樂天經典 (已結業)

最近瘋狂見到樂天皇朝大賣廣告，主打八色小籠包，但我朋友咁啱就book咗隔離嗰間樂天經典，呢間餐廳同樂天王朝最大嘅分別，就係一間吃滬菜點心一間吃滬菜小菜，反正人多食小菜就啱晒啦🎯蒜香紅海蜇頭 $75好食緊涼拌菜咁，凍冰冰海蜇頭勁爽口彈牙。勁香蒜味，配埋指天椒辣辣地勁開胃。🎯金牌脆皮燒雞 半隻 $168炸子雞個外皮炸到剛好，但略嫌中心近骨位偏紅未熟透。但雞肉滑脫脫，一啲都唔會過鞋。🎯老鼠粉煲🐭細 $108唔好俾個名嚇親，其實老鼠粉就係貌似就係銀針粉，依個天氣見到用砂鍋上台，真係即刻暖笠笠既感覺。食食落味道偏鹹有少少似食狗仔粉嘅味道。🎯梅菜扣肉包 $38望落去好似食緊蜜汁火方、只係轉左做梅菜扣肉，扣肉炆得好琳肥瘦適中，充滿油香。仲有加咗一塊生菜減低油膩感

朋友唔止一次向我推介樂天經典的粵菜，一直冇機會食，今日剛巧約咗朋友尖沙咀睇戲，終於有機會食啦！餐廳位於加拿芬廣場2樓，店內環境明亮舒適，坐得舒服。淮山杞子鮮螺頭湯 $178/盅材料非常豐富，包括：鮮螺頭、淮山、杞子、排骨、赤肉、老雞、雞腳，有活血健身、提神補氣的功效。一盅可供三至五人享用，可說是非常抵飲！椒鹽香酥鮮淮山 $55椒鹽味香噴噴，極惹味，淮山感覺健康d，冇咁大罪惡感😛金銀蛋浸時蔬 $85食材好常見：鹹蛋、皮蛋、雞蛋、肉碎、高湯，但這道菜最能體現「簡單的美味」。馬友鹹魚雞粒炒飯$88我地點少份量的，但炒飯的份量依然不少，飯粒質感、黏度剛剛好，鹹魚雞粒當然是美味無窮！古早魚香老鼠粉煲 $108老鼠粉算係呢度的招牌菜之一，當然要嚐嚐，採用咗鹹魚與各種不同的材料製作，老鼠粉口感順滑，彈牙可口，推薦！三色桂花斑蘭糕 $38楊枝甘露$36椰子西米露湯圓（熱） $36檸檬薏米水（熱）$16功效：清熱利尿、去水腫、美白南北杏羅漢果茶（熱 ）$16功效：潤肺止渴、化痰止咳如果想食美味嘅粵菜，個人十分推薦樂天經典！不但菜式選擇包羅萬有，而且碟碟都好食，絕對食得過！

今日係細林生放咗學我哋就即刻換衫飛出去尖沙咀行下街睇下燈飾✨但係行海港城真係好多人最終忍唔住行返去加連威老道行到過去都已經肚餓咁啱婆婆話想食中菜向上仰望就見到樂天經典於是就行咗入去同一個集團，我有食過樂天皇朝樂天經典真係第一次試有個概念想去試吓嘅原因係因為屋企人都鍾意食海鮮所以就記住左呢間餐廳入座時間係晚上六點我嘅習慣係出親街都一定係早啲食晚飯因為帶住細路仔唔想咁迫入到去環境非常舒適而且裝修有啲新潮，就咁睇唔似食中菜唔知的話以為自己走咗入Cafe用咗而家大熱嘅雲石同金屬做配搭好適合鍾意影靚相嘅女孩子們三五成群上嚟食嘢、影相同打卡而且枱之間嘅空間好大，座位舒適一齊傾吓計食下飯真係一個唔錯嘅地方今日我地點左三個主菜第一道就係金牌脆皮燒雞第二都係龍虎燴(海鮮湯)第三道係馬友鹹魚雞粒炒飯入座嘅時候已經有一個小食係枱面雖然我味蕾唔係咁叻但係食得出有花椒八角，㗳落幾和味等左5分鐘，好快就上咗個炒飯一上枱嗰陣鑊氣嘅味道飄入鼻呢個味道真係好驚喜馬友鹹魚唔會過鹹但係引起你嘅食慾雞粒絕對唔孤寒，係雞柳嚟嘅食落去啖啖肉，而且加咗一啲生生地嘅洋蔥啲飯吵到一粒粒好爽身而且每粒咬落去煙煙韌韌，值得推介再過咗5分鐘

