樂天經典 (奧海城二期)

营业中

休息中

香港真係咩都有得食，當你掛住新加坡胡椒炒辣蟹時，比我發現樂天經典有得食！我發現樂天有好多種類餐廳，本來以為同青衣間上海菜差不多，原來奧運站呢間別有洞天。首先，環境真係不錯，空間闊落，坐得舒服，食物上得快，放工肚餓去最好。平時要食胡椒辣蟹可以打電話book位時候講定，確保有得品嚐美食，呢隻蟹都真係幾大隻，我地話無需少辣，正常味道就可以，所以胡椒味道夠，辣得夠爽，蟹肉鮮味加埋呢個汁，一解我對新加坡美食相思之苦。除左蟹，呢度D前菜我都好中意，特別係呢個脆炸美人魚，其實系蜜糖炸魚仔，食落好似雞泡魚乾，配合蜜糖加少少辣味，好好送飯。而且呢D魚仔好有鈣質，我超中意食。除左脆炸美人魚，涼拌海蜇頭都係我最愛。喜歡醬汁送飯，除左咕咾肉之外，呢個青芥末蝦球真係我必點，酸酸沙律汁配合不會攻鼻wasabi味，小朋友一定愛不釋手。呢個南乳羅漢素菜煲真係好入味，以前新年我最中意媽咪煮南乳通菜，呢個菜完全搵返童年回憶。油浸銀鱈魚煎得好好，銀鱈魚本身油脂豐富，香煎就最適合，平時食都係點沙律醬食，今次就用豉油油浸，魚肉嫩滑，外脆內嫩。整體而言食物同環境都一流，適合一家大細食飯，而且每碟菜都有大中細份選擇，吾怕食物太大份

間餐廳係奧海城入面，出咗地鐵站之後行動2分鐘就到，因為我地係週日去所以唔多人~我地嗌咗佢地嘅招牌菜 — 古早魚香老鼠粉煲，味道好特別，有少少酸，用料豐富，份量多，如果兩個人食嘅話嗌最細嘅size就好夠~除些之外，知道呢間餐廳有賣蟹，店員推薦我地嗌星洲黑胡椒螃蟹，個醬好好味！！！！！本身唔中意食辣，雖然有黑胡椒，但味道唔辣，唔食得辣都可以試吓~最後想讚吓呢間餐廳嘅服務好周到，食蟹會比手套、消毒紙巾、圍裙等等，唔會成隻手都有汁~

今日去大角咀朋友家玩，朋友推介來這家 名字特別的中菜，一上網睇，大有來頭。一班人12人準時8點入座，坐定定就已經要俾個LIKE 先。座位闊落，12人加個BB車都坐得舒服。看餐牌上主菜都有分大、中、小 的份量，可根據人數來定大小。我們12人當然全是大啦!~~我們叫了東坡肉包子、炸美人魚、炸淮山、南乳炸雞亦、鐵板豆腐、皇牌排骨、(英)花蝦四季豆、馬來風光、苦瓜炒蛋、海鮮面線以上的全部都好好好食，一來到就被人清碟，我手腳太慢未能留影!~!~重點推介: 鐵板豆腐、東坡肉包子、皇牌排骨1) 鐵牌豆腐 好滑，入口即化，味道不會太濃，是偷飯賊2) 東坡肉包子 樣子邪惡得令人想卻步，但佢味道太吸引。東坡肉 好淋而且好入味，食完唔覺得肥膩(2個SHARE 1個包)，一試難忘。3) 皇牌排骨 每件都好大件，但很淋，不會有坊間所有大件肉都 OVERCOOK 的情況。最後就算好飽都叫了一個湯圓西米露來作結，也沒有令我失望。總體來講，全餐飯是由頭好到尾，沒有一個菜有令我失望，十分難得。

