橫綱

营业中

休息中

一行五人點了四個麵牛肉, 咖哩牛肉, 橫綱及叉燒~麵是很好吃, 但湯底就不夠好, 而咖哩牛肉是鞋口的, 叉燒不夠肥...略嫌等候的時間較長, 而且店內空間較細, 服務還可以的, 很快會有人斟茶~若非真的很空閒, 想必不會再吃了~

我去食過幾次,次次都有食佢0個度D湯麵,雖然環境窄D,不過都算OK,你可以坐係個日本師父面前睇住佢整同食,D麵幾滑,湯底可以,價錢合理,可以一試.

橫綱大大話話我都食左5年喇.5年喇佢都冇乜點變,夜晚等位過20分鐘係等閒事.我都慣晒呢種方式喇.而近期佢晌舖外加設左一排幾個人坐既長橩,都幾周到呀.好喇,我都係覺得最好食既係拉麵,如果2個人黎食既我指定會叫一個set,要加多一個牛肉+pork既小食.加埋100都唔駛,仲食得ok飽架.個set有一個細飯同一碗麵,飯既麻婆豆腐最好食,跟住就係石頭飯.不過如果唔食得辣既就唔好叫喇.d麵好就好在係由日本運過黎既,質素一定有保證.材料都幾新鮮啦.個pork真係要推介一下,因為好多時食落都好滑架,而且又甜甜地,應該係可樂既作用黎.另外一樣就係如果叫香蔥拉麵既,d蔥係d即時先加埋調味料落去.加埋少少紅條一條條既物體(我唔知叫乜野名),真係好好食.如果好彩既,仲可以食到由日本黎既剛司傅整既麵.雖然可能食落冇乜分別,但感覺上好似係晌日本度食緊拉麵咁.不過美中不足既係間舖太細(不過某程度上係特色黎),所以一過左1830到2200,都會有幾個至二十個不等既人排隊囉.大熱天時等都幾辛苦.如果要等埋bar枱可能要耐多10-20分鐘.總括黎講,如果要食一d連鎖式既日式拉麵舖既,我就寧願唔食,或者真係特登走過黎食好

初九果日諗住去澳洲牛奶公司, 但未開市, 去左好耐無食過既橫綱!!原本我同男朋友去到既時候都唔肚餓ga ,但等位等左half an hour 之後,就開始望住個menu 流口水入到去坐吧台位, 少有地極快速order 左食咩!我同男朋友要左個九州拉麵& 牛肉拉麵& 捧餃子!!三樣野都gam 好味!!!!! 可能望住d 師傅整, 覺得更加好食~雖然等左半個鐘, 但我覺得好值得!!!!

我去食過兩次，第一次去可能新鮮感和味道不錯所以覺得不錯，但第二次再看到Menu因選擇不多，所以打了節扣。麵的確是有質素，比其他地方的拉麵好食一些。可惜湯底和配料就一般，不過勝在夠熱。另外，我試過飯團，味道和口感都不錯，如果食完碗麵未飽，可以試下飯團。評論：麵．有質素

我巳想食呢間名店好耐，但成日都好多人排隊，所以一直都冇試過，前幾日在百老匯電影中心睇戲前去左一試，一個字，正！個湯底好濃，好有味，我差不多飲晒d湯底，下次有機會，一定會再！但呢間真係太細，太少位，下次都係坐bar好d，好feel d！

上星期要去油麻地辦事,因為少嚟呢度,所以係食評揾資料,終於决定食拉麵,所以嚟咗呢間.未夠一點入到去,卡位冇哂,祗好坐在麵檔前面,好彩都算舒服,真係到一點就要等位.叫咗九州拉麵,棒棒鮫子和烤三文魚碎飯團.拉麵很大碗,麵又冇梘水味,的湯飲完唔覺口乾,唔似得「味精拉麵」咁重味精,可惜D日式叉燒又韌又有雪味,下次唔會叫佢,棒棒鮫子好脆又唔膩,飯團好有質感,要嚟加落飯團那些不知名物體更加好食,紫菜ヌ脆,小兔鍾意到不得了,下次一定要再食,D茶都幾好飲.呢次倆個人食都係ハ十五蚊,幾經濟.

13/1/06 dinner同老公黎食,等左45 mins呀!今次食牛肉拉麵要豆醬湯底,好夾,好好味!等咁耐都抵!今次仲係坐0係師傅面前,睇住佢地整仲正!

