正宗印度餐廳及酒吧 (銅鑼灣道)

营业中

休息中

餐廳：正宗印度餐廳及酒吧 (大坑)地址：大坑銅鑼灣道58號地舖 最近經開大坑，去左正宗印度餐廳及酒吧食lunch🇮🇳，之前係天后已經見過呢間店，原來早兩個月係大坑開左呢間新嘅分店餐廳係正中華遊樂會對面，咁岩遇到有演員係到拍劇🎥，而餐廳嘅職員都係印度人👳🏻‍♂️，主要用英文同食客溝通我叫左個燒炸套餐Tandoori Selection ($60)，入面有扁豆蔬菜湯🍲、三舊無骨燒雞🐔、一碟咖喱黃豆、一碗用印度巴斯馬蒂香米煲嘅白飯🍚，同一罐汽水/一包道地紙包飲品🧃，而我就加錢叫左個印度奶茶，唔會好甜，迎合到香港人口味。我想講食物完全係好正宗嘅印度菜😍，非常有驚喜，係我之前去印度果陣食到嘅味道，無骨燒雞加上檸檬汁，惹味得黎又嫩滑，咖喱黃豆只香不辣，撈埋白飯一齊食就夠哂Match另外叫多左個乳酪烤餅($38)，即叫即整熱辣辣🔥，芝士香味唔會太濃又帶有啲牛油香😋，就咁食都已經夠過癮

男友去大坑做野，叫收工過去，帶我試新餐廳咁話。原來係食印度菜，我好鍾意個餐廳設計，偏向清真feel。點完餐就上左Starter小食，係印度脆餅，好香好脆，佢配咗四隻醬畀我地，點脆餅嗰隻醬調味非常之出色，係開胃小食。食完之後上左我地叫嘅辣薄脆(若果知道有先前嘅脆餅就唔叫啦🤦‍♀️😂) ，好fresh，蔬菜係生蕃茄同生洋蔥，雖然話辣，但食落又唔覺。然後就一齊上左咗個羊肉底雜菜咖哩同牛油芝士masala咖哩。羊肉非常之濃香，餐牌標明係用紐西蘭羊肉，咖哩味屬於中等濃味，微辣，雜菜我原以為係椰菜類，但主要係洋蔥同青椒，有啲失望。另一個牛油芝士masala咖哩，牛油芝士有啲似希臘乳酪，非常之淡味，少少偏甜，但係就好易入口，無搶到咖喱嘅味道。食咖哩當然要配返牛油烤餅，呢個就真係非常正宗印度style，香軟煙韌，唔係脆口質感，出面好多落咗好多鹽同牛油可以比你淨食，但呢度就清清地直接畀你配咖哩食。見甜品幾特別，點左佢個自家製雪糕，有兩種味，我哋揀咗開心果，好明顯見到一粒粒開心果響雪糕度，雪糕唔屬於香滑質地，有口感食到一片片冰，有少少似sobet咁。香港好多相對正宗嘅印度餐廳都偏向巴基斯坦口味，呢度就似返印

肥brown咁啱去開天后嗰頭做嘢, 諗起好耐都冇去過大坑食好西, 就行過去睇一睇見到一間藍色嘅餐廳, 覺得好神秘, 行近發現原來係食印度嘢嘅, 晏晝仲有set, 望落都幾抵, 一於入去試下<奶油雞塊套餐>肥brown嗌咗個奶油雞塊套餐套餐包括奶油雞塊、烤餅、餐湯同汽水, 分量好足奶油雞塊有少少甜甜地, 聞落有陣燒烤味, 食落都幾嫩滑<烤餅>烤餅好大塊, 有成塊pizza咁大大家可以搣開佢逐少逐少沾上咖哩食唔鍾意烤餅嘅朋友仲可以轉做米飯<餐湯>跟餐嘅餐廳有少少鹹辣鹹, 味道好似咖哩<餐前小食>喺食正餐之前佢仲會送一啲胡椒脆餅畀你, 配上四種唔同口味嘅醬汁: 有鹹、有甜、有酸同埋清新嘅, 俾你四種不一樣的感受<雜菜咖哩角>除咗食佢個lunch set外, 肥brown仲嗌咗個雜菜咖哩角, 可惜佢外皮有啲太厚, 但裏面充滿咗好多薯仔, 味道都唔錯

