樂天經典 (已結業)

約左舊同事食飯，唔想食黎食去都係放題，今晚搞搞新意思去食南洋菜，就去呢間啦食物選擇都唔少，幾個人每人叫一款無難度，九點半後仲有宵夜時段從來對燉湯係零反抗，呢度提供幾款燉湯選擇，呢煲係干貝菜膽竹笙燉湯 ($168/盅)，足夠3-4人飲湯料豐富，名字上有嘅都有，仲有豬肉，老鷄及鷄腳，鷄腳煲至骨都軟身，證明夠晒火候!湯味清甜唔肥膩，飲得出係足料煲嘅，真係要趁熱飲多碗!飲緊湯嘅同時，呢客蒜香紅海蜇頭 ($78)就送到上枱，賣相晶瑩剔透，爽脆無比嘅海蜇頭浸係蒜香醋汁入面，味道酸中帶辣，非常開胃又醒神，仲要夠凍先好嘢!呢碟腐乳炒通心菜 ($68)，腐乳味略帶甜，伴以少許薑絲一齊炒，通菜入口有少少老，可能未係最當造!小食黎講呢碟脆炸魚仔真係算好多，脆炸至金黃色，灑上芝麻增加香口味咬落脆卜卜，味道甜甜地，真係一條接一條停唔到口!目測呢杯蘋果荔枝凍茶出場率都幾高，差唔多一半枱上都有呢D凍茶，入口帶有清甜荔枝味，甜度適中，幾好飲!黎呢度食飯，唔多唔少都係為左佢: 古早魚香老鼠粉煲 ($118/細)，其實細份量都夠3人食咸魚茸汁另上，食時加埋落去再撈均整煲老鼠粉材料有蝦，豬肉碎，冬菇碎，椰菜花，生鷄蛋及主角

朋友生日一大班朋友約埋慶祝，壽星話好掛住新加坡既胡椒蟹，收到朋友既要求即刻做野，一行6人浩浩蕩蕩滿心期待去餐廳拆蟹🤪。餐廳環境乾淨企理，坐位舒適枱與枱之間有保持充足距離，傾偈大聲d都唔會嘈到格離枱，侍應服務欣勤有禮，招呼週到，不時加茶及換碟，值得加分。食物有驚喜，份量亦唔少，食物款式選擇多，一讚係份量亦有大、中、小之分，人多可以叫大份d，人小叫小d唔駛驚食唔晒， 個人推介星洲黑胡椒蟹、金絲麥片蝦球，食出新加坡味道，回味無窮。

中國福建潮汕一帶，與南洋地方通商往來，早在漢代已有商史記載，貿易往來的同時，因着種種原因，戰亂、謀生及經商等等...不同朝代不同時期皆有不少中國人移民海外，華裔們理所當然地把自己的飲食文化帶到南洋一帶，因着南洋的豐富亞熱帶食材，華人們都把這些中國本來沒有的東西，引進自家食譜之內，衍生出南洋風中菜。南洋華裔以福建及潮州移民為主，當地菜餚主食充斥着福建潮汕風味，不同之處是當地華人常以南洋盛產的香料、香草及青柑等入饌。在龜龜心中，樂天經典可算南洋中菜中的佼佼者，在奧海城店吃過一回，印象甚深，最近尖沙咀開了新店，當然要光顧一下。店內裝潢陳設柔和清新，不似同一集團的樂天皇朝般有着濃厚中國風。是晚點了兩道海鮮、一菜一肉一主食及兩甜品，以下是龜龜對各道菜品的評價。黑胡椒蟹 - 星馬菜的代表作，遊星馬者都愛到當地大排檔吃吃它，打打咭。樂天出品跟龜龜在馬拉吃過的胡椒蟹味道如出一徹，黑椒味濃郁之餘頗為甜口，蟹肉則較馬來西亞吃過的更為優勝，肉質纖維爽脆彈牙，鮮甜至極。青芥末蝦球 - 這道菜並非源於東南亞，多年前香港及國內酒家都有供應，點它純粹出於偏愛，青芥末對舌頭的輕微剌激，使味蕾變得敏感，蝦的鮮味放大不少

