樂天經典 (奧海城二期)

营业中

休息中

中菜館來說，樂天經典真的是很高水準。一段時間前為慶祝哥哥升職，我們一家四口特地來到這裏。我們先品嚐天麻藥膳豬肚湯，用了十足，喝下去使人很暖和，可惜有點油膩。我看到鄰座點了酥炸豬肉蝦棗，好奇下點了一份試試。家人說這是很傳統的小食，吃下去很香口，可以一試。這是家鄉鹵元蹄，元蹄肥而不膩，水準保持得不錯！最後是辣椒螃蟹配炸刀切小饅頭，醬汁用來拼饅頭及白飯非常好味，味道微辣、香料的味道很豐富。而炸饅頭沒有丁點的油膩，外脆內軟，絕對是佳品。

早前與友人去奧海城的樂天經典食飯, 我鍾意這裡坐得夠舒服. 冬天天氣寒冷, 我最愛食胡椒暖胃, 所以一見到有星洲黑胡椒螃蟹就毫不猶豫點了. 上枱時已經香味撲鼻. 蟹的份量也算多. 對於唔太食辣的我, 這個辣度也算幾辣, 但勝在惹味和醒胃. 蟹肉的肉質幾結實和彈牙, 味道調教不錯. 另外, 點了蝦醬雞中翼, 海鮮皇炒飯. 蝦醬雞中翼. 雞中翼幾大隻, 外皮幾脆身, 而肉質又夠嫩滑. 唯獨係蝦醬味唔太足夠, 再多一點更好好. 海鮮皇炒飯. 這個炒飯唔會太油膩, 而且每一粒飯夠乾身, 唔會痴埋一齊. 最後食埋熱椰子西米露湯圓. 入口有淡淡的椰子香味.湯圓係我最愛的芝麻味道.

今日嚟到位於奧運站嘅奧海城行街街 行完街街見有啲餓 就去咗呢間樂天皇朝 lunch時間勁多人排隊等位 等咗半個鐘先入到去 入面裝修豪華既高級茶樓 仲有南洋美食添首先叫咗個招牌扣肉包 呢個扣肉我畀十分 因為肥而不膩 而且佢嘅千層肉都冇乜肥肉 好啱香港人口味 個汁炆得好入味 而且好冧 夾埋甜甜地嘅包食 正 不過兩個人一舊好啦 如果唔係膽固醇好快超標 哈哈 咖啡脆雞呢個菜式未喺其他地方見過 佢係用濃縮咖啡去做 外面整到好脆再加上咖啡味嘅醬汁 醬汁有輕輕的苦澀味但係都有回甘 食落可以消去雞肉入面嘅肥膩感 而且雞肉好滑 又夠味 估唔到咁夾砂鍋天麻黃酒雞 呢味餸上菜是用咗沙煲去裝住 入面嘅黃酒仲滾緊熱辣辣 飲落口好香雞湯味 不過有少少油 係隻雞分泌出嚟嘅黃油 好濃郁 若然味精過重 不過藥材味搭夠 隻雞分量都幾多 夠嫩滑 三杯鴕鳥肉煲 同樣係熱辣辣嘅煲仔菜 鴕鳥肉好瘦而且唔堅韌有咬口 感覺似牛肉 而且 調味料好香 夠曬鑊氣 黑胡椒蟹 呢個胡椒蟹我第一次食 估唔到胡椒味咁香口 同大大隻嘅膏蟹都幾夾 不過我覺得對我嚟講有啲太辣 隻蟹嘅蟹膏亦都溶咗落黑椒汁嗰度 有啲浪費 不過隻蟹超厚肉勁多膏食到lamla