今日係維園附近行左陣，屋企人想食下辣辣地嘅野，就決定試下這印度餐廳，沿住火龍徑行，好快就會搵到，因為餐廳嘅外牆，係好靚嘅藍色，門嘅花紋都好別緻。🥰入到餐廳，真係好傳統嘅印度餐廳，無論裝修擺設都係好有風味，睇下餐牌，個lunch set 都有唔少印度特式菜。例如咖哩，燒雞等。主餐牌都有再地道dd 嘅款式。😆黎到印度餐廳緊係要食印度簿餅同咖哩。我地叫左2個lunch set，椰汁雞同燒雞，配可樂同熱印度奶茶。仲叫左個咖哩角。餐湯係薯仔🥔洋蔥湯，幾好味😋又地道👍🏻燒雞係用香料醃過，有好重香料味，燒得唔會好干，加少少檸檬🍋汁又係另一種食法。椰汁雞係用咖哩黎煮，唔會好辣，好易入口，好香好濃。店主仲用左燭火去熱住d 咖哩，所以唔會怕凍左🥰雞都好入味，真係食到椰汁味😋薄餅好大塊😍食落好香🤩加埋咖哩一齊食仲勁正🤤咖哩角我地要左羊肉。入口咖哩角脆脆🥰入面嘅羊肉都好多，唔會太「穌」。食落有少少咖哩味同香料味。口感好好😋熱印度奶茶，係傳統嘅香料茶，再加花奶或豆奶去煮。飲落香料味都幾重。好有特色😆店員好好，會問客人岩唔岩食🥰同好勤力換碟😍好貼心☺️

店子以藍白為主色，未嚐咖喱，味蕾的辣已被調和了。店舖不太大，共有十六個位，只見兩位印籍員工，女的侍客落單端菜清碟收錢，男的負責廚房煮工。沒有試過正宗，也就不知何謂是正宗。點了一個二人套餐，有咖喱角及脆薄餅、無骨燒雞、咖喱魚及咖喱雞、烤餅及蒜茸烤餅、咖喱魚及雞，蕃紅花黃飯，再另點加了一道海鮮湯。先來一碗熱騰騰的海鮮湯，少少酸甜帶creamy的味道，內有碎蝦魚蜆肉仔及小量香菜，很鮮甜滑溜，很美味的一道湯。脆簿餅確實很脆，配以四款不同醬料味道，有青咖喱、黃咖喱、甜味及酸辣味，食用時可放一小匙醬料在碟內，蘸在碎簿餅上享用。咖喱角是一款印度常見小吃，皮炸得不算硬，內餡是薯仔蓉，內容簡單卻很豐富，算是一道開胃的小點。無骨燒雞，看似有些像烤過火位的乾件，但切開見雞肉軟滑。黃飯是一粒幼長的米粒，很柔軟香口，若然用咖喱汁餸飯已可當一餐。曾在某會所試過這款飯，不比這裡的柔軟細膩。烤餅有原味及蒜茸味，兩大片烤餅掛在吊架呈上，質品既柔軟又煙靭，蘸上魚雞的咖喱汁送入口很覺豐腴。烤餅要趁出餐即吃，否則會變得冷硬。咖喱魚雞的主角固然是咖喱汁，小火爐上的魚及雞被咖喱蓋去肉味，只能扮演配角角色，但肉質仍覺軟滑。兩款咖喱