平時出街食飯，中菜多數是上海、廣東、四川等菜式，今次試下這個比較少見的星馬菜。餐廳門口有主推的蟹之惑，喜歡食蟹既我緊係要試試啦。黃金蝦球:蝦球有六隻，全部都已經去掉外殼，每隻蝦表面都均勻地沾滿了咸蛋王，既有蛋的咸香同時又有蝦肉的爽彈感覺，非常香口惹味。古早魚香老鼠粉煲:上枱後店員會即時為我們撈上咸魚檸檬汁，並叮囑要盡快食用，因為凍左之後會比較濃稠，味道無之前吸引，老鼠粉其實是銀針粉，有咸魚的香味同時有帶點酸，能減輕飽滯感，而且裏面還有蝦肉及椰菜花，有點似中式Carbonara。星洲黑胡椒螃蟹:萬眾期待的胡椒蟹，蟹肉結實且鮮甜，雖然無蟹膏，但胡椒味濃郁且香口，非常惹味。三色桂花斑蘭糕:淡淡的斑蘭及桂花香味，兩者香味各有特色，䨝且不會被另一款味道蓋過，甜品甜而不膩。

昨天朋友新居入伙，我們去了位於奧海城二期的樂天經典食晚飯。這裡是一間南洋中菜的餐廳，這裡地方很整潔光鮮，而且坐位也很寬很舒服。由於是食南洋菜，當然要食海鮮，所以我們點了些海鮮冰鎮苦瓜，真的很特別，很小地方食到的手功菜，苦瓜很新鮮，爽口，放在冰粒裡份外涼快，點桂花糖來食，有桂花的甜味，減少了甘苦味道，而且如果食得多煎炸食品，吃這個，可解熱氣。脆炸美人魚，脆卜卜，十分香口，作為餐前小食，十分適合，如果餸啤酒，更是一流。黑胡椒蟹，蟹非常厚肉和大隻，黑胡椒卻十分惹味，有胡椒的香科味，但不會太辣，適合香港人的口味。古法蒸黃花魚，黃花魚肉質細，記得小時候，黃花魚通常是煎的，而蒸能帶出魚的鮮甜味道，好餸飯啊。青芥末蝦球，即使是叫細碟的，但蝦的數量都不少，而且蝦個頭十分大隻，份量不少。砂煲花菇西蘭花扣海參，花菇好大隻厚肉，而海參十分彈牙，賣相亦十分得體海鮮皇炒飯，食中菜要有飯才算完整，炒得好香飯味楊枝甘露，這個甜品都不錯，用新鮮金柚肉，甜得來有些金柚的澀味，這種味道是最自然的。總結：樂天經典是間不錯，又特別的餐館，南洋中菜，以中菜的主幹，但帶些東南亞的味道，確實與別不同，值得一試。

經過奧海城見到這間樂天經典在此地段但跟外面大排擋差不多價錢，小食全部都是由幾十元起，而且有得選擇大中小份量，人少少唔驚食唔哂。酸辣素羹這個湯跟平時食上海菜的酸辣湯相似，有豆腐、木耳、菇及蘿蔔等配料，湯帶微辣但酸味十足，非常開胃。家鄉滷元蹄整鍋元蹄下面有小火熱著，不怕放涼後表面凝固油脂，元蹄炆得肉質鬆腍，表皮骨膠原豐富，入口即溶，而且非常入味。星洲黑胡椒螃蟹似乎是其中一款招牌菜，整隻蟹約有1.2斤，黑椒味香但不會蓋過蟹肉鮮味，蟹肉結實而且是新鮮蟹，肉鮮且甜，加上惹味黑椒汁，喜歡吃濃味的朋友一定要試。馬來風光又一味馬來菜式，辣椒加些好似咸魚碎的醬汁炒通菜，通菜炒得翠綠而且爽脆，醬汁惹味。最後食左咁多濃味食物飲返杯清清地帶點微酸的檸檬薏米水，去除口腔內的油膩感。

