段純貞牛肉麵 (Tower 535) (已結業)

Visited this cozy restaurant with friends for early dinner. Ordered different dishes to try for sharing and thoroughly enjoyed all of them. The spicy garlic beef noodle soup with shanks and tendon was very delicious and filling. The broth was rich, with very tender beef slices. We also tried the different starters like fried chicken, spicy tofu and chilled cucumber salad and everything was awesome. Everything we ate was fresh and delicious. Staff were professional and attentive. And food was rea

呢排好鍾意試新野，好耐無食過台式牛肉麵，於是今日同友人黎到呢間銅鑼灣新開既段純貞牛肉麵食個lunch。裝修好靚，以木為主，感覺古色古香，座位舒適，適合同友人飯聚。餐廳主打唔同種類嘅牛肉麵同雞麵，仲有多款小食同台式飲品。設有加一服務費。我地第一次黎，揀左個牛肉麵同一款乾拌麵，再加一款小食，試吓佢哋d手勢先。麵可揀細麵或手工麵。原味牛肉麵 $84+10%原味牛肉麵賣相好唔錯，連個碗都印左個招牌名。先飲一啖湯，好清甜，帶有香濃藥材同牛骨味，但係一d都唔油。原來個湯係用牛油加入香蔥，薑蒜，豆瓣與23種中藥材，慢火拌炒8-9小時後，加入牛骨高湯熬，再加上各種手工調配的香料及醬料，但係飲出嚟嘅感覺係複雜中見簡單。餐牌介紹手工麵搭配湯底最好，因為更吸湯。所以呢個麵我地揀左手工麵，手工麵粗身有咬口，好似刀削麵。牛肉原來係牛腱心肉，一隻牛只有五碗份量左右。牛腱心肉有三大舊，炆得超淋又重牛肉味，仲帶d骨膠原重既牛筋，餐牌寫明係美國牛肉，唔怪之得，好好味。配菜有一條小棠菜同蔥花，另外有一小碟鹹酸菜，都唔差。我地真係清左個湯，有相爲證。蒜香手撕雞乾拌麵 $78+10%呢個蒜香手撕雞乾拌麵，我哋揀左細麵，貪細麵

台灣餐廳香港越開越多可見香港人真係好鍾意食台灣嘢特別係冇得去旅行嘅情況之下真係好心癢癢今日專登嚟到呢一間台灣享負盛名嘅牛肉麵試下知道係新開本身冇乜好大嘅期望但係出乎意料幾好食喎價錢亦都唔算貴😁.✅麻辣嫩五花牛肉麵開頭以為係肥牛 但居然係嫩牛肉麻辣湯底好惹味 夠曬辣個湯夠曬濃 麵都幾彈牙份量都唔少 對得住佢個價錢 性價比高✅原味牛肉麵牛肉湯底好濃沃 有條牛肋條 肉質唔會淋曬仲有少少咬口 唔會黐牙加埋手工麵 其實幾出色✅鹽酥雞出麵食嘅鹽酥雞冇乜分別味道唔錯份量亦都夠曬多加上佢係厚切鹽酥雞 食落去啖啖肉質感好好多✅珍珠奶茶珍珠煙韌彈牙 奶茶好香濃又滑好有台灣風味✅荔枝乳酸飲料好飲

段純貞牛肉麵其實係台灣新竹市都相當出名，今次更加係銅鑼灣開設分店，餐廳裝潢優雅，以傳統時尚風格作佈置，環境相當舒適。餐牌有多款麵食，當中更有手工麵、細麵選擇，店舖其實都好多人排隊，如果中午時間真係要預早去啦。鹽酥雞台灣必食嘅小食，鹽酥雞風味十足，雞件大大嚿，咬一口，外脆內嫩，不俗。三寶麵(腱心、牛肚、牛筋)三寶麵湯底清澈，帶有濃濃的牛肉味，而手工麵則麵帶韌性口感豐富，當中腱心真係不得不吃，肉質軟腍一咬即化相當出色。蒜香手撕雞乾拌麵手撕雞呈絲狀，配上細麵，有別於手工麵質感，但韌性亦十足，與蒜香、花生用食層次感十足。冷泡凍頂烏龍茶賣相討好，透明玻璃瓶增加其質感。凍頂烏龍茶入口消暑，可一解今餐的油膩感。