坊間流傳食印度咖哩可以預防肺炎，中醫話因為咖哩有薑黃素！唔知真定假，不過好味又有益，就一定要試下！喺大坑依間藍色小屋，內裏以黃色為主，内外都鮮豔奪目，出名係食正宗印度咖哩，餐牌有各種唔同地方咖哩嘅名字，幾專業下! 裝飾擺設和餐具很有印度特色，令人彷如置身印度大街小巷！點咗午市套餐和小食。免費奉送 Papadum 香烤薄脆，連四款醬汁 薄荷、紅辣椒、黃咖哩和亞參果！餐湯酸酸甜甜 ，上面有奶油拉花，幾醒胃！Chicken Madras 咖哩稠身濃烈，香草味重，有辣勁咸道適中，雞肉嫩滑唔鞋口！Naan包吊掛上碟什有特色，用來蘸咖哩別有一番風味!咖哩蝦 相對較為清淡，有鮮甜蕃茄蓉味道，蝦肉爽滑彈牙! 正宗印度米飯，細長乾身軟熟，用來送咖哩一絕！Samosa 咖哩角分雜菜和羊肉，揀了雜菜口味有兩隻，份量幾大，即叫即炸有香酥味道，質感鬆化味微辣！

公司搬左去天后，Lunch hour行到去大坑見到有間印度餐廳，緊係入去試下。餐廳好細，最多只可以招呼二十人左右，但藍色既牆加上黃色既裝飾好sharp醒好有異國風情。Lunch set好抵食，五六十蚊就搞得掂個set仲包埋野飲，我叫左咖哩蝦+烤餅，我同事就叫左無骨雞肉飯。第一樣上菜既係是日餐湯，個湯好濃稠，但因為本人好少食印度菜所以食唔出究竟用咩材料整，不過酸酸的好開胃。之後上菜既係無骨雞肉飯喇，個雞既份量俾我想像少得3舊，但味道同肉質出色，好香既香料味而且係滑雞，一秒原諒左佢。之後既咖哩蝦+烤餅係我最欣賞的，個咖哩好香，好大隻蝦，食得出係新鮮蝦唔係冰鮮蝦，個烤餅係即烤出黎，熱辣辣，外面烤到好脆，點埋d咖哩食真係冇得頂。如果你去到食咖哩既話記得要配烤餅唔好配飯！最後我加左＄12飲芒果乳酪，鐘意飲yogurt類飲品既人一定會鐘意！酸酸甜甜真心正！餐廳所有職員都係地道印度人，所以真係同店名一樣，絕對食到正宗印度菜！

和老公來 Market Place 入貨，順便去附近搵食。沿銅鑼灣道往大坑方向走，在華倫街街口發現這間喺天后都有店舖的「Tandoori Junction」，原來餐廳嚟左大坑插旗，據知店子主打北印度咖喱，反正已經很久沒吃過印度菜，提議一試。餐廳以粉藍色為主調，配上一列黃色趟門，非常搶眼，門外放有午市餐牌，選擇一目了然。店內地不大，裝修簡約，不過喺布置上好明顯花過心思，牆上掛滿了鏡子作裝飾，另外每張桌子亦鋪上了綠色檯布及餐墊，給人一種很整潔舒適的感覺。我哋點左兩個 Lunch Set，每款套餐都配有是日餐湯、香米或烤餅同罐裝汽水或紙包飲品，不過如果想轉芒果乳酪、甜乳酪或印度奶茶就要另 +$12。揀左奶油雞塊同咖喱魚，配印度香米和烤餅各一。餐湯率先送上，舀起一看，湯身很濃稠，喝起來充滿印度香料的氣味，入口甜甜酸酸，暖身又可口！奶油雞塊 ($60)：雞塊的數量不少，非常足料，肉質很嫩滑。咖喱汁味道比預期辣，不過質感很 Creamy 柔滑，辣中帶奶油香，而且嗒落更滲出淡淡甜味，用來配纖長又粒粒分明的 Basmati 吃，開胃到停不了口。另一客咖喱魚 ($68) 味道亦很不錯，魚塊已經預先去骨，

正宗印度菜，午餐抵食，七十多元有湯、主菜、飯或烤餅及飲品，假日一樣有。首本咖哩香料豐富，味道複雜，款式多樣，不應錯過。揀了羊肉，沒有椰奶的 Masala，羊肉炆得很淋嫩，咖喱汁夠多，最醒神就是印度餅，熱騰騰吊著上菜，非常香。另外吃了印度燒雞 Tandoori ，燒雞香口，肉質柔軟，又不乾身，是所食印度燒雞較好的一間。加$12 可以升級特色飲品，同伴喝了芒果乳酪，吃完咖喱飲乳酪非常夾。值得一題吃飯前有消毒酒精洗手，現在環境而論，這樣做非常體貼。據說食咖哩可以抗炎，反正要食飯，而且亦好食，值得考慮。

