樓下火鍋飯店

营业中

休息中

一向好朋友同佢屋企人視我為親人一般看待， 所以好友家庭樂都會預我一份的 。好友話去佢食開嗰間火鍋店，話好有懷舊feel，好有氣氛，說我一定喜歡。依家火鍋店名叫樓下，係要落樓下嘅，喺地庫一層嘅 ，入到去，哇！真係好有懷舊feel喎，地方都好大好寬敞，兒時回憶就即刻返咗嚟，即刻想起小時候同屋企人打邊爐嘅環境呀。叫左個火焰花甲煲湯，話名火焰緊係有D火睇下，有位靚仔哥哥倒了燒酒落花甲煲裏，然後用火槍燃點，顿時成個煲火光紅红，真係名符其名火焰花甲煲。花甲好鮮甜，又大隻。澳洲和牛好好味，油脂分佈均混，入口即溶，好冧。鱔片非常爽脆彈牙太耐冇食鵝腸，見到依間火鍋店有，緊係要碟滿足下先。好友係常客，當然少不了老板私人醒嘅椒鹽粟米，第一次食，辣辣地，好香口，佐酒一流。又過了一個大吃大喝的家庭樂。

銅鑼灣近來有一個新開店子，很有主題—火鍋店，進去時發現了餐廳裝修大玩懷舊風，感覺很棒，還原了以往舊香港面貌，例如大牌檔的樣子、涼茶店、牛肉檔等，設計非常的有心思。因而跟這個好朋友去看，一起吃火鍋！先說湯底，傳統之皮旦芫茜湯令人下火～出街食飯，常見幾條芫茜伴碟。原來中醫認為芫茜也治消化不良，幫助體內之散氣，芫茜的營養價值高。這店的湯零味精，很有感覺，很棒呢～小吃方面，推介小青瓜，特別香脆～白鱔鱔身肥美，肉質嫩滑，爽口彈牙～正所謂不時不食，冬天來吃火鍋要叫喔，油脂分佈平均，入口軟腍～還有味道很好的湯底，加入白飯，成了口感嫩滑，入口即溶的湯飯～很腍身，而且索汁入味！足料！配料有肉蟹、花甲、安格斯牛肉粒等選擇，很豐富～想吃甚麼也可以選喔。餐廳還有多款特色經典懷舊湯底～南瓜加在湯水內，更見好吃，實在棒。招牌手打五寶丸心水推介梅菜豬肉丸及牛筋丸，味道一流，而且有口感！這天聊聊心事，吃一下火鍋，意思喔。

樓下火鍋喜歡打邊爐的我，放假當然又去打邊爐啦！今次約了幾位朋友去一間復古懷舊的打邊爐店。裝修有80年代的特色，舊式大排檔好特別啊！價錢都比較平民化，這裏出名食牛、所以我們點了極上牛肉刺身、西班牙黑毛豬。極上牛肉刺身，靚牛肉生食就最能嚐到最佳牛味，不過今次我選擇二食，放落個鍋只需要幾秒，就可享用，牛肉口感極佳，入口即溶，牛肉的鮮甜溶化我口裏。我喜歡打邊爐的原因，大家喜歡吃什麼就放什麼，閒時約夠三五知己出來打個邊爐，已經係個好好的約會方式。

主打懷舊老香港情懷嘅餐廳一直都深受香港人歡迎，呢間新開位於鵝頸橋底既火鍋店一樣唔例外，“樓下火鍋飯店”嘅裝修非常懷舊，70年代嘅霓虹招牌，仲有港式大排檔既魚缸，舊式理髮屋，招牌等，影相打卡一流。坐底緊係要先點番個湯底先，花雕藥膳醉雞煲（$138）唔係度度有，緊係要叫番個補補佢。湯底一嚟到已經充滿酒香，雞件另上。我同朋友二話不說，將雞件全放入鍋，滾一陣後，先裝翻幾碗花雕湯嚟飲。湯底好香酒味同雞油香，飲左幾碗個人已經暖笠笠。啲雞亦都好嫩滑，咬落口有淡淡酒香外溢。芝士牛丸（$78）牛肉中間包住芝士，一口咬落去，高溫芝士會係口腔中爆出，所以食果陣要慢慢嚟，芝士和牛肉味道好夾，芝士遮左牛肉嘅上羶味，牛肉本身亦好彈牙。格斯牛頸脊（$238）牛肉份量都算多，油脂分佈平均，牛肉味濃，輕輕放入鍋內淥一淥10令秒已經可以食得。配捍埋沙嗲醬食非常惹味。黑柏葉（$48）大大塊，食落好爽口。千其唔好淥太耐，八秒左右已經可以食，完全唔會韌 。

