橫濱水手 (已結業)

六點鐘禁堂食唯有買外賣行過東廣場想食日本野，就叫左呢間外賣其實之前堂食已經寫過一次食評，今次再寫一次，因為因為因為實在太平了！！！叫左一份吉列蝦飯卷$20、芝士玉子燒$20、火灸三文魚腩手卷～$23、軟殼蟹手卷（忘記價錢和一份燒三文魚腩帆立貝丼$88，叫咁多野埋單總共唔駛$200，真係太誇張！玉子燒有芝士有奶味三文魚腩手卷三文魚腩好厚身軟殼蟹就一定係正，個手卷食到底都仲食到有軟殼蟹😂😂😂丼飯勁大碗，好味👍🏻

🌍橫濱水手 (觀塘)又黎觀塘食野啦 放工真係好肚餓 食個下午茶先 今次去左東廣場食壽司 呢間#黃店 我成日去 每次都會叫玉子燒 因為實在太太太好味啦！百吃不厭❤️❤️❤️▫️明太子玉子燒$20(推介)玉子燒得好嫩滑 即叫即整 所以熱辣辣 咁凍既天氣食好正呀 入面有少少飯 而且入面既玉子更加滑溜溜 加埋表面沙律醬同明太子 味道更有層次▫️4色刺身飯$48刺身包括有帶子、甜蝦、八爪魚、三文魚新鮮三文魚係厚切 甜蝦鮮甜爽口，帶子可以更加新鮮就好了 壽司飯有少許芝麻飯素配料 增加味道 整體食物分量十足 性價比高 ▫️加州反卷$20外邊鋪滿蝦子 入面食材有牛油果、玉子同蟹柳 味道一般 人均消費：44環境衛生：6.9/10推介指數：7.7/10📍觀塘成業街7號東廣場地下G53A號舖

平時經過都會想試 見今日冇咩人排隊就買咗外賣同屋企人分享首先介紹2個飯先海膽蟹子三文魚籽丼 平時啲壽司店都好驚啲海膽係苦 但出奇地新鮮 入面仲有啲黃蘿蔔蟹柳同菜成個感覺都幾新鮮 同平時出面食嘅刺身飯唔同佢入面好似有兩款透明嘅嘢🤣其實唔係好食得出係乜嘢 淨係記得有其中一個係酸 初初覺得怪怪地食多幾啖就接受到 時令海膽三文魚丼都係同樣啦 海膽新鮮 三文魚都好好味望落去隻顏色新鮮 吸引（睇返相都好想食）但俾我揀我會覺得蟹子三文魚子嗰個飯好味啲左口魚牛油果和風沙律 咁樣嘅配搭出奇地夾 幾新鮮 燒鵝肝小食呢個就麻麻哋。。同平時食嘅鵝肝 味道有啲唔同口感有啲似豬潤 唔係好啱我胃口玉子燒 （芝士，明太子）呢個係成餐最有驚喜 好好味好食過出面有啲賣到好貴嘅玉子燒後悔淨係叫咗兩舊個人鍾意明太子味多啲大家去開觀塘都可以考慮買下外賣支持下小店，經濟圈👍🏻我係買返將軍澳 返到屋企都冇話變壞嗰啲8/10

放工黎到位於東廣場既橫濱水手，已經唔係第一次幫襯，食物質素每次都唔錯😋😋😋點左一個三文魚手卷、一份吉列蝦飯卷、軟殼蟹沙律同埋脆脆蟹丼。落單不久食物便到齊，非常有效率，手卷和飯卷味道不錯，和其他日本餐廳食過既差不多👍🏻最出色既係軟殼蟹既沙律，配搭牛油果非常好味。原來脆脆蟹即係軟殼蟹，所以飯丼亦是軟殼蟹搭牛油果再加上蟹柳。小店堂食座位不多，但服務十分周到，店員亦非常熱情👍🏻👍🏻👍🏻

橫濱水手🇯🇵，唔好誤會以為係J League⚽️，呢間係觀塘主要食手卷/刺身/丼飯嘅小食店，仲係一入E Plaza就會見到有人排隊嘅黃店，舖面好細，用盡所有空間貼文宣，走廊放咗幾張枱櫈，做外賣為主。同朋友叫兩個丼飯做晚餐拎上studio食，買完仲送yell card。🍙原條蒲燒鰻魚丼 $78🍙海膽蟹籽三文魚籽丼 $98鰻魚都算大條，海膽就唔算多，蟹籽同三文魚籽比較多，味道唔錯，入口鮮甜，而且都算係抵食，下次可以試埋佢手卷同刺身😀。