無論經歷過生與死、喜與悲，黎緊既日子始終都要過，生活雖然係有點苦，不過無所謂啦！人生既十年眨下眼就係。只要放低心中既執著，珍惜每一樣你擁有緊既野，咁就無悔一生啦。好似我對住美食既熱誠，就係想試勻哂香港唔同國家既飲食文化，所以今次就要試試呢間係大坑新開既分店「正宗印度餐廳及酒吧」既印度菜究竟有幾正宗，做唔做到原汁原味先！👇📌Papadum -👉每位客人都會附送既前菜「印度薄脆」，Staff會連埋四款醬汁搭配比你，呢個同Naan分別係比較薄身d，食起上黎再脆少少。📌Goan Curries · Prawn - $128👉要試印度菜係咪真材實料就無可能唔食咖喱啦，不過咖哩既種類都已經有十款咁多，好似我呢Ｄ好少食開既真係唔識分。咁我隨意揀左個溫和少少既「印式椰汁咖哩蝦」，首先咖哩聞落唔刺鼻，味道偏甜，食起上黎都唔會太辣。而蝦肉大大粒，口感厚身結實，連埋咖哩一齊食就夠哂惹味啦！📌Naan - $25👉有咖喱一定要有「印度烤餅」，就好似牛歡喜一定要咸酸菜，呢個係定律黎咖麻！黎到既時侯仲熱，食落表面鬆化之餘，裡面又有咸香味，唔錯。

昨天和小米食了馬拉咖哩, 今天就到印度咖哩了!  自己食辣, 就要小米食辣.父母的口味是可以遺傳給下一代, 所以在多年前已開訓練小米食辣, 打造小米味蕾的記憶.  來到目標的咖哩店, 店門有几位長者在買咖哩.   總之<阿婆行得快, 一定有古怪>.  是否跟近期出現<咖哩可抗XXXX>的新聞有關呢! 聽說是因為薑黃素! 個人覺得 : 咖哩不單只得薑黃, 還有不同的配料都是有助身體健康的功效. 說穿了, 就是不同食材&香料相輔相承而成就<增強身體免疫力>的功效! 所以食咖哩, 要食正宗的, 才有強身健體.而非食一粒<高濃度的薑黃丸>就搞掂.   就座下單後, 職員即主動送上<潔手消毒啫喱>, 夠貼心. 以五指山享用咖喱才算正宗!      首先呈上的是Papadum和4款沾醬料. 職員表示這是贈送的. 小米喜歡香脆的食物, 看到Papadum就直接出五指山. 自己則比較喜歡沾上4款醬汁: 清新的薄荷, 帶酸的亞蔘果, 紅辣椒, 黃咖哩.   餐湯  有點似雜菜湯, 又帶點微微的酸味, 又有芫茜香氣和蒜的味道,

這家店比較細小，就只有五張枱，而三張都坐了外國人，面對疫情，第一次感受到有餐廳是熱鬧的。⭐️Chicken Bhuna (印式燴咖喱雞) $98⭐️Paneer Butter Masala (牛油芝士瑪沙拉) $88⭐️Garlic Naan (蒜蓉烤餅) $32⭐️Cheese Naan (乳酪烤餅) $35⭐️Indian Beer $48⭐️Red Wine $58🇮🇳食物未到前叫店長斟水，叫了好幾次才斟，那些水的味道有點像水喉水，所以都是喝啤酒好點，而朋友不愛喝有氣的，本來想叫雞尾酒但沒有了，所以就喝紅酒。這個印度啤酒好像麥味較重而不甜，也OK的。🇮🇳首先來的是前菜，印度薄脆餅和醬料，有青咖喱、黃咖喱、瑪沙拉、果醬。注意瑪沙拉非常辣⚠️。🇮🇳牛油芝士是一塊塊軟身，口感很好，瑪沙拉搽在烤餅上很惹味，這種辣是隔一會才感受到充滿整個口腔。🇮🇳我很喜歡咖喱雞，很香濃的咖喱味，雞肉也彈牙，而且不算很辣，比較切合香港人口味。🇮🇳烤餅都很有質感又很軟熟，蒜蓉和乳酪的味道都很香，雖然乳酪有點油。這家餐廳由印度人打理，正宗印度風味，由餐牌、餐具、食物種類和味道等處處有著印度特色。素菜的選擇也很多，不過比較奇怪

