橫濱水手 (已結業)

呢間又平又好食 所以已經食過好多次啦！我地今次要左2個丼 每個丼有一盒蘋果綠茶送 同一個芝士玉子燒1. 燒帆立貝三文魚丼($88)2. 海膽三文魚丼($88)啲三文魚同帆立貝唔會話好薄 海膽都好新鮮 唔會話苦 再加上襯埋沙律醬 沙律菜同拌飯素真係好豐富 飯都係微暖同有足夠壽司醋既味道👍🏼3. 芝士玉子燒($18)唔係好大舊 但芝士同沙律醬都好足👍🏼如果大舊少少就更好啦😆個到位比較少同有啲迫所以通常都外賣會好啲 但佢有口罩同消毒搓手液比客人用 好細心！

叫左個火灸蟹肉手卷，出乎意料地好食可以本人比較鐘意食比較酸既壽司飯，所以十分喜歡另外，尼到價錢親民，一般手卷都係15至20蚊左右行過值得一食嘅小食😄😄😄😄

又再黎到觀塘行下，宵夜時段東廣場啲食肆差不多都閂晒，係得返幾間。橫濱水手門面好多黃裝飾，又加油又燈籠又榮光歌詞。又派水又捐錢，睇黎老細好支持抗爭運動。餐單選擇多多，不過我始終都係太夜，老細閂左爐，得返啲唔駛處理既食物。咁我嗌左盒刺身$28 4片北寄貝$35 3片吞拿魚刺身有少少冰味，不過價錢親民。其實我最想試下佢啲手卷。

東廣場地下差唔多成十幾間食肆都多選擇今次決定試下呢間～叫左金三文魚腩飯 ($88) 同油甘魚帶子飯 ($88)加多份玉子燒估唔到咁有驚喜😍d飯仲係熱熱地面頭既刺身大大塊 側面仲放左沙律菜刺身好新鮮 肥美又無筋之後再叫左個北海刺身飯 ($98) 有三文魚 吞拿魚 油甘魚同海蝦 勁豐富👍仲有玉子燒都好好食😍玉子好軟熟又唔會過甜 沙律醬份量剛剛好唯一缺點係間舖比較細 得十零個位多人既話會等得比較耐但勝在味道好 一定會再幫襯！

附近食完晚飯唔夠飽，黎食個手卷就啱啱好啦💛今次有新發現，有poster義賣香港加油利是封。油甘魚手卷 $20其實我一向都覺得手卷食唔飽，揸得上手好似份量好少咁，我睇張相都仲係覺得好細件，不過食落夠飽的😂有2塊油甘魚，唔算厚身，今次食落覺得飯醋味剛好唔會太酸。紫菜好脆👍

呢間橫濱水手成日行過都無試過，有日同事講起想食日式諗起呢間不如就試試啦！望住個menu有好多選擇真係眼花撩亂😆😆 佢既價錢略貴同埋睇佢既紙碗唔算好大，我驚會唔夠飽所以加多個明太子玉子燒，而主菜就叫咗時令海膽三文魚丼（配紙包飲品）。刺身好新鮮！賣相都好靚！而三文魚好肥美！飯上面既以為係冰（我仲諗緊點解食極佢都唔溶😆😆）原來係寒天（？）另一重點係明太子玉子燒超正！😋😋最初都驚會唔夠飽但係因為佢啲飯都好實在所以食晒之後都夠飽！呢間真係唔錯一邊食已經諗緊下次試其他款！

今日諗住去開觀塘開倉，求其附近食啲下午茶，唔想再食任何好悶的中式或者西式嘅下午茶，我阿媽話不如食日本嘢，我冇想過個水準係咁好。好食過大型連鎖的壽司店。一坐低我吖媽咪話要叫一個88元海鮮丼，個三文魚大大件，帶子又好新鮮，下次應該叫兩個丼！平價小食也不錯我欣賞嗰個炸三文魚鉸及明太子雞翼。至於個海膽及蟹膏手卷也不錯。平民的價錢，唔講以爲我真係去咗日本旅行，喺香港平平地都食到咁新鮮嘅刺身，如果下次去開觀塘，我都會再次幫襯。

觀塘東廣場內食店繁多，這家橫濱水手專吃手卷、丼飯和各類日式小食，想不多店面小小但menu長長，真是讓人有選擇困難症。以快餐店形式的小店而言，價格算略貴，但質素不錯。值得一讚是芥末不是泥膠狀那種平價芥末，不是一味得個辣而風味欠奉。油甘魚帶子丼也新鮮肥美，配料的紫菜和透明一粒粒的jelly配合起來很有趣，但整體份量再多一些會較好，女生吃還好，男生應該要吃兩碗才夠。另外點的芝士玉子燒好好吃，上面的芝士略略炙燒過很香，值得一試！