一大班人食飯，除左食中菜，可以圍埋一張枱，其實都無咩選擇。今次同朋友慶生，去左尖沙咀食中菜。我都係第一次食樂天，整體比我嘅感覺唔錯。環境寬敞，雖然我地成10個人，但都坐得好舒適，唔會好迫。同埋，呢度嘅餸菜都好高汁印刷最深刻嘅麥片蝦球，蝦球好大粒，啖啖都係蝦肉，而且加左咸蛋黃，滿滿嘅咸蛋黃香，雖然好邪惡，不過真係好好食招牌扣肉包都好食，扣肉口感唔會令你覺得好肥膩，加上個包軟林林、熱熱辣，夾埋塊扣肉就啱啱好啦。我地每人起碼食左2個脆皮燒雞，真係燒到脆皮㗎好夾口而且雞肉食落去係有雞味，唔似係冰鮮雞咁，完全無味。仲有脆脆蝦片伴碟龍虎燴，不得不讚，堅足料入面好多蝦，又有蟹，令到個湯非常之咁鮮味。入面仲有麵條，我地成班人最後連湯+麵條清埋，食到見到煲底最後叫左2個菜，仲有1個海鮮炒飯，非常滿足嘅一餐。

Happy Friday放工同老公周圍搵食，今晚老公就接我放工，去了尖沙咀這間新開的樂天經典，因為返工時見地鐵站一幅幅廣告，所以去一試。這個招牌蟹煲十分吸引，老公又仲意食蟹，不得不試。酥炸豬肉蝦棗表面炸得香脆，裏面豬肉較多，蝦肉就比較少且不突出，質感比較鬆軟。香酥南乳五花肉五花肉以南乳醃過後再炸至香脆，五花肉外脆內嫩，裏面保留肉汁，肉質鬆化，而且又不會太咸，是推介之一。龍虎燴海鮮湯真是十分大煲，足3-4人份量，表面舖原隻肉蟹、蝦、魚柳、蜆及魷魚，海鮮豐富，下面還有米線墊底，店員會以慢火熱著海鮮鍋，所以食到最後還熱辣辣，米線吸收了海鮮湯底精華，充滿著鮮甜味還有蟹羔香味，海鮮新鮮，尤其是蟹肉鮮甜還有蟹羔。整體食物質質中上，龍虎燴是必試，但建議大家可以約多幾位朋友先叫，因為實在太大煲。

朋友約食飯話去樂天，我話唔食小籠包呀，點知佢話唔係樂天皇朝，係「樂天經典」呀～哈，原來樂天經典係食星馬菜，正！好掛住胡椒蟹二話不說一定要點星洲黑胡椒螃蟹！好有新加坡味道，黑胡椒份量剛剛好，味道調得very good; 隻蟹好大且多肉，唯一唔好係蟹殻好硬食蟹唔夠飽，以點左個粉：古早魚香老鼠粉出奇地好味，超推介！怕魚香（咸魚）既人可以唔洗擔心，因為係另上，可選擇混唔混合埋一齊食。仲要加隻生蛋，未食已聞到香味！配料有肉碎及冬菜等等，唔會覺得淋bedbed反而有咬口！菜香鐵板豆腐都係我推介聽所侍應哥哥話豆腐係師父每日親自動手整，唔係出便街買番黎加工就算！鐵板豆腐看似簡單，其實好多步驟！以為得豆腐？鐵板底層先煎蛋醬， 再煎上豆腐，最後放上醬汁。熱騰騰最適合配飯！比較遜色既係炒菜⋯味道唔夠出眾，定係而家呢個季節唔適合食呢款菜？不過整體very good, 返屋企食番多d生果都有纖維啦

