標記樂園潮州粉麵菜館

营业中

休息中

晚市光顧都算滿座，見好多人話小菜好食就去試下啦......先講魯水鵝片併大腸 （例牌$100/大份$120）： 又真係幾好食，魯水汁唔係死咸，但分量少，2個人要食大份先得咸菜胡椒豬肚湯 （例牌$68）：得個咸字，胡椒味超淡，豬肚好淋幾好食，之不過...........入面有幾隻蚊之類既物體！我開頭以為係胡椒粒照飲，飲飲下發現有翼既！我開頭以為係上菜後有一隻飛入去自己死姐，由佢啦再拎第二碗，點個再飲又發現入面又有！其實上菜後都唔見有野飛黎飛去，所以我估係廚房個煲野........個侍應姐姐仲走黎問我仲咩唔飲，我話入面有野，佢望左兩眼就拎走我碗去扔當冇事發生啫啫雞煲 （忘記價錢）：幾好食，但雞好多碎骨，但我比個豬肚湯嚇到冇胃口食晒個煲間野收加一希望間野可以改善下衞生

打冷絕對是宵夜首選今天晚上剛好在旺角看到標記突然很想吃蠔仔粥和鵝片以前標記晚晚都好多人食啲檯開哂出條街度零舍有感覺今晚難得同幾個朋友一齊食宵夜緊係叫多幾味餸食最多人叫多數都係鵝片、蠔餅、蠔仔粥不過因為喉嚨痛所以今晚就叫唔到蠔餅唯有下次再食鵝片還可以肉質一般鵝腸比鵝片好很肥美及爽脆不錯！烏頭則不太新鮮，肉質有點散。蒸白鱔也略嫌味道不足但頗肥美厚肉，還可以。蠔仔粥不錯，值得一試，很足料，有很多蠔仔，啖啖都有蠔仔喜歡吃蠔的相信一定喜歡。黑椒牛仔骨就正正常常無咩特別

鹵水鵝片或者鹵水雜拼基本上都係我地必叫嘅送酒真係一流呀 返工壓力咁大🍾放工緊係要啤啤佢架啦🥂跟住當然唔小得豉椒炒大蜆啦🌹香同埋辣互相輝映~ 5分鐘就清碟嚕~吃吃吃~ 我地唔係酒鬼黎嫁~🔍不過成班人圍埋一齊飲住酒食飯係幾好但淨係飲酒就唔得嘅~嚟個沙嗲金菇肥牛煲送飯~🐄沙嗲除左香之外，唔食辣嘅朋友就要小心因為大蜆係小小辣~🌶️呢個算係比小辣再辣多啲啲嘅小辣啦~送飯都OK~啱啱好濕濕地~💦然後我地仲叫咗金銀蛋白菜仔最後就叫咗黃金鮮魷🦑香口又爽口~ 鮮魷仲有啲鮮甜~亦都係不錯嘅選擇👍標記確實係一個放工醫肚地方就腳嘅好地方~

One of the popular chaozhao restaurant in Mongolia. And they environment is quite neat and spacious herePig blood curd and the bride duck is fine. And I like the peanut insides the dishes, haaaSweet and sour pork is in right tasteFried squid is nice too with soft textureeeFish fillet with corn sauce is so bad here, so wateryVegetables is fine here with soft texture.menu:The food is quite ok here and spacious area

今日同朋友喺深水埗行完街就黎左呢間標記樂園食粉麵，我地嗌左個兩個粉麵，一碟油菜，一個小食 同埋兩杯野飲。粉麵方面，牛雜河啲牛雜分量都幾多，啖啖牛雜好滿足，味道方面冇內臟嘅異味之餘，五香味好入味 牛肚牛腸都好爽口。跟住仲有個牛三寶撈麵，有牛腩，牛肚，同牛筋，牛腩肥瘦比例啱啱好，煮得夠淋，牛肚爽口，牛筋煮得入味夠軟熟，另外麵嘅分量夠多，麵質爽口，不得不提係就係個秘製撈麵醬，食落好香蔥油味，唔會太鹹，一碟仔撈麵醬啱啱好撈一碗麵，蠔油菜心都不過不失。小食方面，呢個香脆炸墨魚丸外皮唔會油淋淋，食落好酥脆，墨魚丸好彈牙，唔點醬食就食到墨魚嘅鮮味，點泰式辣醬食就惹味啲。飲品方面，我地嗌左紅豆冰同凍檸賓。紅豆冰啲紅豆可能煲得唔夠爛，紅豆味較少，而凍檸賓都幾好飲。

