橫綱

营业中

休息中

見到咁多人唱好呢間野，一小時前終於同男友去試左。好采唔使等位，10點幾都坐滿人。即order九洲拉麵&curry beef 拉麵我坐果個位係可以睇到師父做野，睇見幾恐怖，D水周圍飛，碗又唔抹，水直接滴落地下，廚房完全濕透，，好心想整open kitchen就唔好咁肉酸！我好留心師父點樣整麵，發現湯底係用一D唔同既醬開大滾水，真係唔感相信，我再企高D睇清楚，真係咁。心諗可能之前佢地boil好個湯底，好似D茶餐廳boil茶膽咁…但麵一到，一試D湯底…出前一丁feel:-(係好味但係味精野，有無搞錯。專業拉麵店有咩理由用D垃圾湯底！叉燒勁肥，好似D燒味咁，好唔正宗！麵係ok，但好快就"林"食完半小時至依家好Q口渴，不停飲汽水，依家飲第二支，真羅命！下次一定唔會去！！！

等左３０分鐘都有架真係．．．．入面個個小朋友似的店員．好囂張完全當人客透明似的，都不過係幾不錯的唔記得左轉粗面．．．．我食左差燒拉．ｂｆ食左９洲拉．加野飲加牛肉飯．飯就無咩ｓｐｅｃｉａｌ的～不過我呢個面ｄ湯真係好味．一飲．．．．．．．．．．而盡．反而面就食唔哂．ｇｏｏｄ哎，．又抵食．下次要ｔｒｙ其他野了。　

唔知點解咁多人唔知有乜咁好食一ｄ都唔值得等咁耐一ｄ都唔好食唔知點解呢度仲會有咁多人覺得滿意真係唔明喎味千拉麵咪差唔多起碼坐得舒服ｄ仲要等位ｏ既時候有”陣陣異味傳入我的鼻”入到去都仲有如果要我格硬講佢ｄ好野唯有話佢平啦．．．

每次想食, 想到佢d fans, 想起要等位等好耐, 都令我卻步, 唔知點解, 今次咁好心情, 走去等位黎到, 見到每個等位既人, 都做好預備功夫, 唔係打機, 就係買佐雜誌, 好彩, 我都買佐雜誌等佐大半個鐘, 就有得食啦, 叫佐日式牛肉咖哩拉麵, 九洲拉麵, 餃子, 兩個麵都好好食, 仍然冇變, 我問老公好唔好食, 佢都話好唔錯, 仲食晒d叉燒一舊都冇留俾我.....呢度唔洗加一, 兩個人食佐$10x, 我覺得好食和抵食過味千如果喜歡食蔥既朋友, 介紹你係香蔥拉麵, 好正架, 勁多蔥, 我食九洲拉麵喜歡加牛油, 可惜老公唔俾

香葱拉麵辣味湯底+芝麻碎係我0既至愛芝麻碎是用樽攪出來的, 超香芝麻味配上香葱, 超正!每次到橫綱都會攪上半樽芝麻, 搭枱的通常都以為我傻, 其實係佢地唔知加左芝麻碎之後有幾咁好食所以我次次都係叫香葱拉麵辣味湯底橫綱的餃子, 飯團同牛肉飯都幾好食, 你仲可以叫餐(拉麵+細飯+飲品)雖然次次都要等位, 又要特登走去油麻地, 但係值得的

因夜晚o係附近返學, 每次經過都見有咁多人等位, 已經好想試下...有次放學, 都成十點幾, 諗住無咁多人啦, 於是咪同bf去幫襯下。點知去到都係要等位, 大約等左二十分鐘我bf 叫了九洲拉麵我就叫叉燒拉麵(配豆醬湯底)捧捧餃子個人認為bf 既九洲拉麵湯底好濃, 好好味, 唔知係咪因為覺得隔離飯香d 至於捧捧餃子, 就一般值得一讚既係麵頗靭, 唔似香港其他食店之拉麵。另外麵份量及肉份量亦多, 好飽呢