因為武漢肺炎嘅關係我已經好耐冇嚟過銅鑼灣溜冰所以就去大坑搵嘢食經過一間極具印度色彩餐廳當然要入去試試前菜侍應俾咗兩塊脆脆嘅薄同埋四款醬俾我哋食首先講黑色嗰醬 佢甜甜酸酸有啲似梅子醬，幾好味綠色嗰隻醬，佢涼爽得來又有帶少少哈密瓜嘅甜味我都唔明白點解會有呢種味因為印度人照計就應該唔會用哈密瓜嚟煮嘢。黃色嗰隻醬，我哋初初以為係咖喱醬嚟嘅，但佢咖喱嘅味道非常之濃烈 但唔辣。橙色嗰隻醬，呢隻就係印度嘅正宗咖喱味嚟啦，非常有咖喱嘅香味，咬落去仲有少少甜。咖喱雞正宗印度咖喱雞 雖然量唔算大多但雞肉嘅肉質非常鬆軟 再加上我哋另外叫嘅烤餅同牛油烤餅用嚟點咖喱汁簡直係一流咖喱汁被薄餅沾到一滴不留烤餅同牛油烤餅2者有分別GA~前者乾身 沾汁一流後者 牛油味香 有咬勁印式蝦肉炒飯第一次食印度米,米既長度俾平時食開既日本米 或泰國米長而幼咬落去更有口感加埋佢原本甜甜嘅咖喱汁 用嚟送飯係絕配但其實都幾辣下，侍應知道我地唔食得辣拎左碗羊乳醬比我地解 辣

🇮🇳🇮🇳🇮🇳有中醫診所的醫師說，咖哩🍛有一定程度提升免疫力的功效⋯⋯ 看到這裡，迷信的我，決定過來大坑食咖哩！🤣🤣為了健康的身體，多吃一餐美食，又有何妨😆.餐廳🍴環境很有異域風情，餐具以及擺設都有品味上檔次，彷彿置身於印度街頭，又好好地享受一次「旅行🧳」❤️身體和心靈總有一個在路上❤️.薯仔沙律🥗$48薯仔新鮮，配上黃瓜🥒粒和洋蔥粒，味道清爽，馬鈴薯🥔含有豐富維生素和礦物質，是大家公認的美味佳餚！.羊肉辛辣咖哩🐑$108饢$25聽說辛辣調味料有抗肺炎的作用，而且我又愛吃辣，簡直一舉兩得。用現烤的酥酥軟軟的饢，包裹著鮮美多汁的羊油，一口咬下去，滿滿幸福快樂的感覺！人生在世，只有享受好了當下，才算是真正地活著。有時候回頭望一下，人和食物都抓不住，但只有那些營養美食變成了滋養身心的燃料⛽️給你力量，走出每一步，面對每一天。.親愛的你，好好享受當下的美食吧❤️...正宗印度餐廳及酒吧 (大坑)大坑銅鑼灣道58號地舖

最近最緊要當然要身體健康啦, 早排見到網上有post話食印度野會強身健體,今日放工咁岩經過見到有間印度野新開，反正唔洗周圍搵就即刻衝左入去試下不過雖然係間小店,但入面都幾多客,餐廳同事都好友善同我介紹野食,我都好快叫左幾樣野食, 同時間店員都熱心咁同我講印度野對肺炎都有啲作用, 因為印度野係健康野食。。。跟住無幾耐野食就上枱啦, 我叫左啲咖喱同薄餅, 都幾令人印象深刻, 薄餅係即烤嘅, 上枱熱辣辣,唔係凍冰冰，配上同樣熱辣辣嘅香甜奶油芝士咖喱真係好絕配, 香甜奶油芝士咖喱嘅甜好夾薄餅,食完真係會停唔到口