樂天經典 (奧海城二期)

营业中

休息中

印象中樂天經典既小菜味道出色，價錢唔貴，所以今次黎到奧海城毫不猶豫就揀番呢間餐廳三杯鴕鳥肉煲（小） $118第一次食鴕鳥肉，出乎意料既滑嫩，同滑牛質感幾似菜香鐵板豆腐 （小） $98Encore 之選，個汁有微辣既菜甫，真係好送飯，同埋啲豆腐好嫩架！呢個已經成為我每次幫襯都必點嘅菜式黑胡椒蟹 ＄348侍應推介我哋試吓呢度嘅蟹，有四款選擇，見價錢真係幾抵所以就嗌左一個蟹試下～本身係好大隻既肉蟹所以啖啖肉蟹肉十分鮮甜，胡椒味重，幾惹味吖海鮮皇炒飯 （小） $96個炒飯比想像中出色，首先價錢相當實惠，但係份量一啲都唔細㗎，四個人食每人都有一碗，再者就係配料相當豐富，真係每一啖都食到帶子、蝦肉，同埋蟹籽啲飯炒到粒粒分明而且幾乾身，口感都OK！食物質素、環境同服務都咁好，價錢又唔貴，不得不推薦

之前同朋友嚟食過一次，覺得價錢不貴，味道又不錯，所以今次帶埋阿爸阿媽嚟食，質素依然keep到~新加坡胡椒蟹，上次嚟到啱啱好賣完最後一隻蟹冇得食，所以今次黎點都要試下！ 上枱既時候真係嚇親，好大隻蟹呀~勁重黑胡椒味，非常香口，加上蟹肉非常飽滿結實，真係一啖一滋味~ 份量較多，三個人食岩岩好燒豬頸肉，外層燒得香脆，內裏依然香嫩，唔會的燒得太煙韌，送飯一流~星洲醬蒸大魚頭，非常抵食，有小腥但不影響味道，重點係個醬好惹味特飲一杯~解渴用~好強烈嘅花香，不過對我黎講甜左小小~

樂天經典源於一部份中國人移居東南亞、把南洋風味融入在經典中菜中、令菜餚配搭更有特色。菜香鐵板豆腐 $98簡單的鐵板豆腐淋上菜心製成的肉醬、微辣惹味、豆腐滑溜。家鄉鹵元蹄 $148一大盅炆得軟腍的元蹄送上來、皮有滿滿膠質、肉夠軟滑、炆得好香。古早魚香老鼠粉煲 $108 - 又一驚喜菜式。第一次吃老鼠粉才知道是小時侯吃的銀針粉、它加入鹹魚、炸菜、蛋、冬菇、蝦等材料、口感豐富、味道調得剛好、濃稠適中。四大天王 $102 有齊秋葵、甜豆、四季豆、茄子、茄子的軟稔跟豆的爽脆、配上微辣的醬汁十分惹味。黃金焗螃蟹 $348鋪滿鹹蛋黃的焗蟹富鹹香、蟹大隻多肉、送飯最正。家人為著蟹而來、反而我覺得它的家鄉小炒更富特色、在其他地方不常吃到、喜歡南洋中菜的朋友不妨一試。

