標記樂園潮州粉麵菜館

营业中

休息中

這天我們一行六人來到打冷（潮州食物），第一次來的，覺得他們座位安排夠闊落，不用吃得很擠擁，裝修是一般的打冷舖格局，枱及座位感覺到乾淨，餐具衛生。味道一般，打冷菜式來說的話不是很突出，潮式煎蠔餅及炸白飯魚都炸得很脆，但蠔餅蠔肉很少，炸粉居多。原本想點豉椒炒蜆，服務員推介時令的薄殼，第一次吃，沒什麼特別而且份量很少。滷水雙併叫了兩碟但味道很淡值得讚的是涼瓜炆鱔，涼瓜夠清爽鱔夠味。價錢：分兩種份量收費，例牌或大, 我們點的全是大的，但份量還是有點小，整體餸菜的份量較少，六人點八個小菜，四人吃飽了，另外兩人因為不想要朋友等就不另外加菜了，最後回家吃杯麵服務：服務員都好殷勤，亦會比建議客人，老闆請到這裏的員工真的很幸運，即使評價一般亦有賓至如歸的感覺，超贊

#01102022香港專食打冷既舖頭已經買少見少。同埋好多時係大排檔既形式，環境衛生都一般般。但標記既係室內環境，又有多款打冷菜式，已經吸引入去試。餐廳除左潮州菜，亦有好多中式鑊氣小菜。不過第一次諗住嚐嚐熱門打冷菜先。韭菜豬紅(例)：豬紅質地唔會散，調味濃而不鹹。韭菜味道反被掩蓋。但個人只食豬血，所以無影響🤣蠔仔粥(碗)：淨係睇相已經見到多蠔仔，粥底好清甜，正👍🏻滷水鵝片(例)：鵝片多肉，滷水味就不過不失。蠔餅(例)：非常酥脆粉漿好薄，但蠔既分布唔均勻，有一邊完全無蠔仔。同埋味道相對較淡，可能預你沾豆瓣醬/魚露。總結：整體菜式都好食會想再試。無其他食評講到咁差🙈

我之前食過呢間鹹味都好重手下，所以都冇再去，但朋友話想食打冷，在旺角又醒唔起有邊間好，就試多次，叫咗個韭菜花蜆肉(少咸)都係幾咸😅鹵水鵝件我問仕應係咪有豆腐墊底，佢話係，結果只係有花生…算數，賣相亂放一通，叫大碟的份量少不在話下，我哋食咗幾件冇肉嘅背後，發現其他除咗一層好肥嘅皮之外都係冇乜肉，實在太過份其實冇乜嘢落肚再叫一碟豉汁炒蜆（少咸）但驚佢都係好咸所以要求少芡，仕應話唔駛寫係冇乜芡的，結果出嚟都係一pat黑蚊蚊的醬汁，我朋友係好食得辣之人，佢一食…即刻狂咳到停唔到咁滯，我以為佢chok親喉嚨，原來係勁辣🤣🤣🤣我好小心試咗一少口，嘩…真係🤬超勁辣，食得出係落咗辣椒粉，而且仲係落咗好多先會辣到咁嗆喉，我諗住問吓係咪呢間嘅特式俾非正常人食的，朋友話算唔好投訴，費事一陣再叫第二味會俾廚房加料，唯有叫侍應俾碗滾水我哋洗去啲辣味，其實洗咗都仲係好辣，冇期望會好味只係唔想嘥嘢，点知轉頭見到第二枱出左碟豉汁炒蜆唔係黑蚊蚊🤔睇怕係我哋要求少咸而俾廚房整估，仲敢食咩，埋單走人，以後請我都唔會再去😣出品極之劣質😞

超級難食嘅小菜，叫左七，八個小菜，份量又少又唔好食，上湯浸菜，啲菜都可以係硬，個小炒王例牌直頭係好似二人份量咁，個炒蜆又洗唔乾淨，又多沙，點搞吖？真係唔會有下次嘅幫襯😑浪費金錢!差勁