星期日去咗加拿芬道果間樂天経典食晚飯，由於早日訂位所以不用等候就安排入座，呢度地方幾濶落，有卡位又有圓枱，我地四人就坐梳化卡位，好寛闊，坐得舒舒服服唔會迫，店員開茶後好有禮貌咁畧畧介紹餐牌菜式俾我地參考！我地四人點咗黑胡椒蟹一隻，香辣味湯底龍虎燴、老鼠粉煲，苦瓜排骨、腊味炒飯，仲有三色斑蘭糕做飯後甜點！黑胡椒蟹是星加坡名菜，選用的斯里蘭卡大蟹肉質飽滿，入口鮮甜，配上香辣黑胡椒汁十分惹味，喜歡食蟹不容錯過！香辣汁龍虎燴，上桌時已經熱氣騰騰，而且放在酒精爐上保持溫度，這菜式內容有蟹，蝦，蜆，魚塊，魷魚等海鮮，差不多是海鮮大雜燴，以喇沙汁煑湯，仲加入米缐一齊，所以食落又辣又香，海鮮本來食味鮮甜，加上湯底的香辣，令人味蕾激動！老鼠粉似銀針粉，但覺更加幼滑，因為海鮮湯底關係，所以食落鮮甜，那只半生熟鷄旦更令整鍋老鼠粉的視覺效果提升！苦瓜排骨，碧綠的苦瓜件與件頭十足的排骨是適合的配搭，乾葱頭，蒜蓉，醬汁的調配，令整碟排骨達至色香味俱全！腊味炒飯的水準很高，飯粒炒得乾身而不硬，腊味香口但又不會肥膩，高水準的製作！三色斑蘭糕做飯後甜點，看顏色，擺放上碟也具心思而絕不馬虎 ，食落更是好好味！

見到有優惠去試下,之前食過,有次係正新加坡海湾食好好食第2次自己買左醬料煮,搞完一輪只可以同自己講盡左力,今次偶遇傳單姐姐傳來一張coupon所以見到就即試冇朋友,叫左個素羮有豆腐木耳荀等全素個食落重好有酸辣一湯嘅味道,有驚喜,會回味,d 豆腐好滑啫啫唄到個辣蟹配炸曼頭的,全隻蟹上重砌番出尼浸係d 汁到一路食一边再用饅頭点d 汁一口食,好丰富嘅汁傳話有辣有蕃茄醬有d 配料甘我都食到重有係隻蟹d 膏同d 汁一齊食重口味的,因为有剩餘嘅汁重有好多所以我忍5住外帶走,突然想起有個上海幼面就係甘辣蟹汁撈面又出奇地好味重有魔鬼叫我炸d 油係面,更香唄

臨近冬至，屋企長老話早啲做冬，一泥不用同人迫不用怕無位，二泥可以坐得舒舒服服，不用趕交枱俾人！而長老食中餐又話食到悶悶地，但又不能太過新潮，就選擇左樂天經典呢間作為我地既冬至飯，換下新口味但又岩長老食！先整個香酥南乳五花肉作頭盤先，炸到好香脆。肥瘦適中！好淋夠哂惹味！酸甜鱸魚片大大塊魚柳，酸酸甜甜非常醒胃！魚塊又嫩滑！麥片蝦球沾炸醬粉夠鬆化彈牙有口感！蝦大大隻！配上麥皮。甜甜地脆卜卜，好食！辣椒蟹配曼頭超惹味，蟹肉新鮮又大隻，配上炸曼又點汁非常搭配！大愛！因爲人多，所以多點招牌菜黑胡椒蟹，一樣肉質鮮美而且夠大隻，胡椒味濃郁！少少微辣！菜香鐵板豆腐，豆腐滑嘟嘟。加上香菜肉碎煎旦。香味四溢！金牌脆皮燒雞，皮脆肉嫩！西洋參巴空心菜係類似馬拉棧炒法！嫩口唔過老！金銀旦浸時蔬料多，白菜仔鮮嫩！最後臘味炒飯作結尾，炒得非常夠火喉，粒粒分明，好多臘味粒！惹味！呢到環境舒適，食物美味，最重要係可以揀份量我係好鐘意既，人少可以點小份，大中小自己話事！夠哂貼心！長老都非常滿意！

