標記樂園潮州粉麵菜館

营业中

休息中

呢間潮州嘅打冷都幾出名，所以今日專登嚟旺角試吓佢！我其實7點鬆啲坐低，啲friend遲到，佢哋叫我點住嘢食先，咁我點咗椒鹽九肚魚同胡椒豬肚湯，上菜速度係超級快，大概8分鐘已經煮晒出嚟👍，所以真係要讚一讚！跟住重點咗，滷水鵝片，滷水拼盤，蠔仔粥，煎蠔餅同埋蒸白鱔！兩個滷水都好好食，滷水汁都好濃，不過我唔鍾意食內臟。熱辣辣煎蠔餅呢，佢唔係落好多粉，但係都脆，所以都幾好食！蒸白鱔亦都非常之有水準早知呢個係夠鑊氣，適合飲下啤酒坐低吹吓水嘅地方！

一向都好鐘意食大排檔，今次又嚟我地最常嚟嘅一間，坐樓上冇咁嘈。薯仔牛柳粒欣賞佢個牛柳夠稔，而且份量唔少，薯仔就夠淋唔錯，如果外皮都脆就正韮菜豬紅嚟親都會叫嘅一道菜，好入味，豬紅同韮菜兩者都幾多。 不過覺得唔洗咁多汁滷水鵝片厚薄度切得啱啱好，多肉少肥。下面仲有d豆腐墊底，點醋食不得了滷水拼盤 (大）必叫，成碟滷得幾夠味。有蛋、生腸、紅腸、大腸、墨魚、鵝腸等。 生腸、大腸、鵝腸都易咬，對於冇乜牙力嘅我啱哂。

第二十二個年頭，離開梅窩，我們跑到「標記」去！或許隨心、擁抱彼此共同珍惜的事物和信念，這才是我倆認同的浪漫！有時，我們也會隆重其事，找家平日不會去的餐廳奢侈一番，但絕不愛港女上身，以打咭為本，滿足為食慾望才目標。我想講其實「標記」也好浪漫！一位巴士車長，一碟小炒皇、一碟椒鹽鮮魷、一碟豉椒炒蟶子，再來一支啤，看他滋味地享受著，誰說這不是浪漫啊！至於我們的浪漫晚餐，則有韮菜豬紅、春菜排骨、羊肺煲和一支啤，哈哈！「標記」晚上供應各式小炒和潮州打冷，選擇可謂不少！面前的韮菜豬紅色澤較深，韮菜介乎爽與腍之間，有菜味、但不溶爛！而豬紅則不會死實，入味得來、味道又不過份濃烈，雖然不是我吃過最好吃的韮菜豬紅，但水準不賴！春菜排骨以春菜為主， 摻進少量排骨和附帶白蘿蔔！燜煮火喉剛好，春菜軟硬適中、且夠入味！喜歡高湯不過濃，可品嚐得到自然的菜香，是吃得舒暢的春菜排骨！羊腩煲是我們冬日首選的麻甩美食，兩個人只能叫小份，雖然沒有火爐保溫、亦沒有配送生菜，但一樣吃得好快樂！件件連皮的羊腩比預期多，還配備枝竹、冬菇和馬蹄， 味道不錯之餘，火喉也佳，保留羊腩嚼感，這份小的才二百多元，足量足料，麻甩得相當滿意啊！第一

真係冇乜寫過食評 但真係頂唔順首先 衛生差劣 餐具碗碟黐立立然後到食物 滷水死咸 咸到腎虧鵝片薄到 完全冇口感 師傅刀工真係「一流」d肉又梅 ，但墨魚片又厚 有啲似擦膠鹹菜豬肚湯 咸到喊出黎 料又少最易整嘅蠔餅 ，唔脆 啲蠔仔又腥（返到屋企有啲肚瀉）其他都唔記得食咗咩 總之就係難食嘅打冷跟住講服務， 首先搵一個人落單真係好難等咗勁來都冇人肯過嚟 叫佢又唔認 ， 再叫周勁大聲呼喝話：聽到啦 ， 但係聽到又唔係過嚟喎 ， 嗰個中年阿叔 疑似老闆 ， 好似食咗狂燥藥， 下下勁大聲 態度勁惡劣 貼錢買難受經驗