樓下火鍋飯店@銅鑼灣，充滿懷舊風的火鍋店。裝修好懷舊，好有玩味。雖然位處地庫，但都好多食客，最好先訂位至去。招待前菜（$20/位）醬料架（$15/位）路邊豬骨煲（$128）：濃郁的胡椒味，加幾件份量十足的豬骨、粟米、蘿蔔，湯料非常豐富。花雕肥牛（$108）：牛肉加花雕後，充滿酒香，放落豬骨湯內都幾夾。鬼馬蝦膠（$68）：蝦膠釀入油炸鬼內，放湯後索滿湯汁，蝦膠彈牙好食。炸魚皮（$52）：索湯良品！椒鹽粟米（$48）：除左火鍋料，呢度仲有其他小食/刺身，椒鹽粟米香甜微辣，好惹味。三文魚腩刺身（$90）：好新鮮肥美。

天氣開始轉涼，最近同男朋友都不約而同想搵間特別既火鍋店食。某日經過銅鑼灣，見到呢個門面，知道呢間就係我地要搵既野啦！一入到去，見到係充滿懷舊氣息老香港既佈置。店內人客都好多，好熱鬧。枱面放左十二款調味醬汁，比一般既火鍋店要多。店員放低兩碟小菜同點菜紙，點菜紙同樣走懷舊路線，十分dum本，好有質感。點菜選擇好多，有超過100種野食。仲有好多特別既食材。湯底都有十幾款。我地揀左鴛鴦湯，同男朋友一人揀一邊湯底。佢揀左麻辣鍋，而我就揀左台灣養生美人鍋。兩個湯底都好有台灣風味，美人鍋落野食之前我試飲左一啖，的確無乜味精。因為我呢日唔想食肉，所以我地就無叫到牛肉。但就算唔食肉，佢其他配料都好出色！特別推介鮮淮山同埋手打墨魚滑。呢度既墨角滑係我係香港火鍋店食過最新鮮最彈牙既！真係好值得叫。男朋友好推介呢個炸午餐肉。平時打邊爐食午餐肉好快就會煮爛哂一pat野，但呢個炸既午餐肉就唔會，會keep到好脆口！非酒精類飲品都有好多選擇，男朋友叫左杯咸檸七，而我就叫左支裝薏米水，可以去下濕。總括黎講，呢間火鍋店既食材極新鮮，真係對得起佢呢個價錢。店員態度十分好，埋單六百幾，食得好舒服。另一個重點係佢係我食過最乾

和朋友去了打邊爐，來到呢間幾有港式味道的火鍋店。餐廳叫「樓下火鍋」裝修都係以舊時70-90年代舊香港街景style去設計，呢方面幾有特色。講返呢度個火鍋火鍋ge湯底都有好多種，除了平時常見的番茄湯底，豬骨湯底等，呢度仲有豬肚雞煲、醉雞煲等。我地就叫了鴛鴦湯底，一邊係醉雞，一邊係麻辣湯底。食物我地叫了手打牛筋丸，牛筋丸ge味道都好唔錯，牛味好出，好彈牙，有口感，而且好新鮮。花雕肥牛肥牛都幾大塊，而且一塊都幾厚，同個麻辣湯底好夾，好好食。鴨血鴨血更加係麻辣火鍋必點ge食物之一，早早放落麻辣湯底入面慢慢煮距，耐都無所謂，最後再食，個鴨血食落又香又麻，吸曬個湯底d味道。紫菜響鈴呢度個響鈴都好正，自家炸，響鈴入面包住塊紫菜，都係果句，放入火鍋入面3秒，響鈴吸曬d湯底，好正！！另外要講下距個醉雞鍋，幾抵食，新鮮雞件切好，花雕味好香，可以落d花雕酒入鍋度一齊煲，d雞肉好滑，雞味濃郁，好香，唔會好肥。好唔錯！好味ge火鍋店，而且唔會好貴。