上個星期六同朋友行經旺角，見到呢一間大排檔不嬲都幾出名想試吓，入面係座無虛席👍🏻食物方面我哋一同幾人，叫咗啲潮州小菜，包括有招牌滷水拼盤、椒鹽鮮魷魚🦑、椒鹽蠔仔🦪、潮州蠔仔粥🥣、牛柳併炸薯仔粒🥩、炸菇🍄、炒四季豆同埋炒通菜🥦等等，雖然冬菇比較spicy 一般人唔係好食到 🥵，但係薯仔外皮整到好脆入面好粉好高質啊，滷水拼盤嘅份量都好多，係幾唔錯值得改善嘅係餐廳樓上有食客食煙，令到我同朋友食餐飯食得唔係太舒服😢，希望餐廳會改善一下

今天跟朋友吃宵夜練習啤酒量的確最近都在喝自己不太愛的啤酒不過打冷小菜就是配啤酒才開心本來還以為是去上次的一家後來朋友說找到家不錯的餐廳地理位置也迌便就帶在下去吃吃也因為在下突然準時下班早了到餐廳裡又一直傳來附近桌的菜香..在下便沒禮貌地先點了份麻辣尖椒肥腸再加瓶藍妹大概菜到朋友也差不多意想不到的是菜那麼快就上才準備拿起電話看看 🤣那..在下先不客氣了尖椒是真的有點辣辣的開心 不知道多久沒吃過帶辣的尖椒然後就是平常很少吃的肥腸皮有點脆 裡面肥肥的好多“肉”襯熱真的很好吃加上在下有點餓吧朋友來到時已經沒了一半 😅🙇‍♂️然後朋友點了在下也喜歡的韮菜豬紅還有一份他很喜歡的例牌鵝件豬紅在下很喜歡湯底味道濃郁 如果能配上一碗麵會好開心平常吃的車仔麵裡的豬紅跟這個真的沒得比啊而鵝片在下本身就一般般但也吃了好幾塊就是覺得有點肥那下面的豆腐乾交給在下吃好了 😋吃完三道菜飲了一陣子再加點一份蔬菜做結尾金銀蛋莧菜皮蛋味很重抱歉在下吃不下打算只挑莧菜吃結果沒用的牙齒又不好使😅在朋友以為在下已經飽飽的情況下結帳離開了其實在下還能吃呢大半夜還是忍忍口..如果跟老闆打個招呼他會跟你聊天 好可愛除了肥腸味道有點重其他

標記都叫如果在旺角又想食潮野的餐廳之一，今次我地一行5人去食，叫咗6個餸共$510，價錢不貴但質素比之前差了不少。唯一比較好食的是卥水鴨，味道不錯又多肉但底部是花生就差少少，炒蜆一半熱一半凍，味道可以，都有不少蜆肉。咕嚕肉份量偏少但味道不錯，夠酸甜。腐乳通菜的醬太多太杰身，通菜本質不錯。蠔餅可以幾多蠔肉，酥感都重。全餐最難食竟然係併盤，煮得太耐，全部野都好淋身包括紅腸，味道好淡，少可食到拼盤咁難食。叫了3碗飯加一個粥，飯偏硬身要加點水先好點。

標記可以話係潮州菜中，性價比較高嘅一間⋯今日叫咗滷水掌亦、酥炸小堂菜、蜆肉炒肉碎、豉椒抄鵝脹⋯掌亦個滷水汁好好味，唔太淋肉質有彈性！酥炸小堂菜，好香口炸醬又唔太厚！蜆肉炒肉碎，用嚟送飯或者粥就最正！豉椒鵝脹簡直係送啤酒恩物⋯⋯

第5波疫情後，都未試過一大班朋友打冷，好懷念！每樣食物都有水準！我最中意嘅係蠔餅，滷水鵝、拼盤，抵食又好味！當日坐2樓，環境都典型港式大排檔/熟食中心，坐得逼啲，但好熱鬧阿姐好熱情，係咁同客講笑，好有地道嘅感覺❤️