今日老婆早左放工，又好耐冇同屋企人食飯，上網搵到呢間好像不錯，即管試試吧雖然係我搵餐廳，都最後都係老婆大人話事，佢話要食咕嚕肉，又吾想去茶記，所以去左樂天經典地方又大又整潔，多人少人都可以去荔枝咕嚕肉咕嚕肉甜甜酸酸好開胃，肉質表面帶少少脆口，內裹厚肉多汁仲有荔枝肉好清甜黑胡椒蟹不算好辣但有胡椒的風味，叫左隻小，不過唔算細隻，肉質新鮮，果然是招牌菜蟹又點會點一隻就夠，再點隻辣蟹饅頭試試， 用黎點汁一流，比較之下黑胡椒比較好味麥片蝦球配搭又估不到幾match都要叫個菜食既 四大天王味道則正正常常，由4種菜一齊炒椒鹽香酥鮮淮山，有避風塘的味道，而入面則是淮山的確小見，不妨一試！再點左個咸魚雞粒炒飯岩岩食完甜野再食咸野中和返，炒飯好香口咸魚適中，味道不會太過咸

母親節前夕老公話同我撐枱腳，我最鍾意食海鮮，問咗好多朋友有咩好介紹，有朋友介紹我嚟呢間樂天食蟹，上網見到佢個餐牌個樣唔錯決定一試，第一次上嚟食飯，未夠七點已經好多人，而且見到起碼有10台都係喺度食緊蟹，我就知道朋友冇介紹錯望一望餐牌見到價錢都好合理，而且我好鍾意佢小菜都有分大中小，我同老公兩個人可以叫小點，但係又可以試多幾款先來左呢碟金銀蛋莧菜，金銀蛋我最鍾意，鹹蛋好香皮蛋夠滑、而且湯底好濃郁，我連埋湯同埋菜一齊食，非常好食又健康。主角嚟啦，我哋叫咗花雕雞油蒸肉蟹，一送上枱就已經聞到陣陣花雕香氣，我哋叫咗中size嘅肉蟹，真係啖啖肉而且好鮮甜，花雕好香，碟底有雞油蒸蛋白，連埋蟹一齊食，簡直人間美食，食到唔停口因為真係好好食，好多肉，三百幾蚊食到一隻咁有質素嘅蟹，我真心覺得非常超值。之後仲有一碟沙拉骨，小的都有成6舊，仲要大大舊，呢碟其實即係炸豬扒，但係炸到外面脆脆地，入面夠軟身而且啖啖肉，唔會好硬，沙拉醬甜甜地特別開胃我老公叫左個雞肉麻辣撈米線，因為我已經好飽，但係見到個樣好靚仔，所以我都試咗兩啖，雞肉好嫩滑，麻辣湯底我好覺得真係辣，但係我老公就話辣得好過隱，好精彩。今餐我地2個都超滿

母親中意食中菜，係毫無Idea既情況下，只好參考Openrice排行榜十大既中菜館，結果發現呢間「樂天經典」有匯豐信用卡88折優惠，所以決定揀佢慶祝母親節。星期五晚上7點到達，當時只有幾枱食客，職員會主動推介食物，服務感覺唔錯，地方寬敞；可惜，不足一小時，餐廳經已滿座，有部分食客傾計既聲浪好大，隔左一條闊走廊，都仍然聽到其對話內容。就連服務質素都急降而下。入座前職員已經準備花生小食($15)濕花生煮到好粉好淋，栗子亦夠甜，整體味道唔錯。椒鹽香酥鮮淮山 $58炸粉唔算厚，而且夠酥脆，淮山亦仍然保留少許爽口口感，不過炸蒜好淋好濕，而且淮山份量偏少。蒜蓉開邊蒸海蝦$168一碟有8隻，但海蝦偏細，而且蝦肉又霉又痴殼，毫無鮮味可言；全碟最好味係個粉絲，吸哂d蒜、滾油、鼓油味，送飯一流。沙嗲雞煲 $98沙嗲雞?! 請恕我無知，我唔知道原來新加波既沙嗲同我平時係香港食開既味道、顏色係有咁大分別，唔睇番個餐牌，我仲以為自己食梗洋蔥炒雞。雞肉用上雞脾肉，所以肉質較滑，而且無雞腥味，但欠缺鑊氣，而且偏油。星洲黑胡椒螃蟹(中) $368最後，輪到今日既壓軸----餐廳人氣推介既螃蟹都上枱啦!! 老實講，樣子

