正宗印度餐廳及酒吧 (銅鑼灣道)

营业中

休息中

今日去左銅鑼灣行街，行行下黎左大坑，原來咁近，經過呢間正宗印度餐廳，招牌係黃色已經好搶眼再望下個menu牌，lunch set幾吸引，有包野飲，湯，同咖哩，一於就試下入到餐廳，係一個印度侍應，仲播住印度音樂，真係好似置身印度既感覺我簡左椰汁咖哩雞配印度烤餅set, 第一次食印度餐，好期待呀!!菜單仲有好多選擇，下次有機會一定再試。等左一陣，先上既係餐湯呢個湯個味道好特別，有點似羅宋湯，幾開胃呢個咖哩真係好驚喜，有個爐仔一路熱住d咖哩，好細心，仲有個架放烤餅。咖哩味好香，入面有好多香料，雞都好入味。咖哩汁同烤餅好夾呢個係芝士烤餅，一上枱已經勁香，個皮烤到好脆，呢個秒速清晒。正宗的印度菜比我想像中好味，之前會以為係會好咸同好辣，不過今餐之後令我改觀了，下次可以再黎

約咗朋友收工食飯，一路行一路睇吓食乜好，行行吓見到有一間好有色彩的小屋仔，原來係印度咖喱..........行到門口望吓望吓，有個印度的女侍應行出來介紹，咁就入去試吓😊印度特飲——mango lassi 芒果🥭乳酸味道濃郁，解辣最正......印度特飲——rosa lassi飲到似荔枝味，又似士多啤梨🍓乳酸的味道，幾清甜，健康之選⋯⋯侍應送咗個前菜比我哋食，係印度著名的薄餅，四種調味料，我最愛綠色嗰隻味道，幾乎去親食印度菜都會食呢個脆脆簿餅同點呢個汁，不過呢間印度菜比較講究，比四個味道你自己選擇，而且呢度既食物餐具器皿好有印度色彩，好似置身係印度國家嘅餐廳咁得意🤗🤗⋯⋯什菜咖喱角——皮炸得脆卜卜又熱辣辣，入面有豆類同菜，咖喱味薯蓉饀，味道香脆，咖喱味道又夠香。羊肉咖喱角——滿滿的羊肉，皮脆餡料足，兩款不同咖喱角都各有特色的味道。黃咖喱燉雞——呢度個印度廚師做的咖喱雞，肉質嫩，味道香。紅咖喱雞———呢個紅咖喱帶點辣，肉質一樣咁嫩滑。用火伴著上枱的咖喱🍛🐔雞，熱辣辣吃零捨好味道，兩款咖喱雞味道各有不同，黃咖啡夠香，紅咖喱比黃咖喱帶一點辣。✌️✌️薄餅——好特別掛起的兩塊薄餅上枱，相機食先🤣🤣薄

夠晒正宗既印度咖哩！同平時香港一般食到既咖哩，真係有明顯分別㗎🙊 多少少椰奶味，質地薄身啲，香而滑！港島銅鑼灣/天后附近，都係出名多特色餐廳，今次就試下印度風啦，咖喱加烤餅，無人拒抗到！😁😁舖頭雖然地方唔大，屬小店類型，但裝修得好用心精緻，天藍色主調，襯托上印度風既金器鐵器，感覺就係好印度！🤭餐牌有中英翻譯，而且仲有set lunch，唔怕唔識揀食咩好，仲好抵食呢叫咗一個咖哩魚小鍋配烤餅，同埋一客無骨烤雞，升級咗餐飲做mango lassi 😛😛不過mango lassi 就係支裝飲品，都係較普通餐湯，應該係豆湯。咖喱魚小鍋不錯，咖哩香滑，同平時香港一般食到既咖哩，有明顯分別，重椰奶味，質地薄身啲。就咁食都好易入口，配上滑滑魚塊，讚！ 而無骨烤雞感覺都普通，雞肉較乾身。最要讚既係佢地既烤餅，係自家制㗎！口感好好，麵粉味超香濃，有咬勁，大大塊熱辣辣🤤 用嚟沾佢地既咖哩食，簡直Perfect！難怪印度人正餐鍾意食烤餅多過飯