朋友今晚話帶我去奧海城二期食好嘢話呢一間樂天經典既楜椒蠏好食到停唔到口仲要有好多款特色小菜任君選擇嚟到呢度一定要食佢哋...新加坡蟹之選拉地方好寬大....而且未夠七点鐘已經座無虛席首先我哋叫咗個頭盤...冰鎮苦瓜呢款菜式係我絕對推介嘅因為佢哋嘅苦瓜切得十分薄片而且青中帶甘...完全冇苦瓜嘅苦澀味最重要係冰冰凍凍...再加點蜜糖食相當清新之後嗌咗一個脆波波嘅小食...脆炸美人魚...脆卜卜勁香口之後到主菜....黑胡椒蟹隻蟹大隻到不得了...而且亦喺呢度嘅招牌主菜之一而且個胡椒味亦冇蓋過成隻蟹嘅鮮味真係啖啖肉再嚟多一個...沙煲花菇西蘭花扣海參...今餐真係夠曬滋補而且條條海參都好肥美...大花菇亦都好入味....隻隻都好厚肉...用嚟送飯一流呢個亦都係惹味之選...係我推介必叫選擇...青芥末蝦球因為成隻鮮蝦好大隻...再加以芥末嘅味道食落去好野味仲嗌咗一條....古法蒸黃花魚...肉質鮮嫩細滑。最後叫多一個海鮮皇炒飯....真係食到肚滿腸肥其實呢度仲有一個好處...係有啲餸嘅分量會因應不同客人有大中細碟之分別...當然亦係不同價錢啦....但係就可以因應你不同客人嘅數量黎選擇👍🏻

邂逅固然要等待，一路知道這餐廳主打食蟹，躍躍欲試，今天我終於來到了奧海城的樂天經典，一嚐蟹之惑的魅力。店內裝修清新脫俗，即使座無虛席仍然可以舒適地用餐，點餐前店員盛上一壺熱茶，盛茶的銅壺、茶具都雅緻非常。打開菜牌，以蟹作為推介的菜色非常吸晴，做法亦盡顯廚師的功架，嗜辣的可以揀選辣椒🌶炒或者星洲風味的胡椒蟹，想吃鹹香脆口可以揀黃金焗，愛清淡酒香的自然就選花雕蒸蟹。今天我就點了富地方色彩的胡椒炒蟹，上菜的時候，濃郁的胡椒味四溢，陣陣蟹肉飄香再也按奈不住，先由蟹蓋開始，掀起蟹衣隨之而來啖啖蟹膏，蟹㟛滑嫩，肉質鮮美、惹味的胡椒徘徊係蟹汁和蟹肉之間，果真齒頰留香，好味指數滿分為了一試廚師嘅拿手好戲，策略性地點了黃金蝦球，果然不負眾望，鹹香甘脆，入口creamy即時食指大動古早魚香老鼠粉煲，或許是這個有趣的名字，我就點來一客小窩原來就是我們常吃的銀針粉，有點像西式的芝士忌廉，砂鍋裡有半生熟的窩蛋伴着濃濃的上湯，上菜時即埸混合了一小牒鹹魚柑桔蓉、咸咸酸酸的，醒胃卻不搶味，確是很特別的做法這一頓午餐，讓我認識到樂天經典，確係一間有質素的食店，不謹食材嚴謹，廚房了得，店員內㚈，服務水準都甚高，獲獎確是實

今天經過奧海城即興地想吃中菜，看見這間餐廳座無虛席，顯然值得一試。被安排入座於卡位，坐得相當舒適。先點了星洲黑胡椒螃蟹，肥美的螃蟹啖啖肉，用炒香後的壓碎黑胡椒，配上多種調味料烹調，味道濃郁帶點辛辣。飽滿的蟹肉，加上令人難以抗拒的橙紅色蟹膏，令人一試難忘。再點了古早魚香老鼠粉煲，用砂鍋盛載著的老鼠粉，別有一番風味，老鼠粉即是我平時最愛的銀針粉，先把蛋黃拌勻，然後加入檸檬汁同鹹魚蓉，鹹香得宜，帶點微酸頗為開胃。加上不少合襯的配料，例如香菇粒、椰菜花、肉碎、蝦仁等看似大大煲，但吃著吃著一下子便清光了。為了滿足自己想吃飯的心，便多點了一個手剁馬友鹹魚馬蹄蒸肉餅。肉餅滲岀淡淡的咸香，馬蹄爽脆更增添口感，配上啖啖白飯，讓人停不了口。