今日朋友生日，例牌生日既時候我地都會去酒樓食飯（哈哈～貌似很old school喔）今次選擇了樂天經典，地理位置方便曬我地一班社會人士：尖沙嘴而且餐廳係樓上鋪，所以環境尚算安靜，而且佢個裝修一度令我覺得佢係食西餐唔係中餐，非常有文青風氣，feel是很好的～淮山杞子螺頭湯：大家出來工作後，好少飲湯水，去景點酒樓聚餐我地都可以一嚐湯水既鮮味🤩而且飲湯真係個人會舒服好多（所以人家說飲湯可以美顏，我信）龍虎燴：名字很架勢，最適合我地一大班朋友吃，其實即係海鮮煲內有螃蟹和蝦以及粉絲，一班人share最滋味🤩招牌扣肉包：我地一人食jor 2個！絕對唔誇張🌝扣肉即係肥豬肉但係炆得非常軟，一啲都不感覺到油膩，配上扁饅頭包住食，亦即係台灣好有名既刈包，內地有名既割包，好好味啊🤤🤤麥片蝦球：最令我奇怪既係如何用麥片煮中餐😂但係佢地整得好好味啊，蝦球裹上麥片然後再炸，食既時候有甜味又有鹹味，感覺好奇妙，我地encore多一碟，實在太好味其實一班人聚餐，往往只係想大家見面聚舊，但當幸運選擇到好味既餐廳，亦會為聚會生色不少。而且佢免切餅費啊🥺朋友慶祝生日都可以黎（好似我地咁）真係開心難得既一晚！

樂天皇朝就食過幾次，這間樂天經典則是其姊妹公司，不過走的路線卻大有不同，是以南洋菜為主。招牌扣肉包：一層一層的半肥瘦豬腩肉，炆至入口溶化，而白色的中式包帶點香甜，吸收了豬膏油脂，有陣陣油脂甘香，完全不油膩。金牌脆皮燒雞半隻：燒雞表皮燒至帶脆，肉質嫩滑且保留肉汁，十分香口。黃金蝦球：蝦球表面以咸蛋王完全包裹，外面香脆帶有咸蛋王油香，蝦肉爽彈大隻。古早魚香老鼠粉煲：老鼠粉吃前先伴入咸魚碎及檸檬汁增添味道且減輕飽膩感，除了有淡淡蛋王香味外，還有咸魚鮮香味道，老鼠粉伴入蛋王後更爽滑。家常燒素豆腐：豆腐表面帶點煎香的韌性，裏面軟滑，還有些茶樹菇等雜菌作配菜，健康又美味。

A new Chinese restaurant in TST is chosen this time. The decor was clean and tidy. It looked comfortable to sit in. There are variety of food to choose.淮山杞子螺頭湯 - $178 A clear soup with chinese ingredients and snail. It was yummy in the cold weather. 黃金蝦球 - $138 Prawns with egg yolk were really matched and not too heavy. It was served on deep fried cracker to make the feeling different. 招牌扣肉包 - $38 the pork belly was served with white plain bun. The taste of pork belly was delicious and it was go

近來喜歡到尖沙咀逛街，加拿芬道和加連威老道的有些時裝店裡款式都適合我，行下行下，見到大大個樂天經典廣告牌，與我之前去過雅蘭中心樂天皇朝是同一個集團，上次吃午餐已經覺得好好味，所以今天去了就近的樂天經典品嚐下這裡的新加坡+廣東特色美食。入到餐廳，裝修雅緻，設計時尚亦帶出高貴，地方寬闊，環境整潔，坐在這裡享受高品質的美食，感覺舒服舒適！餐牌裡有多款特色菜，經典新加坡螃蟹、海鮮、小菜、燉湯、素菜、冷盤小吃、甜品等，款款吸引，fusion 有特式，真的很不錯。淮山杞子螺頭湯     $178原煲老火靚湯，有個細火爐熱住，保持溫度，熱辣辣的口感，現在這麼寒冷的天氣，飲了身體溫暖，再加上使用滋補湯料，就更健康了！湯的材料很多，有螺頭、雞腳、豬肉、淮山、杞子等，清甜可口，滋潤美味！菜香鐵板豆腐    $98 (S)以鐵板盛載食材，可以保持熱的溫度，慢慢吃都不會覺得凍。底層是雞蛋薄皮，載著大大件豆腐和香菇肉碎醬汁，豆腐嫩滑，豆味濃厚，配合雞蛋皮、肉碎、香菇粒一起吃，撈飯一流，醬汁香濃，豆腐幼滑，口感豐富，非常惹味！花菇雲耳蒸鱸魚片    $108 (S)啖啖肉的鱸魚片，魚肉實不會淋淋的，魚肉新鮮，爽口

