標記樂園潮州粉麵菜館

营业中

休息中

滷水小菜，除咗滷水鵝片之外，其他都比較清淡😅如果啲汁濃返啲就好啦😬但其他炒既小菜真心出色，勁正😋蠔餅，係有驚喜既，多蠔又脆卜卜，好似天婦羅咁，勁勁勁正🤤豉椒炒蜆同聖子都好好味👍🏻椒鹽鮮魷又係正，由細到大都係就咁食，已經覺得好好味😋，原來沾埋醋又有另一番風味，正喎咸肉炒九菜花，呢個又係好食，我好想食哂成碟九菜花佢😂😂😂豉汁蒸鱔都唔錯😋九龍友想打冷既話，記得去幫襯佢地呀除咗旺角之外，深水埗都有㗎#打冷 #潮州菜#旺角 #深水埗 #標記 #標記樂園

💛 #黃色經濟圈唔知大家會唔會都好似我咁選擇困難就算身處旺角咁多餐廳林立嘅地方都諗唔到食乜🤣今次搵到一間唔會估到佢係黃店嘅潮式打冷餐廳價錢唔貴之餘食物質素都幾高👍🏻俾多個選擇大家易揀啲❤️🍴滷水鵝配墨魚($110)打冷不得不試嘅當然係滷味😋滷水鵝滷得都幾入味不過下次會叫翻鵝片啖啖肉食得開心啲~🤣墨魚份量都幾多好爽口建議可以點餐廳嘅辣椒油食好香好正❤️🍴欖菜肉鬆四季豆($68)比一般餐廳嘅四季豆炒得更為入味~而且肉碎份量好多送飯一流😋🍴豉椒炒蜆($68)豉椒炒蜆相對其他菜式黎講稍為遜色~部分蜆肉有少少腥同有沙🥺✨🍴椒鹽鮮魷($78)✨大家嚟到呢間餐廳好推薦你地試吓呢個椒鹽鮮魷😋價錢唔貴份量多之餘仲要好高質~炸粉唔厚魷魚好鮮好彈牙😋椒鹽味十足又唔會過鹹❤️🍴辣子雞其實本身應該叫左辣子雞~我印象中係乾炒嘅🤣但係嚟到變咗辣子雞煲我再望一望餐牌原來餐廳有兩款🤔今次呢款味道就正正常常~🍴標記炒飯炒飯都好香表面仲加左啲炸洋蔥記住要撈匀食就更香😋✨=Fattung推薦❤️價錢我冇mark低盡量係openrice到搵翻比大家睇🙊不過性價比絕對夠高😋👍🏻📍 標記樂園潮州粉麵菜館 (旺角)旺角通菜街12-14號地下

話說有日見到朋友個fb post咗打冷相，即時挑起我條打冷筋😂😂😂左搵右搵，其實都搵咗我個幾兩個月🤣同路既打冷舖唔多，早輪試咗一間麻麻地，所以我就唔推介果間啦，雖則要幫襯同路店姐，但都要好食先介紹得比朋友㗎麻😄終於又比我搵到💛標記💛佢地又係好早已表態講返個外賣先，我地去到門口，個員工姐姐好好，叫我地入去坐低睇，話外面好凍呀，唔好企係條街度咁辛苦💛左揀右揀，落好哂單啦，等緊外賣既時候，撞正佢地員工開餐，佢地枱上面果碟蝦碌同蒸魚雲陣味...我隔住個口罩都聞到，香到呢....真係攪唔掂呀大佬，幾咁想坐低一齊食呀😂😂😂返到屋企一打開啲美食，睇見都興奮，快快手影完相就開餐啦🤤🤤🤤🦪蠔仔粥，正👍🏻我叫咗一碗細size，竟然都咁大碗，抵食🦢滷水鵝片、滷水拼盤，唔錯，好味，唯一唔好既係比得太少醋汁，2份滷水比咗一小樽，唔夠沾呀😬🐷胡椒豬肚湯就麻麻地，胡椒味唔太夠，成碗都係湯水咁，好少料，可能就收工，賣得7788，所剩無幾😅🦑椒鹽鮮魷，好味呀，其實我想食椒鹽九肚魚㗎，但好驚最後得我一個食，食唔哂🙄總結：標記打冷係正既👍🏻，除咗夠黃外，食物都唔差，值得再幫襯💛如果堂食既話，應該會再好味啲，因為我返到屋企都