時常路過女人街都想試呢間標記。。我見過滷水檔都非常吸引。。而且最重要係價錢牌有標明價錢唔會好似傳統潮州滷水檔咁任佢噏。呢點就值得一讚👍今晚我們兩個人決定一試點了一個鵝件（大）。。標記小炒王。。同埋王府炒飯。。其中估唔到小炒王同埋王府炒飯水準唔錯。。特別個炒飯炒得好乾身欖菜味道配合得啱啱好。。反而有啲失望就係潮州滷水檔鵝件。。上枱時賣相已經唔精美。芫荽都冇條拌襯👎。第一啖夾落口全凍冰冰師傅完全冇幫碟鵝件燙一燙滷水汁。。求其搭棚咁砌埋不同部位就上枱。。肥膏極多。。希望只係一時失手啦。。😰😰😰 或者係嫌棄我哋吾叫鵝片。。所以就搭碟頭頭尾尾。。另外侍應們招呼也很好。。我們說滷水汁不夠也很樂意給我們。。埋單還有聲多謝👍

今次朋友一行5人黎食潮州打冷，等5分鐘到有位，一入黎見到小菜真係好多選擇，除左打冷既菜式亦有大排檔常見既小菜，選擇真係非常多，如果多人就可以試到好多款。環境方面就感覺都普通，食打冷都係咁上下，好難稱之為十分衛生。開始講下食物：1.籠仔飯，份量多，啱3-4個人食，味道正常，勝在夠大2.個人認為韭菜豬紅唔算好入味，一般般3.蠔餅外面炸得好鬆軟，啖啖肉，但唔知點解入面有少少黏黏地既質感，內面滑滑地好似半熟咁，可能有D鍾意有D人唔鍾意我個人覺得都還好，會覺得中間一pat有一種半熟既感覺....，要睇下個人口味，食過更好的。4.個人推介九肚魚，係食完不斷想在食既小菜，外脆內軟，味道好滋味，。

是日正日中秋節，放左工無所事事，聽日又放假，緊係約frd 去啤一啤佢。可以食得耐少少，慢慢食住等，都非潮州菜莫屬。標記以前都食過唔少次，次次都要等位，不過搬左新鋪之後都無點試過，所以今日就重遊舊地，試下依家質素如何。今日叫左3個餸，滷水鵝片、椒鹽鮮魷同南乳粉絲什菜煲。滷水鵝片，鹵水味甘香偏淡，食多都唔覺咸，肉質依舊非常嫩滑，值得一試。椒鹽鮮魷粉唔厚，薄薄一層蛋漿，炸得幾金黃香脆，而且有調過味，香口送酒一流。南乳粉絲什菜煲，南乳味濃，菜都煮到好淋，粉絲亦足料，抵讚！

睇電影但未夠鐘，朋友原本打算去太子食小菜，問我意見，我上網一望，即刻反對！原因係該餐廳係網上寫滿什麼什麼名人食過，什麼什麼名人讚賞！我經驗，哩d餐廳中伏 機會好大，所以提意去標記，反正標記更近戲院嘛！標記主打潮洲菜，當然都有小菜提供。朋友最擔心冷氣不足，其實我都擔心架，好彩標記冷氣足夠，放心。點咗介蘭炒牛肉，椒盬雞軟骨同鵝片併墨魚。菜就好快上枱，但老細落錯單，椒盬雞軟骨變咗椒盬骨，見老細態度都唔太差，算吧。首先三碟小菜俾我第一感覺係份量細，咁又睇睇好唔好味先。椒盬骨 juicy 唔會炸到過哂火柴哂皮，只係凍咗d，鵝片唔會好肥，可惜得幾片份量少咗d，墨魚口感唔韌，炒介蘭炒得啱啱好，唔會炒得太老。依家鋪租超貴，做餐廳唯有係菜色份量減少，唉..... PS:再次感謝你！

今日係旺角收工，就同同事食完飯先返屋企，係旺角找間店尋食先大家都想食潮州菜，找左一陣見到間潮州菜館即管入去試吓潮州菜離唔開一定要叫個幾樣，鹵水鵝件、韮菜豬紅、潮州蠔仔肉碎粥、凍大眼雞魚、椒鹽九肚魚和粟米石斑魚塊鹵水鵝件，鵝件好入味，肉厚嫩滑韮菜豬紅，韮菜唔老，豬紅滑溜潮州蠔仔肉碎粥，好多蠔仔，粥好甜好綿凍大眼雞魚，魚肉甜而實椒鹽九肚魚，外脆內嫩滑，椒鹽好嘢味粟米石斑魚塊，啖啖肉，外脆內嫩，粟米汁用嚟撈飯呢餐真係幾好味，埋單都係$554，每人大約$92