蟹富含優質蛋白質可以補充營養呀 !!!!!今日做完小手術即刻搭的士去奧海城二期樂天經典食拎左獎嘅蟹菜式我叫左「花雕蒸蟹 」🦀要等左20分鐘制作時間即叫即整 所以一定新鮮Wa !你睇~足1.2公斤一隻 好大隻蟹鉗 🤤另外推介「黃金鹹蛋蝦球」（小）有6隻大蝦餐牌列明份量有大中小選擇 2-3人叫小份量 可以食多幾樣菜式呀👍🏻

樂天皇朝前排終於一試，而得知原來還有一間叫樂天經典於奧海城，雖然是同一集團，但風格不一樣，食的是混合多種東南亞的做法而成的菜式。淮山杞子鮮螺頭湯（鮮螺頭、淮山、杞子、排骨、赤肉、老雞、雞腳），和家人食飯，當然要來一客老火靚湯，一壼就足夠6-7人分享，而且用料足，用沙煲上，大家有機會也來一壼，為家庭添上一份暖意。冰鎮苦瓜 (拌桂花蜂蜜)，一片片薄得可吹起的苦瓜，單是外表已是很精緻吸引，加上桂花蜂蜜醬，甘苦中帶上花香的甜味，彷彿是訴說人生的經歷，就是一種絕酸。菜香鐵板豆腐（微辣，細），豆腐是我的至愛，先把爆滑的豆腐外層煎香，配以鐵板上以加上感觀，再在上層淋上菜心肉碎特製醬的汁料，下次我們還可以再會？四大天王 (秋葵、甜豆、四季豆、茄子，細)，有創意的名字，想不到的合襯，味道的和諧，成就了這道菜。咖啡脆雞（細），當咖啡豆的香氣和微辣味的配合，創造出獨一的味道，雞肉滑嫩柔軟，芳香四溢，美味無比。三杯駝鳥肉煲（細），用上台灣的三杯做法於駝鳥肉上，又創出了一種這配搭。古早魚香老鼠粉（細），採用咸魚與各種不同材料熬製，搭配老鼠粉，加上一隻蛋黃，又香又滑。三色桂花斑蘭糕，斑蘭、椰汁和桂花的三種不同香味

今日同兩老在外共聚晚餐，不要西餐，不要日式，那就選左中餐吧！與兩老在外用膳，定要小心選擇，當然要有信譽的，就這間樂天經典！ 淮山杞子鮮螺頭湯呢個淮山杞子鮮螺頭湯材料包括有：鮮螺頭、淮山、杞子、排骨、赤肉、老雞、雞腳，聽聞係補肺益腎，健脾補氣，養肝，滋陰明目，一聽就知極有益啦！天氣涼涼地，當然梗係要潤一潤，滋陰補腎，湯頭好清甜，飲完好舒服。成個煲仲有個爐仔坐熱，隨時飲都可以熱辣辣！冰鎮苦瓜 (拌桂花蜂蜜)苦瓜含有豐富的維生素，有清火解熱的功效，幫助促進皮膚的新陳代謝。苦瓜經過冰鎮後，冰！涼！脆！晶瑩剔透，口感爽脆！沾上桂花蜂蜜後，更為甜美！蒜香紅海蜇頭 一道蒜香涼拌的海蜇，海蜇頭切成肉厚，咔滋咔滋的咬勁十足，每塊海蜇吸收了豐富的調味醬汁，咀嚼在嘴裡都是滿滿爽脆的感覺！四大天王一道菜有齊秋葵、甜豆、四季豆、茄子，本來我想點四季豆，但看到這個四大天王，就二話不說就點這個四大天王。醬汁非常惹味，每款的蔬菜都很新鮮，四季豆清香爽口！識選一定選這款！馬來風光一道炒菜，簡單又是好味的！通菜又嫩又綠，蝦醬跟通菜是絕配，炒都好香辣惹味！咖啡脆雞咖啡脆雞，聽起來既創新既特別，以咖啡風味的咖啡醃燻脆皮雞的料