好友向來對牛肉麵情有獨鍾，差不多每次去台灣，都要光顧不同的牛肉麵店，嚐嚐各店不同的風味。所以當一收風，話台灣著名牛肉麵店「段純貞」登陸香港，並選址荃灣，已即時約定我一齊去幫襯，可惜大家一直都夾唔到時間。最近從網上得知麵店再下一城，喺銅鑼灣開左第二間分店，地點更加方便就腳，今日就一於坐言起行。新店位於謝斐道 Tower 535 地庫，店內主打木系古風裝潢，地方寬敞、環境闊落，空間感十足。先細心研究一下餐牌，除了一系列招牌麵食，如三寶麵、紅燒腱心牛肉麵外，還有各種特色川味私房小食、小菜、台式奶茶、養心熱飲等供應。點左兩個麵食、一客鍋貼同兩杯飲品。先試下新鮮豚肉鍋貼 ($48)  鍋貼即叫即煎，一客有 5 件，大大隻、外形好飽滿，咬開裡面全是新鮮嘅豚肉，入口外脆內甘香，充滿豐腴嘅肉汁，味道很不錯。麵食點左蒜香手撕雞乾拌麵 ($78) 同 原味牛肉麵。拌麵賣相十分誘人，面頭鋪滿大量手撕雞和花生碎，並伴以滷蛋和小唐菜，送上來時還會附上一小碟酸菜。手撕雞入口帶陣陣蒜香，雞肉嫩滑不韌。麵條選了粗身的刀切手工麵，麵質爽彈、掛汁力超強，配埋入味又富蛋香嘅滷蛋一起吃，十分美味。至於另一碗原味牛肉麵 ($8

段純貞牛肉麵 @duanchunzhen.hk📍 銅鑼灣謝斐道535號Tower 535地庫B01號舖.台灣過江龍嘅段純貞牛肉麵終於喺講到銅鑼灣開咗分店啦，終於唔使走到去荃灣先可以食到☺️ .🐮 原味牛肉麵 (三寶麵) $92: 三寶有齊腱心、牛筋、牛肚☺️ 各個部位都夠軟淋，令湯汁吸收到入味😚.🌶 麻辣嫩五花牛肉麵 $84: 手工麵又寬又厚，口感好煙韌💕😍 麻辣味唔會死辣，花椒香同麻味都好出色😆 牛五花瘦而嫩，非常高質😊.🥟 雞湯抄手$48: 雲吞有蝦同豬肉，皮薄餡靚👍🏼 雞湯清甜，值得一試😉.🥛 香芋珍珠奶茶 $28: 香芋味比較重人工味，幸好甜度比較低，可以解辣😌.🥛 胚芽珍珠奶茶 $28: 珍珠夠Q彈，胚芽粉帶麥香味，奶茶夠濃厚😇

這間主打牛肉麵是由台灣開分店開到黎香港，點可以唔去會一會佢呀......原味牛肉麵：我選擇左細麵做麵底，佢地嘅牛肉十分之琳入口即溶，湯底好濃好香，幼麵吸晒d湯好好味😋必食的👍🏻👍🏻👍🏻蒜香手撕雞乾拌麵：雞絲加埋花生🥜撈埋個手工麵（其實係好粗嘅麵）有小小湯真係好開胃，隻溏心蛋入晒味好正呀喂。雞湯抄手：個湯好清好重雞味，雲吞咬落去有好大隻蝦，真係唔錯。珍珠奶茶🧋好濃茶味好多珍珠呀⋯⋯

