橫綱

营业中

休息中

香蔥拉麵麵(屎)湯低係我次次都叫的item 去到成日都賣曬好唔開心但呢度比較小人講大家可以試下*睇清楚個日本師傅自好食呀..香港師傅整得一d 都唔好倀冇個心去整睇個日本師傅整已經值回

每次搭巴士經過都見到呢度排晒長龍, 0係Openrice 又咁多好評, 今日就專登搭車出0黎食lunch.叫了個九州屋台風拉麵(見圖)... 先飲一啖湯(九州豬骨湯底), 好鹹但唔係「濃」, 好快就好口渴, 味道亦令人諗起即食麵d 人造味精湯粉, 都幾失望; 不過麵質幾好, 好有咬口! 兩塊叉燒無乜特別, 少少韌不過肉味十足; 左下方深橙色0個pat 0野就係明太子, 夠香, 少少辣, 就咁食味道強烈, 撈埋落d 湯度好食d; 其他配料就無特別. $40 一碗, 算係咁啦.環境迫夾, 到差不多2:30pm 仲好好生意; service 麻麻, 招呼我0個個阿姐幾寸, 又黑面.麵質係幾好, 不過整體其實幾失望... 會唔會再0黎, 我都唔敢講.

many people recommend this Ramen shop, however, I dissappointed a lot when I taseted soup of first spoon.....terrible...It wasn't Ramen soup!!Instant ramen soup, you guys like it?? Do you guys belive its real Ramen soup flavor?? c'mon!Wake up guys!

經過呢間舖好多好多次，亦都聽到身邊好多人推介，可惜就係次次都見到排長龍等位而決定去第二度食。今日見時間尚早，於是決定嚟搏一搏。早食果然係唔駛等位喎。有個似係老闆娘既女人安排咗我哋坐一張單人枱，坐得都有少少迫，不過見佢舖位細細都可以體諒既。不過個女人就真係笑容欠奉，又有少少唔耐煩，今時今日咁既服務態度唔夠架。我哋叫咗九州拉麵同埋棒餃子。餃子ok，但係得三條似乎少咗啲。九州拉麵就真係聞名不如見面，湯底、麵條、叉燒都好好食，配料都好正，個人認為呢個價錢有呢個質素都算係咁喇。題外話，呢間店不停播放應援團既日文歌，令我多咗一份親切感。

其實我去過好多次, 次次都係我老公想去, 我就覺得好一般, D麵唔係太好味, 又唔係好正中, 如果以噤既價錢食日本麵都OK既! 不過D位太窄, 又成日要等位!佢隻半生熟蛋係最好味既, 可能第度無啦!我覺得唔好抱好正既心情去食就得既!

今日原本滿心期待去橫綱吃我最喜歡的冷麵（粗麵條），以前都去過好幾次，每次都是吃冷麵呢！由於我很喜歡配料中的漬冬菇絲，所以問侍應可否把火腿絲和蛋絲都換成冬菇絲，女侍應說可以。我要了芝麻醬冷麵，不過不想太多油，所以要求麵好了後不要另外再加麻油，再另外加多一顆我最喜歡的味玉（糖心蛋），ｂａｒ檯前面小師傅（今天大師傅不在）看了後大聲說這張單子的內容還說有性格，雖然我不喜歡他大聲念出來，可是也就算了。然後一個因該是負責內廚房的人坐在我左對面ｂａｒ台，可能是他吃飯時間，正在和煮麵的小師傅聊天,他看了單子後大聲朗讀幾次，搞得我很尷尬，一來在場很多食客，我更加就坐在他左對面!!二來他這樣搞得好像我是個怪人似的。實在很不滿，差點就想不吃了。我感到很不受專重。我是付錢吃飯，是食客，，每位食客都可以有一點特別的愛好吧。。加上我事前是問準可以這樣做，再加上他們參牌上面寫歡迎對拉麵有任何要求的。這個人這樣的態度太過分了吧！友人差點沒出聲罵人！友人的叉燒拉麵，聽說湯底比上幾次咸。我的冷麵也較以前硬,醬料也比以前咸!可能上幾次都是大師傅煮的吧.所以很好吃!可是這次要扣分不少!

之前一路都有去開，昨日心血來潮同女友一齊去食，叫0左九州拉麵、金玉拉麵(新出的，唔多記得名)、餃子、麵鼓湯九州拉麵: 真係無得頂，湯底正，麵軟硬一流，配料勁正金玉拉麵: 因為女友食的，佢只係比0左半隻蛋我食，隻半生熟蛋.....值得回味麵鼓湯: 飲落去唔似開粉，但係就淡0左d餃子: 失望，因為太多人叫，煎得唔夠脆就上碟

和風涼麵配料夠晒多,麵質亦都好彈牙,加埋酸甜汁同花生醬多芥末,真係好正呀!!!個餃子肉汁好鮮甜,好好味!

