 大喜屋>幫襯，悠悠閒閒食返個lunch放題第一輪當然係叫左盤刺身先啦，呢到既選擇好多，自己習慣第1 round通常都會樣樣都叫d睇下當日邊樣最新鮮，第2 round就可以再encore啦，我地今日都試左好多款，分別有劍魚腩，三文魚，油甘魚，北寄貝，帶子 赤背，象拔蚌，赤蝦。。。而自己最鐘意既當然係得呢間分店獨有既拖羅啦，雖然餐廳切得比較細舊，但係食得出除左新鮮之外，仲好肥美，正呀呢到除左刺身壽司之外，其實熟食都好出色架，我地當然要試下啦，今日試左蒲燒鰻魚，燒牛舌，一口和牛，燒比目魚，燒羊鞍仲有牛肉鍋，真係好難得食左咁多年，分店愈開愈多，但食物質素都無下降，值得一讚飲品方面，呢到除左有4個大雪櫃擺滿左啤酒，汽水，茶類飲品外，另外仲有個檯位係專擺清酒，果汁。。最後當然要食埋甜品先走啦，餐廳有供應movenpick同ha

突然之間好想食放題食，經過見到佢，下晏就book左位去食去到覺得個門口算係幾華麗再行入d就覺得好多人路好窄坐低個位好勉強先入到去坐然後見到佢出面攞野食就好闊，幾好佢d野食全部都好的骰，可以叫多幾款試其他野食食物品質係ok可以唔錯佢個水煮辣魚真係要讚仲有個和牛薄燒，太正太正所以我諗我應該都會再黎食多次既。見佢依加裝修緊，希望佢裝修完d位可以闊d啦評分時間。環境分數 50/100，行入位都好勉強味道分數 85/100，都係高上品質服務分數 80/100，放題黎講不過不失

昨日去咗做老襯。訂了房間坐16人，但房間經常被職員及顧客用作捷徑穿梭來回。飲品衹得個暖字。衹准兩小時享用餐。5點半準時入坐。5點35分落單叫了食物，到6點半都衹得兩三款食物到枱。叫了16件拖勞，上枱衹得4件。職員匆匆經過，你叫他，他懶得回應你。約6時35分，職員前來說7點截數。我說大部份食物未到。她拿了落單紙給我們叫我們手寫落單。她會直接拎去㕑房會快啲。我說之前叫咗啲食物會幾時到，因為我不想浪費。她說手機落單要排隊唔知幾時到，若果你排第200,你就等第200個。叫了兩三次俾碟我地，因為生日切蛋糕，但最後都是自己取碗代替。好似走難咁，食到一肚氣。貨不對辦，除了未有適時送上食物，食品質素一般，以往食物大小都算ok,但現在一件魚生一開三，非常袖珍。免費都不再去。原本諗住再訂12人於兩星期後再光顧都怕怕了。

第一次食大喜屋，亦係第一次一家人食放題，當天下午打電話去book晚上食，疫情下衛生措施算係做得唔錯，大家都會自律戴口罩出去攞食物職員收碟收得都快，外面既甜品前菜放題refill速度就一般，甜品櫃每度門都有點問題成日差點就夾到手，希望可改善就好。飲品方面有極多選擇，熱飲咖啡latte茶清酒維他奶都有，冷飲唔使講紙包罐裝，仲有清酒梅酒雜果賓治，最欣賞有細細支既茶飲，份量唔會太多可以試多幾款又衛生食物方面用電話落order後都算快到，每次落單都會相隔一段時間先可再落單，上菜速度算快且冇漏單，十分滿意因為屋企人唔多食生野所以冇咩點叫到刺身，反而比熱食吸引了，估唔到放題都有咁多熱葷可選擇，有鮑魚蟹花膠蝦蜆上到黎既食物熱葷都係夠熱有質素，最欣賞有個蝦既菜式，但全名唔記得左，有埋擺盤唔係求其上碟就咁比客，同出面中菜餐廳絕對有得揮！至愛仲有比目魚同埋芝士焗帆立貝，上到枱都仲係熱辣辣好好味不停encore。因為食得心急好多都冇影到相，但值得讚既係佢地會幾款食物安排晒響一隻碟上，節省左好多空間同地方。甜品都算多款式，一般蛋糕芝士餅都有，個人覺得最好食係朱古力蛋糕。估唔到乳酪同豆腐花都可以細細杯，份量少岩岩

香港人鐘意食壽司，而日式放題店隨處可見，但有質數有水準嘅真係少至又少，而殿大喜屋絶對可以算得係一間有水準有質數的放題店，佢有海膽手捲同軍艦，又有拖羅手捲同軍艦，單係依兩樣就已經係值回票價，其他食物刺身有水準，刺身溶雪處理得宜又新鮮，壽司又唔係大大件要質飽你，啲侍應勤快，但您知啦放題店你都唔會要求佢有禮，係啲坐迫啲啫。我重點講下有啲乜野好食喇。海膽手捲 - 必order，佢係無得用apps落單，要去門口排隊，師父都好快手咁整，完全無拖時間，分量都算多，但唔係好夠甜，但絶對唔苦嘅。章紅魚刺身 - 刀工幾好，夠薄，酸汁與章紅魚刺身好夾，又係必食。原條穴子壽司 - 原條大大條，食後好滿足呢。刺身 - 睇相就知佢哋嘅刺身都係靚貨嚟，放心order。其他放題店有嘅野佢都有，只會係更多，更好食，300內食個日式放題又要有啲水準嘅，殿大喜屋係一個好好嘅選擇。

同朋友慶祝生日，一行12人去食放題食物質素還可以，拖羅不錯，甜蝦蝦頭微黑但肉質ok, 有甜味，帶子都甜既同厚，唔會係透光嗰種。熱食就中規中矩，無咩突別大既問題但係衛生真係差，行出去拎野飲見到地下有小強🪳行過，雖然唔係好大隻嗰種，但係都有啲恐怖地下黐立立，隻鞋會黐住地下，感覺有點難受坐嗰個位地下有垃圾同食物殘渣，就算食物幾好食都冇用，有坐立不安既感覺我見全場爆滿，明白侍應係好忙，但而家疫情非常時期，衛生係應該做得更好，冇野比衛生更重要