橫濱水手 (已結業)

觀塘東廣場好多小店，要支持本地經濟，所以星期六下午專登去觀塘撐小店。原本諗住食晚餐，但係因為早到左，5:30就去咗東廣場。咁啱撞正橫濱水手仲有下午茶，真係非常抵食， $48就有一個刺身飯，仲有嘢飲送添！揀咗四色刺身飯，有帶子，三文魚，八爪魚，甜蝦夾兩塊，已$48嘅價錢來講，真係非常足料！而刺身飯都有水準，壽司醋嘅比例啱啱好。值得一提嘅係刺身飯上面竟然有啲jelly，有助去除刺身嘅肥膩，我原本以為係冰嚟㗎，但係食落先知原來係啫喱，幾特別。另外仲有嘢飲送添，雖然只係紙包飲品，但係真係好抵食啊！得閒經過觀塘嘅朋友，下午茶有好去處啦。