段純貞牛肉麵 (Tower 535) (已結業)

早前睇過雜誌介紹， 榮獲『五顆星牛肉麵』的段純貞，在荃灣和銅鑼灣都開了分店。今日難得係銅鑼灣辦完事就同老公兩口子去到謝斐道535號Tower 535地庫 朝聖。難得閒日下午茶時段唔駛排隊，我地各自點了一碗麵，一杯飲品同share一份小食。原味牛肉麵 四塊厚牛精選部分，超級軟腍，麵底可揀細麵或選了手工麵，呢碗就係揀左手工麵，十分特別！先上一碗酸菜，好正！青花椒香手撕雞乾拌麵呢碗揀了細麵，十分香口。雞絲很嫩！糖心蛋勁正紅油炒手瘦肉比較較高，仲有鮮蝦，十分健康。香芋珍珠奶茶 胚芽珍珠奶茶 可揀唔加甜和去冰

之前荃灣開左間過江龍「五顆星牛肉麵」，因為實在唔住個頭，所以開左咁耐都未有機會食到，最近得知銅鑼灣開左分店，即刻就去排隊食囉😜😜 .餐廳都係一貫既台式裝修，主打牛肉麵，麵條可以任擇手工麵/細麵，手工麵比較粗身少見，食落比較掛湯同有口感，而細麵就比較爽口同彈牙。.▪️經典紅燒牛肉麵（手工麵）$84用上超過23種藥材原汁熬製超過8小時既牛骨湯底，牛肉經熬煮咁耐，淋就必然既，但除左淋身都好有咬勁，肉質算嫩滑。.▪️蒜香手撕雞乾伴麵（細麵）$78除左牛肉之外，都想試下個手撕雞，香蒜味好重加上花生粒同糖心蛋幾特別，不過都係中意牛肉麵多d🙈.▪️鹽酥雞$48炸鹽酥雞不過不失，比較特別既係佢個九層塔味幾重，比較香口。.▪️胚牙珍珠奶茶$28 and 荔枝乳酸飲料$28飲品類都係大約$2x杯 以台灣餐廳黎講算好平，好似春x堂收成$3x-$4x杯，真心覺得唔抵飲。飲品比我想像中好飲，胚牙珍珠奶茶個珍珠彈牙得黎唔算死甜，胚牙味都突出，奶茶就茶味較重👌🏻另外荔枝乳酸飲料個人覺得甜左D, 建議叫少甜就OK. .以咁大名氣既台灣麵，收呢個價錢覺得合理同埋個湯底真心唔錯，希望佢開多幾間分店，咁就唔使特登嚟食😎

好耐無寫但實在太伏，不得不寫。知道佢哋荃灣有一間分店，而家啱啱喺銅鑼灣新開咗。明明想快食但等咗差唔多等咗超過20分鐘，待應都意會到我坐咗好耐。入廚房追，唔知係咪漏單呀。急住煮出嚟，但係上檯嗰陣時，咬開咗兩件牛肉入面都係凍嘅。而且分量好少，尤其係麵。唯有浸返落啲湯度等到熱啲先至再食，無set lunch,連埋嘢飲要過百。如此質素，相信好難起哩頭立足。

滿心期特咁第一日開張就過來食段純貞，本來諗住食牛肉麵但問完店員推介就試下個雞麵，點知真係中伏😓 味道其實係okay ge，麵量好少好快食完，剩返隻雞髀位最後先食，食食下發現生生地既，不過店員話煮左20個鐘咁我就覺得應該冇問題繼續食，愈食愈覺得生，到最後近骨既位見到透明既肉終於肯定係生啦🤢我唔係西客，有禮貌同店員講，同埋有埋單俾錢，不過出左來冇耐就成碗麵嘔左出嚟🤢可能係我黑仔，食個麵都可以係生既🤢