<呢間黃店粉麵真係冇得輸>之前已食過呢間標記旺角同深水埗都有分店 夜晚有潮州野 晏晝就有粉麵飯 . 晏晝時間勁多人食 又抵又好味 尤其係魚蛋水餃牛腩等等 😍🍴牛雜飯 38 蚊🍚🐂首先勁多熱辣辣既白飯 好多新鮮生菜放喺中間 然後上面就係好入味既牛雜 . 牛雜汁好多 撈飯好味 有牛蒡 肚 腸 肺等等 一食就知醃得好入味🐮 口感適中 好似腸就夠軟林 肚就夠彈牙 仲有埋碗紫菜湯送 真係冇得輸 👍🏻Score 平均分 <7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#標記樂園潮州粉麵菜館旺角通菜街12 至14 號地下

其實係第二次去食！第一次係同事帶我地去食，當時唔知係黃店食完先知道，當然要再去幫襯下！其實算唔上好好食，都係個啲鑊氣小炒小菜，不過就夠晒大碟又抵食！地方都叫做闊落，上菜好快手！岩晒我地一班同事收工宵夜嘅好地方！

本身諗住去食×記出名嘅羊腩煲，但份量太多，之後諗諗下，記得近排睇咗一個youtuber介紹呢間標記，不過佢地就係食深水埗標記，不過我哋係去旺角標記食下，見都唔係好肚餓，羊腩煲煲仔上，都係百零蚊咁都okay， 所以就試一試羊腩煲，嚟到份量係差唔多，不過個汁就少咗啲，但係個汁咗好濃所以呢要配白飯，可能咁樣就畀少咗啲汁，支竹就乾左少少，另外叫左白飯魚，我未食過啲白飯魚係咁大條，咁長好似都係七十幾蚊，呢個真係 大開眼戒，可以再嚟食下，因為好多年前食過都ok，之後分開兩間，再之後再搬咗入內街後幾年前再食過一次，覺得一般，今次再試，味道又好ok喎。

一大班人食飯成日都食放題/西餐廳一人一碟食到悶, 其實打冷真係一個唔錯既選擇👐🏻朋友們幾大食一人一碗飯加幾碟餸都算經濟實惠😉<潮州煎蠔餅>炸得非常酥脆😋啲蠔仔都唔係敷衍人既, 食親舊舊都有蠔🦪有朋友表示塊餅未熟, 食到少少漿, 我就接受到既~<滷水鵝片拼滷水鵝掌翼>果然打冷滷水冇得輸!👍🏻好入味而且肉夠腍☺️有冇人同我一樣都鍾意食鵝片個塊皮?! 我鍾意鵝片唔係鍾意肉而係鍾意塊皮♥️<潮州灼司奄>以前次次番鄉下都買黎食, 所以對司奄有啲情意結👉🏻👈🏻本身都唔係個個接受到佢入面啲肉血紅色, 呢碟仲要腥🙈點解我每次推介比朋友都出事😟一黎應該係唔新鮮, 泥黎講得一粒有泥啫, 另外唔夠蒜頭🧄天啊~有冇人可以話我知邊度有好食既司奄🙉<滷水灼鵝腸>都係個句, 滷水冇得輸😎好入味, 好鍾意鵝腸既口感, 有啲爽脆~ 唔食內臟既人都可以試下, 我覺得佢屬於內臟入門級別🤓芽菜都加分, 索左滷水汁好味道🤤<椒鹽大鮮魷>睇落大但粉偏多, 炸物加炸蒜唔會唔好食, 但覺得佢唔係幾抵食, 同埋偏普通......(係第二到食, 唔洗呢個價, 而