銅鑼灣開了間懷舊風地庫火鍋店，餐廳以老香港大排檔裝潢作主題，霓虹燈招牌與鐵閘配合起來，讓人感覺身處於電影拍攝場地，十分適合留影。我點了火焰花甲湯底(HKD138)，店員會先在我們面前加清酒炒熟，火很猛，看著很療癒，哈哈！最後會放入上湯混合成火鍋湯頭。花甲肉質飽滿，有酒香，很不錯咧！醬汁則有12種選擇！個人私心推介幾款必吃的火鍋配料和小食，分別是：蟹籽墨魚滑(HKD82)墨魚滑超級爽口彈牙，加上蟹籽，一次感受雙重鮮味，好好吃！紫菜炸響鈴(HKD52)普通響鈴卷吃得多，大家不妨試試這個紫菜口味的，酥脆的腐皮卷著紫菜，融合起來，好邪惡，味道也很不錯。椒鹽粟米(HKD48)被椒鹽炒過的粟米，每粒也保持到飽滿的水份，十分惹味香甜，是一流的下酒菜，100分！

近期IG 睇見唔少人 係街市打邊爐，而且場景打卡一流！原來係銅鑼灣橋底新開的火鍋店，門面裝修十足560年代的店舖！霓虹燈超吸睛，係門口都有排影！ 餐廳主要位置係地庫，落一層走過 肉檔，睇住正正嘅師傅切牛肉！再前行 好似去咗關門的街市咁，有涼茶舖 唔同嘅店舖！ 雜菜蕃茄羅宋湯想食清d 揀左個雜菜蕃茄羅宋湯估唔到湯底加上了肥牛粒 雜菜有椰菜 燈籠椒 大量洋蔥 蕃茄 羅宋湯底香氣十足西班牙豬肉薄切一片片 不會過肥過瘦 豬味十足 無So味芝士蝦丸手打蝦滑配上粒裝芝士 有爆汁的感覺 吃時要小心辣咀雙籽鮮蝦雲吞用上大蝦 足料抵食 皮薄涵靚鮮魷魚🦑 魷魚切片 爽口彈牙 注要要用個湯殼一齊落鍋 以免煮煮下搵唔返😂稻庭烏冬 一個烏冬分開2份 方便煮食 會附上麵檔煮麵個西 方便你煮又唔怕痴底 烏冬質地軟熟彈牙 掛麵一流唐生菜🥬份量足夠 新鮮 食落爽脆值得注意⚠醬料每位15元 店員也會為你送上2碟小菜 每碟都會收取20元 可以告知店員你不需要！！

冰室就成日食，懷舊火鍋店又真係未食過🤩 呢間火鍋店嘅湯底有超過20款選擇，而今次我地揀咗胡椒豬肚雞湯同埋台式養生美人鍋，湯底都好足料👍🏻超級鍾意呢度嘅裝飾同設計，真係超懷舊超正呀😚打邊爐梗係要叫番杯啤酒爽下先啦：）其實呢度都有好多唔同飲品嘅選擇，例如有薏仁水同紅豆水等等。呢個係西班牙豬肉，肉質都好鮮嫩，份量都好多添👍🏻蟹子墨魚滑係佢哋自己手打嘅，好爽滑又彈牙，唔經唔覺就食晒啦😂打邊爐又點少得鮮淮山同白蘿蔔呢，鮮淮山嘅份量係超級多，我哋都食唔晒呀！脆脘魚腩又係我打邊爐必食嘅之一，好新鮮😬呢個滑牛肉可以話係今晚嘅重頭戲，由唔知幾時開始我就好鍾意打邊爐食滑牛肉，呢度嘅牛肉係我食過最好食嘅，好食到我哋要再order多一碟！最後點少得食返個唐生菜呢！

