樂天經典 (奧海城二期)

营业中

休息中

今日係媽咪既舊歷生日，我地去完睇戲之後就搭地鐵去奧海城Dinner，依間係媽咪其中一間中意既餐廳之前同佢黎過一次就愛上左餐廳有好多唔同既菜色可以選擇，最緊要有媽咪最中意既燉湯，我地叫左干貝菜膽竹笙燉湯，可以降壓強心又養顏，啱曬媽咪個湯夠曬足料又唔會好油，離遠已經嗅到好香，竹笙夠爽口又大條，而且下面有火keep住加熱，可以慢慢飲，有大約有6碗份量，我地3個人就啱啱好每人2碗手工海鮮白玉磚 $65依味小食好特別，之前都冇食過類似既，口感方面有啲似魚蛋，但裏面加左唔同嘅材料，例如蝦肉、蟹肉等等，味道啱啱好，又唔會好油花茹雲耳蒸鱸魚片 (細) $108火候時間控制得唔錯，個魚蒸得好滑口，又夠味魚片冇骨，小朋友都食得，不過花茹得好小，整體份量都okay椰子西米露湯圓 (熱) $36 味道夠濃郁可媲美甜品鋪，夠晒濃味，唔會水汪汪，西米比較小，不過有2大粒芝麻湯圓，大滿足

今晚終於同老公媽媽約左一齊食飯，揀左間餐廳係奧海城，位置好方便容易拍車！餐廳環境乾淨，裝飾簡單又大方，地方寛敞，員工服務都唔錯，食物款式好多，每次黎都可以試到時令菜色，今次就係我最愛既蟹之惑本身想叫新加坡最出名既胡椒蟹，不過媽媽唔食得辣，最後選擇咗黃金焗螃蟹，超級大隻而且好厚肉，有大約1.2斤，咸蛋黃鋪滿成隻蟹，味道濃郁，香氣撲鼻用手食食到手指都要啜埋三杯鴕鳥肉煲 $118鴕鳥肉好入味又夠軟嫩，加上薑片、九層塔等，上枱已經嗅到香味，人小小食唔到太多可以叫個細size，多數菜式都有3個size選擇，可以減少浪費！ 錂魚抄油麥菜 $75錂魚份量比較小，不過油麥菜幾嫩，唔算好油，加上豆豉、紅椒，好簡單既一個菜，味道唔錯。咖啡脆雞 $98南洋獨特嘅創新料理，用咗咖啡豆&雞製作的一道菜，炸雞外面有好香既咖啡味，帶小小甜甜苦苦既味道，鍾意咖啡既朋友一定要試，咖啡香味滲入雞塊裏面，雞肉仲可以保持嫩滑柔軟，係一味好考功夫嘅菜式 今晚依餐大家都好滿意，期待下一次你再試吓其他唔同嘅食物！

放假出左去奧海城行街，朋友鐘意食中菜，見到樂天經典就拉左我入去。入面環境都闊落，一坐底侍應就問我地食咩茶，仲有小食$15，係花生同栗子。而茶位就每人8蚊。泰式炭燒豬頸肉$88，豬頸肉燒到好均勻，食落好有咬口好juicy，點埋甜酸醬一齊食好野味！揚州炒飯$85，份糧十足，有好多大大粒嘅蝦同叉燒粒，炒到鑊氣十足！黃金焗蟹$348，即叫即製，新鮮滾熱辣！咸蛋黃醬加埋個蟹一齊焗，又香口又鮮甜，簡直絕配！隻蟹好大隻，啲蟹膏同蟹肉都算多，2個人食啱啱好！

樂天經典我一向都以為佢係另外一間專食小籠包嘅鋪頭，但係原來佢係一間中式嘅小菜店，而且佢嘅環境，質素都非常之好。平時好少食蟹定我今日就揀咗一個大螃蟹，有四種唔同嘅味道，本身就諗住揀黃金焗，但係見到佢呢一隻辣椒醬炒會配埋炸饅頭，就想貪心地試下。首先想講下佢嘅肉質，整隻size都非常之大，肯定係活蟹。而且肉非常之厚身，食落去好有蟹嘅鮮味，甜香，肉質非常之爽口。至於個汁我就覺得好特別，佢唔係淨係得個辣味，佢除咗辣椒香之外，仲會有蛋香，香葉嘅味道，調製得非常好，非常之特別。我覺得比較靠近馬來西亞嘅風味。絕配的係炸饅頭，炸饅頭平時一向都係會配返煉奶食，絕對估唔到加上呢個辣汁可甘夾。而且拒係一口小饅頭，一沾汁一食，剛好。四大天皇用上四種唔同的菜類，吃上口第一下味道就有蜜糖的甜，食落又夠鑊氣。