青芥末蝦球 - 細HKD138；不專業評級：7/10蝦球彈牙爽口😚 配合芥末的組合無得輸阿💗 而且仲有啲奇異籽 芒果🥭 消濟又開胃 味道非常有層次感👍🏻招牌扣肉包 HKD23；不專業評級：6.5/10五花腩大大塊💗 入味又軟腍 雖然望過好肥膩 但配合埋饅頭同埋一塊細塊到媽媽都唔認得既生菜🥬 一啲油膩感都無👍🏻 不過以2️⃣3️⃣蚊泥講 有啲貴🤨.馬來風光 - 細 HKD75；不專業評級：5.5/10通菜唔老 味道偏咸 同埋太油了😔.古早魚香老鼠粉煲 - 細 HKD108；不專業評級：7/10見識少的我而家先知原來老鼠粉姐係銀針粉🤣 成煲野勁多料 有東菇 免治肉碎 西蘭花🥦 椰菜花 蝦仁🍤 雞蛋🙈 味道咸香鮮甜 好豐富的味道💗 老鼠輕盈粉唔會過腍 滑嘟嘟😚 不過揸筷子🥢技術麻麻地的朋友們 可能要好似我咁用匙羹🤣 如果唔係好易飛到周圍都係三色桂花斑蘭糕 HKD38；不專業評級：6.5/10口感同我expect的好唔同😭 佢好似爽口的 #大菜糕 ‼️ 我以為佢會係煙煙韌韌 有啲咬口 好似 #紅棗糕 咁😭 一開始食戈陣好失望 不過食食下又覺得幾好食既🤣 反而因爲佢整體清新清甜而且口感爽口 所以就算已經食

難得老婆過嚟尖沙咀做嘢，所以就約埋一齊去搵好西食。之前去過樂天王朝食七彩小籠包，所以就嚟同集團嘅樂天經典試吓佢嘅lunch。餐廳裝修好靚，有幾幅色彩繽紛嘅畫。我哋兩個都好鍾意食海鮮同埋香口野，所以我哋叫咗：黑胡椒蟹 - 炒得好香，唔算太辣， 十分惹味，連個殼都舔埋蒜蓉粉絲蒸扇貝 - 扇貝夠新鮮，但係重點當然係蒜蓉粉絲 🤤脆炸美人魚 - 炸完鋪上酸辣汁，鍾意食香口野嘅一定鍾意椒鹽香酥鮮淮山 - 炸得好鬆脆，好香口，送啤酒簡直一流鐵板豆腐 - 呢個係必食嘅推介👍🏻，鐵板上鋪左上蛋，然後就係炸豆腐，配上肉粒同埋好似係榨菜嘅嘢，我食咗兩碗飯藥材燉走地雞湯 - 我最鍾意飲藥材湯，呢個燉湯真係足料足火候，飲落有陣陣嘅藥材味唔好以為我哋叫咗咁多野係好大食，因為佢每味餸都有分大中細，所以雖然人少少，你都可以叫細份嘅試多幾味。而家午市同埋宵夜時段，單點餐牌仲有68折添 👍🏻

68折貨真價實！《上菜快》落單15分鐘左右已接近上齊所有菜！《菜夠熱》鐵板豆腐熱透心，又滑又好味！海洋炒飯，飯粒粒粒分明，炒得乾身，好食！甜品三色糕亦涼透心，不會太甜，剛剛好！是由桂花糕，班蘭及椰汁組成！《份量適當，味道亦不錯》菜式分S/ M/ L 三個份量，可自行按喜好，食量及人數選擇，非常細心！員工亦會提供意見，解釋菜式不同大小的份量，減少浪費食物既機會！另外一個重點是：員工工作態度非常勤奮有禮，整個進餐都好開心！

之前已經食過以新加坡、泰國、緬甸、印尼等東南亞地區菜式為主打的樂天經典。鐘意佢份量方面，可根據人數而選擇大, 中, 小份量，就算兩個人食都可以試多幾款！ 冰鎮苦瓜（ 拌桂花蜂蜜）平時我是不吃苦瓜的，但切成透薄片狀再冰鎮後，口感爽脆清甜，而桂花蜂蜜令苦味減半，連我這個不愛苦瓜的都忍不住要點。招牌扣肉包 $23/一件扣肉同包係分開上，扣肉好厚身又大片，肥瘦分明，個包蒸到軟綿綿熱辣辣！把扣肉放上饅頭包上，再一啖咬落去，媽呀！好邪惡！雖然扣肉好肥美軟腍多汁，但食落一點都不油膩。 荔枝咕嚕肉咕嚕肉加入了荔枝比平時只有菠蘿更顯清甜，咕嚕肉粉漿不厚食落外脆內軟，唔會浸到淋晒，醬汁濃稠甜中帶微酸，好好送飯！馬來風光（馬拉盞炒通菜）上次都有叫呢個菜，馬拉盞用洋蔥辣椒等快炒，少少辣夠惹味！酸辣素羮（小$48,一人份量)小小的一碗卻份量十足，每羮都有好多材料，唔只得酸同辣～ 招牌酸柑香茅凍（冷）香茅凍有口感QQ 的有點似台灣的愛玉凍，香茅味淡淡的，反之酸柑很突出，好適合食完濃味的南洋菜作結尾，最緊要唔會太甜，清清地幾好～ 呢間餐廳在尖沙咀區來講算開到幾夜，坐得都舒服，食物可以揀份量，食宵夜有折之餘仲可以就人