經開觀塘，見到橫濱水手，就諗住試吓，本身見到個格局，都唔抱有太大嘅希望，淨係諗住支持下🙈 點知又有驚喜喎！大頭蝦刺身好fresh，個蝦頭仲有好多膏，好好味！不過吞拿魚就腥咗少少啦⋯⋯ 最有驚喜竟然係個海膽！本身好驚食呢啲平價嘅刺身飯海膽會腥臭，點知又冇喎！以呢個價錢來講真係好抵食～～👍🏼👍🏼👍🏼 啲壽司飯亦都加咗紫菜同埋一啲類似蒟蒻嘅配料，食落好match！雖然店舖得兩三張枱主要做外賣，不過每張枱上面都有消毒酒精，俾客人清潔雙手，都好貼心啊☺️

«626»觀塘外賣仔系列 丼丼丼飯！﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷雙重海膽拖羅蓉丼 $138▶海膽帆立貝丼 $128▷海膽三文魚丼 $98▶三文魚反卷 $20外賣食海膽丼好豐富好奢侈☺️ 我仲好豪咁嗌咗個$138丼飯，平時過百蚊丼飯都覺得覺得貴，個日唔知做乜好想食拖羅🤪海膽份量唔算少，鋪晒出黎都有十塊左右，不過餐牌寫雙重，對比返其他兩碗睇落唔似有x2到🧐 反而拖羅蓉就好鬼大舊，撈晒成碗飯都得～味道方面都係正常水準，食到鮮甜味，質地亦creamy，撈飯一流。相對海膽三文魚會抵食好多，海膽份量一樣畀你過足口癮～ 不過三文魚上面會有啲蘆薈粒粒，撈埋一齊食怪怪的，放到最後先分開食。另外個帶子都不錯的，厚身有甜味。驚唔夠飽又加多個飯卷，跟餐送紙包飲品，外賣來講真係好豐富，淨係買個下都已經夠晒興奮😂﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣橫濱水手觀塘成業街7號東廣場地下G53A號舖

今日約見客，而個客話想去觀塘哩間店鋪食，咁我未食過，無做過咩research就去到試食啦本來以為都。係一間普通嘅日本餐廳，竟然內有乾坤咁我叫左個海膽蟹籽丼啦，個海膽份量好足之餘，而且好新鮮，一啲腥味都無，好甜，配埋佢嘅醋米飯，真係食多幾碗飯都仲得而個容叫開佢平時食嘅魚輕刺身丼，睇落都唔錯，好新鮮，可以值得一試。 咁我地都有叫其他手卷小試下嘅，整體而言，作為一間主打日式手卷同刺身嘅店舖，都叫做不過不失啦，海膽丼確實係佢地店舖必點嘅野食之一，鍾意食日本菜嘅朋友可以黎覓食下，值得挑戰

有晚經開觀塘廣場，見到間所謂黃店壽司店，就幫襯下，點知伏到無朋友，我人不嬲都唔多寫食評，但呢間野差到一個點我唔上黎突登寫下都唔得，原先我係打算買半板海膽手卷，但個姐姐仔就話己經無賣，得返海膽手卷，問我要唔要，咁我就是但啦，食左咁耐日本野，自問真係未見過海膽手卷得一舊海膽，仲要唔係d咩野特別既靚海膽，加拿大膽果d，心諗呃人都唔好咁過份，上檯果時真係眼都突埋，完全無諗過果一舊海膽咁珍貴。三文魚子手卷都算勉強可接受，但手卷d 飯又好難食，堂食手卷紫菜都可以係諗哂，真係免費都唔想去食，講咁多無謂，有圖有真相

