標記樂園潮州粉麵菜館

营业中

休息中

瘋狂瘋狂瘋狂購物 唱完K 同細佬落標記打冷場內環境ok 竟然有雞煲食 仲要168全隻買完野就要食平嘢 仲要食咗地獄炒蟹 好新鮮同埋鮮甜 都抵食嘅＄200兩隻 我哋仲要叫咗豉汁蒸烏頭 呢個冇得輸 即刻正仲要買＄98條 相知同阿媽去九龍塘身都要二百幾＄300 呢個價錢我諗差唔多平絕全港 唯一缺點係太多人太嘈 呢哋可能就有氣氛 呢度個收銀超親切 係咁問我地飲唔飲啤酒總括來講都OK 分分鐘變食堂 我唔到去咗打冷冇食打冷平日差唔多12點都咁多人 我諗我哋兩兄弟都冇黎錯

Walking around mong kok area for the very very first time since i got back from uk , was walking pass by lady’s market and saw this chiu chau restaurant with a huge line up at the front , so me and my co workers waited in line for a bit and had our supper there, food was decent and price was reasonable for its huge portion , will definitely back again sometimes soon

同朋友食晚飯，去到餐廳D 伙計好似驚你阻住張枱，不停輪流吹你叫菜，算數食完第二日早上不停屙，嘔，肚痛，之後發高燒，到而家都仲未好番，食物中毒真係好恐怖，生不如死，自己睇下面連結，餐廳上埋報紙，唔止一枱人中招，有成3枱以後點都唔會幫襯佢

前晚11點同另外兩個朋友食飯。所點食物為四季豆，豬紅，鵝腸拼生腸，胡椒豬肚湯，鵝脾，尋日朝早起身後冇進食，全日痾嘔肚痛，脫水頭暈發冷。另外兩位朋友亦有相似情況。

標記這間老店又搬咗去新地址之後就冇賣粉面 我記得以前佢哋喺旺角賣粉面人山人海有四五間分店!!!! 沙士時期仲良心價賣過＄5一碗 剛剛聽到朋友說標記開始番賣粉面! 我就決定返中午飯一於去嘗試下 佢哋以前魚蛋超出名所以我就叫咗一碗魚蛋河 魚蛋超正一定係手打 同埋佢哋個湯底勁鮮甜 飲咗一啖湯已經感受到佢哋背後煲湯嘅功夫 28蚊一碗大大碗加埋自家製潮州辣椒油 勁正!。標記好嘢！但只有早餐或午飯時段先有得食!

今天工作很忙 ，到1112點收工的時候，才知道肚餓，宵夜其中最好嘅選擇是潮州嘢，之前嚟過一次，食滷水拼盤，啫啫雞煲，鹹魚雞粒炒飯都唔錯，所以今次再來，上次想食凍烏頭，但賣晒，所以食唔到，頂住條癮，今次終於食到這個鵝件併墨魚，鵝好好味，肥美多汁，朋友略嫌太多肥膏，我就OK ，墨魚爽口彈牙終於食到嘅烏頭，＄98好大條，但肉質好梅，完全唔新鮮，失望啫啫通菜煲，入面有豬肉粒蝦米夠香，味道剛好，這裏的份量也足夠，食了兩次，整體上都唔錯，只是烏頭唔新鮮

在旺角覓食，如果想不到食什麼，我通常會走到女人街，看看兩旁在什麼餐廳想食。這天走過標記潮州菜館，原來它轉了位置後都沒有再食過，於是便決定晚餐於此。點了椒鹽三菇﹑砵酒鱔和欖菜炒飯。椒鹽三菇十分香口，軟滑的冬菇外包裹著香口炸粉，再加上惹味椒鹽，伴飯食一流。砵酒鱔份量很多，鱔塊外都包著一層薄芡汁，以為會很刺喉，但芡汁原來是偏甜的。鱔塊口感像凝膠一樣，咬落啖啖骨膠原般。個人不是很喜歡這個醬汁的味道。炒飯飯粒，粒粒分明，乾身又不會淡味。而且材料豐富，有爽口蝦仁和菜粒﹑滑身蛋絲﹑加上欖菜和脆蒜調味，簡單得來十分好食。對我來說，標記菜館菜式平實而好味，不過這次試的砵酒鱔就完全不對我口味，下次選菜還是不要貪新鮮比較好。

I was shopping around the lady markets in mongkok area looking for cool phone cases when i asked a local shopkeeper where to eat good local Hong Kong style food.  She told me directions in Cantonese, and pointed off in the distance.  The only thing I could remember was the name.  I got lost entering the small alleyways but somehow found myself here.  They had both English and Chinese menus and ordering was very easy with the waiters.  Being the only foreigner amongst a restaurant full of Hong Ko

