殿 大喜屋

营业中

休息中

本身都唔係好鍾意食放題，因為通常食物質素麻麻地，同事話做晒research，話呢間放題高質，咁19號果日紅日去食lunch啦。12-3時段。首先講食物，就真係唔係高質，刺身有正常質素都有d係好腥嘅，普通放題咁嘅質素，不過都預咗。再嚟講環境，地下油林林，d枱呀，卡位梳化都唔係好乾淨，都算！我地一行4人坐卡位，食食下有中size嘅曱甴，個身長長果種，喺我個位果幅牆度行，勁驚！即刻叫侍應捉咗佢，佢用佢果塊藍色用嚟抹枱嘅布捉咗佢，成餐飯已經食得好不安，跟住無幾耐，又一隻！！跟住就同個侍應講又有一隻啦，佢好似無乜野咁又用佢張抹枱布捉咗佢。侍應俾我嘅感覺係應該成日都好多曱甴周圍行，佢地都見怪不怪果個感覺，仲要連唔好意思呀，對唔住呀果種感覺都無。捉完曱甴一句野都無講就行開。我明白放題任食係不能要求高，但都唔係咁樣同d曱甴一齊食飯都覺得係正常卦。真係好差囉！

太耐冇食放題，諗住同朋友一齊試吓，喺網上見到佢嘅食評好似唔錯就同朋友選擇咗去依到食。點知去到簡直晴天霹靂。食物完全不外如是，環境衛生亦一般，食物感覺放咗好耐，員工服務態度差，喺食緊嘅途中餐廳員工竟然把放滿廚餘同放滿其他人用過嘅碗碟餐具車放喺我哋餐枱旁邊，一啲衛生意識都冇。而且食物選擇少，刺身感覺並不新鮮，甜品選擇唔多，味道亦相當之怪，飲品種類選擇還可以，但全部都唔凍，同朋友很失望嘅一次經驗，冇諗過食物質素同網上評語落差咁大！

經過這一年的疫情少咗出街食飯今日趁着好心情就同朋友去食午市放題任食難得「殿 大喜屋」做緊推廣優惠星期一至日午市二人同行一人半價計吓條數即係兩個人$500有找真係好抵食 二話不說book咗去食😋鍾意佢點餐方式夠晒方便只需要用手機掃描QR code即可下單入面食物仲要圖文並茂一目了然 簡易操作環保之餘 仲可以減少人與人嘅接觸令我食得安心又放心🤗⊰⊹════════════════⊹⊱✎ 食後感 ：✨刺身「拖羅」絕無僅有的放題會有拖羅食仲要係任食超級正呀就咁睇個色澤係粉紅色難怪食落去入口即溶吖刺身「甜蝦」雖然細細隻，但係食落去好鮮甜爽口，一次過食咗十幾廿隻。「手握壽司」同埋「軍艦」款式都多元化。細細件好的骰，食落口一啖就食晒，好味道。海鹽燒左口魚邊壽司同樣地非常新鮮，帶點軟口爽脆嘅感覺。另外牛油果軟殼蟹卷每一件都放左2-3片牛油果在上面，配以卷物入面嘅軟殼蟹卷，軟殻蟹炸得好香口，非常滋味。「和牛薄燒」煎到五成熟，食落去有一點入口即溶的口感，入面仲要好多蔥粒同埋蒜片，真係夠晒滋味😋。「串燒」方面，新鮮即燒，「牛舌」同埋「燒雞翼」都好好食，燒得恰度好處，而且好夠味道，必食之選。「燒羊架」同樣都係

同朋友心血來潮想食放題，本來想食極尚嘅，因為之前食過覺得質素差咗，諗住試吓同集團其他分店啦，就揀咗都係尖沙咀嘅殿大喜屋，諗住佢係高級過極上啦，食物品質應該好啲啦，點知嚟到仲失望壽司🍣唔凍，唔算新鮮，片到超薄，飯又乾身刺身都係唔凍，無咩鮮味醉鮑魚：過甜，無酒味牛脷串：太乾同太薄甜品我未食過，不過欣賞佢有迷你豆腐花，應該無乜人會食🤭正常食物如下：西蘭花炒花之片全場最好味係炸榴槤，同雪糕人均消費好似$320左右，真係唔太值呢個價🤔由於希望愈大，失望愈大，所以無心機影相，請見諒！

