正宗水上人氣鍋專門店 (已結業)

留意左水上人氣窩好耐 次次去親朗豪坊做野一定會見到佢個大招牌 但次次都冇機會食朋友爭我餐生日飯好耐 話請我食水上人氣窩補數咁就試下呢間野啦離遠都望到個招牌 都幾搶眼入餐廳會經過魚池 可以睇定食咩海鮮 餐牌都幾多野揀 諗食乜都諗左幾個字餐廳有個promotion做緊 like佢地個facebook fan pages再打卡 就會送大元貝/蟶子王/石蠔/甜蝦剌身同朋友諗左陣就揀左要剌身 店員一拎過泥以為比錯左 立即捉個人泥問下啦 原來打卡送既甜蝦剌身系會跟埋其他剌身你無聽錯真系咁抵！海鮮我地分別叫左黃油蟹、瀨尿蝦、石蠔、帆立貝同蟶子王帆立貝上面有d黑松露汁 肉質幾爽口同新鮮 d汁仲要好甜好好味..蟶子王就配黃金汁 食落去係辣辣地既 店員話呢個汁係用黃椒提練出泥 外面未食過 幾特別！蒸黃油蟹又香又多羔 同埋size都唔細 食左半隻都有d膩呢個石蠔我覺得幾有驚喜 咬落去啖啖肉又爽口 仲有好香既蠔味 出乎意料地好食 蒜蓉蒸勝瓜勝瓜蒸到淋曬 索埋d蒜蓉汁勁正 惹味又可口 同朋友搶住食 我最鐘意食雞 所以個粥就揀左霸王西施粥店員走過泥加小小水再煲一陣就食得聞落夠曬香 雞既份量都幾多 起碼有四至五碗