有成４年左右冇黎橫剛食麵，本住膽粗粗心態介紹朋友去，７點鬆０的到，閒日都大排長龍＠＠等左差不多半個鍾，我都係好不變地叫９洲拉麵，我朋友都一樣，仲點多個捧捧餃子～成個過程都睇住師傅好比心機咁整，所以等耐小小都覺值得～個麵係同味千唔同，老未號就係老字號～湯底濃而不膩捧捧餃子得３條，唔夠分．．．我食左一條，好香口！真係唔錯！下次想試個冷麵～

由於要返夜學, 6:30上堂, 所以先去橫綱吃個麵. 5:50入到去已有7成full了, 坐上吧枱後叫了叉燒拉面, 味道好正, 湯底好好味. 麵又夠靭, 不會太, 下午茶時段仲有節tim. 平時和老婆來要等位很久, one man band容易得多. 另外不只拉麵, 該點子的咖哩飯也很有水準, 可以一試. 但棒餃子則感覺一般而已.

成日經過都見呢間舖排晒長龍, 出於好奇心走左好試一試!! 唔夠9點去等位, 等左成半個鐘終於有位喇! (我地食完出黎都係好多人等位, 仲要個個都好有耐性咁, 可能食慣的都不介意等位啦!)呢度主要得拉麵同飯(有些小食咁), 我咁鍾意食拉麵當然要試下呢度有咩咁特別啦.. 我同男朋友兩個人點左一個套餐:叉燒拉麵(配豆醬湯底)+細雞扒飯+凍飲, $62, 不用加一. 見餐牌介紹有粗拉麵, 於是一試.. 個拉麵好快到,個湯好好味,所謂粗拉麵係比平時粗身小小咁啦,煮到有透明感,賣相吸引,食落真係有啲驚喜,比平常拉麵彈牙...正!而叉燒份量仲好多添,估計應有6塊以上!講下個細雞扒飯,的確幾細下,不過因為跟拉麵+20就算啦.. 個飯又係一傑作,個雞扒好入味,燒汁味道調得剛剛好...我諗下次要食個正常size先得... 總括來說這間日本餐廳實在又平又正!

我點了碗面後，足足等了三十五分鐘，都等不到面，於是問下個待應，她竟然鬆鬆肩說不知道！我以為是什麼好味的湯底，要滾這麼久，但最後竟發現不足為道！且環境又骯髒！我不覺似日本feel！

是夜本是和男友去九龍城食泰菜，誰知2人約會變4人，再到2人時已7點多，去九龍城是沒可能了(失望……)，唯有在mk找食的。一向不好拉麵的我竟然提議去橫綱，又竟然肯由mk走到ymt。等了30mins終於可內進了。一踏入店內，一股香氣就撲鼻而來，急不及待就點了兩個麵，因為真的太餓了!清湯拉麵是男友點的，雖說是清湯，可不算清了，都頗油的。但沒關係的，最重要是好味嘛。麵是硬了一點，尚算彈牙，而叉燒只有兩片，好腍好味。麵的份量大但是配料少。我的是橫綱拉麵，選了麵豉湯底，味道濃郁。而配料和清湯拉麵幾乎是一樣的!店子小小的，很有日本味道。我們坐bar木台，可看到師傅的煮麵過程，感覺很過癮。而桌上有多種調味料，其中有白芝麻，我也下了不少，麵的香味大増。不過忘了加牛油，聽說加了牛油會滑得多呢!但不知何時我才會再想食拉麵呢﹗

一早預左晚飯時間會人多所以六點放工就即刻去去到都係6點8個字不過已經有成10個人0係門口等緊!~好彩我地都算早去到等0左3個字唔使就有位叫左九洲同叉燒拉麵味道? 都係咁~ 冇咩特別去得呢度食都except唔會差不過都唔期望會有咩突破~我地去到0個陣得一個師傅煮麵0的野出得慢0左少少~不過~ 咁好食~ 等0下都值得既!

