橫濱水手 (已結業)

有晚經開觀塘廣場，見到間所謂黃店壽司店，就幫襯下，點知伏到無朋友，我人不嬲都唔多寫食評，但呢間野差到一個點我唔上黎突登寫下都唔得，原先我係打算買半板海膽手卷，但個姐姐仔就話己經無賣，得返海膽手卷，問我要唔要，咁我就是但啦，食左咁耐日本野，自問真係未見過海膽手卷得一舊海膽，仲要唔係d咩野特別既靚海膽，加拿大膽果d，心諗呃人都唔好咁過份，上檯果時真係眼都突埋，完全無諗過果一舊海膽咁珍貴。三文魚子手卷都算勉強可接受，但手卷d 飯又好難食，堂食手卷紫菜都可以係諗哂，真係免費都唔想去食，講咁多無謂，有圖有真相