每次同一大班fd去食野第一時間一定係標記,明明未人齊,得我一個到,叔叔叫我入去坐住等啦,人情味,可能有人會覺得宜到d叔叔同姐姐粗聲粗氣,佢地都有返咁上下年紀,又長時間嘈音工作,大聲左啫,唔係冇禮貌嘅,宜到叫到成枱野食又汽水又啤酒,每一都係百零蚊,邊到搵,仲要碟碟都唔細碟,每次必點有滷水拼盤(大) $130宜個係一定要點,打冷一定要食滷水,紅腸,大腸,墨魚最正,我地係連下面d芽菜都食清潮式蠔仔粥(窩)$118我地一行8人,一窩8人分都夠,d蠔又脹卜卜,唔腥蒜香安格斯和牛薯仔粒$110宜個餸去到邊都係最主要食d薯仔,唔係牛標記艇仔小炒王$75個小炒王d蝦乾好大隻,好好食,又多nuts南乳銀絲雜菜煲$68幾時都要食蔬菜,蔬菜的重要性避風塘三菇$683菇勁好送酒,好快就會清哂椒鹽大鮮魷$84我其實鐘意黃金鮮魷多d,不過椒鹽都好食荷香海蝦籠仔蒸飯$68冇數錯個籠入而係有8隻中蝦,68蚊咋

標記係我哋幫襯多年的打冷，喜歡呢度熱鬧的氣氛，收得夜，就算好夜都好熱鬧，好適合我地d夜鬼和酒鬼去，但曾經有段短時間冇來，因為食物質素下降得力害，但最近呢幾個月來光顧，食物好味左超多又穩定，可能轉左廚師或改善左味道？就算星期五好旺的日子來，食品水準依然保持得到.另外一讚就係無論幾忙，d叔叔和姨姨待應都好有朝氣活力，好風趣❤️墨魚紅腸 和鹵水拼盤入味，又夠淋豉油王炒麵彈牙惹味避風塘菇外脆內軟土豆絲辣辣地配埋冰凍啤酒一流總括嚟講所有食物味道都很好味，價錢合理

好耐無食潮州打冷，呢間響旺角通菜街，地理位置方便兼開得夜，有人推介話好食，有人話唔乾淨食完肚痛，有人話試過便知龍與鳳，就一於試下佢～① 蠔仔餅 大$85酥脆好食！② 滷水鵝 大$160薄身鵝肉口感不錯，夠入味。不過肉得一層，下面全部都係豆腐同花生。③滷水拼盤 大$130呢個相對係比較多料豐富。④豉油王開邊蝦 例$85因為開邊關係，兩隻先等於一隻蝦，略嫌太乾身，蝦肉唔爽口。⑤椒鹽鮮魷 大$120好食！香口！唔覺油膩！⑥順德蜆介鯪魚球 $68普普通通，夠結實足料。⑦金銀蛋浸白菜仔 例$78無特別的時蔬小菜。⑧滑蛋蝦仁炒飯 大$97幾隻大蝦爽口彈牙，滑蛋濕濕地撈飯幾好食。.一行七人叫左八個菜，唔敢想像例牌有幾細份，因為連大都唔算好大份。不過都算夠大家分，有幾樣仲好食到有人想Encore。