好好味呀！！！！！！由於我男朋友係外國返嚟放假，同埋佢同我講一定要食羊腩煲😂😂於是經我同事推介就嚟咗旺角呢間標記 第一次黎覺得好地道 同埋地方都幾乾淨 ，因為係我印象中嘅潮州菜館都幾污糟 ，但係呢間尤其是入到去嘅感覺都ok 唔錯。好彩我哋訂咗位所以唔使等位。由於星期五關係，門口都有好幾位客人在等位。呢度個羊腩煲係超正 好淋 冇蘇味 同埋個味仲係好易入口 我哋另外仲帶咗我最喜愛嘅豉油王蝦 呢個都正 好香 整體來講係唔錯。 值得推薦 呢度菜式係好多樣 可惜得兩個人驚食唔晒 下次再嚟

經過左食物中毒事件后，立即将部分午餐碟頭钣，全面降價、殺價，每份HK$28，包括燒味钣及特選午餐，咖啡或茶一杯，凍飲要加三元，當日試過炒钣，正常份量，味道可，用這價錢相信是全港最平的一份午餐。

今日同先生又出到旺角，欣賞街頭唱歌及繁華熱鬧的旺角。又是時候食飯。今日想食打冷，於是就在女人街中的標记樂園食。我们要了一個椒鹽鳝件。鳝件上碟摆设好靓。令我有错觉在酒樓食飯的感覺。鳝外皮好脆，但里面的鳝肉就觉得好淡味，還有一件是咬不爛的，未熟透。我们還要了一個蠔仔粥。見到上面浮着一粒粒白色的東西。看清楚了，原來是肥猪肉?!!。見到這麼多肥猪肉，食欲经已減半。蠔仔细细粒，没有鯹味，但也没有蠔味。粥的味道整體一般。今次食飯，真的令我印象深刻。

我和太太都经常到旺角購物及感受吓旺角街頭的热閙歌聲。今晚購物後，就在附近的地方食飯。見到這個招牌相的介紹好吸引，就决定试吓這個鹵水鵝脾。之前都有在這間食過，覚得厨房的菜及鹵水几好，但不是食鹵水鵝脾。ˊ鹵水鵝脾份量都算多，以為會和其它的餐廳ㄧ样下面會用豆腐等墊底，但這里没有，這间標记由上至下2層都是鵝肉，约有整個鵝的下半庄。鹵水鵝脾皮滑肉有鵝味，因鹵到淋軟程度刚好，不㑹韌及不會太淋。充份地吸收了鹵汁，令肉够淋及有鹵汁的濃郁味道，令鵝肉多汁及肉味提升，，再配這個带酸酸地及有少许辣的酱汁，够醒胃。椒鹽鳝魚，這個份量是不算多，不過贵精不贵多。外相见到就已够吸引。ㄧ入口，新鲜熱辣的感覺，皮脆肉嫰滑，再㸃個酱汁，带少少酸酸咸咸，配搭味道刚好。

17 號當日冇野好食， 同朋友加埋十幾人去到， 途中仲笑緊隔離ESU幣點樣掘， 笑人大逃殺， 仲見到疑似REX 既朋友， 點知入到餐廳就係惡夢既開始當時叫拼盤， 兩碟豪餅， 豪仔粥， 霸王雞， 金銀蛋時菜咁上下， 旁邊朋友叫凍檸茶，上到台杯野黑黑地仲話好飲， 望落怪怪地， 點知原來沖錯凍檸啡， 我都忍住笑算唔想食咁飽， 淨係食粥食雞， 味道都可以， 添左兩碗， 普通一餐飯冇野好講。點知第二日， 十四個人， 八個肚屙， 我居然好彩冇事， 大家就估邊碟中招， 初頭諗住粥有事， 點知食粥既全部生勾勾， 可能拼盤啦， 但拼盤出事？有幾個食過又龍精虎猛第朝正常返工， 其實都好離奇， 最後有人估係筷子出事， 今次終於到我笑到肚痛， 頂唔順寫唔到落去……