大喜屋嘅午市定食真係好平而家做緊優惠午市放題第二位半價，$268一位，第二位半價連埋+1服務費兩位嘅放題都係四百幾咋不過我都係覺得大喜屋嘅午市定食比較便宜，大概六十幾50幾蚊，一位定食，我今次叫咗$45嘅炸蝦壽司配熱湯烏冬，炸蝦壽司一啲都唔馬虎，竟然有八嚿咁多，而且有芝士同埋蟹子喺面，點少少豉油已經好正，芝士睇得出用火燒過，確實幾香熱湯烏冬夠熱，烏冬彈牙，雖然沒有配料但係有幾塊昆布 我覺得都幾好食😋朋友叫咗牛肉鍋，配飯，另外仲有三文魚🍣不過睇得出三文魚唔算好新鮮最抵食嘅係大家叫完午市定食之後仲可以出去食任食沙律🥗，小食，每人一個飲品連埋+1服務費呢度只需要$100多啲咋食到非常飽

去完血拼就係附近搵左呢間殿 大喜屋放題😋有自助飲品，甜品，熟食區🤪飲品款式好多汽水我🍵揀無糖茶，仲有好多果汁，中日韓台飲品，鴻福堂都有😆啤酒、清酒🍺🥃🍶熟食方面我拎左個雪耳燉鮮奶 好正 唔會太甜🥛好香濃QR code 落單 方便又環 仲有得睇自己落左啲咩刺身壽司🍣手卷軍艦三文魚必點，長腳蟹添、赤蝦，樣樣都點啲，不浪費😉留肚食其他野熟食 有分自助款 同電子落單兩類Order左甜椒一口牛 ，各種串燒：芝麻雞、炸生蠔、一口炸日式年糕、芋丸、雞軟骨同牛舌碟碟啲份量岩數量岩 味道都唔錯 仲叫炒蟹炒蜆 青口 鮑魚..... 我仲叫左雞粥 暖下胃 唔知係咪人大左 覺得自己食力差左 🤣甜品 🍮凍櫃有好多小cake 可以揀 ,雪糕雪條呢啲就必食啦 最吸引我 movenpick haagendazs milktop 海鹽味真係好正呀 大滿足🍣😆環境都舒適 唔會坐得迫 店員 上菜快 冇漏單

與孩子午前放題，這間可算有質素保證，起碼沒有一樣覺得難食。十二時正，已有許多人，可能遲了訂位，座位四人來說是正常，但有些可能早訂，座位寬敞舒適，特別是二人坐的卡位，真的很好哩！先叫轉刺身，款式十分多啊！一送來，真的覺得「靠得住」，魚生厚切不在話下，而且質地爽而鮮，排得靚靚。放題來說，認真有質素。我哋也叫了兩轉。不過蟹腳就一般，有點難完整地弄出，味道也一般。天婦羅蝦是孩子至愛，香脆而不覺得粉厚，很不錯。最抵覺得是鮑魚，我自己食了8隻。我很鍾愛的燒牛舌，不過我嫌略鹹及少少靭。阿仔最想食羊鞍，但有點失望，因為叫了三轉，除了第一轉的肉嫩味香，其他的都靭，孩子覺得難咬。我們也多次品嚐燒牛片，很香和嫩，可自行沾特製的汁料，我喜歡食淡啲，唔沾汁可食到鮮肉味，很滿足。這店的食物選擇繁多，我們不大食，還有許多未試哩！這是我第二次光顧，記得第一次是被它的甜品櫃吸引極，今次光看是吸引的，但當中的甜品，只可以「唔難食」作評價，款式雖算多，但味道很相似，餅底淋。不過，韓國雪條及H字頭雪糕補返晒啦😋⋯⋯除非遇到更好的，不然我都會選擇這店，食物好，服務有禮。

午餐時，比朋友捉左去殿大喜屋食午餐放題。原來依家好抵食，星期一至日午市二人同行, 一人半價，勁吸引殿堂級既放題果然係唔同d，食物既種類都多d，高級d。平時午餐都無甘豪過，今次係新體驗。首先，個人認為必點花雕酒煮鮑魚。陣陣酒香提高食慾。彈牙既鮑味突顯鮮味，正！而且午餐時段，可以任拎海膽手券。海膽多過飯，食落口滿滿既鮮甜味。當然，一件起兩件止，先有空位食其他好西。係刺身方面，質素絕對上品，單單厚切三文魚，見到飽滿既油脂分布，一食落口爆發既魚脂香，令人停不了口。拖羅既嫩，入口即溶既感覺，食得好幸福。仲有虎蝦，牡丹蝦萬萬不能錯過。魚生片都要一一嘗試熟食方面，火炙和牛卷必試，簿簿既一片，但充滿牛味，入口既細膩感，既不飽肚，又滋味十足。如果想重口味啲，仲可以試避風塘炒蟹。因為風味十足，夠惹味又唔怕肉太多會飽肚。鐘意既可叫燒白鱔，夠香，夠滑，入口即溶，回味無窮。魚脂香回盪係口中，層次豐富。個人仲推介燒牛舌，烤羊架同燒菠蘿。其實每樣都不錯。都想打哂出嚟。但呢三樣係我認為最出色既！一百分滿分既話，殿至少有90分啦！

