橫濱水手 (已結業)

洋風燒三文魚DON $88三文魚好鮮 成個配搭好結合 唔錯唔錯😋😋😋😋*冇諗過佢舖頭細細 啲服務又幾好喎👍🏻😗*啲職員會主動比多兩張櫈我哋擺野🥰🥰🥰

東廣場好多野食選擇，被餐牌吸引下，今日去咗橫濱水手食丼飯，之前聽過好多人讚呢間野高質，所以都抱住少少期望試。店主打外賣，只有8-10個位供堂食。叫了1️⃣時令海膽三文魚腩丼 $1282️⃣三文魚腩丼 $88一黎到，賣相很好，但可惜只得賣相丼飯上的透明啫喱物體略酸，口感奇怪，而且沙津菜不新鮮，成個配搭好唔match，情願好似正常咁，飯+刺身已經好好了。飯偏淋，無味道，壽司飯嚟講真係唔合格，而且份量亦偏少。至於主角刺身，真係好失望，三文魚腩算係厚切，但不新鮮，出水唔夠凍而海膽份量極少，亦係唔新鮮好腥，食落係苦的呢個價錢有大把選擇，真係太差了

Geo條👅評分：⭐️⭐️⭐️ ⭐️ (5⭐️最高）角切魚生丼 $74洋風燒三文魚丼 $88送紙包飲品😛禁堂食搵嘢食，就去咗觀塘買丼丼食😛橫濱水手嘅丼飯真係幾好食，所以要再嚟食🤤今次買咗兩個丼，我就食燒三文魚果個，其實我都幾鍾意食燒嘅三文魚，會有多一份燒出嚟嘅油脂同陣香味，呢個飯做得到，不錯不錯，加埋佢個酸酸甜甜嘅洋風醬汁，正呀！朋友食角切魚生，我見佢個丼飯都幾多三文魚，吞拿魚，扇貝同蟹籽🤤🤤睇到都好似好正，仲要有啲菜，感覺幾fresh，幾健康😂同埋兩個丼飯都有兩大塊卜脆脆嘅紫菜，撈埋啲飯食都正🤤每個飯都送包紙包飲品👍🏻我下次想食洋風燒三文魚帆立貝丼，我已經諗好😂🤣😂

去完做運動 諗唔到食咩 朋友話去東廣場睇吓我就諗起呢間 食過兩次 都幾好食 就揀咗佢但係做幾多運動都無用 又食翻多咗卡路里落肚😌💛炸雞軟骨卜卜脆 咸香咸香 正！💛炙燒左口魚裙邊手卷又係油脂比例好好嘅魚 食親壽司 必叫左口魚係唔錯幾好食嘅 但飯小小生 有硬飯粒～之後左口魚嘅量好似比之前少咗🥲💛帶子手卷(朋友食嘅)💛加拿大海膽(一板)比佢滿分啦唔係講笑 好新鮮 好鮮甜呀喂！💛明太子玉子唔會好咸嘅明太子 甜甜地 唔會過熟嘅玉子 唔錯💛炸蝦反卷普通 無乜特別 點唔點都得💛燒鯖魚係呀 又係魚呀 乾咗小小 但好彩油脂比例好所以都係好食嘅 鍾意食魚嘅可以試下

係openrice睇完食評諗住都應該唔錯…就同男朋友去試下間店唔算大，大約有6-7個位，不同等已經有位坐環境係不太好 但都可以接受食物算快上台 賣相都唔錯但食完係幾失望第一次食燒三文魚丼入面d三文魚係九成熟，熟到用筷子㚒會碎既程度…仲要似係兩邊煎熟，無火燒過既感覺…係呢個環境食一個熟三文魚丼 覺得唔太對得起個價錢好多坐得舒服有熱茶又有服務既鋪頭都係呢個價錢雖然話黃店要支持，但起碼食物應該要對得起個價錢先…

#橫濱水手#觀塘呢間小店喺東廣場已經有一段時間啦我keep住去幫襯 由細食到大 依然覺得價錢抵食 個人推介軟殼蟹手卷 好正👍🏻👍🏻👍🏻👍🏻不過今次無叫到反而想獨孤一味只柯打食刺身🤣🗣今次叫咗兩個手卷📝分別係帶子海膽手卷同油甘魚手卷加埋大概$80😉🎐帶子海膽手卷- 今次剩返加拿大海膽質感分明 味道比起日本同韓國既海膽更深黃色 而且較重味 不過配搭起帶子成件事就會變得fresh d 同帶出到鮮甜味🤤而食到就快尾聲喺個紫菜卷都仲有少少海膽👌🏻發現唔單止頭啖會食到連最底嗰度都會仲有少少海膽 #足料👍🏻🎐油甘魚手卷就不過不失 刺身鮮甜不過海膽帶子手卷我會覺得係出色啲所以價錢合理🤣

