影片
更多
2018-01-22
99 浏览
今晚終於同老公媽媽約左一齊食飯，揀左間餐廳係奧海城，位置好方便容易拍車！餐廳環境乾淨，裝飾簡單又大方，地方寛敞，員工服務都唔錯，食物款式好多，每次黎都可以試到時令菜色，今次就係我最愛既蟹之惑本身想叫新加坡最出名既胡椒蟹，不過媽媽唔食得辣，最後選擇咗黃金焗螃蟹，超級大隻而且好厚肉，有大約1.2斤，咸蛋黃鋪滿成隻蟹，味道濃郁，香氣撲鼻用手食食到手指都要啜埋三杯鴕鳥肉煲 $118鴕鳥肉好入味又夠軟嫩，加上薑片、九層塔等，上枱已經嗅到香味，人小小食唔到太多可以叫個細size，多數菜式都有3個size選擇，可以減少浪費！ 錂魚抄油麥菜 $75錂魚份量比較小，不過油麥菜幾嫩，唔算好油，加上豆豉、紅椒，好簡單既一個菜，味道唔錯。咖啡脆雞 $98南洋獨特嘅創新料理，用咗咖啡豆&雞製作的一道菜，炸雞外面有好香既咖啡味，帶小小甜甜苦苦既味道，鍾意咖啡既朋友一定要試，咖啡香味滲入雞塊裏面，雞肉仲可以保持嫩滑柔軟，係一味好考功夫嘅菜式 今晚依餐大家都好滿意，期待下一次你再試吓其他唔同嘅食物！
餐廳環境乾淨，裝飾簡單又大方，地方寛敞，員工服務都唔錯，食物款式好多，每次黎都可以試到時令菜色，今次就係我最愛既蟹之惑
本身想叫新加坡最出名既胡椒蟹，不過媽媽唔食得辣，最後選擇咗黃金焗螃蟹，超級大隻而且好厚肉，有大約1.2斤，咸蛋黃鋪滿成隻蟹，味道濃郁，香氣撲鼻
用手食食到手指都要啜埋
三杯鴕鳥肉煲 $118
鴕鳥肉好入味又夠軟嫩，加上薑片、九層塔等，上枱已經嗅到香味，人小小食唔到太多可以叫個細size，多數菜式都有3個size選擇，可以減少浪費！
錂魚抄油麥菜 $75
錂魚份量比較小，不過油麥菜幾嫩，唔算好油，加上豆豉、紅椒，好簡單既一個菜，味道唔錯。
咖啡脆雞 $98
南洋獨特嘅創新料理，用咗咖啡豆&雞製作的一道菜，炸雞外面有好香既咖啡味，帶小小甜甜苦苦既味道，鍾意咖啡既朋友一定要試，咖啡香味滲入雞塊裏面，雞肉仲可以保持嫩滑柔軟，係一味好考功夫嘅菜式
今晚依餐大家都好滿意，期待下一次你再試吓其他唔同嘅食物！
张贴