母親節媽咪話想食日式放題，所以揀選咗間有質素嘅日式餐廳。《殿 大喜屋》我個人認為呢個價錢，真係食得過。刺身新鮮又肥美，仲有海膽手卷。熟食款式都多選擇，避風塘辣蟹丶黑椒羊架丶椰汁雪耳燉木瓜丶燒菠蘿等...都唔錯。依家5月份做緊優惠$268/1位(+10%)，第二位半價，真係超值。

N年冇吃日式放題， 有人被網上影片燒著，就拉我來試😆。適逢今期做緊午市二人同行一人半價錢， 食足三個鐘，據說午市食杯款式同晚市一樣，所以性價比十分之高👍。雖然午市是12點鐘開始， 但我地12：05分到達入座時已經差不多滿席， 估計大部份人都提前來排隊😅。入座後服務員有詳解點單流程及餐廳佈置格局， 都幾禮貌。點單好簡單，掃QR Code網上點單， 全部看圖識字。我地頭盤當然先點刺身及寿司啦。因為怕一次過堆埋會太迫， 所以我地想一round一round慢慢食。飲品都係自助任飲， 款式其多有二、三十款， 嗜酒的我就有清酒、梅酒，啤酒有Asahi等選擇， 雖然是光天化日之下， 我都忍唔住飲左幾合德利嘅清酒。餐廳上菜都幾快手， 下單等了十零分鐘就開始有野食， 而且上菜非常準確， 完全冇錯單。佢地嘅刺身大部份都好味，質素算唔錯， 不過章紅魚就嫌太薄太細件，食唔出味。寿司就必食和牛炙燒，好滑，牛脂味香濃。剛吃完刺身， 服務員走過來說可以去寿司部拿海膽手卷， 每人可取兩件。海膽雖然唔expect是什麼高檔貨， 但都算鮮甜，紫菜亦脆口，唔錯喎。建議不要一直encore刺身寿司， 事關佢地嘅熟食都好高質，

好耐好耐冇食過放題 原來有咁多野食 自助出去夾嘅熟食 有薯格 瑞士雞翼 牛油粟米等等 飲品款式都好多汽水茶酒都有 岩晒唔同人仲有椰子雞湯添飲落好香椰子味唔似平時嘅味精湯刺身三文魚好厚都幾肥美 帶子我就最鍾意夠晒鮮甜 仲有長腳蟹添 每隻都幾多肉壽司款式都唔少 掛住食有啲都冇影🤣 花之戀壽司 略嫌佢太多沙律醬 左口魚壽司油份啱啱好 好味 熟食蜜椒一口牛 一碟都有五六舊 有牛味唔會韌燒牛舌 好香口 唔錯 芝麻雞翼 炸得岩岩好 外皮脆脆入面雞肉仲好嫩滑 吉列蠔 蠔嘅size唔算細 推介呢個 醉鮑魚 淡淡嘅酒味都唔錯 麻辣酸菜滑魚鍋 平時都少見 但有驚喜 魚塊好滑同湯底都好夾 微微嘅辣度 如果有米線就好啦最後點少得甜品 好多款可以揀 雪糕最吸引我 movenpick haagendazs milktop 都有 真係好正呀 大滿足😋 呢個價錢絕對回到本🤪

話說我自己都已經很久沒有吃日式放題, 為何今次興起約朋友一齊去食，因為見到他們有二人同行一人半價的午市放題優惠，加埋一都是455/2人。而且殿大喜屋在大喜屋系列比較高級，一直都好想試，所以就趁著有優惠就去試下這個日式放題吧! 當日是星期六，一去到已經見到長長的人龍walk in, 幸好我們已經早幾天打電話預約好, 這個放題是由中午12點開始食到下午3點。總共食3小時。座位方面，如果四個人去會比較闊落，全部座位都是卡位，都坐得比較舒服。但如果兩個人去的話，我見到座位都會比較窄，枱都會比較細。落單形式都係以手機落單為主，一開始當然點刺身先吧! 刺身方面都多款選擇，除了基本大眾口味的刺身外，這裏還有拖羅食! 和比較特色小小的有鱆紅魚, 針魚和泰式生蝦。刺身都是有用冰托住上，可以保持溫度慢慢食，不錯! 大部份刺身都非常厚切大大件，絕不孤寒。和我們有數過刺身的數量和我們所點的一樣，沒有漏單的! 值得一讚。🥢不得不讚他們的拖羅真是非常肥美! 顏色呈淡淡的粉紅，而且油脂都好豐厚，食蕩魚油都好香必叫! 👍👍👍 🥢還有三文魚和油甘魚，這兩款也是厚切的，魚油香都比較濃郁。仲有甜蝦都大大只好鮮甜，其次有en