尋日去完美都..都差唔多食夜晚o個餐..因為舊年聖誕節食過一次...男朋友成日都話想去橫綱試真d...所以去左橫綱度食..因為我地要等埋朋友先到..所以叫住飯團食先..飯團幾好味..紫菜好脆..而朋友到左我地就叫拉麵食..我叫左叉燒拉麵(清湯底)..男朋友叫左牛肉拉麵..另外有朋友叫左日式咖哩拉麵同埋九州台風拉麵...我ge叉燒拉麵幾好食..有好多塊叉燒..拉麵軟硬適中..男朋友比左少少牛肉我食...係肥牛黎..但好入味好好食..真係同出面o個d唔同...男朋友對佢ge牛肉拉麵讚不絕口..仲話以後去都要食牛肉拉麵...服務員招呼唔錯...亦都不時過黎幫我地加水...店內不設加一服務費

很久沒吃橫鋼的拉麵，於是走去吃過late dinner，當時已九點了，人龍依然很長，其實是預料之內，等到約十時終於可以吃了。一行二人叫了一碗九洲拉麵和咖哩牛肉拉麵。送來時急不及待喝一口湯，嗯......沒從前的那麼濃味和清澈，但麵質依舊(彈牙)，叉燒比較乾；咖哩牛肉拉麵就幾香，不過都係普通日式咖哩味道，個人認為配飯吃會較好。總的來說，味道差了，可能是人太多，個湯底keep唔到。ps.吃完大概十點七，但是人龍仍然很長，利害。

平常的我, 星期天未到三點都絕對不會離開張床的。可是一早約好到bc看電影, 又可恨早一小時去都買唔到飛, 令我無厘頭地一點多在油麻地冇野做。路經此拉麵店, 聞到好香的豬骨湯味, 又見到好恐怖的人龍, 最後都係為食大過天, 排埋一份。此店在安排入座方面做得唔錯, 如果有兩個吉位而下一個no是4位的話, 是絕不會先安排兩位入座的, 所以4個人去食係唔使等一世的! 淨係呢點在香港這個秒秒都係錢的地方係十分罕見!叫了九州拉麵及冷麵以及飯糰一客, 明太子飯糰竟然先來! 明太子鹹鮮的口感加上脆卜卜的紫菜, 味道是不錯的, 飯也不會太死實, 係飯稍嫌過腍身, 不過都叫做過到口癮。湯麵先來, 喝口湯, 唔... 很香很香的湯, 另要求師傅多加一殼蔥花, 是香上加香! 麵質很al dente, 很正, 正合我心意。配料也是一塌胡塗地大堆頭, 最值得加許的是那片日式叉燒, 我從來不懂欣賞此物的, 可是今天吃到的, 是軟熟多汁的, 在香港能吃到的日式叉燒中可算是數一數二了。那碗麵我是吃到碗底朝天! 很少吃到咁有水準的拉麵了!冷麵配料也十分多, 伴上芝麻醬, 沙拉醬, 也是十分正!天時暑熱吃一口冷麵, 其實都

呢間日式拉麵店，我食左十幾年架喇，以前細細個係呢間鋪食到佢有開分店，到佢分店租約期滿，又再去返舊鋪，我地一家人都好鍾意佢既拉麵同飯，本人最鍾意食既就係，雞蛋肉碎飯，日式牛肉飯，嘩呢兩個真係正到冇野好講，另外拉麵就會係叉燒拉麵，當然要麵豉湯底喇~~~不過，佢最近係尖沙咀開左一間新分店，但係食既野就同舊鋪係兩回事，亦都冇舊鋪咁好食，因為舊鋪既拉麵師傅係日本人，佢地真係大約十年前到由日本請佢返黎架，而老闆就係住係香港既日本人，所以都覺得幾正宗架~~~good good good 十個good喇~~~~~

十年有多,好味道!真係實至名歸嘅!但經過今晚,我覺得有d嘢應該要出聲喇!始終有d嘢係唔可以俾人情分嘅!首先,侍應服務態度方面:冇笑容!問乜都唔知!目無表情!黑口黑面!喺客後面鬧客!(你哋當其他客死架?)自己幾個喺度玩同嘻嘻哈哈!落單經常有失誤!有問題時只會黑面同拋底一句唔知就行咗去!極度廢話!(試過一個人去食,叫位時問我人齊未,人齊先入得!(???)),又試過幾個人去食,人齊都唔入得(冇位)(我哋四個,但唔緊要),不過後尾叫我哋不如搵兩個入去先,(食住等?)咁我問陣間有冇得坐返埋一齊,又係嗰句~唔知!盡量安排!再加多句,咁你坐唔坐呀?(好似我問多句都阻住佢做嘢咁!)相比以前嗰班侍應,起碼有笑容,有d仲會認得你,有時仲叻到記得你食開d乜,有新嘢又會叫你試吓,見你點煙,會自動攞個煙灰缸埋嚟,我諗呢d先至係叫做侍應,仲只係好基本嘅基本功,依家呢班,炒哂我都唔會覺得可惜,因為我覺得,冇咗佢哋,我自己招呼我自己會仲食得開心d!!第二,水準開始唔穩定,清水喺度,當然絕對冇問題,但清水唔喺度呢,的確有時會失準,希望情況唔會再惡劣落去啦,因為舊時嗰幾個師父仔都唔會有呢d情況出現,但新呢幾個呢………..

完全明白店仔細細係要坐得迫一o的, 不過o係四人檯度我o地三個人搭完人檯再被人搭檯, 食麵之餘要食埋臉色就真係要扣少少分喇. 食o左餃子同九州拉麵, 兩者味道都幾好. 我尤其鍾意佢個麵, 好彈牙. 個湯係好飲, 不過偏鹹同埋好重味精, 返到屋企飲o左好多人仍然係渴... 會o係下午茶八折時段再試一次

我今日睇完d有關報導,好似好吸引,咁咪突登出去食law!點左果curry beet拉麵with鰻魚飯n叉燒粗麵with spicy soup,d麵ok咁啦...靭靭地,叉燒都係ok,但d curry beet唔太得,勁靭同埋d鰻魚又腥,最悲哀就係食完勁飲水....>_<味精野真係唔知點解呢度d人講到咁好食,咁多人排,讚不絕口,你地有無食過咩叫好食架!!!呢間野頂多叫唔難食,但拍馬都叫唔到好食囉!!!我只有"不外如是"黎形容,仲有奉勸各位未食過又想試既人,唔好抱太大期望,因為最終只帶來失望!!!