呢間印度餐廳門口金光閃閃，吸引咗我入去🤣店員先送上頭盤：印度脆餅同四色醬，每個醬都試吓味，個人鐘意深色醬個款，甜甜地幾開胃。😄我揀咗個Happy Hour Meal $138Samoa & Papadam 咖哩角及薄餅咖哩角入面喺厚厚嘅薯仔，外層脆卜卜，食完都幾飽的！😗Chicken Tikka 無骨燒雞雞燒得剛剛好，無骨可以一口咬落去，正！😝 Curry Fish 咖哩魚洋蔥咖哩唔辣架！魚肉軟腍腍，份量又多，同咖哩好夾！😌Plain Nann 烤餅呢個上枱時有D害羞，因為用個大架吊起2塊烤餅。塊烤餅好煙韌，又大塊。沾咖哩一齊食好好味！🤪Mango Lassi $48味道甜甜嘅印度芒果奶昔☺️

今日同朋友咁岩係銅鑼灣附近做野，我哋晚上7:30 搵到一間食印度菜，外面好特別藍色黃色裝修，入到去老闆娘好熱情招呼我們，好快安排我們入座，餐廳食物選擇都好多，香烤雜菜 個底餅係脆香，面上配材料，生洋蔥，生番茄，食落好有一種清新嘅感覺，兩樣加埋好夾。咖哩雞 咖哩汁唔會覺得好辣，好岩我哋唔食得朋友仔，啲雞食得出新鮮，佢最窩心咖哩鍋用蠟燭保持番個溫度。乳酪烤餅 甜甜地，好鬆軟，簡直食唔停口 印度蝦肉炒飯 蝦肉好爽口，炒飯都炒得好乾身。

自從之前去過斯里蘭卡🇱🇰🇱🇰一直都對個邊嘅咖哩念念不忘今次嚟到大坑搵食經過呢間印度餐廳🇮🇳🇮🇳就即刻入嚟試下睇下食唔食得返當時嘅味道😂😂首先餐廳俾個前菜我地食下先驚我地肚餓😂😂唔知用咩整嘅脆片幾好食我覺得香港啲零食公司可以出下呢隻脆片再出呢4隻汁點就正首推下面個綠色倘隻薄荷辣汁😂正餐係奶油雞同波菜芝士本身睇落細細碟但入面嘅材料係好豐富咖哩汁係唔太辣，好香口似返個邊嘅咖哩味當然佢都調較過個味係適合返香港人我地仲嗌咗印度香米同nann用嚟撈咖哩真係一流最後我地食到一粒野食都無淨真係好滿足價錢嚟講唔算平不過食到正宗印度菜嚟講都ok😀😀

今天又來天后吃咖哩，最愛這間正宗印度🇮🇳菜，菜品跟名字一樣，真的特別地道正宗好吃😋Raita cucumber 🥒/Pineapple 青瓜乳酪 $40Is and Indian Condiment based on yogurt and used as sauce or dip原本想當作甜點🍮沒想到，味道比較濃郁，沾著Naan吃，口感不錯Pindi Mutton Rata 青豆燴免治羊肉🐑$128Enjoy a tasty Indian dish simple recipe for spiced lamb with green peas with Indian spices羊肉特別鮮美多汁，滋補養生。吃完之後，手掌心感覺有小火球一樣，整個人充滿了元氣！Naan 烤餅$25Refined flour bread cooked in tandoor