天氣嚴寒，最適合吃些暖胃暖肚的東西驅趕寒意，羊腩煲正是其中一個最好的選擇。雖然晚市沒有堂食，幸好不少食店都有羊腩煲可供外賣，這一天，我就幫襯了這間潮州菜館，做個外賣仔，買了一個「黑草羊腩煲」（$138/細，外賣+$2）回家加餸。早在一天前已經致電預訂，講好何時到取，來到店舖，不需多時，已可把羊腩煲帶回家中，翻熱過後，便可享用。這羊腩煲因是小的，沒有唐生菜奉送，家中早已買備唐生菜，與羊腩煲正是最佳搭檔。羊腩煲只是小的，大小不一的羊腩大約有七至八件，一個人吃是足夠的，兩個人吃卻不是太多，而且配料方面，主要只得支竹、馬蹄和唐芹，也不算豐富。羊腩可能煲得還未夠火候，皮肉都有點兒韌，不算差，但也算不上好。幸好醬汁調味仍算及格，把羊腩和其他配料稍稍蘸點腐乳，味道仍好，的確是暖胃驅寒的好選擇。不過以羊腩煲來說，這兒的做得確實未夠出色，下次再吃的話，希望可以吃到更好的吧！

戒左口幾日，仲要入冬，再睇埋某YouTuber介紹，就去左食羊腩煲！呢度已經轉左做D類食肆，一定要掃安心…呢度寫用嘅係黑草羊腩煲，因為好鍾意食羊，男朋友又唔怕食羊，所以一出院就陪左我去食喇！我哋叫左一份細，用煲仔上，嚟到覺得份量唔算少，羊肉燜到好淋，就咁咬就食到，不過無乜膻味，唔夠好食。但馬蹄同支竹都好食，因為啲汁入晒味，加埋一碗白飯其實都幾一流。 嚟到食潮洲打冷點少得韭菜豬紅，個人認為全晚最好食就係佢，個韭菜豬紅唔夠辣，佢另外跟多左一碟辣椒油俾你，底下仲有大量嘅韭菜。南乳雜菜煲，上面無啦啦有1舊茄子，但係唔好食，其他菜都係味道一般，正常無特別。好多人，所以我成日都比佢哋撞到，因為我哋坐近廚房嘅出菜位…

爭取時間，想話係哩個冬季食多一轉羊腩煲！出到旺角，應該好易搵到有羊腩煲嘅餐廳.經過標記，大大張海報寫住有羊腩煲，問問有無位，有，於是坐底，滿心歡喜想話食羊腩煲，點知話停售！正想話離開，點知點嘅汽水嚟到，女友小熊話算啦，最終坐底.結果.... 就係惡夢嘅開始！ 進入無間地獄！~~>_<~~點咗份蠔餅，排骨煲，豉椒炒聖子同鵝腸併滷水豬大腸.除咗蠔餅之外，全部唔合格！蠔餅香脆，蠔仔鮮嫩，份量無偷工減料，滿意.排骨煲無咗獨有嘅咋咋聲已經扣分，個煲只係暖唔係辣手，排骨size一粒粒好似骰仔，偷工減料唔合格！滷水豬大腸韌，鵝腸口感好奇怪，又粉又厚，重有我唔中意嘅膏，再度唔合格！聖子好似先起哂D肉，之後鋪好D殼係碟做底，炒好聖子肉之后淋上D殼上，做法已經奇怪，聖子又唔熱，份量又少，再三唔合格.重要收加一！算了.....緣盡，永不幫襯！