係尖沙咀接朋友收工之後搵食，天氣凍大家都想食餐「正氣」啲嘅。於是就揀咗食中菜，發現呢間餐廳啲菜式親民得黎又幾精緻，最好就係可以飲啖茶暖下胃先～仲有啲清熱飲品金牌脆皮燒雞 半隻 $168呢半隻雞份量都夠2-4人食啦，估唔到咁多件～岩岩上枱個陣個皮非常之脆，咬落去有聲咁呀！一定要快啲食，放多陣啲皮都腍晒。雖然雞皮望落好上色，但食落就略嫌唔夠入味，不過勝在雞肉嫩滑，就算係雞胸位啲肉都唔會好柴。三杯雞駝鳥肉煲 小 $118實不相瞞，我都係第一次食駝鳥肉，之前都聽講過好似牛肉咁，果然冇錯。不過陣香料味就蓋過咗本身嘅肉味，所以就食唔到肉味係點。不過真係幾嫩滑，加上香料好惹味，齋食同餸飯都唔錯的。沙律排骨 $88本來預期佢係沙拉骨，但其實係上海嘅排骨，即係豬排。好彩豬排都好鬆軟，一啲都唔乾，但我就覺得沙律醬太多，如果可以自己點就好啦～馬來風光 小 $75惹味嘅馬拉盞炒通菜，加咗洋蔥更加好味，因為屋企唔會特別煮，所以嗌親菜都幾乎係呢款。古早魚香老鼠粉煲 小 $108最鍾意食呢個粉仔！芡汁似狗仔粉個種不過就轉用銀針粉，有冬菇碎、肉碎、椰菜花、蔥花同埋蛋花，煮到個湯又濃又多料。另外仲有個鹹魚柚子汁可以加落

今日同家人一同黎到尖沙咀呢間樂天經典提早做冬食飯，呢到環境寬敞舒適又夠晒大夠晒明亮。格離鋪就係佢地既附屬公司，D小籠包賣到好出名既樂天皇朝啦！！樂天皇朝我地就成日去食架啦，前幾日見開左間新野係到，所以就帶同埋家人一起黎品嘗下！！我地一行7人total點左12個餸，點左兩款不同味道既蟹，好似係呢到既招牌菜之一真係令人十分期待！！格左陣所點菜餚陸續送到，真係好有效率酸甜鱸魚🐟片（中）$162鱸魚片炸得好香脆，入口酸酸甜甜十分開胃，拎黎送飯一流✌🏻麥片蝦球（小）$138食落有少少辣好過癮，細size一碟有6隻，岩岩好一人一隻蝦🦐連麥皮同吃非常富有口感！！最後係成碟俾我地清晒架 哈哈黑胡椒蟹$368係香港🇭🇰都可以食到咁惹味既黑胡椒蟹，真係開心到飛起，以後唔洗專登飛去新加坡🇸🇬了黑胡椒蟹惹味十足，蟹肉鮮甜美味有多膏金牌脆皮燒雞（半）$168真係如其名入口真係超脆口，半隻份量亦不少，足夠我地一家大細食用。話晒都係做冬麻，點可以無隻雞食下呢菜香鐵板豆腐（小）$98豆腐十分滑溜，口感有點像食緊日本🇯🇵玉子豆腐咁超正，家人都食到讚不絕口！！左：南洋參巴空心菜（小）$75右：金銀蛋浸波菜（小）$85食左