近年奧海城的商場發展很迅速，不少大牌子和連鎖店舖都進軍奧海城，更有不少國際美食都在這裏臨立。這裡沒有旺角那麼多人潮，但是也有一定的人氣，的確是行街的好地方。今日適逢朋友生日，她剛好就住在奧海城上蓋，相約她吃生日飯就當然要方便她的地點。所以我們就去到她樓下的奧海城二期覓食。我們在這裏經過一間樂天經典，原來它是樂天集團的其中一間餐廳。相信應該有質素保證，所以我們決定進去一試。這裏環境很舒適，以柔和的白燈作為主調，感覺乾淨。餐廳亦都有不少圓桌，方便一家大細在這裏用餐。我們倆被安排坐在卡位，舒適，位置夠大。這裏主打南洋菜式，是中菜的經典。餐桌上已經放了一碟小食，就是滷水花生和栗子。那個栗子很入味，滷水味道完全滲入栗子之中，這個小食完全會令你吃個不停。餐牌的第一頁就已經是他們的推介，蟹。總共有四款選擇，分別是辣椒螃蟹，黑胡椒螃蟹，黃金焗蟹和花雕雞油蒸螃蟹。我和朋友一致選擇了香口的黃金焗螃蟹，因為喜歡它的鹹蛋黃香。古早魚香老鼠粉煲＄108這個老鼠粉其實就是銀針粉，晶凝通透。煲內的食材有很多，有鮮蝦，椰菜花，冬菇粒，肉碎，香蔥等等，香氣撲鼻。上桌時上面都打上一隻生雞蛋，與老鼠粉拌勻，熱力滲入雞蛋之中

餐廳除左地方大, 服務好之外, 野食都好出色,我覺得呢間餐廳基本上咩都係好既水平, 包括價錢都唔太貴所以十分推薦!佢係中式類會有前菜個D, 就係花生同埋栗子!值得一提既係栗子好軟我覺得口感不錯, 有小小入口就溶!另一道我比較喜歡既菜係,五香撈米線, 呢道菜看似無咩特別,但我特別中意食! 佢既肉汁我覺得好似醬汁咁為成碗麵帶來好香同埋多肉汁既味道,米線本身都煮得好爽口,撈埋一齊之後既口感同味道我覺得都好出色!鴕鳥肉認真好味, 十分香, 肉質似牛, 用黎代牛, 呢到無牛食,但係肉質比牛肉軟好多! 同埋佢D汁係好濃既醬汁味,我覺得好特別, 出面好難食到呢隻味, 同呢個口感!必點!花雕蟹, 本身有好大陣油香味, 肉質鮮甜都幾正, 呢排都有好多蟹既套餐是但點左一個黎食!蟹係原隻上, 配工具任意整黎食! 呢隻蟹既蟹腳位我覺得特別香, 配埋冬天食,有小小暖身既效果!整體服務出色, 地方大, 坐得舒服, 價錢不貴!一定要試~

附近番工既人不可不認識樂天經典😂🙈😂點解 因爲佢系平靚正之選 🤗🤗十二點好衝去啦😂😂😂😂否則有排你等位 唔系講笑!!!!!!!50% for 麵同飯 仲好似甜品都系😍😍😍😍😍正丫喂小編今日點左個 古法老鼠粉等等 唔洗驚 其實只系銀針粉黎如果你叫細煲 唔建議落哂成碟汁會太酸入面有蛋 蝦 椰菜 好多料😍😍😍扣肉包肥瘦一半加上生菜 好好味😍😍😍😍Lasay 海鮮米線個湯好濃 好杰丫一碗可以分到兩隻細碗 好惹味😍😍😍

年頭食咗呢間樂天經典，適合一家人食～價錢中上💰值得一提係個豆腐真係超級無敵爆好味！可以配五十碗飯🍚😋🤣• 沙律排骨• 四大天王 （甜豆 茄子 秋葵 四季豆）• 古早魚香老鼠粉煲👍🏼• 菜香鐵板豆腐👍🏼• 招牌肉扣包