而家係香港想呼吸新鮮空氣都難，今日黎到海濱叫做望下海，望下草咁，夜晚就係附近搵黃店。觀塘東廣場有幾間都係黃色小店，我地就揀左有壽司手卷丼飯既日本菜💛海膽油甘魚丼丼飯整體略酸，好重醋味。海膽鮮甜，油甘魚厚切肥美😋金三文魚腩丼三文魚腩大大件，加埋瓜絲食落更清爽。不過份量就唔算多，百幾蚊一碗丼飯係其他區域有更好的選擇元祖玉子燒玉子燒有少少驚喜😂切開玉子有飯🍚可以當佢係玉子燒壽司蟹籽，紫菜，加木魚配搭classic 好味👍

近幾個月，越來越喜歡到小店吃飯，尤其是那些不太出名的良心小店，就算多走幾個街口亦沒所謂。今日，我又良心發現，到觀塘東廣場的「橫濱水手」嘆日本丼。 小店只有十多個座位，門前貼有文宣，枱面則貼了《願榮光歸香港》歌詞，店主更刻意用原子筆highlight副歌，真是黃過日本海膽！ 除了日本丼外，「橫濱水手」還有壽司、手卷和炸物等選擇。今次，我就點了鮮三文魚蟹籽丼，只需68元。 坐了一會，店員很快送上美食。丼用紙碗盛裝，夠環保；三文魚約四塊，全部厚切；蟹籽一大堆，再配上沙律菜，餸多過飯，非常抵食！白飯微暖，跟冰冷的魚生很夾！

如果你食厭左傳統大品牌，想試下平民化既日本野既，橫濱水手呢間位於觀塘東廣場既小店絕對值得一試👍如果你比較肚餓既，呢度有各款丼比你選擇，價錢由60-200不等，由君選擇。當日我地叫左三文魚帆立貝三文魚丼同埋雜錦角砌丼，非常足料同埋新鮮👍如果你唔太肚餓，純粹口痕既，呢度有好多款手卷可以揀。個人推介燒鵝肝手卷、芝士玉子同同軟殼蟹手卷，超惹味口感豐富，唔會輸比傳統大牌餐廳。價錢最平既廿蚊有找，好過吉魚蛋啦😂

很久沒有寫食評了，最近經常外出食飯，所以再次執起筆尖寫出舌尖點解標題叫做“遙遠的午餐”， 全因為一個特別嘅原因，一個特別嘅理由 。。。我由順利邨落到去觀塘東廣場食飯，再去牛頭角返工， 真的頗遙遠 。。。呢間小店，地方細小，坐位比較擠迫，原來食物真的不錯，賣相靚，味道佳， 刺身 新鮮，不枉我咁有誠意去食呢一餐飯，仲可以一邊唱歌一邊食飯添。刺生上的透明啫喱味道帶酸，應該係酸醋所做，好特別鰻魚味道濃厚刺身新鮮仲可以唱歌仔

店主小小，有大約十個位置，有便當、手卷、刺身丼選擇。速食之下揀咗手卷一試！都幾多款式揀，選擇困難者真係要用多啲時間🤣🤣評價：⭐⭐⭐三文魚手卷 $15:三文魚都算厚，不過鮮味不足，飯有少少醋味，紫菜夠脆！呢個價錢黎講唔算平，如果三文魚可以肥美啲就好喇！鰻魚手卷 $18:小小的鰻魚，味道不錯👍🏻 沒骨的，一口咬下都得！食完個鰻魚仲剩左不少飯🤣 見人地啲刺身丼樣子好似唔錯，下次有機會試下!

#支持良心餐廳火灸左口魚邊手卷$25經過門口都見到寫住香港加油嘅字眼所以食飽咗都忍唔住要嚟幫襯下🥰一開始拎到手手卷仲係微微熱紫菜都偏脆身不過就略嫌主角左口魚份量少左啲但佢嘅魚油就滲透左係啲飯粒度🤪大家經過都黎試吓啦 其實呢個商場連續有幾間都係黃🤤

支持良心小店就試下呢間係東廣場嘅橫濱水手 舖頭雖小但好多食物 有飯手卷小食等等 今次嗌左個芝士玉子燒 軟殼蟹手卷同燒三文魚帆立貝飯 跟送左一盒蘋果綠茶 芝士玉子燒都算多芝士 中間夾左啲飯 好得意 味道都幾好不過略嫌細舊左啲 而軟殼蟹手卷有驚喜 軟殼蟹炸得好脆 紫菜唔會林晒都OK 而個飯就唔算太大份不過兩個人share就啱啱好 三文魚燒得幾好 中間仲係生 帆立貝得三粒仔 唔算鮮味 啲飯反而幾好 夾埋黎食都算唔錯嘅 總括黎講 咁嘅價錢食到呢種質素都算唔錯 可以再戰～