愛懷舊嘅我再一次因爲被裝修吸引而選擇左入去食飯，淨係個門口位置都夠我影餐飽，充滿香港特色嘅霓紅燈管，市井嘅果欄，一一呈現眼前。9點半嚟到都已經算係食宵夜啦，但竟然要等位，佢個場都好大，仲有一間間果欄包廂，氣氛好不錯，只係成晚播夜場音樂，感覺有點格格不入。坐底後，職員會幫你斟一大碗豉油俾你混醬，另外又會幫你斟一小碟刺身豉油，因為我今次係為火鍋而嚟，所以刺身豉油用唔著😂佢有個收費嘅餐前小食，蒜蓉手拍青瓜，調味好夠，辣辣地幾好食。打邊爐最緊要個湯底，因為第一次嚟，所以試下啲基本嘢先，所以我嗌左個香港常見嘅鴛鴦湯底，沙嗲同莞茜皮蛋。佢個沙嗲好香椰奶味，而且一啲都唔辣，不過我就嫌佢奶味偏重左小小。而佢個莞茜皮蛋真係好足料，豆腐係超索湯嘅蜂巢豆腐，而且仲有馬蹄，所以個湯好清甜。 打邊爐一定要有牛，所以嗌左個例牌陀地手切肥牛，牛肉好腍，好似太過薄切，但咁樣就點滾都唔會老到韌。另外仲嗌左個羊肉片試下，羊騷味唔會太勁，基本試放沙嗲果邊係唔會有騷味，同樣因為薄切所以好腍。見個個都嗌佢個桂花蚌，所以我又嗌嚟試下，我諗都係食佢個爽口。喺樣樣都想試下嘅情況下，當然最好選擇係嗌啲乜都有啲嘅嘢啦，所以我嗌左個五寶丸

早幾日去左樓下火鍋飯店打邊爐，之前聽過朋友話好食，終於食到啦。.身為火鍋達人既我，對火鍋配料要求特別高，今次叫左花膠雞湯底，呢個海鮮同牛味道都不錯，我最鐘意佢地既豬腳根，呢個必試，要碌夠35分鐘就岩岩好。.除左食物，呢道既環境都係好有八十年代風情，舊色大排擋，影相一流！

今晚去「樓下」打邊爐好唔好呀！？一去到門口比5光10色嘅霓虹燈吸睛👀推開玻璃門就好似進入時光隧道一樣，回到廿三十年前😆心諗：邊有打邊爐打得咁有風味㗎！餐廳由外到內都係濃濃懷舊味，裝修好花心思，擺設食具通通都係兒時見過嘅！餐廳落一層入座，嘩嘩嘩！街市牛肉檔！蛇仔明涼茶舖嘅水吧！枱枱櫈櫈...裝菜個筲箕...最經典仲有童年去士多買汽水果款汽水凍櫃添！兩個人叫咗花鵰藥膳醉雞鍋🍲香濃花鵰酒配上滑雞件🐔大大件！花鵰肥🐂肥牛用花鵰酒浸過依然咁嫩滑！雙籽鮮蝦雲吞🦐鮮蝦爽口結實唔係一夾就散，大大粒！海中蝦滑，超級勁彈口！最後仲叫咗個好經典嘅泡飯🍚🍚$30好抵食...真係唔係間間有，加蔥加蛋加乾蒜加芫茜加上個花鵰雞湯底索晒味！正！

今次嚟到銅鑼灣打邊爐，今次依間火鍋店非常特別，裝修大玩懷舊風格！但唔好睇佢裝修雖然玩懷舊但係菜式非常新穎叫咗一個清甜椰子雞湯，雞湯冇落味精所以我自己都飲咗兩碗😋海膽餃子🥟鵝肝墨魚丸都非常好食，鵝肝墨魚丸有時候食落有淡淡墨魚粒，跟住包住一粒鵝肝，食落口會爆左d鵝肝汁出黎🤣紫菜炸響鈴🔔即叫即炸入口非常香脆可口，第一次食紫菜配響鈴呢個配搭花雕肥牛亦都非常推介，牛肉食落有淡淡花雕味整體來講所有食材非常新鮮而且大件夾抵食！啱晒一大班朋友一齊嚟啊！

今日同男朋友黎到食樓下火鍋飯店打bino 成間店好有港式風味 岩哂港女打卡！呢到既湯底選擇有好多 我地最後揀左花雕藥膳醉雞湯 個雞湯幾清不過略嫌無咩醉雞味 配料我地都叫左幾多 值得一讚既係呢到可以加十蚊做雙拼 可以試多款配料又唔洗驚食唔哂 我地揀左紫菜響鈴同炸魚皮做雙拼魚皮好脆而且多鹹 正係咁食已經好多味～另外仲味左脆鯇片 魚肉非常新鮮 仲有牛筋丸同魚皮餃 牛筋丸都幾彈牙～反而個牛肉就無咩特別比較孩身 而蝦滑就不過不失 呢到整體價錢都偏貴 不過都值得一試～