朋友約打冷，揀左呢度。我cap左Openrice食評畀佢睇，佢問大家要唔要轉場，我建議照黎。因為：（一）想Fact Check（二）我地得四個人(唔係六個)可能因為食630pm，我地四個人有得坐六人枱。店員應我要求推薦菜色。食到八點，全場滿哂。無人催我地埋單。環境：簡單，地面乾淨。雖然無聲，但有NowTV睇。食左：三支藍妹，啤酒夠凍。潮式酸菜花生蜆仔，薑葱魚泡，大蠔餅，大眼雞，鵝件併鵝腸。有加一。共$663

標記除左旺角有分店，深水埗都有一間，小編今次同朋友去左旺角分店，會一會佢既羊腩煲同撚手小菜羊腩入味恰到好處，咬手軟稔，點一點腐乳真係神仙都企唔穩另外叫左兩個開胃小菜，送啤酒一流，簡直係男人既浪漫🤪標記係羊腩煲界算係性價比極高，小編都食過好幾間，平過標記既味道一般，貴過標記又唔算好出色同埋比較細份，所以咁多年都係鍾情標記羊腩👻

我和我的朋友一同六個人，老闆安排了我們坐樓上一張大枱。剛剛入座後，我們正在查看餐牌，樓上的那個大嬸便不斷催促我們下單。然後突然又跟我們說這張枱太大，不屬於你們的。之後過了一陣，當我們打算下單時，那個大嬸竟然跟我們說要調到一張四人枱。我們六個人，大家都有隨身物件，絕對冇可能要調到一張四人枱。但她愚弄我們說位置是夠的。當我們坐下後，才發覺十分擠迫。以下才是最離譜的，當我們坐下四人枱後。突然有幾個新客人，他們都是六個人，那個大嬸竟然安排他們坐我們之前那張枱。於是我便問他，為什麼他們六個人可以坐那張枱。那個大嬸竟然再次愚弄我們，說他們有七個人。但隔離枱的客人跟我們說，他們只有六個人。於是我們便離開唔食。我覺得這間餐廳不推薦任何有尊嚴的香港人進來，如果你沒有尊嚴，且喜歡被人愚弄，歡迎。

和兩個好朋友，每年都會相約吃打冷，每次都約旺角太子附近，今年，朋友建議女人街的標記。一坐下來，就聽到旁邊大叔食客誇口講：吃打冷，第二是XX，第一是標記。我很少吃打冷，不知道，試過後，雖然不肯定是否第一，但質量的確唔錯，不過最大驚喜竟然是乾炒牛河。😅乾炒牛河對于乾炒牛河，又愛又恨。愛嘅係炒得有鑊氣的乾炒牛河，令人回味無窮，可惜呢十幾年都搵唔到有鑊氣的乾炒牛河。今次竟然有驚喜！炒得有鑊氣，牛肉鮮嫩唔硬，河粉滑嫩滲透醬油味，好食！揚州炒飯因為乾炒牛河太好吃，想再接再厲，尋找失落的揚州炒飯的集體回憶。可惜，飯炒得唔夠乾身，雞蛋味太濃，蓋過炒飯的惹味，有點失望。好彩，其他打冷就唔錯~~鵝掌翼鵝翼炆得冧，吸收鹵水汁味道，好食。爽拼（鵝腸/墨魚片）入味，唔錯。凍大眼雞魚對眼真係好大，肉質有口感。蠔仔餅香脆，惹味，正！打冷，明年再戰！

經過花園街咁多次都唔知道呢間餐廳嘅存在上網見到負評多但夜晚都幾多人幫襯自己食落食物質素唔錯, cp值幾高！✎ 滷水什拼盤 ( ᴴᴷᴰ 110 )滷水唔係好出色, 份量都唔多, 勝在每樣都有啲✎ 正宗潮州煎蠔仔餅 ( ᴴᴷᴰ 60 )平靚正嘅蠔餅, 熱辣辣炸好, 粉漿比例較多✎ 避風塘炒蜆 ( ᴴᴷᴰ 78 )另一樣覺得唔錯嘅食物, 辣味幾出啱曬鍾意食辣嘅朋友✎ 啫啫滑雞煲 ( ᴴᴷᴰ 68 )雞件烹調得嫰滑且入味香口, 本身唔太鍾意食豬膶就唔comment了✎ 椒絲腐乳通菜 ( ᴴᴷᴰ 55 )正路嘢, 呢個價算Ok啦