久違地返公司工作，午餐梗係搵吓附近有咩新餐廳啦🤤無得去旅行🧳唯有食吓人哋嘅名物安慰自己，今次專登早啲出嚟食午餐，因為時間尚早唔洗等只有兩三枱客(陸續有人入坐，不過食完約一點都未爆場，可能俾旁邊個間日本過江龍 - 京都勝牛搶晒啲客😂)今次試咗招牌嘅三寶麵🍜三寶分別係腱心、牛肚、牛筋，可以一次試勻三種，每份麵都會附上一碟酸菜麵底可以揀細麵或手工麵，我揀咗細麵，中意會比粗嘅麵條更容易吸收湯汁👍用上牛大骨、各種中藥材同香料慢火細燉8小時嘅牛骨湯底果然夠濃夠香牛腱即係牛展，牛嘅小腿肉，而牛腱心同其他部位牛腱肉比較，本身含有豐富嘅膠質，筋多而筋紋呈花狀，口感半筋半肉，用上牛骨湯底燉過後吸收晒湯汁，入味之餘，肉質又嫩又有彈性，讚牛筋燉得好夠時間，非常焾身，啖啖嘅膠質好岩一眾女士牛肚相比之下就無咩特別，正常發揮細麵如我預期中好入味，麵質彈牙唔會過焾不過整體份量較細，麵相對少，適合女士，男士就應該唔夠飽，值得一試，但以價錢黎講性價比一般👌

已經有一段時間冇去台灣，真係好懷念佢哋嘅夜市文化，街頭美食，兼且唔食返碗出名嘅台灣牛肉麵好似冇去過台灣咁！香港真係想食咩都有，仲有唔少過江龍嚟香港開分店！即刻嚟嘗一嘗台灣滋味啦！🔸麻辣嫩五花肉牛肉麵 $84五花肉滑不溜口，分量足，食麵湯底好重要，香麻辣層次好過癮，我揀咗細麵，根根掛湯得嚟仲索哂啲汁連湯牛肉一齊食，滿足😋🔸蒜香手撕雞乾拌麵 $78手撕雞配配上吸汁嘅細麵，啖啖一絲絲手撕雞，不同口感質感享受😉仲有一粒半凝固著溏心蛋，入口蛋味甘香！🔸胚芽珍珠奶茶🧋$26面頭灑上胚芽多了一份清爽麥香，淡淡奶茶味反而帶出珍珠甜味，而且煙靭有咬口！🔸紅油炒手 $48麻嘅感覺慢慢滲出嚟，麻辣味出色！一啖一粒皮薄餡料爽脆，面頭加上大量芽菜芝麻烤過花生，撈埋一齊食👍🏻💯

Today, I was shopping with my family in Causeway Bay. We passed by a shopping centre in 535 Jaffe Road, where we came across this newly opened noodle shop.They specialise in Taiwanese noodles, and you can choose between thick noodles and thin noodles. We ordered the classic beef noodles with thick noodles, the beef noodles with shank, tripe & tendon with thick noodles and the shredded chicken garlic flavour dry noodles with peanut and thin noodles. The beef was full of flavour, very soft and te

放假銅鑼灣逛街行經Tower535，見段純貞牛肉麵開左分店，之前食過如心廣場覺得味道不錯。新店裝修清新簡樸優雅，乾淨企理，坐位寬闊舒適。我們點左麻辣嫩五花牛肉手工麵，牛肉軟淋，牛肉香味濃厚又滑，湯底用牛骨加香料熬成，湯底香濃不辣，配口感煙韌的手工麵，真美味👍原味牛肉手工麵，牛肋條炆得夠淋夠入味，粗厚身手工麵，煙煙韌韌，索汁力強。新鮮豚肉鍋貼，餡料足，脹卜卜煎得金黃很脆，香口又好味😋愛玉蜂蜜西檸特飲，味道清甜又清香。枺茶珍珠奶茶，㭑茶味香，珍珠煙韌，很可口。