之前一直都想食呢間但次次都冇位所以放棄咗😢今次早d去終於有位😆 所以想堂食嘅話就要早d到啦😛值得一提小店嘅嘢食都係即叫即整🙌🏻所以需要少少時間等😙🔸三文魚帆立貝丼🍱 $88丼飯裏面各有三文魚同帆立貝4塊🍣仲有蟹柳,蔥同沙律菜🥗而帆立貝同三文魚都有燒過🔥丼飯仲有沙律醬🤤整體黎講水準都中上😚份量都好足🙌🏻🤤好味度 : 7.5/10🔙回頭率 : 7/10⚠️好似12月就會結業,想食嘅就快啦！！橫濱水手 🍣📍觀塘成業街7號東廣場地下G53A號舖

【#肥波日本野系列】#肥波掃黃行動營養師批准系列❤️魚生飯（飯類就最好午餐食，比多啲時間消化嘛🐷）🎈減肥最好係增肌減脂！但點增肌呢？無錯，就係食多啲蛋白質！蛋白質就其實可以係肉呀豆奶呀豆漿呀都分別攝取到😆而我最鍾意就係食魚生🍣🍱🎈礙於肥成唔鍾意我成日食生野，所以我多數都係叫炙燒嘅魚生飯，而我地亦都有一間經常光顧嘅飯堂係觀塘😍🎈之前試過帶肥成去唔同嘅黃店，佢成日恥笑我同佢去試伏😅而呢間係少數佢願意翻叮再翻叮。🍱圖一：洋風燒三文魚丼💵$78🍱圖二：洋風燒三文魚油甘魚丼💵$88🍱圖三：洋風燒三文魚帆立貝丼💵$88⭐️三個裡面，我最常食就係第一個，三文魚燒得岩岩好🍱配埋沙律菜、紫菜碎、木魚絲、佢地特製嘅蛋黃沙律醬，成個丼飯好match，食哂成個都唔會好濟😋⭐️留意返，呢間舖嘅位唔多，食完就讓個位比下一位喇，上次我哋等位都等左好一陣（因為前面有一檯食完坐係度傾計傾打唔打疫苗呀🥲）📍橫濱水手📍觀塘成業街7號東廣場地下G53A號舖

🌈 觀塘系列🌈🔸️ 嚟到試東廣場一間開咗好耐嘅壽司店 👫👅－－－－－－－－－－－－－－－－－⭐ 三文魚腩丼飯 ＄88🔸️ 總共有五片三文魚腩可惜唔算係超厚切🙈味道新鮮 好食程度係中上 👍可惜飯面只係得少許飯餸作調味 整體嚟講比較單調🙈🧸推薦指數：⭐⭐⭐－－－－－－－－－－－－－－－－－⭐ 蒲燒鰻魚丼飯 ＄78🔸️ 鰻魚汁入味 鰻魚味道好好 容易送飯👍可惜啲得唔夠食曬成個飯最後要加豉油落去🙈🧸推薦指數：⭐⭐⭐⭐－－－－－－－－－－－－－－－－㊙️總括而言，餐廳喺東廣場屹立咗一段時間，亦都見到有好多人買外賣幫襯，可能我哋試嗰兩款唔係最出名，下次有機會試埋去其他井飯❗－－－－－－－－－－－－－－－－－橫濱水手觀塘成業街7號東廣場地下G53A號舖

今日在忙碌工作之中要食一個午餐！但要講求快！自己胃口又唔係特別話好！咁就求其搵兩件手卷頂住肚先！呢間店，我諗除咗環境窄之外，已經無咩缺點！叫左兩份手卷，出餐既速度唔算耐，食物質素係性價比高！包得都幾靚，紫菜都夠脆㗎，至於新鮮度係令人滿意！而且價錢都唔貴，除咗手卷之外，仲有魚生飯！我上次都有食，刺身都好新鮮！值得一試。而家成間舖頭得大約四個位，相信佢哋主要做Take away! 我亦覺得買返去自己寫字樓舒舒服服坐低慢慢食嘅話！會更佳

幾年前喺觀塘返工嘅時候，office 對正東廣場，嗰陣時好鍾意嚟呢度買外賣壽司，貪佢款式多，價廉物美。今日再嚟幫襯，本來想堂食，但係幾張摺枱都坐滿客人，只好買個手卷企喺側邊食。試咗個 menu 上面推介嘅雙倍蟹皇手卷，所謂雙倍蟹皇，即係蟹籽同蟹膏，另外仲有蟹柳。最好食嘅係蟹膏，啖啖鮮甜，食完之後，口腔仲隱約殘留鮮味😋；蟹籽粒粒新鮮彈牙，份量都唔少；至於蟹柳就係普通貨色，味道正常。反而紫菜同壽司飯就略嫌失色少少，前者已經變腍，後者就比較淡口同鬆散。不過廿零蚊就有蟹膏食，我已經絕對收貨😏。據聞呢度嘅刺身丼飯好唔錯，下次要嚟試下。