「正宗印度餐廳及酒吧」位於大坑附近，沿著銅鑼灣道一直走，看到轉角處藍色外牆的小店，就是它了！小店只得數張枱，牆身掛滿印度裝飾，店員和主廚都是印度人，淨講牌面已經很正宗！上菜前，店員先送上咖哩小吃，給你一次過試盡四種不同的咖哩口味，yummy！羊肉咖哩角（$52）酥皮很鬆脆，內裡的羊肉粒很香口，毫無羶味，不說真的吃不出是羊肉！烤雜菜卷（$108）包在菜卷裡的，主要是豆類和菜碎；配上印度香料，雖然是素食但就非常惹味！白腰果汁咖哩雞（$98）吃印度菜，怎可以無咖哩！小店提供十款咖哩選擇，有辣有唔辣；另可揀配雞、羊、牛或海鮮！怕辣的我們，點了白腰果汁咖哩，微辣中帶少少奶香，再配烤餅Naan一起吃，正！Mango Lassi（$48）Lassi是印度飲料，即是乳酪溝水果。酸酸甜甜，吃咖哩後解辣至掂！最後埋單，每人$210.5，以一餐正宗風味的印度菜來說，算抵了！

大坑附近其實好多野食，而且多小店、Cafe，環境比銅鑼灣一帶更清靜。今次就黎試下印度菜，呢間黃藍撞色嘅印度餐廳真係好搶眼，離遠都已經望到佢。同朋友叫左兩份lunch set，價錢會平過散叫好多，面且包餐湯同埋野飲。是日餐湯係雜豆湯，味道偏咸少少。黎印度餐廳都唔一定要叫咖喱，呢個瑪沙拉醬汁係好多種印度香料混合製成，好香好惹味。但又同咖喱有啲唔同，最重要係幾乎唔辣，啱曬唔食得辣嘅人。而且羊肉完全無騷味。無骨燒雞，呢個又係去印度餐廳經常會食嘅。但有時有啲餐廳會燒得太膿，啲皮都乾、黑埋。不過呢一個就火候啱啱好，雞肉肉質仍然水嫩。我地兩份lunch set都揀左配烤餅（naan），一個蒜茸烤餅，一個芝士烤餅。烤餅偏軟身，調味唔重，所以用黎蘸Masala個醬汁就啱啱好，而且唔會係好脆口、好熱氣個種嘅烤餅。大大塊，成個lunch set食完真係好飽。免費嘅餐飲有汽水/道地紙包飲品，我就加$12蚊upgrade左做芒果乳酪。通常印度餐廳個drink menu都會有乳酪，有啲甚至會係自家製嘅。反正次次我都好鍾意揀乳酪，酸酸甜甜，可以解下飽滯感。總結黎講，呢間印度餐廳環境坐得舒服，揀lunch set會抵

來到間餐廳嘅門口，就有種印度嘅風格，亦已經傳來陣陣嘅香味入到嚟，侍應隨即就拎餐牌，倒水俾我哋叫完嘢食一陣就嚟咗前菜，有印度脆餅加上四色醬，四隻口味各有特色，我最鍾意嘅係黃咖哩同甜醬脆餅脆卜卜，本身都有少少鹹味加上印度嘅淡淡嘅香草味道，配上四色醬就好有味道層次感。第一道菜係唐多里印度雜錦燒烤，分別有羊肉、雞肉、牛腩肉，羊肉係我哋覺得最好食，越咬就覺得越香，牛腩肉軟硬適中，雞肉聞上去已經好有燒烤嘅果種煙熏味。第二道菜係田園蔬菜咖哩，有西蘭花、紅蘿蔔、豆角等，味道唔會好濃咖哩味，保持咗蔬菜嘅原味，味道都唔會好重，食落都fresh d，如果可以少啲啲油就更好，細心之處係一邊食，其實個底係幫你熱緊，咁就唔會凍啦👍🏻最後一定要食嘅印度烤餅，出場嘅賣相已經好特別，加上佢烤得啱啱好，口感好煙韌，就算唔熱都唔會硬，再配埋四色醬一齊食，好香！

聽人講咖哩入面的黃薑成分，可以增強免疫力，疫情下約埋屋企人食下印度菜先。今日中午去了位於大坑的正宗印度餐廳，藍色同黃色的門面好搶眼，離遠就見到。店子小小，但布置得幾有氣氛。我們點了一個羊咖哩及一份咖哩魚午市套餐。套餐包飯或薄餅，我們都選了薄餅，還加12蚊升級飲品做芒果乳酪。喜歡薄餅口感煙煙靭靭，充滿麵粉香。咖哩羊味道酸辣，咖哩魚好味較溫和，食出濃濃香料味道。餐廳播放印度輕鬆音樂，感覺好chill。