觀塘東廣場好多小店，要支持本地經濟，所以星期六下午專登去觀塘撐小店。原本諗住食晚餐，但係因為早到左，5:30就去咗東廣場。咁啱撞正橫濱水手仲有下午茶，真係非常抵食， $48就有一個刺身飯，仲有嘢飲送添！揀咗四色刺身飯，有帶子，三文魚，八爪魚，甜蝦夾兩塊，已$48嘅價錢來講，真係非常足料！而刺身飯都有水準，壽司醋嘅比例啱啱好。值得一提嘅係刺身飯上面竟然有啲jelly，有助去除刺身嘅肥膩，我原本以為係冰嚟㗎，但係食落先知原來係啫喱，幾特別。另外仲有嘢飲送添，雖然只係紙包飲品，但係真係好抵食啊！得閒經過觀塘嘅朋友，下午茶有好去處啦。

觀塘的美食選擇很多，有很多工廈及商場可選擇，和朋友去了觀塘的東廣場，東廣場內也好多食店，最後選擇了横濱水手的小店，見到這家小店有手卷及刺身飯提供，這家小店也挺多人去。這裹有下午茶套餐提供，可選擇魚生飯，另外會送一包紙包飲品，小店食物價錢不貴，性價比也挺高。什錦魚生飯-刺身是切粒的，材料挺豐富，樣樣也可試到一點，此外這飯伴了沙律。三文魚刺身飯-三文魚有三塊，也伴了新鮮沙律，而三文魚挺厚切和肥美，啖啖肉。🐟

叫左個炸物同鰻魚飯，條鰻魚都有成隻成人手掌甘大甘長，雖然飯少d，但係條鰻魚真搭夠。同埋佢唔夠飯改左我個飯做醋飯，第一次食，其實都幾ok😅間野值得支持鼓勵一下。

🤍2020.04.12 #貓夫婦日式疫情關係已經好耐冇出街堂食撐枱腳🙁今次去開附近就決定點都要支持下黃色小店💛小店位於觀塘東廣場 基本上得兩三張枱今日見到好多人都會嗌手卷/飯卷外賣 或者企喺度食 所有飯卷手卷都係即叫即整架～一坐低就比好多文宣/poster/手足義賣物品包圍住💛 大家不妨外賣都可以支持下！.凡光顧丼飯會送道地綠茶飲品🥤1️⃣海膽蟹籽三文魚籽丼 $98 (👧🏻)個人覺得飯量比較少 但係好足料海膽同埋三文魚籽都幾多海膽鮮甜 無腥味 三文魚籽撈飯好食🤩女仔應該會飽 但男仔可能要留意啦～.2️⃣金三文魚腩丼 $88 (👦🏻)👦🏻大愛三文魚腩🥰特別之處係佢面頭加咗蘆薈粒 幾開胃食落去感覺上冇咁油膩😯.佢係少數👧🏻👦🏻見過有咁多唔同種類手足義賣物品既店舖仲有幾部可以扭文宣卡既卡機 幾特別仲有提供黃圈飯券 大家經過可以支持下💛.好味指數：🌕🌕🌕🌕🌑窮遊指數：🌕🌕🌕🌑🌑性價比：🌕🌕🌕🌗🌑回頭指數：🌕🌕🌕🌕🌑

//#黃店地圖系列間野叫：橫濱水手邊度黎：觀塘成業街7號東廣場地下G53A號舖環境點：有少量堂食位 乾淨企理 一切正常🌝：店內有利是封義賣活動 貼有「香港加油」字句 並掛有pepe燈籠▪醬燒三文魚手卷 $187.5分炙燒加上沙律醬本身已經係無撚敵 加上醋飯夠曬酸 整合我同口水佬心意 另外仲架雜少少青瓜絲解膩 十分有誠意 可惜敗筆在於三文魚偏薄 導致炙燒得過熟 失去左三文魚入面綿軟嘅口感 整體三文魚份量都平均 起碼食到最後都見到佢嘅蹤影..溫馨提示：店主提醒食完擺低係檯就得 唔好太好手尾遞去廚房 等陣唔小心倒瀉就出事啦🤡

成日都唔夠膽係細鋪食刺食手卷，因為驚肚痛。今日咁岩經過橫濱水手又想食日本野，就小試牛刀試左個三文魚腩手卷，廿雞，唔算太特別，但性價比一流，以廿雞既質素黎講算十分好。枱面有放酒精搓手液比人消毒，睇得出係有心。會再幫襯，如果有網上外賣平台 網上外賣平台嗰啲外賣就好