要不是之前從朋友那裏收到一張這裡的優惠券，也不知道樂天皇朝還有這樣一間姊妹餐廳。平日晚飯時間人流還不算很多，二人用餐很快就可以入座了。↑先來個小食，這個菜單上叫「美人魚」的炸魚仔脆脆的，帶輕微的辣，實在很惹味，很適合做下酒菜。↑這裡蔬菜菜式選擇不多，最後我們選了金銀蛋浸時蔬。賣相非常一般，好像很「求其」的堆在一起就上菜了，還好味道不算太差，只是有點太鹹。↑鐵板豆腐有微辣和不辣的選擇，我們要了不辣的。豆腐應該先紅燒了再放在煎蛋上，再加上有冬菇和肉碎的醬汁。用來撈飯應該也不錯！↑原本想吃的咖啡雞在下單時店員才表示沒有做這道菜，失望之餘也不知道到底是賣完了還是怎樣🙁改點了小份的黃酒雞，上菜的時候酒香濃濃的很吸引。可是吃下去便愈吃愈失望，雞件切得很細而且基本上全部都是關節位置，吃不到甚麼肉之餘還因為雞件是斜切令骨頭都很尖，要吃得很小心很勉強才不會令嘴吧受傷p.s. 菜單上有很多菜式都有大中小的份量選擇，這確實很貼心。所以我們下單時也會表示我們要小份就好，以免廚房誤會。誰知道替我們下單的店員卻一臉嫌惡的回我們一句「得㗎喇，知㗎喇」，彷彿二人用餐就預先設定了一定是小份的，不容客人多說。這種感覺真的

餐廳地方大, 環境優美,坐得舒服, 格錢不貴~值得一提的是湯水,呢到湯水認真落足料, 店員會幫手整理湯渣,湯的味道十分濃, 落足料既老火湯, 香港人經常食太多油脂肥膩野,多飲湯對身體有絕對性的好處, 尤其出面少有咁靚既湯, 黎到餐廳必叫的!銀雪魚, 魚身算大件, 深海魚黎講份量算多, 味道係好既, 小油, 我覺得煮既技術係高的, 不是胡亂煎熟就算,魚身十分鬆軟, 味道小甜, 值得一試的菜.蟹主要係香, 原隻上, 佢保持到蟹既鮮味,  海鮮最緊要係新鮮,新鮮先可以發揮到海鮮本來既味道, 如果唔係會明顯淡得黎,仲會有小小怪味走左出黎, 但呢間沒有, 絕對係新鮮既食材.尤其凍既日子食會比較暖身!這間餐廳環境十分好, 服務都是,食物質素也高, 但價錢也只是100左右, 絕對抵食!

午市店內經常座無虛席 出外人龍等候 5位以上可以預先book枱!!!店內主要出品系南洋特式菜餚1️⃣椒鹽鮮准山 $55外面餐廳唔多有鮮准山食意想不到鮮准山系頗好嘅食材椒鹽外脆 配上 內裡准山嘅少少爽 不錯細細舊 傾計食食下就無哂lu~~~正!!!2️⃣手工豬肉蝦棗 $68同小編嘅expectation 有少少唔同佢系豬肉多 蝦就比較少 .......食落口感系偏實嘅 一般般3️⃣菜粒肉碎豆腐 $98 必食!!! 出色菜餚 豆腐外面系煎過嘅皮 內裡滑嘟嘟重點系個菜粒肉碎汁 令菜餚升級好食叫番一碗白飯食一流😋😋😋

