影片
更多
2021-06-19
582 浏览
殿 大喜屋尖沙咀金巴利道26號1樓好耐都冇食過日式放題，我哋見到殿大喜屋做緊二人同行，就有一人半價既優惠，加上午市任食3小時，即刻諗返起以前讀書嗰陣成日食日式放題既回憶，見到咁平嘅優惠，同朋友決定試吓！餐牌選擇同以往一樣，非常之多，出面有前菜同小食自己拎，當然第一輪即刻叫咗刺身先，每款刺身都非常新鮮，尤其拖羅，真係好肥美，色澤均勻，帶子亦都粒粒飽滿，我最鍾意食嘅希靈魚，餐廳用咗厚切，令到個口感更加豐富，另外出面有海膽手卷拎，海膽好新鮮鮮甜，無腥味，亦俾得好大方，我哋都拎左幾轉串燒方面，我哋最鍾意就係食鹽燒牛舌，係即叫即燒，牛舌十分爽口，咬落熱辣辣，令我哋點左好幾次食，而且餐廳有和牛薄燒，令我哋非常之驚喜，以往我哋係居酒屋食都要幾十蚊得一至二小片，喺呢度我哋可以盡情咁食，牛味香濃，沾上燒醬汁食一流蒲燒鰻魚串非常肥美多汁，而且鰻魚基本上都冇咩骨，啖啖肉咁食，又厚又軟熟，真係好邪惡好吸引，另外佢仲有香草燒羊鞍，燒得好嫩滑，羊味好重，配上香草好夾朋友叫咗天婦羅蝦，亦都係新鮮即炸，個天婦羅漿非常薄脆，真係好正，相都未影就忍唔到食哂。見到佢小食亦都有唔少以前未見過嘅新款式，例如香煎味噌虎蝦同黑松露
尖沙咀金巴利道26號1樓
好耐都冇食過日式放題，我哋見到殿大喜屋做緊二人同行，就有一人半價既優惠，加上午市任食3小時，即刻諗返起以前讀書嗰陣成日食日式放題既回憶，見到咁平嘅優惠，同朋友決定試吓！
餐牌選擇同以往一樣，非常之多，出面有前菜同小食自己拎，當然第一輪即刻叫咗刺身先，每款刺身都非常新鮮，尤其拖羅，真係好肥美，色澤均勻，帶子亦都粒粒飽滿，我最鍾意食嘅希靈魚，餐廳用咗厚切，令到個口感更加豐富，另外出面有海膽手卷拎，海膽好新鮮鮮甜，無腥味，亦俾得好大方，我哋都拎左幾轉
串燒方面，我哋最鍾意就係食鹽燒牛舌，係即叫即燒，牛舌十分爽口，咬落熱辣辣，令我哋點左好幾次食，而且餐廳有和牛薄燒，令我哋非常之驚喜，以往我哋係居酒屋食都要幾十蚊得一至二小片，喺呢度我哋可以盡情咁食，牛味香濃，沾上燒醬汁食一流
蒲燒鰻魚串非常肥美多汁，而且鰻魚基本上都冇咩骨，啖啖肉咁食，又厚又軟熟，真係好邪惡好吸引，另外佢仲有香草燒羊鞍，燒得好嫩滑，羊味好重，配上香草好夾
朋友叫咗天婦羅蝦，亦都係新鮮即炸，個天婦羅漿非常薄脆，真係好正，相都未影就忍唔到食哂。見到佢小食亦都有唔少以前未見過嘅新款式，例如香煎味噌虎蝦同黑松露蒸蛋，我哋都叫咗，前者食落去好彈牙同好香蝦味，味噌鹹鹹甜甜地咁，神奇嘅夾，後者就黑松露味好濃郁，可以醒醒胃
甜品選擇亦都好多，有movenpick雪糕任食加哂分，我哋都係甜品控，就叫咗芝士蛋糕試吓，芝士都幾濃，餅底亦都幾好味，甜品嚟講放題算出色，佢呢度仲有清酒提供，見好多人都有飲，不過因為朋友有揸車，所以就冇飲到，我就飲咗一小杯，味道清清哋都幾好飲
张贴