我自94-5年已不停有幫襯佢地,但我始終鍾意以前係隔離街上二樓個間,因呢間坐位太迫了, 又少位,等廿零分鐘係叫做標準了,我通常都係一點前或九點半後黎食,避開多人,但係物有所值既,我食左十幾年都只係食咖哩牛麵加大,俾多$5(共$44)可食多三分一個麵,加埋湯底又多料,真抵食架,出面中電前面無禁區線又可泊車,我真係幾年泊左部車跟住入去食都無試過抄牌趕車,但如你地駕車去都係坐bar枱食會隱陣些,因為可望到架車,同埋呢間地舖無左樓上舖果款豆腐,希望可以有番

成日經過都會見好多人排隊, 一個星期六下午咪來試下, 更係又等左20-30mins啦.入到去叫左個九洲拉面- 都幾好味個湯都幾好飲, 份量都大, 下次都係同人地share好d

食過好多次次次都覺得好好味面份量都幾大，面夠彈口，味道都ok，味精都唔算太重，天氣冬左仲覺得d熱湯好正可惜環境比較焗束如果可以好似日本街頭檔口咁落住雪咁食熱辣辣拉面一定好正呢！！

天氣轉涼... 又係食拉麵0既時候喇！九龍/旺角中的高水準，價錢都合理...但真係迫夾0左0的。我喜歡中午去(免加一)...尤其是一點前，唔駛等位。食物方面，我覺0的义燒有點硬、乾...所以我喜歡點少0的肉的橫綱拉麵(兩三片已夠) + 一份香蔥+ 醬油湯底就係我的perfect taste 喇！

夜晚同老公黎食,等左20mins左右啦!我地叫左:九州拉麵--個湯好好味,唔係味精水.咖喱拉麵--好香,好濃味.餃子--好正,d皮又薄又脆.平時我唔係太鍾意食餃子都覺得好食.

呢排去多左一D未試過0既食店，好開心呀。今晚(22/10)(星期六)在諗唔到食咩下，佢提議去呢度試下，之前行過無意中見到，今次黎左呢度試新野囉。排左差唔多九個字，八點幾入得去，叫左咖喱牛肉拉麵同埋叉燒拉麵(清湯味)，後來再加燒三文魚碎飯團。地方唔係幾好坐，好細，D位迫迫地，同埋D麵唔夠熱，可能因為個冷氣好勁，好快吹到凍哂掛，所以令個麵無咁好食。因此，有D失望，因為麻麻地好食。不過，不容否認，個麵幾大，呢度食野又唔駛加一，係抵。侍應都幾有禮貌。但係D野食煮得再熱D，同埋個冷氣開細D會好好多。相比之下，今晚0既燒三文魚碎飯團比拉麵較好食。希望下次會好D，我想試下佢0既冷麵，唔知水準如何呢？以今次黎講，我覺得利時對面0個間拉麵店(DOMON)同埋北海道拉麵店好食D。不過價錢當然係橫綱平。另外，想問下各位食家，橫綱0既尖沙咀分店係咪比油麻地分店貴0既呢？同埋邊間好食D？謝謝~~~~

　　第一次寫食評。國慶日，看煙花前先往這裡一試日式拉麵。都係睇過呢度食家ｇｅ食評先去一試。等位等了半小時．．．跟之前一位人兄形容一樣，那裡的確幾熱，都幾難頂。下次還是平日去吧。　　入到去，坐唔到吧台，坐四人位，唔算太迫。叫左兩客九州拉麵，一份咖哩拉麵及涼拌，以及一客明太子飯團。先說九洲拉麵，湯不太濃亦不太香，但麵還不錯，牛肉是比較好，頗入味的。另外那一份咖哩拉麵，我也試過兩口，就像把麵放入一份較水的咖哩之中。反而，涼拌我覺得最為出色，做得很夠涼，有點點冰的感覺，配麻醫口感很不錯，但供應期有限，冬天應該沒有供應的。飯團真的不錯，明太子的份量很夠，調味粉也不錯，18元兩個份量足。再提一點，麵的份量亦很足，我還算大食的，都能夠大半飽。店的面積太細了，但裝修都頗日本ｆｅｅｌ。　　再提一點，下午３～６時是特價時段，８折是也。　　小店中有３名待應，他們的反應還不錯，水杯長期是滿的，麵也來得不慢。下一次我會選擇吧台，邊吃邊看師傅的功價。下次到旺角補習時，多行幾條街都會吃這一間而不是較近旺角味千。　　這店是值得一試的。