相信唔少人，一大班朋友，都會去餐廳叫餸食飯，不坊考慮下依一間。位置奧海城商場入面既。室內環境優雅，而且座位寛鬆,大家坐起上黎唔會話好逼夾。係一個唔錯既地方。仲有客人既服務態度十分良好，先唔好講食物，依一點已經令人有回頭既感覺。招牌扣肉包一定要試下，扣肉同包係分開上的。包唔會太厚，而且肥豬肉厚厚的，夾埋一齊食 個口感係正到不得了。有種類似食漢堡包既感覺。十分特別。手工蝦棗，我係第一次食，見幾好食咁。油炸既，但感覺又唔會太肥，食落去啖啖蝦肉，十分有滿足感。下一次黎到都一定要食，不訪同大家推介一下。油浸銀雪魚，較清淡既口味，只有清清既豉油配上夾上爽口清甜既銀雪魚。如果配上一個白飯簡直係絕。只係可惜當晚全都係肉食唔落飯了。期待已久既黃金焗蟹，本人係十分喜愛咸蛋黃既人，蟹既新鮮程度是十分讚的。再加上蛋黃嘅配合簡直天衣無縫，但係十分濟，只可以一大班人一人一舊先得 。若果行開奧海城 不如去試下！

旅行去星加坡，給人的感覺就是:「悶！」「4日都太多！」「點解唔去日本？」的而且確，星加坡有的，香港也有！好多人會話，星加坡的肉骨茶和胡椒蟹仍然有優勢，單單是去吃一個胡椒蟹，也已經值回票價。肉骨茶，我也贊成香港總未能超越星加坡，但胡椒蟹，今天我卻在香港找到了！要不是朋友推薦，我也未必可以發現呢間樂天集團的餐廳，原來有胡椒蟹食！餐廳位於奧海城，這個商場對我來說，冇乜特別野行，為既只係一碟胡椒蟹。大約6:30到達餐廳，餐廳未算多人，但到了大約7:30，已經爆滿。茶芥每位 $8，而小食就每碟 $15，每4位會加多一碟，如此類推，價錢都算合理。餐牌既首頁就有一D比較特式既食物，除佐有胡椒蟹外，還有辣椒螃蟹，黃金焗蟹，和花雕雞油蒸螃蟹。其實4款特式既蟹都好吸引，但係最後我都只係食佐胡椒蟹，不竟眼闊肚窄，下次要約多D人來才可以多試一點。飲品方面也有一些比較特式的花茶，最岩我呢D只愛凍飲，卻又總想食得健康一點的「麻煩友」。藥材燉走地雞湯 $168對於我呢D總缺一口湯水既白領來說，一碗無味精既老火湯尤其重要，和尤其特來不易，而呢度就正正有得提供。呢個湯用佐鮮雞，玉竹，當歸，杞子，淮山，甘草，黨參，北耆，

今日放假又係出街搵食嘅日子啦 同朋友去開奧海城行街 見肚餓就搵間地方食lunch啦 就不如食好少少 食多啲嘢 所以就去咗非常之有口碑嘅樂天經典好食午餐呀招牌扣肉包 幾有特色 食嘅時候需要用手將個包搣開 然後擺一塊扣肉入去個包入面 扣肉肉質鮮嫩可口 唔係太肥膩 而且扣肉醬汁個味較得好好 搭配鬆軟嘅包皮一齊食非常之有驚喜沙煲天麻黃油雞 黃油雞真係黃油雞 肉質嫩滑 啲雞黃油一直咁樣不斷湧出 而且由於係用砂煲嘅關係 上菜好耐之後雞嘅溫度都保持得好好 而天麻香料嘅味道亦都非常之入到雞肉入面 雞肉嘅味道層次分明三杯酒鴕鳥肉煲 眾所周知 鴕鳥肉係一種低脂嘅食材 而家香港唔係度度地方都有鴕鳥肉食 所以係必食之選 正所謂三杯酒 就係用酒去煮呢個菜式 鴕鳥肉既味道 喺酒嘅襯託之下顯得好出 而且鴕鳥肉一啲都唔靭 亦好新鮮 搭配著乾薑片 令鴕鳥肉嘅味道 增添更多鮮味 而且酒香完全可以辟除鴕鳥肉嘅腥味 值得一讚咖啡脆雞 心情驚喜 咖啡脆雞 顧名思義就係將隻雞炸到好脆 然後用咖啡汁去煮 呢道菜嘅咖啡汁唔算好苦 而係甘中帶甜 而加咗杏仁 令到個雞肉嘅味道增添唔同嘅層次 即使本人一向好少飲咖啡 但係試咗第一口咖啡脆雞