橫綱

营业中

休息中

見到咁多好評又咁出名, 所以23/8特登同朋友試下, 原本唸住平日無咁多人, 但係7:10到巳經要排隊, 等左成廿幾分鐘先有位, 入到去要坐bar台, 雖然油煙比較多, 但可以睇住佢地煮既過程都係幾好丫。我地要左用豬骨湯底既九州拉麵x2同埋煎餃子x1九州拉麵- 熱騰騰既豬骨湯底好夠濃, 麵質較硬身, 叉燒un左D, 紫菜唔脆唔新鮮餃子- 細細隻好重九菜味, 點少少醋黎食, 朋友讚好好味如果要排咁耐隊先至食到呢碗麵, 我下次未必再黎幫襯!

22.08.06又係想試左好耐,向老公提議去,好彩佢都想試~7點左右去到,要等9張台...等左大約20-25分鐘啦環境真係迫左d...因為得我同老公2個,坐左4人台,所以同左2個唔識既一齊坐叫左個九州拉麵($45),同埋煎餃子($22)九州拉麵係排骨湯地,個湯真係好濃郁,好夠味~d叉燒一d都唔鞋,好滑好好食~我覺得個麵質armarm好,夠煙un~~夠晒料囉碗麵!!餃子好好食~老公話未食過咁好食既餃子喎=]除左環境迫左d,同埋會有可能同唔識既人一齊食,總括黎講都好好,service都唔差!同老公一定會再黎!!呢d拉麵既quality真係俾起味x好好多囉!!

都食左佢超過5次了, 次次都保持到水準呢~特別喜歡坐bar檯位, 可以見到佢o地煮麵的過程^^拉麵煮得arm arm好, 而且好彈牙! 配料其實份量好足, 不過我個人特別鍾意勁多, 所以我都會額外叫多一份食...各款湯底都好正, 豆漿湯底的味道好特別! 另外棒餃子都好好食的!!唔想等位就要6點前去啦~ 唔係有排等...

this is my choice of Japanese traditional noodles shop! I think this is the better place for a good Jap noodles! mind u, there are long queue all day here! be prepared to wait for good food!cheers

我每個星期都會去食，因為又抵食又好味，雖然等位等得好耐，但我都覺得值得既！我最鍾意食明太子飯團，而我男朋友就食牛肉拉麵，叫埋個麻婆豆腐細飯，飲多罐可樂，我就已經好滿足！^.^

I ordered a soy source Cha-Shu Ramen, comparing to the experiences in Japan, this is ok, but only ok.First Ramen(拉麵), soba, udon, they are all different, so when I ordered Cha-Shu Ramen, I really expect Ramen; unfortunately, it was something thinner in size. Taste-wise, it's ok, but as I said, only ok.

久聞此店，有一段時間冇食拉麵，星期六即興到此店一試，到達時已經2:20pm，不過仍然有十個人排隊，最後等左廿幾分鐘才可入座。兩個人點了兩碗麵，一個九洲拉麵，一個叉燒拉麵豆醬湯。麵來喝一口湯，證明了廿五分鐘等待的價值，豬骨湯並不太濃，味道是適中，而豆醬湯比豬骨濃一點，但不會過分。至於麵質，個人認為略硬一點，相對地函館元祖是較勝一籌。環境方面，當然比較擠迫，不過整間店包括洗手間，衛生程度卻是不錯，另外冷氣亦充足，不太冷也不會熱。價錢方面，兩碗麵$87，咁有名，竟然比味ｘ、別ｘ那些港化拉麵更平。

可能未夠18:00,所以無人龍.1.香蔥拉麵面豉湯底$36~蔥OK,但麵質唔掂,己經叫面豉湯底,但完全無面豉feel,湯底唔濃,失敗!2.牛肉拉麵辣湯底$42~係港式肥牛,所以無野好寫.湯底OK,但唔係好辣的,嗜辣者會失望.3.棒餃子$22~一碟三件,都幾好啦.最後記得要check單,因為佢收多咗我$9.