呢間餐廳看似主打廣東菜 但同時有各種亞洲風味嘅菜式 例如新加坡炒蟹 喇沙米線 泰式椰汁糕.特別之處 係每道菜都有 (S/M/L) 分量可供選擇💁🏽‍♀️ 🍎👧🏽每次都會叫細份(S) 可以每樣都試啲🤣－－－－－－－－－✔️古早魚香老鼠粉煲 (S) $108👧🏽必點的菜～呢個份量兩個人食 每人都有兩碗左右👅老鼠粉唔會過淋 配料好足 有椰菜花🥦 大大隻又爽嘅🦐 加左雞蛋 味道更濃郁 碟仔入面 係檸檬汁+鹹魚碎 絕對係呢道菜嘅精髓😎 鹹魚帶出香味 檸檬汁就可以解膩.⭐️評分：8.5/10.✔️櫻花蝦四季豆🦐🌱 (S) $52櫻花蝦炸過之後脆卜卜 好香口😼份量好多四季豆同平時食差唔多 不過呢個組合相對清淡啲⭐️評分：7/10.✔️酸甜鱸魚片🐟 (S) $108以為同平時嘅咕嚕魚塊差不多 點知竟然有驚喜😲 魚片外層脆漿唔厚🤩 魚肉真材實料👍🏼 有少少骨 絕對唔係出面食嗰種白雪雪既魚柳 醬汁甜酸度不錯 ⭐️評分：7.5/10－－－－－－－－－食物質素非常有驚喜 種類亦很多 呢度嘅甜品 同埋粉面 特別得黎又好食😋 仲有近期主打嘅蟹類菜式🦀🦀 行開奧海城嘅話 不妨試吓😎.

黃金焗蟹餐牌顯示每隻螃蟹約1.2斤，光看蟹鉗已覺很有份量。本身喜愛蛋黃的鹹香，而且蟹肉肉實膏香，一絲絲蟹肉相當誘人。店員送上焗蟹同時，也提供圍裙和濕紙巾，以免客人弄髒衣服，餐廳安排細心。古早魚香老鼠粉煲（小）老鼠粉即是銀針粉，粗身但口感順滑。煲中加了鹹魚、肉碎、蛋白、菜心粒、還有很爽口的蝦碌，味道濃郁美味。我們點的是小鍋，然而份量已是足夠4-5人用，抵食👍當歸花菇雲耳蒸鱸魚片（小）廚師蒸魚火候把握準確，鱸魚片蒸得恰到好處，嫩滑而且全無腥味。三色桂花斑蘭糕飽滿杞子和桂花的那層很清新，其餘兩層分別是斑蘭和椰汁糕，是一道不錯的飯後甜品。

同爸爸媽媽食飯，一般都係會配合番佢地嘅口味揀番粵菜。今次去左呢間位於粵海城嘅樂天經典，價錢合理之餘味道仲一流非常值得推薦呀😁我地大概7點左右到，已經勁多人食緊飯，好彩有book定枱。餐廳食物選擇相當豐富，我地第一次食，就主要揀左啲廚師推薦嘅菜式。黃金焗蟹見餐廳好似推緊期間限定嘅蟹，我地就揀左其中一款黎試。近排好流行咸蛋黃口味嘅菜式，我地就揀左黃金焗蟹。隻蟹都想當大隻，黎遠已經聞到陣蛋黃香。師傅細心咁將蟹殼剪開，等我地可以易啲食到入面嘅肉。咸蛋黃非常惹味，配合埋鮮甜嘅蟹肉食相當出色。呢個蝦棗亦都相當唔錯，外層炸到脆卟卟嘅金黃色，咬入口有豬肉粹同蝦，好似食緊點心咁。呢個豬手超好食!!!鍾意食豬手嘅人千其唔好錯過。豬手炆得非常淰，亦非常入味，外層嘅豬皮入口即溶，送飯簡直係一流。櫻花蝦炒四季豆亦係我嘅至愛，四季豆被炒得相當有鍋氣，再加埋好香嘅炸蒜同充滿鮮味嘅櫻花蝦，令人食都停唔到口。最後呢杯接骨木蜜瓜茶亦都相當唔錯，飲落酸酸甜甜咁，解渴之餘亦非常清新。