<少有既黃店打冷>好多時打冷潮州野 唔係好多錢但自私既廢老開就係 冇腦俾人洗哂腦既大陸潮州人開 好少可係明白民客疾苦既黃店 既打冷鋪 呢間開左好多年既標記 好多年前都有幫襯開 坦白講 食物唔可以話高質 係合格高少少 . 但勝在食物經濟 多人食再飲啤酒傾計最啱 所以建議4,5 人以上 一齊 share最正🍴油鹽水炸豆腐48 蚊🔥豆腐帶 d咸香 出面個豆腐皮炸得好夠香脆 入面既豆腐熱辣辣 而且好香滑 點埋少少 落左葱花辣椒既魚露汁 好味 😆🍴金銀蛋萈菜🥬估唔到又整得幾好 勝在落足料 蛋夠香滑 皮蛋又夠香 新鮮炒又唔會差印去邊😂🔥🍴潮州煎蠔餅例52 蚊🔥蠔餅外表麻麻 色澤淺 應該用全鴨蛋炸同多茨粉 但優點係好夠香脆 夠惹味 襯啤酒正 蠔仔肉都夠味 點 d魚露醬唔錯🍴鹵水鵝拼墨魚 例100 蚊🐧鹵水鵝 全部有骨 肉唔多 多肥膏 其實我覺得佢個鹵水汁醃得好好 咸甜味適中 但肉唔夠多 另外墨魚夠彈牙落足料 點 d潮式辣醬好味 整體 正常級別🍴川辣水煮牛肉片 68 蚊🐂估唔到喺一間潮州野入面有甘辣既水煮牛 牛肉用左滑牛 夠哂口感 葱花 辣椒 炸蒜 爽口木耳等等🌶️ 最正係底層 有爽口

只要有一排出街食都只係食外國菜的話，我嘅中菜魂就會蘇醒，醒起好耐冇食潮州菜就提議尼間”老字號”。細細個已經食尼間，搬左舖反而未黎過，d叔叔呀姨侍應硬係會比到一份親切感你打冷必食嘅鹵水鵝片、生腸同墨魚片，仲有蠔餅同蠔仔粥鵝片未算嫩滑但非常入味唔會死咸，夠油脂香，墊底豆腐滑嘟嘟生腸一般，唔夠爽脆同入味，墨魚不過不失。蠔仔粥好多飽滿的蠔仔，好鮮味唔腥，粥亦有甜味，略嫌有少少蠔仔冇清乾淨沙石，要扣分小份的蠔餅炸得香脆冇油憶味，但似乎得蠔仔同炸粉而唔係餅，好似食天婦羅嘅感覺

罕有既黃店打冷😌地點方便價錢便宜🤟🏻大家都知我夠晒麻甩，成日都去打冷😂宜家都打到有少少怕😂 不過我聽到有黃既打冷當然去😂 除咗基本既探熱，1.5米之外，仲每一枱都放咗一支消毒火酒比你用😂店員仲會主動推薦有咩正😂佢話韭菜豬紅係枱枱都叫😯-🦢 #滷水鵝肶 🦢 （$80）好少見到有鵝肶叫，當然要試下😂食落夠淋身😂塊皮亦好爽口😂而且份量都唔差😂幾值得大家去叫😂.🦧 #鵝腸拼生腸 🦧 ($80)鵝腸好肥美😂食落去好重鵝油味🤔記得要不停咬😂咁樣就超好食😂不過生腸就煮老咗，要咬好耐先得🙄唔好叫生腸😀有少少伏😂.🐷 #韭菜豬紅 🐷 （$50）店員主動介紹既😂食落冇乜特別😂係份量唔差😂不過同出果d差唔多😂下次試鴨紅，鵝紅先😂口感更好🤟🏻-🦑 #椒鹽鮮魷 🦑 ($78)新鮮炸起😂 炸醬夠晒薄🤟🏻食落又爽又脆😂鮮魷處理得幾好😂而且係啤酒殺手😂夠曬邪惡😂中意香口食物既人必叫😂總結來說 地點方便又深黃 快去😂-🎈 旺角通菜街12-14號地下平均傷害：$120好味值：7/10-打冷滷水排行榜 （個人口味）（分先後）1. 陵發潮州白粥 (8.5/10）2.紅伶飯店 （8/10）3.雄興打冷 （7.5/10）4. 尚