樂天皇朝，聽個名都覺得威所以餐廳既中菜一d都唔遜色，加上每一碟既份量都唔小，適合一家大細或者一班朋友黎食。連餐牌都係金黃色，真係好有朝廷風味淮山杞子鮮螺頭湯甘凍既天緊係要飲番盅湯暖下大家既胃啦餐牌都寫明用左邊幾種材料黎煲同有咩功效。一盅大概都有6-7碗湯都唔算多油仲好清甜，入口不膩。另外有淡淡既藥材香味。服務亦都值得一提，見我地飲完會主動走埋黎幫手refill，亦都幫我地拎d肉出黎，方便我地食。湯好飲，肉都煲到好軟嫩，應該都煲左唔少時間三杯鴕鳥肉煲望落其實好似牛肉肉十分嫩，每一啖都好輕易咬開，唔會有筋或者渣加上d汁好香濃同多，令到d肉好入味，又有好多薑，完全唔會有腥味。另外值得一提係d薑切到勁薄！第一次見亦都第一次會食甘多薑落肚。因為薄所以唔會覺好辣，但又食到薑戈種香味！星洲黑胡椒螃蟹愛食蟹之人一定要食！黑胡椒令蟹更惹味，但有少少辣。蟹殼基本上已經幫手整碎，都唔洗用太大力拆殼蟹肉都幾多同大舊，我幾乎一個人食左半隻如果可以，再入味少少就更正

中菜一向都係柑子的最愛之一，今天來到樂天一試他們的名菜前菜附送的花生和栗子栗子甜度適中，花生浸得很腍，食落油香吸收了栗子的味道藥材燉走地雞湯($168)入口藥膳味濃，當歸黨蔘的味道豐富，燉湯時已經將走地雞的精華全部溶入湯內，但雞肉的肉質仍很幼滑，服務員幫你倒完第一碗湯後，會幫你一直用爐火保溫，而湯的分量極多，差不多有六碗的分量，足夠四至六人共享。阿婆苦瓜炒蛋($63)簡單的菜色卻處理得極好，先炒苦瓜再下蛋漿炒成，炒蛋本身不厚而每口都可以品嚐到苦瓜的苦中回甘，令人想起了《苦瓜》那首名曲。香酥南乳五花肉($88)南乳香味四溢，外皮南乳脆而薄，五花肉多汁嫩滑，師傅的功夫出色，可以將油脂多的五花肉炸成入口很香滑而帶咬口的豬頸肉一般。而外表薄而沒有炸焦亦見功夫細心。四大天王($68(小))由秋葵、甜豆、四季豆、茄子的菜色，以甜酸汁作底，每種菜也炒得很爽口，當中連秋葵很難處理的食材也炒得沒有太多的潺汁。黃金蝦球($138(小))極品！無可否定的一道必試菜色！咸蛋黃炸出的外層及蝦肉可謂絕配！大蝦肉非常鮮甜，帶出咸蛋的咸香，而新鮮炸起的蝦球半軟半硬的口感，再加上外層帶流沙的感覺絕對一試難忘，而且分量十

位於奧海城二期的樂天經典，主打粵菜，水準十分不錯。製作螃蟹的菜式需二十分鐘左右，所以一坐下便點了一客黃金焗螃蟹。其他菜式約五至十分鐘便來到，頗為快速。侍應在開枱時會送上一碗熱茶和花生小吃。花生的口感粉粉的，味道微鹹。第一道為喇沙湯海鮮米線 (Thick Vermicelli with Seafood in Laksa Broth)。這道米線是個人十分欣賞的菜式。半熟蛋的質感十分滑溜，軟軟的，蛋白熟了但是蛋黃部分仍是半熟的。其他配料包括有蝦仁、鮮魚片、蟹柳、豆腐卜等。喇沙湯底十分惹味，味道微辣，又能嚐到點點的椰漿味。豆腐卜吸滿了湯，十分滋味。黃金焗螃蟹 (salted Egg Yolk Crab) 來到了，這裡用上一整隻約1.2斤的螃蟹，十分足料。面頭的鹹蛋黃醬夠多，所以螃蟹的鹹味濃郁，而且選用的蟹夠高質，肉多而飽滿，而鹹蛋黃醬送飯簡直一流。這菜色可以三至四人享用。下一道菜為招牌扣肉包 (Stewed Pork Belly served with lotus bun)。這款肉包可以一件件落柯打，不怕吃不完。扣肉炆了幾小時，所以肉質十分鬆化，而且一片肉肥瘦相間，口感十分豐富。最後點了蒜香排

