正 麻辣·茶·雲吞 (已結業)

星期四約了客人在長沙灣傾生意，傾完後已六點、七點了，於是自己一個在附找餐廳食飯。經過昌華街見到這間餐廳個名幾特別，辣同雲吞亦好啱我口味，所以入去試一試。入到去見到有三張枱也坐滿人，所以坐了近開放式廚房的枱上，有D似日本的拉麵店，可以睇到師傅煮野食，煮完即刻送上你枱面。我點了一個＂擔擔麵＋珍珠雲吞＂，餐飲點了＂金橘檸檬蜜＂，再加一個麻醬雲吞。麻醬雲吞有七丶八粒，上面淋了芝麻醬丶蝦米乾同莞茜，雲吞涵料新鮮，係自家包的，配上麻醬好特別！😋擔擔麵大大碗，渴汁香濃唔太辣，D麵又唔會煮得太腍，原來＂珍珠雲吞＂係細細粒的炸雲吞，放落湯汁入面浸一陣又香又脆。👍🏻食完香濃嘅食物再飲返杯＂金橘檸檬蜜＂可以解除油膩，好適合宜秋冬乾燥時飲，滋潤下喉嚨。呢間小店雖然唔太大，但環境雅緻，食物質素唔錯，價錢合理，下星期約左客戶再喺長沙灣傾生意，一定再來試下其他的食物！