今日天氣凍左好多,想搵下有無乜暖粒粒野食,所以幾兄弟就諗住落旺角羊腩煲喇!!一諗就諗起標記!!標記羊腩煲出名好味夾大件, 份量足!!羊腩煲好大盤, 三個大男人都夠晒食!!味道唔駛講有晒保證!!最正佢係用紐西蘭羊, 好少酥味!!啱晒所有人食用, 不過當然有人鍾意羊夠酥啦!!同晒佢有好多枝竹, 同埋馬蹄, 食落好有層次!!馬蹄食落好爽, 仲可以降下火, 食得黎無咁燥熱!!蠔餅好酥脆, 完全係潮州款黎!!佢仲好細心有兩款醬俾你點!!任你點乜醬都得!!不過如果夾硬要彈, 就係蠔仔少左D!!但係都好好味!!鹵水雙腸, 佢有得任你揀點拼!!非常多選擇!! 呢兩樣野係我地鍾意食!!鹵得夠入味, 再加埋佢地個潮式辣椒油!!一流!! 無得輸!!最後想介紹下佢呢個小菜!!話梅骨, 真係好撚手!!味道甜甜酸酸, 又好有鑊氣!!就算佢沾左個汁, 排骨仲係脆卜卜!!個味道唔係度度食到!!真係要記一記佢呢味餸要黎試下!!整體黎講非常正, 三兄弟食到飽!!超級滿足!!

去咗一間係旺角成日食嘅打冷佢係一間非常多潮州嘢食，比較少見嘅螄蚶都有得食例牌滷水拼盤呢個基本上係必食，佢入邊有大腸，生腸，鵝腸，紅腸，墨魚豬頭肉，滷水蛋。每一樣野都滷到好入味涼瓜炆大鱔佢呢度個涼瓜係我係街食嘅涼瓜之中算整得好食嘅一間，每一件都好嫩，無渣，少少甘，唔苦，炆得好入味。鱔非常之重油份，啲肉滑得嚟好實淨有口感。呢間嘢非常之多好嘢食，有機會要再試多幾款標記樂園潮州粉麵菜館 (旺角)旺角通菜街12-14號地下熊仔糖評價 ⭐️⭐️⭐️⭐️⭐️/5星#2021 #foodie #hk #香港 #真實評價 #hkfoodie #mk#旺角 #油尖旺 #打冷 #潮州 #啤酒 #滷水 #大牌檔 #啤酒汽水 #小菜 #鑊氣 #朋友聚舊 #foodiehk

💛避風塘炒蜆💰$78😈今次終於集到預幾個朋友仔一齊去食大排檔或者打冷💛因為食呢啲一定要人多先叫得多😝今次去左標記試入面都好多後生仔去食👍🏻我地無叫到豉椒炒蜆就叫左避風塘炒蜆入面都無沙好乾淨😋佢食落少少辣好濃味同埋佢啲炸蒜炸到好香口😉不過就稍嫌佢個蜆肉太細隻無咩肉食咁🐔標記辣子雞煲💰$68😈辣子雞煲就無我想像中咁辣🌶不過就稍嫌有啲太咸😢但係佢個雞件都好滑身食落唔會鞋口🐔同埋佢個底都有好多青紅椒Mix左辣都好好味🐟豉汁蒸大鱔💰$118😈呢個豉汁蒸大鱔我就覺得麻麻地👎🏼佢個大鱔個醬汁落過多既生粉水😢搞到好杰身同埋個醬汁有啲怪😞可能太多粉落左😣食落肉質太淋身唔係爽口個種感覺🍚本身諗住用個汁黎送飯都搞唔掂😞有少少失望🐮安格斯和牛薯仔粒💰$110😈 薯仔牛柳粒係我去大排檔一定要叫既小菜🥺因為佢真係可以送兩碗飯🍚佢個和牛食落都好有牛味同煎到好香口🤤個汁甜甜地好好味😈不過就希望佢個薯仔煎到金黃色先會更加好味🥺同埋賣相方面加啲青椒會仲靚仲吸引人食🤤其實仲叫左個胡椒豬肚湯不過麻麻地所以就唔介紹🦑鮮魷炒西䔵花💰$78😈 鮮魷炒西䔵花就不過不失🤔鮮魷都好入味炒得同埋份量都算叫多👍🏻 西䔵花又唔會炒到過淋身同無