段純貞牛肉麵 (Tower 535) (已結業)

既然仲未去得台灣🥲， 唯有去呢間台灣人氣牛肉麵過江龍， 品嘗佢嘅美食， 頂住啲癮先😋餐廳喺銅鑼灣中心，相當方便，座位都幾多而寬敞。 服務超好👍🏻👍🏻👍🏻， 店員係我食牛肉麵之前救左我件衫👚送上即棄圍裙俾我😘😘原味牛肉麵點呢個為的是要品嘗佢牛骨湯底嘅味道。 湯底果然味道濃郁，食落油而不膩。 牛肉肉厚，肉質軟腍，十分入味。麻辣嫩五花牛肉麵湯底嘅麻辣味好出，五花牛肉切得好薄， 半肥瘦肉質食落更嫩滑。我哋都好鍾意手工麵，比較煙韌有嚼勁。紅油抄手餐廳推介小食， 秘製紅油辣汁，非常香濃， 雲吞入面嘅蝦好大隻又彈牙。香芋珍珠奶茶香濃芋頭奶味， 珍珠煙韌，可選擇少甜☺️荔枝乳酸飲料清新解渴，伴辣食或香濃牛肉麵好適合

今次黎到新開係銅鑼灣嘅台灣過江龍餐廳段純貞牛肉麵🐂大概下晝兩點同朋友黎食個late lunch🤩唔洗排隊亦坐得好舒服😌環境乾淨👍同朋友分別叫咗兩個招牌嘅牛肉麵🙈我就叫咗麻辣嫩五花牛肉麵 ($84) 配珍珠奶茶🧋 ($28)，而朋友就叫咗蒜香手撕雞乾拌麵（配花生🥜）($78)配荔枝乳酸飲料($28)，時候再加咗個紅油抄手share😼麵可以揀手工麵或者幼麵，我同朋友都揀咗手工麵😎我嘅牛肉麵一黎到已經有好大陣又香又辣嘅味😋而一擺入口牛肉勁淋身，一啲都唔會煙韌🐂而且牛肉味都好出，而湯底更做到十分麻辣，果陣香味令人食完一淡又一淡🥰手工麵亦有咬口，三種食材相輔相成十分推薦👏但如果食唔到辣嘅朋友就要留意下，因為真係幾辣同幾麻㗎！食完都要飲多幾淡水🤣珍珠奶茶🧋就偏甜，但珍珠都要咬口，建議大家少甜會比較易入口更好飲朋友嘅乾拌麵因為太香所以忍唔住食咗幾淡🙈個人覺得花生味比起蒜香味更加出😸手撕雞都好有油香，會係比較飽肚濃味嘅選擇😜就算係乾拌麵都唔會太乾身，有足夠嘅醬汁去攪拌均勻😙而荔枝乳酸特飲比較清淡，食完濃味嘅拌麵再飲返就啱啱好👍好似飲緊好清甜嘅乳酪咁，有淡淡嘅荔枝味😍最後叫咗個紅油抄手有六大粒🤓粒粒都皮

個人一直喜歡台式美食，最近發現有間台式麵店登陸香港，今天下午便來到一嚐滋味。麻辣嫩五花肉牛肉麵$84，牛肉口感比較紮實，麻辣味道層次豐富，配合牛骨湯底的味道，層次感更上一層樓，吃完麵之後，很快便把湯底喝掉了。可以選擇手工麵或幼面，手工面的闊度，有點似廣東的河粉，麵質比較像山東的刀削麵，配合濃郁的湯底，味道非常好。青花椒香手撕雞伴麵(含花生)$78，花椒的麻香氣味十足，不會過辣，花生香味濃郁，幼麵麵質爽口彈牙，如果份量再多一點便更好。新鮮豚肉鍋貼$48，豚肉帶點酒的香氣，肉汁十足，鍋貼皮煙煙韌韌，點些浙醋味道更佳。珍珠奶茶$28，奶茶味道不算濃郁，不過珍珠非常爽口彈牙，還帶點黑糖的香味，值得一讚。荔枝乳酸飲料，荔枝味道香濃，如果乳酸再多一點，味道更佳。