朋友鐘意食中菜，順便補祝埋生日，所以今日就食豪d去咗奧運站依間中菜館。餐廳環境光亮，一坐低就有茶同前菜送上。值得提嘅係有別於其他中菜館嘅花生，依度嘅花生係煮過，林身得嚟仲好入味，而且除咗花生之外仲有栗子，忍唔住開飯前食咗好多。餐廳主打菜係食蟹，menu入面有四款揀，我地揀咗有咸蛋黃嘅黃金焗蟹($348)。依個餸非常之好食，每件蟹都被咸蛋黃cover哂，入味之餘唔會太咸，仲有芫荽同埋香葉吊味。枱上面仲有手套同蟹鉗提供方便食蟹。另外我見到有個青芥末蝦球($138小)幾特別就叫嚟試下。佢其實係炸蝦球淋上青芥茉醬，仲有飛魚子、芒果粒同蘭香子，食落脆卜卜，口感好特別，味道亦好多層次，除咗芥茉醬嘅辣仲有芒果嘅酸甜，係今日最好食嘅菜之一。之後我地仲叫咗個椒鹽香穌鮮淮山($55)。平時食淮山多數係煲湯或都炒。炸淮山都係第一次食。佢嘅炸皮唔會太厚，椒鹽唔會太咸，淮山依然係爽口嘅。最後我地叫咗個每日靚湯($48一人一盅)。材料都幾豐富。入面有雞腳、豬肉、紹菜等，都幾入味鮮甜，唔係味噌湯。

之前都好少去奧海城，其實中環過去二十分鐘左右好方便。食過樂天皇朝，質素都唔錯，今次就試下同集團嘅樂天經典。招牌扣肉包 $46個包好軟身，味道香甜，扣肉肉質軟嫩，醬汁香濃。藥材燉走地雞湯 $168分到七碗左右，仲有成隻雞，雞肉好腍，朋友鐘意食湯渣，一個人食左半隻雞。至於個湯好濃藥材，感覺好補。我地四個都好鐘意食蟹，特登叫左兩隻黎試下。黃金焗蟹 $348隻蟹比想像中大隻，食落啖啖肉好滿足，上面舖滿咸蛋黃，好香濃惹味。不過因為泡左油，都幾油膩，建議四人或以上share。花雕雞油蒸蟹 $348依隻就比較清淡，更加食到蟹嘅鮮甜，酒味都幾香，不過下面嘅蛋白唔夠滑。金銀蛋浸莧菜(小) $85賣相一般，不過都幾足料，味道搭夠，夠咸香。三色桂花班蘭糕 $38第一次食桂花配班蘭糕，覺得分開一層層食好啲。桂花好清香,椰汁個層就略嫌唔夠椰香。酸柑香茅凍 $28好清甜解膩，口感Q彈，香茅味好重。

正啊，今晚可以抽空去奧海城睇一睇戲，當然唔少得有去試下我最喜愛嘅奧海城餐廳：樂天經典！睇到餐牌呢排佢哋推廣幾道最新嘅蟹菜式，幾種風味之中我其實最想試吓黃金蟹或者胡椒蟹，由於身邊嗰位保守叔叔係唔想食辣嘅，咁就一於試吓呢個「黃金焗螃蟹」。 表層以為只係有鹹蛋黃，但係原來除咗香濃嘅蛋黃味，仲帶有甜味，好濃郁，撈埋啲蟹膏一齊食，簡直係極品！蟹肉真係好新鮮，焗完都仲係食到佢嘅鮮甜，同埋肉質好滑。而且隻蟹都幾大隻，食落啖啖肉，好滿足！叫咗一份招牌扣肉包片肉好厚切！肥肉瘦肉幾適中，唔會太過肥膩，個包啱啱蒸完攞出來，熱騰騰，甜甜地嘅夾住塊扣肉食，加啲生菜，超正！脆醬美人魚呢一味「美人魚」真係好美！上菜時見到咁多條婀娜多姿的魚仔互相交錯堆砌出這到美味的菜式，每片小魚連骨炸得很酥脆，每片薄薄的小魚片，真係好似脆到薯片咁，而且魚身的醬汁甜甜的，真係好惹味又開胃。