呢間主打南洋風格，同朋友常常幫趁，貪佢平日午市不太要等位，而且粉麵飯甜品有半價。之後試過招牌扣肉包同espresso脆雞，一試便愛上。仲有黃金脆蝦同甜酸魚塊都係本人至愛。呢間餐廳茗茶可選普洱或者香片，個人比較喜愛呢度既香片夠清香，必選。今次再食扣肉湯米線同楊枝甘露。米湯多數有得揀辣同唔辣，唔辣個湯夠鮮，辣湯都唔會太辣👍因為今日比較多人，所以搭左枱，同另外三夥人坐一張大枱。我地每夥人都出現一道菜，就係扣肉湯米線喇，招牌果然係招牌呀!

再一次嚟樂天，就係想食多次經典嘅中菜。裝修一如既往金碧輝煌。一坐低就送上小食，可以食住睇叫咩餸同等餸到，好貼心。海鮮皇炒飯有蝦，帶子，魷魚，蟹子配上蔥花，。可見材料豐富，絕不馬虎。而且每粒飯都俾雞蛋包住，粒粒都係金黃色，盡見廚師嘅功夫。最重要就係有鑊氣，係咁凍嘅天氣下食，暖在心頭。砂煲天麻黃酒雞冬天要滋補吓，就叫咗黃酒雞煲，有中藥天麻麻，可以補身養血氣，重可以驅寒暖胃。而且黃酒較為香甜，同爽口嘅雞係絕配。值得一讚嘅係服務好好，定時幫我哋換哂D碗碟同加返D熱茶，加哂分

大家不要以為吃中菜來來去去就得幾款！如果餐餐都肉餅或者生炒骨，的確會厭！ 想有新意思？推介大家來樂天經典！ 這裏不是有新菜式每次來都有驚喜， 怪不得常常都爆滿客啦！ 而且這裏環境寬敞，坐位與座位之間空間感十足， 吃飯傾心事都無咁易畀隔離位聽到啦！ 店舖雖然坐落於黃金地段奧海城，但是價錢卻非常大眾化， 而且款式設有小中大三個價位， 就算二人小家庭 或者一大班人嚟， 都滿足到不同需要~而且雖然我們叫的大多以小點為主， 想不到已經甚有份量！ 每日都要嘆一杯咖啡的我， 當見到有這款咖啡脆雞， 當然要試下啦！ 第一次食到咖啡味的炸雞， 一上檯香到不得了， 就好像一杯香濃的Latte放在面前一樣，令人不期然深深的呼吸了一下，好讓那香氣彌漫在身體內的每一處~ 吃起來亦有驚喜，皮炸得恰到好處，就是一咬下去，皮會卜滋一聲的，香脆得來感覺沒甚油膩感！雞肉亦保持到嫩滑的質感，還有絲絲雞油滲出來，而且味道帶有咖啡的甘味和香氣，還有微辣感，覺得好有特色之餘又覺得好味道！ 我超鍾意食魚，呢味花菇雲耳蒸鱸魚片就啱曬我！亦都好啱啲怕魚骨所以抗拒食魚的人，尤其小朋友！ 因為爐魚已經預先起肉拆骨之後再連同金針雲耳一齊蒸