來自台灣新竹市嘅人氣牛肉麵餐廳段純貞✨ 短短三個月內喺香港開設荃灣同銅鑼灣分店👏🏻 香港作為第一個海外分店 當然會沿用台灣總店嘅秘方製作所有麵食😌 牛肉麵湯底選用牛大骨 以及23種中藥材同香料慢火細燉8小時 味道濃郁 不過略兼有小小油膩而且仲有手工麵同細麵兩款選擇 較粗身嘅手工麵口感彈牙而且都算掛湯細麵就比較軟身更加吸湯.招牌之一嘅紅燒腱心牛肉麵亦都唔惹少 腱心肉含有豐富膠原蛋白 適合長時間烹煮 而每隻牛大概只有五碗份量嘅腱心牛肉🐮 油脂分布平均 食落半筋半肉口感軟嫩👍🏻 另外紅油抄手就食得多 今次就試咗雞湯抄手🐥 雞湯味道唔算好濃郁 不過啲抄手就好足料 每粒抄手都有脹卜卜嘅豬肉餡料同一隻鮮蝦🍤 女仔食一份抄手其實都夠飽😂😂

今天來朝聖來自台灣的牛肉味就來看看能否複製台灣的味道牛肉麵散發濃厚香料的香氣裡面的中藥材使整體味道更富層次感牛𦟌肉帶點牛筋肉質軟嫩配合藥材的清香完全沒有油膩感紅燒版本湯底更加強調香辣香大於辣牛肉片呈剛剛熟的狀態手工麵口感煙韌掛足湯之餘麵身依然完整無缺伴碟的酸菜可以清一清味蕾這樣便能持續地充分感受菜色的味道雞湯抄手的湯底清甜在不帶油份的情況下帶出雞的鮮味抄手內餡扎實拌著一點雞湯一齊食會更美味珍珠奶茶一樣貫徹淡麗風格比一般的來得淡反而是珍珠帶甜味而且會在咀嚼的過程中逐步滲出加入胚芽後多了份清爽的麥香

突然想吃牛肉麵，於是試一試這家餐廳。餐廳裝潢高雅，以木雕假窗花裝飾，感覺沈穩。餐牌有不少台式麵和小吃，聽說豆漿是即日鮮磨，冷泡茶也是即日泡的，不是現成買的。⭐️蒜香手撕雞乾拌麵$78手撕雞配手工麵，手撕雞呈絲狀，配上煙韌的手工麵，有不同的口感享受。還有一顆溏心蛋，呈半透明的膏狀，入口香淡。⭐️原味牛肉麵$84牛肉麵湯底清澈，有濃濃的牛肉味，很好喝。牛肉厚厚一塊，牛筋比較少，牛肉味道較突出，基本上入口即散。配上手工麵口感不錯。⭐️冷泡凍頂烏龍茶$30冷泡烏龍茶的包裝很有趣，透明的玻璃瓶增加了不少趣味，入口茶味突出，可以一解油膩感。⭐️薑糖鮮磨豆漿$28鮮豆漿帶薑糖，入口微甜，暖暖的很暖胃。⭐️鹹酥雞$48鹹酥雞風味十足，咬一口，鹹酥味很出眾，外脆內嫩，不俗。

呢間係台灣過江龍🥰 因為媽咪好鍾意食呢啲台灣野 所以就帶佢黎試下啦😁原味牛肉麵 $84牛肉全部都好淋同口感嫰滑 用筷子夾一夾就可以整開👍🏻 湯底屬於台底既藥材湯味 味道都夠濃郁🤔 手工麵掛湯而又煙韌☺️麻辣嫩五花牛肉麵 $84兩碗我地都叫左手工麵😚 呢個就係我媽媽食既～ 佢覺得還可以，正正常常。 我地都覺得原味牛肉麵好食啲～新鮮豚肉鍋貼（5件） $48呢個幾好食 如果再脆啲會更加好 加埋個醋好膩 食左三個都唔會覺得好油膩🥰香芋珍珠奶茶（凍）走冰 $28胚芽珍珠奶茶（凍）走冰 $28兩杯珍珠奶茶一般 媽媽覺得香芋好飲啲我就覺得胚芽好啲🤣 另外一提 佢既珍珠係細珍珠 我自己就一般 珍珠咬落中間比較實心既感覺 珍珠出面係有黑糖包裹住～