這天我們一行六人來到打冷（潮州食物），第一次來的，覺得他們座位安排夠闊落，不用吃得很擠擁，裝修是一般的打冷舖格局，枱及座位感覺到乾淨，餐具衛生。味道一般，打冷菜式來說的話不是很突出，潮式煎蠔餅及炸白飯魚都炸得很脆，但蠔餅蠔肉很少，炸粉居多。原本想點豉椒炒蜆，服務員推介時令的薄殼，第一次吃，沒什麼特別而且份量很少。滷水雙併叫了兩碟但味道很淡值得讚的是涼瓜炆鱔，涼瓜夠清爽鱔夠味。價錢：分兩種份量收費，例牌或大, 我們點的全是大的，但份量還是有點小，整體餸菜的份量較少，六人點八個小菜，四人吃飽了，另外兩人因為不想要朋友等就不另外加菜了，最後回家吃杯麵服務：服務員都好殷勤，亦會比建議客人，老闆請到這裏的員工真的很幸運，即使評價一般亦有賓至如歸的感覺，超贊

#01102022香港專食打冷既舖頭已經買少見少。同埋好多時係大排檔既形式，環境衛生都一般般。但標記既係室內環境，又有多款打冷菜式，已經吸引入去試。餐廳除左潮州菜，亦有好多中式鑊氣小菜。不過第一次諗住嚐嚐熱門打冷菜先。韭菜豬紅(例)：豬紅質地唔會散，調味濃而不鹹。韭菜味道反被掩蓋。但個人只食豬血，所以無影響🤣蠔仔粥(碗)：淨係睇相已經見到多蠔仔，粥底好清甜，正👍🏻滷水鵝片(例)：鵝片多肉，滷水味就不過不失。蠔餅(例)：非常酥脆粉漿好薄，但蠔既分布唔均勻，有一邊完全無蠔仔。同埋味道相對較淡，可能預你沾豆瓣醬/魚露。總結：整體菜式都好食會想再試。無其他食評講到咁差🙈

我之前食過呢間鹹味都好重手下，所以都冇再去，但朋友話想食打冷，在旺角又醒唔起有邊間好，就試多次，叫咗個韭菜花蜆肉(少咸)都係幾咸😅鹵水鵝件我問仕應係咪有豆腐墊底，佢話係，結果只係有花生…算數，賣相亂放一通，叫大碟的份量少不在話下，我哋食咗幾件冇肉嘅背後，發現其他除咗一層好肥嘅皮之外都係冇乜肉，實在太過份其實冇乜嘢落肚再叫一碟豉汁炒蜆（少咸）但驚佢都係好咸所以要求少芡，仕應話唔駛寫係冇乜芡的，結果出嚟都係一pat黑蚊蚊的醬汁，我朋友係好食得辣之人，佢一食…即刻狂咳到停唔到咁滯，我以為佢chok親喉嚨，原來係勁辣🤣🤣🤣我好小心試咗一少口，嘩…真係🤬超勁辣，食得出係落咗辣椒粉，而且仲係落咗好多先會辣到咁嗆喉，我諗住問吓係咪呢間嘅特式俾非正常人食的，朋友話算唔好投訴，費事一陣再叫第二味會俾廚房加料，唯有叫侍應俾碗滾水我哋洗去啲辣味，其實洗咗都仲係好辣，冇期望會好味只係唔想嘥嘢，点知轉頭見到第二枱出左碟豉汁炒蜆唔係黑蚊蚊🤔睇怕係我哋要求少咸而俾廚房整估，仲敢食咩，埋單走人，以後請我都唔會再去😣出品極之劣質😞