其實橫網唔用再讚佢的了因為佢已經夠晒出名了鐘意食拉麵的不可能不識我自己都已經食了好幾年的了而家好少去了唔係唔好食而係好怕等等........真係好痛苦以前放學9點幾去唔係用點等位的而家十點去都可以等半粒鐘啊慘.慘.慘..... 成名的代價而家好多人話想去試所以多人但係我上次去的時候竟然有自遊行...只怕橫網遲些會變成一個景點什麼時候也不用去了佢最正的我覺得係湯底同佢們對出品的堅持重有價錢麵質........佢咁多人係有佢的原因的只係唔明佢係尖沙咀的分店味道為何差咁遠搞到關門大吉唔通好野食真係一定要等? tips 去橫網等了咁耐就緊係食麵啦 佢d飯係廚房做的啊麵先係主打囉

一直想黎試! 終於有機會啦! 聞名不如見面, 佢既麵真係彈牙, 比出面既拉麵館真係高出幾班! 豬骨湯同豉油湯都掂, 值得一試! 想唔等位, 6:45pm 前到就ok ! 食完走人只不過半個鐘, 但門口已圍左十幾廿人lu ! =)

慕名已久，星期六黃昏六點幾到，門口居然只得兩個人，即刻埋去攞飛，轉頭已經有位。間舖細細的，啲位好迫，同其他人背貼背坐，並不舒服。叫咗排骨湯底嘅九州拉麵($45)同醬油湯底嘅橫綱拉麵($37)。兩碗麵比較，九州拉麵嘅排骨湯底就好啲，夠濃，醬油湯底就只覺得咸，唔覺得好味。拉麵本身更令我哋失望，唔講得話差，但係質感比較起「函館元祖北海道拉麵」同「札幌拉麵屋」，以至最近喺「元八九州響拉麵」食嘅都有所不及。排哂隊嚟食就無謂喇。

其實這也不算是食評, 平時只會搵有咩好食, 睇人地點寫果間店, 但係尋日去完呢間橫綱, 點都真入要寫下對呢間店既感覺. 正確地點應該係油麻地彌敦道永星里(我同女朋友為左搵呢間野由旺角沿途咁行), 坐位唔多過50 個.. 地方唔大過500 尺, 去到既時候門口好多人, 要等位, 不過都好快就有位.我同女朋友尋日叫左個牛肉拉麵+ 細石頭飯+ 一客棒餃子+ 一罐汽水.. 食物既質量同份量都可以, 結帳只要$86 蚊.. 唔駛加一果下抵!! 係呢度搵到呢間食店, 所以係呢度推介俾其他人~ !!

(27/6)與兩位友人晚餐，吃了那碗牛肉拉麵，原以為是一片一片的牛肉，結果不是，牛肉只是一般肥牛，反而那叉燒較佳，湯味應該最了得，入口濃郁，但麵質過韌口，與多年前吃的欠了一段距離。與櫃檯中拍了那些師傳的相片，盼望見諒。

一間在油麻地屹立差不多廿個年頭的日式拉麵店"橫綱",到今日依然人龍不絕.初出來社會做事之時,常去的日本料理,一間三井,一間就係橫綱.兩店相隔無二百米.三井已經離棄多年,橫綱又係無去好一段日子,上一次去,都要數到上個世紀末.果陣十九歲的朋友,今日都廿六年華.今時今日,日本拉麵店在香港多的是,排隊都未必諗到會再來.世事如棋,每局都充滿傳奇.昨夜兩名朋友在BC立見天國,天國的階梯最後倒塌左唔使上.回度凡間之下會合小弟晚飯.大熱天時,如果要去老廟的話,一定熱到頭頂出煙,美都友人強烈要求唔好去.我順口開河去橫綱吧.橫掂都好耐無去過.)友人無反對之下陪我去"拗"呢痕左七年的拉麵店.七點半黃金時間,人不大多,等左幾分鐘便入座.三個排排坐.三個人槍口一致,一人一碗拉麵.其他的,只係任飲的冰水.九州拉麵,闊別七年,都仲幾掂.不大濃味的豬骨湯底,味道幾鮮甜.叉燒雖然幾乾,但不大齦.麵質略嫌不夠彈牙,除此之外,也不錯.$46一碗,比起其他出名的日本拉麵店甚至味千此等三流貨色平,還能夠苛求甚麼?淺嘗友人牛肉拉麵的牛肉,同吉野家的牛井無分別.小弟吃拉麵,除非真係撞正難吃到極點,正常黎講,一滴湯汁也不剩,乾到碗底

唔夠一個月又黎幫襯, 星期六既12:45 黎到, 等左15 分鐘就有位了, 算幾快! 今日同女友叫左一個拉麵餐加一客棒餃子, 只係$78, 底食!1.清湯叉燒拉麵(湯好清好味, 拉麵依舊彈牙有口感, 配菜都好夾味, 可惜叉燒"鞋"左d!2.牛肉飯(牛肉既鮮味又嫩口, 飯又軟熟, 正!)3.棒餃子(好食過普通餃子, 香口, 足料, 一定要試!)都係o個句, 黎開油麻地一定要黎試下! 不過座位真係幾逼!相片可參考:http://www.fotop.net/thxdtsdd/eat