近來銅鑼灣Tower 535進駐了一些過江龍餐廳，上次試過吉列牛之後，今天試旁邊的「段純貞牛肉麵」。此店來頭不小，曾被「台灣美食教父」焦桐編製的《臺灣牛肉麵評鑑》，評選為「5 顆星牛肉麵」。 有乜咁巴閉？原來餐廳保留了眷村風味，在牛骨湯底加入了四川郫縣豆瓣醬及高雄岡山豆瓣醬，使用了23種不同的中藥材、天然牛脂，並以老薑、八角、紅蘿蔔、白蘿蔔等熬製8小時，單是聽都覺美味了，今天就來試試吧！這是段純貞在香港的第二間分店，首店在荃灣，但對於我這位觀塘友來說，銅鑼灣當然更就腳。荔枝乳酸飲料 $28、香芋珍珠奶茶 $28紅油抄手 $48看餐牌這「紅油抄手」有個「推」字，不太吃辣的我都膽粗粗點一客。抄手裡面除豬肉外，竟還有蝦仁，倍添鮮味。抄手比我想像中更辣，刺激但惹味。原味牛肉麵 $84然後主角就出場了。餐廳新推了「麻辣嫩五花牛肉麵」，但為了穩陣起見，我還是吃原味好了。看顏色就知道湯底好濃郁，用23種中藥淆製，果然不是說笑的！湯頭馥郁芳香，牛肉軟腍帶骨膠原，非常美味；旁邊的酸菜亦不用小覷，酸甜爽口，我一下子就全部倒入湯中，吃得滋味！青花椒香手撕雞乾拌麵 $78朋友則選了拌麵。全部麵食都可以選粗身的

原味牛肉麵青花椒香手撕雞拌麵鹽酥雞聞名不如見面台灣過江龍個手工麵真係超正掛湯一流牛肉麵湯底好重藥材味有薑、蔥、蒜、23種藥材調製而成濃郁到飲完即刻覺得好補牛肉炆到好腍鹽酥雞份量超大粉漿好薄身食落好輕怡唔會好油膩重有我最愛既九層塔響底台灣感倍增手撕雞拌麵個椒香好重岩晒我呢d重口味既人仲有飯溏心蛋食完超滿足正😝牛肉都有好多種選擇牛筋、腱心、五花唔想食傳統仲有蕃茄湯底酥炸排骨麵都好似好好味～下次要簡呢個先

作為台灣過江龍，呢度所有嘅食物製作都一絲不苟，另外店舖裝修亦都充滿濃濃嘅台灣味。店員非常有禮貌，真係彷彿置身於台灣。麻辣嫩五花牛肉麵，$84。呢度嘅湯底全部都係用特選牛肉淆製而成，所以每一啖湯都有好香嘅嘅牛味，另外台式麻辣亦都非常獨特，配搭嫩滑嘅五花牛肉非常好味。湯底味道偏重，個人推介配搭粗麵，口感同味道會得到一個更好嘅平衡。新鮮豚肉鍋貼，$48。作為台式小食，當然唔會令人失望。豬肉爽脆有肉汁，即使唔點豉油已經非常惹味。

-Spicy and garlic sliced beef flank noodleYou can already smell strong flavour of spice when servedPortion looks pretty small but turns out can’t finish the entire bowl (for normal girl)The sliced beef is rich and tender Really thin to soak up all the sauceLove the ultra thick handmade noodle Makes every single bite extra fulfilling-milk tea with wheat germ and pearlsLove how it’s light and not sweet at allPearls is rather small and chewyWhich is good for the teeth!