🍄🍄又黎到觀塘發掘好野食，今次親試以日本海鮮丼、手卷、日本料理為主的小店。地點唔難搵、小店只有四個位，環境係幾逼，所以以外賣為主。人流都不錯，🍄🍄到時大約3點時段，陸陸續續都有客人。🍄🍄見下午茶時段海鮮丼好抵，$48包紙包綠茶，若轉其他飲品就加幾蚊！所以點了一個四式海鮮丼（甜蝦、三文魚、帆立貝和八爪魚），因為仲稔住試半板海膽手卷，所以個海鮮丼就叫少飯😜🍄🍄覺得$48一個四式海鮮丼，真係CP值幾高。刺身都新鮮，而且塊三文魚好厚，心稔店主要蝕本勒🤣，仲有些配菜、啫喱狀粒粒酸酸地幾醒胃，同埋佢地有加飯素（呢樣係日本食海鮮丼又真係好少會咁加🤔）不過加左又唔錯，因為🍄🍄本身都鐘意白飯加飯素❤️至於半板海膽手卷，用既係加拿大海膽（$50）,呢個價錢又唔好要求咁高，海膽有少少苦但唔算差，不過試過一次就ok了！店還有其他小吃，有機會🍄🍄還是會再來，這個價錢比一些較貴的日本菜，🍄🍄覺得算是做得不錯！

51黃金假期出外搵食，就去左經常食的橫濱水手食個ＴＥＡ（其實都幾常性去食🤣）佢平時呢個飯都係５８定６８元，但下午茶時間只係３６元，真係超抵，仲有一盒飲品送。飯雖然比較少，但係蟹籽和三文魚份量多，配料有有蘆薈粒，令盒飯增加不同層次的口感。不過男士可能要２盒才夠飽。店舖還很細心，堂食的醬油有分芥茉豉油和魚生豉油，免卻食手捲時仲要溝芥茉及豉油之不便。另外，鵝肝手捲都好平，不用３０元，這個又係平食美味之選。這兒座位非常少，所以主要做外賣生意。要排隊買野食，但好快就上枱。

每隔一段時間就會發作...就係嗰鋪想食日本野嘅癮啊👻！觀塘東廣場出名多野食，之前行過「橫濱水手」都想試吓💛，不過只有3-4張堂食檯，又多食客支持，今次專登外賣Try try佢！選擇真係好多，加分！絕對唔關店員落單時問我「靚女，食咩啊？」🤣————————————————👅金三文魚腩丼（$88）👍🏻三文魚腩睇落幾靚仔，口感都幾油潤，表面界咗花易咬啲🐟，底下仲有飯素、沙律菜同紫菜，份量唔算多，可能嗰晚太肚餓啦🐷，好特別有啲蘆薈粒同啫喱配刺身😂👍🏻丼飯包一盒紙包飲品，應該係隨機送————————————————🚩總結：下次應該會試埋手卷🍣———————————————— 🌟注意：只收現金，想幫襯就要帶夠錢啦！————————————————📍 橫濱水手地址：觀塘成業街7號東廣場地下G53A號舖

間唔中去開東廣場都會買個手卷，呢間夠平民好抵味道又唔錯😋但到冬天好似少左機會食日本野，其實係懶左喱係暖粒粒既屋企唔想出街哈哈🤣🤣好啦今次又出動去觀塘，一於間間正舖都買啲，食齊各款想食既野嘻嘻🐽買左大湯家（超正推薦：老火湯、蒸飯、糯米雞、燒賣、蒸包💕）、去左Crazypie買埋撻做甜品、仲有鳳鳴既石磨腸粉（私心推薦羅漢齋紅米腸！），最後當然唔少得去埋橫濱買啲小食🥰🥰好豐富既一餐凍冰冰就梗係食玉子燒，作為蛋蛋愛好者，基本上只要係蛋既料理我都好鍾意❤️呢度既玉子燒只係十五蚊咋！啱曬口痕想食下既時候買，唔洗一買買咁大份。沙律醬超大篤💩💩個蛋燒得幾好，唔會實的的，食落有層次得黎唔係空氣同水份。蛋味算幾突出，所以其實可以叫少沙律醬甚至走醬，我覺得就咁食都啱味道。多左醬會再甜少少個味道豐富啲，跟大家個人喜好啦☺️☺️份量係當小食既話兩人份，當一個餸既話一人份咁，性價比真心高👍🏻👍🏻