段純貞牛肉麵 (Tower 535) (已結業)

作為台灣過江龍，呢度所有嘅食物製作都一絲不苟，另外店舖裝修亦都充滿濃濃嘅台灣味。店員非常有禮貌，真係彷彿置身於台灣。麻辣嫩五花牛肉麵，$84。呢度嘅湯底全部都係用特選牛肉淆製而成，所以每一啖湯都有好香嘅嘅牛味，另外台式麻辣亦都非常獨特，配搭嫩滑嘅五花牛肉非常好味。湯底味道偏重，個人推介配搭粗麵，口感同味道會得到一個更好嘅平衡。新鮮豚肉鍋貼，$48。作為台式小食，當然唔會令人失望。豬肉爽脆有肉汁，即使唔點豉油已經非常惹味。