之前同朋友討論過其中一間想試嘅台灣野荃灣果間經過左兩次都無幫襯估唔到已經開左第二間分店第三間都就嚟開了lol本身係想食另一間但唔想等成三十張枱（因為行程有啲緊迫）所以「退而求其次」服務上做得唔好*枱枱都會俾水 係得我呢枱無*問我地要唔要口罩袋 講左要但你之後又唔記得俾 咁你問嚟做咩*俾張前後都有人坐嘅枱我 勁窄好在出聲有張大啲嘅 去返野食方面牛肉好食 夠Juicy但麻辣五花肉完全令人失望好似普通無味瘦肉咁無乜口感個辣完全唔覺得佢正手工面正常 無特別最好食係個餃子（利申：🥟控）炒菜唔使講啦 如果呢樣都覺得難食 真係唔知要講咩野飲我係叫熱金橘蜂蜜綠茶個人覺得唔好飲 飲左半杯已放棄其實本身我係想叫熱珍珠奶茶但奶茶類果啲淨係得凍嘅🥲偷飲左一啖凍珍珠奶茶是但一間手搖店都整得好飲過佢一飲根本就係奶精味珍珠比較細粒 口感麻麻

銅鑼灣535嘅地庫有好多餐廳，我幾乎全部食勻哂，呢日就食埋新開嘅「段純貞牛肉麵」，嚟個大滿貫。由於買咗飛夜晚睇戲🎬，所以就早啲食晚飯，估唔到嘅係同我哋五點鐘一樣咁早食Dinner嘅人都有唔少，哈哈。過江龍店令我有所期望，但同時亦怕失望，因為真係中過唔少次伏🙈。香港有唔少台灣食店，不過有賣牛肉麵嘅就唔算多，所以我更一直都搵唔到間好食嘅...，直至今日終於有開心大發現。未食之前我喺度諗，即使呢餐唔好食，但我都唔會好嬲，因為佢定價唔算貴😃。每人一碗麵同飲品，再加份小食一齊分享，人均消費都係百頭左右，喺銅鑼灣地段算係咁啦。原味牛肉麵($84)，🐮牛肉麵係招牌菜，每枱客人都必定會點。不過呢度唔止得一款，湯底同餸料均有多個選項，故演化成十二個唔同嘅組合。我哋就揀咗最原汁原味嘅原味牛肉麵，咁先至試到最正宗味道。以新鮮牛油同多種食材及中藥熬煮出嘅牛骨湯底好飲喎🤤，我成碗飲哂！湯頭唔會死鹹同重味精，而且仲一啲都唔油，爽，食得出係經過用心調配。牛肉呈條狀，好大件，大約有四件，肉質有彈性，食落好有滿足感。另外，仲搭配咗兩條小棠菜添。湯麵嘅麵條配咗手工麵🍜，店員介紹呢款即係有啲似刀削麵，厚薄不一係佢嘅特色。佢

※本文以用餐當日的環境、服務和食物質素為準，口味亦因人而異，文章只作參考之用。.呢兩年無得去台灣 真係一大慘事☹️所以一有台灣過江龍來港就會心心眼來自台灣新竹市的段純貞牛肉麵第一間店座落係荃灣，第二分店就係銅鑼灣店內裝潢以木系設計 掛上一些文字書畫連擋隔既屏風都靚過人😆.餐牌上選擇唔算好多，大致分為各款牛肉麵乾拌麵 台灣小吃和飲品。麵條都有分細麵/手工不過佢地就無供應魯肉飯，便當個類.#紅燒牛肉麵 $84#青花椒香手撕雞乾拌麵 $78#鹽酥雞 $48#珍珠奶茶 $28牛肉麵，仲有分麻辣、紅燒同蕃茄湯底覺得最穩陣都係先試 紅燒牛肉麵（配細麵）用上多種藥材 香料醬料及牛大骨 數小時的熬製湯頭入口甘醇的味道 應該係來自多種藥材唔會過於濃郁既藥材味 牛骨湯的味道偏重頗合我胃口 搭配吸湯的細麵和軟嫩無渣的牛肉還不錯呢！另外仲叫左青花椒香乾拌麵 配手工麵條估唔到有驚喜～食落唔辣 係多左麻既感覺！手工麵條煙煙韌韌 一路食又覺得很惹味！鹽酥雞炸得幾香脆身 屬香口系列兩杯飲品都是一般般 應該飲冷泡茶會較好