好一陣子沒來奧海城，是晚同母親大人來到買野，之後就梗係食埋飯啦，佢話想食中菜，咁就黎樂天食好了，食過幾次都好好味，母親大人尤其愛呢度個喇沙，每次都讚不絕口。茶（$8/ea）＆小食（$15）是晚點了香片茶，真的很清香呢，茶好喝。小食依舊係炆花生栗子，軟腍入味，好好味次次都清碟。特選溏心皮蛋（$22）晶瑩嫩滑的蛋白加上綿滑的蛋心就是好味，流心的皮蛋勁正，怕太漏就食一片酸薑，清清地非化學味道。招牌扣肉包（$23/ea）點了兩份一人一個不用爭，上枱時好香啊，睇見都流口水。香軟的刈包，肥美的腩肉，加埋爽脆生菜，變成放到滿滿的中式漢堡包，哈哈。腩肉好入味，軟綿綿的但又不失口感，脂肪位一點都不膩，大大片肉好滿足呀，包吸了肉汁好正，好味好味喇沙湯海鮮米線（$78）次次黎到都會點的，個喇沙湯太正啦，鮮味濃郁，好強烈的海鮮味！賣相雖然不太吸引，但入面的料其實很多的，有班腩，大蝦，蛋，蟹柳，魚片，豆卜等，鮮味十足，米線吸滿了湯汁雖然變得淋了點，但好味的湯撘夠，好味到全部飲哂。辣椒螃蟹配炸刀切小饅頭（$368）好像是新出品，之前來無蟹食㗎喎母親大大見到嚷著話好想食，咁就叫一份啦，兩個人點食得哂，但規定是約1.

吃過樂天皇朝,好想再試下其他樂天，咾到食南洋風味的中菜,最緊要有蟹食！所以今日同肥仔黎左呢到食。黃金焗螃蟹$348勁多蛋黃！又唔會好咸。螃蟹好大隻，好多蟹肉，都幾新鮮。廚師仲好細心開晒殼，唔會好難先開到黎食。咖啡雞(細)$92特別之選，咖啡味好香濃，又唔會太燶既感覺。雖然係細份，但份量都好多！招牌扣肉包1片$23係最邪惡的扣肉包！當然就咁食扣肉會油膩，但扣肉肥瘦剛剛好，不會太肥，夾住個包食完全唔覺膩！星洲炒貴叼(細)$88好有鍋氣，又香又辣。兩個人又有蟹食，又食到東南口味既菜式，坐得幾舒服又唔太嘈。

星期一晚約左好耐無見朋友去左大角嘴奧海城二期樂天經典食晚飯。可能早去 晚市仍未太多人 地方都算闊落 坐得舒服。朋友食得辣 除左點了出名既老鼠粉煲及招牌扣肉包。加左個辣椒🌶️蟹配炸刀切小饅頭. 先黎扣肉包 賣相同餐牌相乎。$23一片 扣肉大塊同好淋入味。配上熱騰騰包夾住食 好味道而不覺膩再黎招牌古早魚香老鼠粉煲。有大中小㨂。建議二至三人可㨂細$108。大約有四至五碗 二人一定夠食。老鼠粉上枱加左雞蛋 🥚好滑。老鼠粉好滑但有咬口 調味適中 不太鹹 配合冬菇 椰菜 鮮蝦。加上咸魚碎加汁伴食 另整煲老鼠粉加添香味 好食。最後食主菜辣蟹。辣蟹賣相吸引 個辣汁似是咖哩加上辦椒 都徧辣 喜歡辣的會鍾意這款辣蟹。蟹肉味道ok。炸饅頭香口鬆脆。

通常中菜都好適合一家大細食，呢一日轉個地方去咗奧海城嘅樂天經典，雖然話我大角咀這個地方有啲偏僻，但係樂天經典勝在非常之近地鐵站，冇得話佢唔就腳。看過餐牌後，大致上的菜色都是老少咸宜，我們決定來一種豬肚湯、肉類小菜、主食以及甜品，一樣試吓！首先帶咗A1 天麻藥膳豬肚湯＄155一盅，一打開蓋，胡椒味香噴噴，非常之濃郁，在冬天的時候暖一暖胃的確是不錯。呢個份量大約分到六碗，呢個價錢來講算係好抵飲，然之員工亦都會盛起一些湯渣，可以看到湯十分足料，豬肚夠軟身好食。D16 薑蔥鴕鳥肉＄108（S）鴕鳥肉嘅味道有點像牛肉，佢嘅肉質都係善於吸收醬汁，因此味道非常唔錯。肉質非常之嫩滑，加上鴕鳥肉係由薑蔥爆起，所以味道非常之香口，是一個高水準的小菜！G3 南乳羅漢素菜煲$88呢個就係無肉類嘅羅漢煲，有粉絲、紅蘿蔔、椰菜花、木耳等，索盡了南乳汁，味道非常香濃，喜歡這種味道的朋友的不能錯過。H1 海鮮王炒飯＄88一開始都以為呢一個飯乜特別，但係飯炒得非常之乾身，並且加入大量嘅蟹籽，口感爽口之餘亦添加一份鮮味。甜品唔少得呢兩樣，分別係三色桂花斑蘭糕＄38同埋楊枝甘露$35，為這餐飯畫上一個完美的句號。個人好鍾意