以前細個爸爸帶親我哋食潮州菜就會來旺角標記打冷 以前標記每晚都人山人海 好有地道風味 最近我帶咗幾位朋友試一試標記潮州菜 標記轉左入去女人街地舖 雖然冇以前咁大街大巷 但係我哋到達都差唔多坐滿  地方比以前乾淨左好多  我哋坐落 冇睇餐牌就即刻叫支青島😂 然後我比朋友發板  今餐我哋叫咗烏頭一條，腐乳通菜，韭菜豬紅，麻辣回鍋肉埋椒鹽賴尿蝦 個豬紅保持水準超入味 賴尿蝦超級椒鹽超香。勁正 一向好嘴刁嘅朋友都冇投訴之後讚好 咁就一餐 標記加油

星期五，Happy Friday ! 又同老友大吃大喝的好時間！今次食標記！鵝片大腸，是首要點的菜！鵝片嬾滑入味，大腸就....肥了少少。豆腐入味蒜蓉芥蘭，炒得爽脆！正！剛炸起要趁熱食的椒鹽鮮魷，香口，美味！XO醬碧綠炒鵝腸，亦十分惹味！但鵝腸少咗啲𧐢仔粥，似飯多個似粥，一般般，好彩叫一碗。沙嗲金菇肥牛煲，甜味重了少少，配搭粉絲，餸飯也不錯。三個人，六碟餸，飽到不行了！開開心心，飽飽的一餐！大大大滿足！

蠔餅太多粉，蠔仔也不新鮮！烏頭味一般，好似沒有魚味！蠔仔粥最可入口，用料足，所用的蠔仔較飽滿和新鮮。不太明白為何收加一服務費，其實沒有特別的服務。環境乾淨，座位亦算舒服。

又來了，潮州餐。特別選去食的，一般的潮州打冷店只開黃昏，午市想食，不容易。這家打著潮州打冷的旗號，附帶了茶餐廳的店，希望能解我今天嘅相思。午市的套餐已有潮式的食品，我選了我愛的蠔仔粥。味道很好，潮式風味，蠔仔量多，新鮮，食落很有蠔仔的鮮甜味。粥內亦配有冬菜，炸蒜粒，為平淡的它再加上應有的特色。鹵水雙拼--失望之選，墊底芽菜多，上面的墨魚同生腸小。而且都很細件，食落沒有口感，像亂切一樣。咸菜蜆肉--失望之選二，蜆肉翻叮唔好食，味道得胡椒味，其他乜都無。咸菜淋左，無咸菜味，又唔酸又唔甜。。似紙皮。同場好多人都係以叫快餐為主，見拒快餐都好多元化，而且價錢好實惠。可能打冷同茶餐廳菜不能共存掛。。。下次都係去番d專業d好。。

偶爾找到 原來搬到這～ 一向不食粥的去到潮州打冷店都食半碗。今晚叫了九菜豬紅 、鵝脾及拼盤。食物是可以啦～ 不過下次還是不叫鵝脾 肉不多 雖然滑D ! 反而鵝片感覺多D 九菜好老食唔到 豬紅配粥ok . 拼盤 個生腸感覺～

走了一整天, 跟朋友在旺角搵食, 經過標記樂園, 諗住求其一餐。 點知食果個求其, 煮果個更失敗!!!椒蜜牛柳, 又老又“鞋”, 衰過漢堡包入面舊肉椒絲腐乳通菜, 傳統野無難度, 都炒到一舊舊生粉蠔餅, 上檯見到就唔想食, 皮厚到死, 一夾開就見到蕃薯粉, 蠔餅都咁唔掂, 開乜打冷!!! 垃圾

夜媽媽放工, 同男友&同事出旺角打冷@標記向來覺得旺角打冷貴, 不過今餐都OK喎! 起碼價錢合理又食得飽3個人, 叫咗個啫啫骨煲, 滷水拼盤, 楊州炒飯樣樣都有, 鵝腸/ 紅腸/ 蛋/ 豬腸/ 生腸…etc鵝腸同鵝腸唔算太多脂肪, 就咁食都唔會有太大罪惡感;紅腸無乜特別; 蛋就幾入味; 生腸夠晒爽口, 正!個啫啫骨煲都ok, 排骨夠多, 起碼收咗錢會畀番咁上下既嘢你排骨夠腍, 入味, 香口, 楊州炒飯炒得夠乾身, 多料, 啲蝦夠爽口唔會霉! 要知道有啲茶記會用啲勁細霉蝦做炒飯…呢度既炒飯堅係幾好味, 又唔會過鹹3道餸, 埋單每人唔駛$100, 旺角打冷算係咁, 值得再來