台灣的味道.. 想念的味道.. 段純貞 - 銅鑼灣店！ 終於等到啦 🤩🤩🤩 座落於Tower 535 地庫 cozy environment with social distancing 👍🏻👍🏻👍🏻 餐牌好像跟台灣的有一點不同.. 小食的選擇好像有比在台灣的店多一點點... 這次點選了招牌紅燒腱心牛肉麵 ... 手功麵真的很讚 可以🌶 一點 + 大碗一點 就更好咩 😋😋😋 牛肉肉質不錯 湯亦夠濃味.. 賣相味道都不錯 也不輸在台中 台北的店.. 只是份量比較小一點 🤣🤣🤣

又係食咗當去咗旅行系列😂聽聞呢間人氣過江龍喺銅鑼灣開咗分店, 於是特意搵咗平日下午時間去拜訪下, 幸好不用等位～🌟 麻辣蒜味腱心牛肉麵可揀細麵/粗麵～ 我揀咗細麵～ 湯底濃厚, 香辣但唔會過辣/麻, 加埋重蒜味幾特別, 重口味之人必叫‼️腱心牛肉超！級！正！好軟綿綿又好入味, 大推‼️🌟 青花椒香手撕雞乾拌麵(含花生) HK$78都係揀咗細麵～ 有驚喜‼️ 青花椒好香, 醬汁唔太多唔太少, 又唔會太油, 食落去好開胃～ 手撕雞就係正常水準, 分量如果再多少少perfect🤭🌟 紅油抄手 HK$48可能兩個面嘅湯底醬汁都比較濃, 所以食到落紅油抄手嘅味道就好似冇咁突出🤨 如果都係嗌以上兩個麵嘅話, 我會建議食咗個紅油抄手先～ 上面有好多大豆芽, 個配搭唔錯㗎～🌟香芋珍珠奶茶(凍) HK$28🌟 胚芽珍珠奶茶(凍) HK$28可以叫少甜架～

銅鑼灣535 Tower新開呢間台灣餐廳，餐廳環境好舒適。一行二人...揀咗兩款唔同嘅麵。「蒜香手撕雞乾拌麵」上海麵般的口感，將手撕雞同配料混在一起吃，每啖都充滿蒜香嘅味道，雞絲嫩滑...Yummy「原味牛肉麵」長而厚嘅手工麵好有口感。湯底夠濃郁。厚厚嘅牛肉，口感豐富，充滿肉汁。「新鮮豚肉鍋貼」餃子皮內充滿了啖啖的豬肉，沾上醬汁好好味。當然少不了台式飲品「荔枝乳酸飲料」「胚芽珍珠奶茶」兩種都好味，甜度適中。下次一定再嚟🤗

台灣的過江龍牛肉麵，早前在荃灣已是人龍店，如今銅鑼灣開新分店，真的是必試～蒜香手撕雞乾拌麵～轉點了手工麵，因手工麵較粗條及掛汁，伴麵吃起來更美味～蒜香野味濃郁，雞絲及大量花生粒，吃起來多重口感～原味牛肉麵～果然是過江龍，牛肉鬆軟冧滑，吃起來不費勁；牛肉湯頭濃郁，配上彈牙的幼麵，真的一口接一口～鹽酥雞～雞件已調味及醃，惹味的；炸粉不厚，有鬆脆口感～胚芽珍珠奶茶～點了少冰少甜～珍珠冧軟香甜，茶味相比奶味較濃郁，加了胚芽的感覺較健康纖維多👍

They have the best beef brisket noodle in Hong Kong. The handmade noodles were perfectly made. The broth has the right garlic and spiciness. Dessert is a must have to complete the meal.Of course, equally important is the service as well. The staff are friendly and very attentive.I will surely go back here again to satisfy my noodle cravings!