嚟到奧海城食晚飯，推介呢間南洋風味嘅樂天經典。呢間食肆舖面都幾大，地方整潔，座位闊落，好適合一家大細或者三五知己來共晉晚餐。我哋今次被安排坐喺最入嘅角落位，夠靜，私隱度夠高。但侍應服務周到，唔會因為你坐得遠就冷落你。前菜係脆醬美人魚。脆魚配上甜辣醬，好開胃！同埋份量都唔少。古早魚香老鼠粉煲。用鹹魚同醬料餚製嘅汁底，略帶酸味，我唔太食得出係乜，但配滑身嘅老鼠粉又幾好味。後來我問侍應係咩嚟，佢都只係話加少少酸味係開胃，似乎係獨門秘方，有點神秘～ 其他配料尚有蛋花、蝦等。菜香鐵板豆腐。豆腐係炸的，淋上菜心肉碎醬料，又香又滑。建議唔怕辣嘅不妨要正常辣度，惹味好多架！星洲黑胡椒螃蟹。好！大！隻！蟹！啖啖肉呀！用黑椒炒真係又香又惹味，亦唔會太辣。$348咁大隻蟹其實幾抵食。食到咁好食嘅蟹真係好開心！

食肆主打南洋菜式，裝潢簡約整潔，座位寛敝舒適，服務也很好，而且部分菜式還有大中小份量可供選擇，真的很細心。茶芥每位$8，小食一碟$15，滷水花生和粟子都很腍很好味，收費合理。藥材燉走地雞湯 藥材燉湯很足料，雞湯很鮮味，藥材味也很濃郁，份量也不少，共有六至七碗湯，燉湯後的雞肉仍然很嫩滑。招牌扣肉包 肥瘦相間的扣肉炆得很鬆化和入味，吃時不會覺得很肥膩；帶少少甜的包熱辣辣又很軟身。這道菜色雖然有點邪惡，但都值得一試。花雕雞油蒸蟹 蟹比想像中大，蟹箝很大隻，蟹肉很鮮甜而且有蟹膏。花雕味剛剛好，只需$348就能吃到一隻高質素的蟹，真的很划算，極力推薦。黃金焗蟹 端上桌時已聞到濃郁的黃金香味，蟹表面都沾滿鹹蛋黃，蟹肉很鮮甜又吃到鹹蛋黃的咸香。只需$348就能吃到一隻超大隻的黃金焗蟹，真的很划算。金銀蛋浸莧菜(小) 雖然賣相普通，但味道不錯，有很多皮蛋、鹹蛋、雞蛋和肉碎，非常足料。酸柑香茅凍 賣相很漂亮，很濃香茅味，還有蘭香子、薄荷葉和柑桔仔，甜度也剛剛好，感覺很清新涼快。三色桂花班蘭糕 甜度適中，一次過吃到三種不同味道的甜品，很是特別。

放工同男朋友黎到奧海城行街，男朋友話樂天經典好好味，所以黎到試試呢間星馬及中菜混合菜式嘅餐廳平日黎到唔算多人，唔洗等位就可以入去食野啦～兩個人唔食得多野，叫咗三道菜，食到好飽！1.  古早魚香老鼠粉煲 (小)一上菜就有STAFF會幫我地夾，服務一流！所以影相嘅時候影唔到滿滿的（其實佢黎既時候喺滿嘅！）。粉有彈牙嘅感覺，質感我好中意！汁很多，不過味道偏咸，配上茶中和返咸嘅味道，2個人叫個細嘅我已經開始覺得飽。2. 菜香鐵板豆腐 (細/微辣) (必吃)!豆腐下面喺蛋，夾埋一齊好MATCH！小妹好中意食辣，而且豆腐同埋蛋好滑唔太咸好好味！我會撈埋老鼠粉一齊食，有另一番風味！佢有大﹑中﹑細SIZE，岩晒唔同人數嘅人客！3. 四大天王 (秋葵﹑甜豆﹑四季豆﹑茄子)  中呢道菜最吸引到我地嘅喺秋葵，質感軟軟地又有咬口！醬汁好入味！價錢方面大概每人150蚊左右，都不過不失，可以一試！