來到奧海城的樂天晚膳先送上一壺香片再慢慢點菜手工蝦棗是用蝦及豬肉混合酥炸而成一碟有八粒體型超大滲透著淡淡的五香粉味非常飽肚手工海鮮白玉磚混合豆腐和海鮮味道像魚旦質感彈牙很特別這裡的招牌菜是扣肉包將扣肉及生菜夾於包內食用扣肉軟腍入味充滿脂香配合生菜食用可中和油膩感魚香茄子油膩但我喜歡茄子質感不算腍但味道不錯絕對是一個邪惡的白飯殺手鹹魚肉餅有濃濃的鹹魚味家母更吃得出是馬友鹹魚又是另一伴飯良友炭焼豬頸肉肉質偏乾及硬星洲炒貴刁夠鑊氣材料也豐富一夜家常便飯吃得輕鬆愉快

從未試過有一間食肆的服務態度， 令人感得如此不快，不得不在此要反應。昨晚與友人見openrice comment 幾好，便入來一試。環境確實寬敞，食物質素尚算ok. 到埋單時，等了15分鐘，仲未攞到張單來。我們的卡位枱後正是收銀機，只見4個員工企晒係到，有男有女， 好似喺度攪緊d 單咁。 我們再次開聲問幾時有單？但居然四個都冇人肯開口講嘢，只係抬頭望住我們一眼。又過2分鐘，我們再問，佢地仲 係企喺個收銀度，唔出聲。到我哋直頭問"你哋係咪應該要答下客人丫？"先有其中一個女人好不願講"乜嘢事呀" 講真你哋如有困難要遲啲出單， 其實你直接同個客解釋 ，叫個客等係完全冇問題。但係四個人企係到 都唔出聲，搞到啲客好似同空氣講緊嘢咁，完全唔尊重客人。跟住攞到張單來，仲問我地係咪未畀錢，我火都扯起，我忍唔住同佢講你張單未畀我我點畀錢你呀！！從未試過去一間食肆，一班員工都係咁差，一定不用幫襯！

今晚跟爸媽去食飯，佢地D老友介紹左呢間中菜館，有些特色懷舊菜式可以試下。晚市去好多一家大細，都幾多人。環境唔錯，有空間感，用金色藍色又幾高檔咁，以為自己係中環。好多適合一家人食的菜式，大部份可揀大中小size。想食蟹，可惜sold out。燘花生超入味，又夠稔。(小食$15/碟，茶芥$8/位)招牌扣肉包 ($23/per piece)幾有趣，冇諗過呢度都有得食，包和肉分開上，扣肉味道濃郁，少少肥，附生菜、芫荽一齊夾，中和返個味道，冇咁油膩。椒鹽香酥鮮淮山 ($55)，又係好少見，山藥炸得很脆，加上炸過的蒜粒，很惹味，是很好下飯的。花菇雲耳蒸鱸魚片 ($108/S)，魚肉起骨蒸，肉質很嫩滑，有雲耳、紅棗、冬菇、金針菇，很滋補。古早魚香老鼠粉煲 ($108/S)呢個地道菜唔係咁多餐廳有得食，細鍋都幾大份，除左銀針粉，仲有好多材料，蘿蔔乾、椰菜花、蝦、冬菇粒、肉碎等，加左咸魚和酸汁，味道酸甜，很開胃。咸魚的咸香味和生雞蛋，令到老鼠粉的味道更豐富。金銀蛋浸時蔬 ($85/S)，個人好鍾意食呢度餸，波菜上有肉碎、咸蛋、皮蛋，帶湯汁，簡單的煮法已經很美味。楊枝甘露（冷）($36)芒果味濃。三色桂花