唔知點解有啲年輕人會覺得食中菜老土，利申先：我都係年輕人嚟。今日就帶兩個朋友嚟食奧海城嘅中菜。雖然只係星期三，但都有唔少人喎。西洋菜蜜百香果凍茶 ($28)一個好特别嘅凍茶，中菜味道偏鹹，所以呢杯茶就夠解渴喇。藥材走地雞煲 ($168)藥材味唔算太濃郁，但雞嘅鮮味就好特岀。都幾掋飲，大概分到四至五碗，飲完仲有雞食。海鮮皇炒飯 ($96)好豐富嘅一個炒飯，有炒蛋、蟹籽、蝦同埋帶子。炒飯都做得幾有咬口，炒得香口同粒粒分明，但未去到好乾身。櫻花蝦四季豆 ($82)我就最鍾意食呢道菜，翠綠嘅四季豆炒得超爽脆，加埋櫻花蝦好香仲好有口感，一定要嗌！椰子西米露湯丸 ($36)最後嗌返個糖水先。椰汁味非常好濃，有西米就唔算多，味道我就覺得甜咗啲。但最緊要都係有嗰兩粒芝麻湯丸姐。

奧海城有間非一般的中菜館，聽説價錢合理，環境舒服，今晩一行三人來試試。先叫杯蘋果荔枝凍茶 ($28)，味道清甜解渴，如果少甜一點會更好。老實説，招牌扣肉包 ($23/個) 真的頗油膩，但真的太好吃了。豬腩肉煮得軟腍入味，厚身啖啖肉，夾在包子裡真的滋味可口。古草魚香老鼠粉煲 ($108) 又是什麼來的，主要用了鹹魚熬製，淋上鹹魚檸檬汁，像湯羹一樣好喝。老鼠粉基實就是銀針粉，口感順滑煙韌，是必吃！傻寶寶還真的以為是用老鼠用呢。。。餐廳還有多款蟹菜，其中花鵰蒸蟹 ($348) 最為清淡。大大份的蒸蟹足夠三至四人分享。蟹肉鮮甜嫩滑，還有很多惹味蟹膏，非常好味。請間中菜竟然有道咖啡脆雞 ($98)？聽起來玩味很重，是伏嗎？原來味道十分夾。外皮炸得香脆的雞，有香濃的咖啡味，還有杏仁片，而肉質竟是嫩滑多汁，是必叫之選。

早前樂天皇朝那篇食評都有提到我係樂天的粉絲，樂天經典係改名之前食過一次，跟樂天皇朝一樣同樣地質素高，得知餐廳改左名一排，就黎睇下佢究竟有咩分別餐廳位於奧海城，佔地大，空間感十足，茶具小食同其他樂天餐廳係一樣的正值冬天，係食蟹的好季節，餐廳都特意推出幾款期間限定蟹菜色玫瑰花茶 ($26)除左玫瑰花，另外仲加入了勿忘我，兩者都有美顏的功效，女士們飲都岩晒金銀蛋浸時蔬 - 小 ($85)多款小菜都有分大、中、小，相信香港都無咩餐廳有呢種安排，呢個做法實在好貼心，有時候兩個人食中餐實在好難叫食物，係呢度就可以省卻呢個煩惱，迎合到不同人數用餐的需要，呢碟金銀蛋浸時蔬就算係小都好大碟，金銀蛋俾得夠足料黑胡椒蟹 ($348)自從對上一次去星加玻食過胡椒蟹之後都無食過了，今日黎到樂天呢間星加玻餐廳，重遇了呢款菜色，一隻蟹的份量，但已經相當大隻，黑胡椒香氣逼人，十分惹味，蟹好厚肉，好味得連手指頭的胡椒醬汁我都唔放過，呢碟黑胡椒蟹絕對比我係星加玻吃到的某幾間還好砂煲花菇西蘭花扣海參 - 小 ($198)海參比較難處理，如果唔係媽咪煮我都比較少會自己整黎食，出街食就乾手淨腳，海參同花菇同樣地又大又厚身，用砂