朋友相聚，難得搵到一間黃店打冷，談天說地一個好地方！啲人話難食，我又唔覺得，食物質素不過不失啦，價錢合理，上菜時間又快，好過好多打冷舖啦！唔係因為佢黃先咁講，真心ok啦！叫左個滷水拼盤例，一窩蠔仔粥，椒鹽魷魚，金銀蛋莧菜，士多啤梨骨同蠔餅！蠔餅同魷魚粉都唔會太厚，脆卜卜都幾正！其餘三樣都ok!環境就同一般打冷舖差唔多啦！店員就幾nice, 唔會串過碼頭咕喱！我哋係到切生日蛋糕都立即俾啲新碟我哋，一入到去坐低就問我哋洗唔洗雪蛋糕🎂，都幾好人！俾著其他可能都唔啋你！

好耐都無去打過泠了！今日同朋友去佐標記食生日飯！好耐之前去食過，因為疫情都好耐無出街食飯，霖住同幾個朋友簡簡單單食餐飯！我地4個人叫佐5個送😆 標記d食物真係好正蠔仔泡飯，好多蠔仔，完全係好岩我😆而且又唔好好淡老水拼盤，感覺好入味， 蠔餅，哩個真係唔使講，招牌菜🙆🏻‍♀️不過感覺個菜就一般，比較淡，唔算太入味最尾我地叫多佐一個糖醋排骨！感覺一個食嗮都得，哈哈！！下次要再去試其他野

💛黃店吃打冷的黃店😗無熱氣不歡嘅我叫咗蠔餅、椒鹽九肚魚、滷水墨魚拼大腸同埋炒鵝腸😂蠔餅嘅炸粉好香脆，薄薄哋唔會勁油膩，而九肚魚佢係連埋蛋黃片一齊炸，都唔少㗎😍 夾埋一齊食好過癮😗滷水拼盤下面唔係酸菜，而係我最憎嘅芽菜，呢度要扣分😌呢度啲碟頭細細份，後尾再加多個炒鵝腸，呢味就過癮啦，夠晒穫氣，正😙見佢仲有好多小菜選擇，就算每次叫唔同款式都有排😌😌食呢間仲要喺正旺區，就算約人哋食飯都勁方便☺️

標哥係旺角都好多年，今日再去試下叫左五樣野 ，滷水盤，蠔餅，四季豆，魚香茄子同埋椒鹽鮮魷甘多樣野之中，我最鐘意係魚香茄子，茄子好入味，魚香一拎岀泥已經全埸都聞到，唔會太咸，拎泥送飯真係一流但係其他野巳經比起以前真係冇甘好食，可能最大原因岀左名，人手不足，導致選材都差左

今晚叫左碟鵝片，生腸併墨魚，雙鮮煎香餅，腐乳通菜。鵝片好煙靭，但本人覺得佢硬左啲。生腸就唔太啱我喇~ 好大陣豬so味。 吞唔落，咬2啖已經吐番出黎。腐乳通菜，冇乜腐乳味，又冇乜辣味，所以我加左啲辣椒油去食，一流。重頭戲係碟雙鮮煎香餅，入面一啲肉都冇，全部都係漿，難食到一個點，唔知自己咬緊乜，食左一舊已經停左筷子。同老闆反映左之後，佢換左碟煎蠔餅俾我地。