最近見宣傳午市放題二人同行一人半價趁有時間就來試一試佢當中係俾佢嘅拖羅吸引咗一開始嘅時候所有嘢都冇咩大嘅問題而且總括嚟講食物嘅質素算唔錯飲品同甜品都非常多選擇花雕醉鮑魚 入口有酒味 而且鮑魚一啲都唔會un海膽手卷要喺出面自己排隊拎分量唔算多每人每次只限拎兩個海膽質素可接受相信好多人食放題為嘅都係刺身第一盤刺身係黎曬所有熟食之後先至到但由於有其他熟食所以我冇特別計住等咗幾耐而且份量同我點嘅絕對係cut左至少一半拖羅質素係幾好但略嫌太細舊蟹腳都算好特別而且好多肉其他壽司質素都算幾好但之後再嗌第二次刺身就開始勞氣等咗半個鐘都仲未有第二次嘅刺身盤再追單先至黎 本身由於驚叫得太多食唔晒所以每次都係少少哋咁樣嗌 點知一等就等咗半個鐘到第三次叫刺身嘅時候等咗35分鐘再追單 staff俾咗張紙我哋填（本身係自己掃QR code係電話落單）個staff話可以一次過填多啲之後大約3-4分鐘就會到咁我就照填咗結果我係等咗三至四個字然後我叫左6-7款刺身分量一半都冇 款式又冇咗一半 無蝦無蟹腳 拖羅我叫左10件 下面張圖見到得兩件 仲要散到見到都唔開胃我問個Staff 佢再比過張紙我叫我填過我叫左10件拖羅

今日放假，同男朋友去左食殿大喜屋，聽講佢最近做緊星期一至日2人同行，第二位半價，咁抵食😍，想試左好耐，今日就bk 左去食😍。去到人流好多，佢嘢食嘅種類有好多款，首先我哋點左刺身壽司炸物串燒等等🙈，佢仲有得排隊拎海膽手卷🙈，好多人排隊呀我都唔執輸🤩，嘢食方面每樣都新鮮好食，刺身亦擺得好靚👍🏻。2個人食得吾多，樣樣食啲，最緊要唔好浪費嘢食，食得晒先好嗌⚠️，佢啲串燒熱辣辣，榴槤炸彈嘩好好食呀🙈榴槤控必點😍🙈，嘢飲種類都好多，佢仲有清酒梅酒好多吾同酒，另外佢哋有沙律區，熟食區😍，見到個雪糕櫃好興奮，有Häagen-Dazs，movepick，正呀，食多兩杯就回到本🤪。整體而言以呢個價錢食到放題都好抵食，以食物質素黎講，絕對值回票價👍🏻。。

好耐好耐冇食放題，呢日朋友話『殿·大喜屋』做緊promotion，二人同行，一人半價，就咁挑起條『放題』筋，一於約埋朋友一齊去喇。首先，依舊有『海膽手卷』，要自己出去攞，即整，每人每次限两客，甜品，生菓，飲品，沙律亦都自取，其他就嘟QR code點嘢，非常方便，而且一次都冇漏單。刺身係我嘅頭盤，首先點咗甜蝦，海赤蝦，帶子，三文魚，希靈魚，北寄貝，赤貝等等，海赤蝦好好味，好鮮甜，彈牙，實encore嘅食物。刺身出色，一品料理，燒物，壽司，卷物，軍艦都一樣出色，例如花雕醉鮑魚，避風塘炒蟹，蒜蓉花枝珊瑚蚌炒西蘭花，黑松露什綿海鮮軍艦……燒溫宣甜菠蘿，encore再encore。而甜品馬卡龍，自家製海鹽雪糕都好好味，奈何個肚裝唔多咁多嘢。燒香草羊鞍已推介畀朋友，我自己就一件已足够，唔係唔好食，而係太飽之故。