好耐無食樂天啦.最中意食佢個小龍包.最中意佢入面夠多湯汁.一食流哂山黎既感覺好滿足。仲有d肉又夠肥.一咬食到肥肥的味道。另外擔擔麵都好出色架.花生味夠重又夠傑身個湯.食完成個口都漲滿哂.雞絲粉皮開胃菜.多d 麻醬就仲perfect

今日約冇海鮮不歡嘅朋友，試吓新加坡名物胡椒炒蟹~ 多肉大肉蟹 仲有樂天經典嘅招牌豆腐同老火靚湯！馬來風光 $78，淮山杞子螺頭湯 $188非常惹味嘅馬拉盞炒通菜~ 到咗某個年紀就開始注重養生 哈哈，出街食飯都一定要嗌老火湯，螺頭滋潤脾胃，捱夜要飲多啲喔。黑胡椒炒蟹 $368推出五款味道，有辣椒螃蟹、黃金焗螃蟹、龍虎燴可以選擇香辣或海鮮湯、花雕油雞蒸螃蟹同黑胡椒炒蟹。如果想試蟹嘅鮮味，可以試花雕油雞蒸螃蟹，我就想試吓新加坡嘅黑胡椒炒蟹，睇吓喺星加坡好食啲定係樂天經典煮得好食啲？我就覺得呢道好食啲，黑胡椒同蒜頭惹味濃郁，蟹都好多肉，推介嘅！餐廳除咗供應手套同濕紙巾，仲有圍巾方便食蟹嘅時候唔會整污糟，有時候着條的衫真係好需要架！聚寶海鮮豆腐 $128豆腐厚身嫩滑，餐廳另一個菜香鐵板豆腐都好好食樂天經典尖沙咀加拿芬道20號加拿芬廣場2樓星期一至日 11:30 - 01:00電話：28823313

朋友推荐这家餐厅，所以特意来尝试一下。菜牌价格還算合理，有圖片簡介。與其他粵菜餐廳比較，裝修雅致，座位比較舒適，用餐環境不錯。食物味道不錯，整體水準較高。最喜歡胡椒蟹。

Dinner with family.日期：2019-05-06時段：Dinner 6:00位置：尖沙咀加拿芬道食物：招牌扣肉包（$88）、荔枝咕嚕肉 ($132)、姜蔥鴕鳥肉煲 ($108)。招牌扣肉包：扣肉色泽不错，看着有食欲。將扣肉放上饅頭包上，配搭芫茜同生菜 ，一啖咬落去，不会觉得扣肉油腻。荔枝咕嚕肉：賣相可以，傳統咕嚕肉大多只配有菠蘿，加入荔枝更加清甜，炸得脆一點會更好，不然覺得有點硬身。姜蔥鴕鳥肉煲：肉質新鮮，以薑蔥炒製倍添惹味，幾OK啦味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民。下次有機會試下其他菜！

樂天經典就出名彩色小籠包今次試樂天王朝 佢哋就以東南亞菜式聞名叫咗招牌菜之一既黃金蟹（細size ）但份量都幾多 有成隻完整蟹 仲要都幾大隻而且好新鮮、好鮮甜、好多肉櫻花蝦四季豆超級多櫻花蝦 配搭埋菜圃一齊炒 十分之野味馬拉盞炒蜆好好味蜆肉鮮甜又大粒好想再encore送飯一流海鮮米線配料充足 有蝦、魚肉、蟹柳、紫菜最後叫咗楊枝甘露同埋椰汁西米露湯圓糖水兩碗糖水都同平時嗰啲差唔多食咗咁多濃味嘅菜式之後飲返碗糖水咁就完美喇