舅父話佢公司附近有間幾好食既亞洲野, 約左我地一家今日收工去食。係奧運站行過去好近, 好易搵。我地有訂位又早到左, 有得坐卡位, 四個人岩岩好。 原來舅父講既亞洲野係指佢除左中菜, 仲有新加坡, 泰國野食。雖然媽咪唔係好食得辣, 但佢好鐘意食新加坡既胡椒蟹, 我地都有叫。因為個個都岩岩放工勁肚餓, 所以我地都叫左幾多野食。頭盤叫左脆醬美人魚 $55 佢似平時佐酒小食個隻魚仔, 但佢外面有啲甜甜微辣既醬係到。好香口, 一食就停唔到口, 哈哈!再黎都係香口野, 椒鹽香酥淮山 $55, 份量都幾多下。 佢熱辣辣新鮮炸好, 好脆身, 入面既淮山仲好鮮。美中不足既係佢既椒鹽比得唔夠平均, 所以唔係啖啖都食到椒鹽味。 食緊呢兩個既時候, 侍應問我地飲唔飲湯, 原來我地叫既白胡椒豬肚湯 $168到左, 放左係佢地個Counter到。佢就幫我地盛左湯, 又幫我地將湯渣分左出黎用碟上。豬肚好好食, 夠晒入味夠晒淋, 豉油都唔洗點。 招牌扣肉包 $23/件, 用蒸籠上既包仲係暖暖地既, 超級軟熟,。佢On side仲配埋啲生菜, 但佢地就咁夾舊肉食。我就覺得夾埋菜好食啲, 唔會咁肥膩嘛。 炭燒豬頸肉 $8

中菜 結合火候 配料 食材嘅一門煮食藝術 一道好嘅中菜堪稱一個好嘅藝術品 今日就嚟到大角咀試下一啲經典嘅中菜首先有黃金蟹 黃金嘅意思即係鹹蛋黃咁解 鹹蛋同埋蟹嘅配搭唔係新奇 一隻蟹嘅蟹膏味道同埋鹹蛋黃有啲相似 所以用鹹蛋黃去煮蟹 結合埋膏嘅味道 呢個配搭係非常之完美嘅 而呢個蟹嘅蟹肉非常之多 而且肉質新鮮細嫩 食到人停唔到口蒜香炸排骨 首先將排骨炸脆 然後加上炸左嘅蒜蓉 蒜蓉嘅香味完全滲入排骨入面 令到排骨嘅肉味更鮮 而且排骨嘅肉非常之香口惹味 要嚟送飯一流星洲炒貴刁 呢道菜同出面食嘅差唔多 不過不失

胡椒炒辣蟹唔係新加坡先至有，香港呢個美食天堂真係要食乜都有！呢間係奧運站嘅樂天經典，坐得幾舒服，裝修幾特別，同同事或者上司嚟食飯都唔失禮！呢個胡椒炒辣蟹最好食就係過醬，蟹肉係鬆散嘅，但係好多肉，就同喺新加坡食嘅一樣！食嘅時候，佢哋都好細心提供手套！佢哋嘅海蜇頭都好好食架！傳統嘅海蜇頭係只用醋硽嘅，佢就用蒜頭，蒜味十足！除咗前菜，其他菜式都會有大中小之分，確保你唔會叫太多食唔晒，亦可以每人試小小，要多幾個款式！呢個油浸銀雪魚處理得好好，特別係佢先煎香魚嘅表皮，令魚嘅汁鎖住，外脆內亂嫩又有肉汁！呢個青芥辣炒蝦球，係我老婆必叫嘅食物，除咗好送飯，佢嘅醬汁唔會攻鼻，而且我酸酸甜甜，令人地食唔停口，賣相亦都非常之好，蟹子令咬嘅口感更加好！我哋仲叫咗個炒貴叼，夠鑊氣而且分量剛剛好，我哋四個人叫一個中型size ,都覺得好滿足！南乳羅漢齋素菜比我想像中有啲唔同，我要為會比較酸，但菜嘅鮮甜中和左之後，出奇地好食，我真係清晒架！