20070524正午十二點開門，11：57到達時門口已有四五人在等，去書店兜一個圈，十分鐘後再來，不但已經滿座，人龍也已經開始出現，我們只有兩個人，沒得選一定要搭枱，而稍後離開的時候，門口的情況已經頗壯觀……真是誇張……個環境就真的好日本，小小的，窄窄的，一溜長吧台，師傅就在你面前煮面，很有街頭小鋪feel，細翻菜牌，原來橫綱進駐香港也已經20年了，相信也積累了不少die hard fans吧。可以選擇午餐，一碗拉麵，加14元跟一個細飯，如果是鰻魚飯就略貴，要18元，再加一杯飲品。這樣也好，適合我們這種一碗不夠兩碗太多的尷尬食量。鰻魚飯先到，雖然份量少，但也絕不欺場，點綴有幼細的蛋絲，味道香濃，飯底滾熱而黏軟，第一口便已經把我們俘虜了：）主角是咖喱牛肉拉麵，面身煙煙韌韌，恰到好處，咖喱汁微辣帶甜，胡蘿蔔、粟米、薯仔等配料更添口感，反而牛肉我沒試。面的份量很大，女孩子一個人吃會比較困難，見到對面搭枱的兩母女，阿媽勸個女放棄剩下的面，個女就寧願投陣再繼續。美味當前，哪有那麼容易放棄呢：）

之前同男朋友仔黎左橫綱食拉麵，食評講到排哂長龍，所以我地專登早少少入座。去到仲未好夠6pm，我同佢叫左九洲拉麵同咖喱拉麵仲有餃子棒，食左兩啖6點鬆d就已經客滿啦！勁！拉麵好大碗，九洲拉麵同一般拉麵差唔多啦，冇咩特別，不過好多料滿足到貪心既我:-p 咖喱拉麵d咖喱真係好日本，甜而唔辣，唔得我歡心! haha!! 同埋，雖然坐吧位睇住佢係即整，但我覺得d麵唔夠熱...餃子棒好得意，三"條"餃子痴埋一齊，雖然都係普通餃子貨色，不過反而鍾意呢個多d wor!!雖然係咁, 不過呢間點都好過味x拉麵...好味d同埋感覺正宗d, 仲有...愛死張吧檯! (話時話, o個日去食好似係香港師傅wor...) 但係講好食始終都唔夠o係日本街頭天寒地凍行到飢寒交迫，食既o個碗拉麵，第一啖放落口...嘩...可能只係人在異鄉思想特別浪漫...哈!

女友成日都好想再黎呢度食野, 但師傅好怕等位同排隊, 加上呢度食飯時間一定好多人, 所以都好耐冇咩點黎過! 撞尋日放假, 於是咪於下午茶時段黎呢度食番碗拉麵啦!由於唔係黃金時段, 所以唔使等位, 入到去仲要有卡位添! 坐底再睇下有咩想食先, 本來好想食牛肉拉麵, 但係睇睇下都係抵受唔住咖哩牛肉拉麵引誘! 而女友由始至終都係鍾情於叉燒拉麵!咖哩牛肉拉麵, 咖哩依然好香依然唔算辣, 牛肉又多又鬆, 仲有薯仔, 紅蘿蔔同埋粟米做配菜, 薯仔同紅蘿蔔好淋, 而粟米就好甜, 至於拉麵好正, 煙煙韌韌好有口感, 個湯底又靚, 好鬼咖哩味, 正呀, 碗麵份量又夠大, 食到我好飽呀; 叉燒拉麵就有好多件叉燒, 叉燒又大年又鬆, 加上粟米, 筍, 紫菜, 芽菜同粟米等配料, 正呀! 雖然食番同上次一模一樣食物, 但係佢地拉麵依然維持於高水準, 實在唔錯! 再講呢度d服務都好好, 伙計都好樂意招呼, 自動自覺咁添水, 真係唔錯, 好想再試下其他拉麵, 但係真係唔知幾時先會再黎過喇?