去到大坑呢個咁舒服嘅地方，揀咗一間印度料理食下午茶飲杯野，過返個悠閒嘅下午。香草免治羊肉印度烤餅($38)薄餅好薄身，有少少煙韌，入面有咖喱味嘅羊肉碎，唔使點咖喱汁都已經好惹味，而且份量十分之足夠，兩個人食剛剛好夠飽，非常滿足。鑊仔香料時蔬 ($80)咖喱菜用小窩裝住，下面有蠟燭保持溫度。入面除咗有西蘭花、椰菜花、辣椒、洋蔥，仲有我最喜愛嘅印度乳酪。蔬菜煮得非常入味，又唔會太辛辣，令人一口接一口好快食晒。Plain Lassi ($38)我叫嘅酸奶係無糖嘅版本，雖然冇加糖，但係奶香十足，一啲都唔會覺得淡。口感清爽嘅酸奶，配合濃味嘅咖喱，可以解膩。

正宗由印度人開嘅印度咖哩我一直都無食過今日過開中央圖書館就順路去左大坑果邊揾野食見到一間裝修雅致嘅印度餐廳就一於入去試一試佢地餐廳有好多選擇 不過因為我未食過印菜保守啲就簡左個咖哩雞黎試下佢地個咖哩口味好岩我 香得黎之餘仲帶點辣 而且好好送飯 一眨眼碗飯已經食左一半 加上我發現佢地嘅米好特別同我地一般食開嘅泰國米唔一樣 問問老闆先知佢地係選擇返印度米 印度米比較長係一般絲苗米嘅一倍 加上雞好嫩滑 選擇咖哩雞真係一啲都無錯因為個咖哩真係太正 為左食埋剩返嘅咖哩 我仲叫左個印度嘅薄餅用黎點埋啲咖哩食一個咖哩兩種食法~~~~~~~~~~~~~~~~~~~~~~~~~~~~~~作為一個喜歡食唔同地方菜嘅人 今次食到嘅印度菜真係令我大開眼界 由其係薄餅加咖哩嘅食法認真

食咖哩抗疫？淘小姐只知"咖哩好好味～"呢間外表好搶眼既小店，原來就係天后店最新既分店店鋪面積唔係好大但就好有親切既感覺午市套餐大約60幾至70蚊，仲可以加錢upgrade飲品添Soup of the Day雜豆湯味道偏咸Lamb Masala ＄75上菜時溫度微暖要等煲底下蠟燭燒熱成個煲都要多少少耐性香料味道刺激但唔太辣羊肉份量都好多Prawn Curry ＄78雖說係咖哩比起Lamb Masala佢味道柔和D不得不讚下個Naan即叫即烤外皮因為烤過而會乾身少少撕開即感覺蓬鬆柔軟口感煙韌第一次試Masala Tea (＋＄12)Masala Tea即係印度奶茶因為加入香料同藥草同我地平時飲開既奶茶好唔同好特別而Mango Lassi  (＋＄12)係樽裝，味道不錯

今日去開維多利亞公園，就過黎大坑食埋嘢。呢間印度嘢門口大大隻字寫住正宗印度咖喱，我亦被深深吸引。Jalfrezi with beef $108雜草咖喱，配嘅牛肉，係牛腩！唔係似茶記食嘅咁腍，比較有咬口。雜菜就係青椒、洋蔥等，個汁亦帶辣。第一次食感覺新奇。Lacha Paratha $28呢個甜Naan，黎到面頭有一層油，比較薄身，唔似平時食開嘅Naan，味道更有油感。Rose Lassi $48印度嘅Mango Lassi飲得多，Rose Lassi又未飲過，就試下，原來都幾正，玫瑰奶咁，加左乳酪更順滑。最後食到勁飽！呢度店舖大約二十個位左右，啱曬小型party聚會。