樂天皇朝 (已結業)

小籠包子近年有不少改變，今次一於試一試這八色小籠包先.這食店離mtr 2 min ,十分方便易找.座位環境十分舒服，適合一家大少來品嚐美食.有不少主打的推介.涼瓜即炒的，十分有穫氣，好味道，送飯一流.到主打的八色小籠包，有不同的味道，是舌頭的新體驗.醉雞夠滑有水準，充滿香香的酒味.蒸餃肉汁十足，是手工餃子來的.青瓜十分凊新，爽口，又開胃.這甜品一層一層，又不是佷甜，大家可以試下，有少少似糯米磁的.師父即包即蒸.

幾年前曾去過樂天皇朝的銅鑼灣總店，覺得該店的上海菜頗有水準，一直都想再去品嚐. 搜尋之下就發現原來現在尖沙咀也有分店，對於住在新界的我來說，不用過海實在方便得多. 店內空間都幾大，職員安排我們坐濶落的卡座，感覺舒適自在. 茶位費每位$8、小食每碟$15. 該碟花生栗子前菜幾入味又軟稔，很不錯. 龍華素鴨 ($68) 素鴨腐皮嫩滑，再加上鹹淡得宜的醬汁，作為前菜剛剛好. 八色皇朝小籠包 ($108) 來到樂天皇朝，不得不吃八色小籠包. 可依據簡介從原味吃到濃烈的川味. 每款都很有特色，個人特別喜歡黑松露味，滲出淡淡的黑松露芳香，令我十分回味. 凡惠顧八色皇朝小籠包，依照店內的推廣活動，上傳照片到社交平台及分享給3位朋友，即有機會獲得一籠只送不賣的辣椒螃蟹小籠包 (每日限首100份)，不要錯過! 辣椒螃蟹小籠包 一籠5隻的辣椒螃蟹小籠包，漸變色的外皮很特別. 內裡肉汁滿滿且有少許辣度，亦有螃蟹的鮮味，都幾特別. 蘿蔔絲酥餅 ($42/ 3隻) 炸得金黃的蘿蔔絲酥餅，外層酥化，內裡蘿蔔清甜味美，頗有水準. 家鄉素菜包 ($38/ 3隻) 素菜包很鬆軟，

跟朋友慶祝生日，預早在operice訂位，非常方便，去到即時入座無需等候！ 朋友仔點了經典的八色小籠包，八色不同味道，但個人還是比較喜歡原味正宗的小籠包。炸饅頭，略嫌唔夠脆身，偏「淋」身。特別推介芝麻醬油麥菜，以往食油麥菜都有苦澀味，但這碟沒有，而且在其他食物都較重口味之下，顯得特別清新。另外，四川涼皮都非常推介，好入味，喜歡吃辣的可以試一試。免費送的辣椒螃蟹小籠包，老實說沒有辣椒或螃蟹的味道，和朋友各試一個後就放棄了⋯⋯便宜莫貪啊。另外，負責我們枱的侍應，全程是黑面的⋯⋯好像我們曾得罪了他似的。 

樂天皇朝始創八色小籠包，雖然其他食店亦有類似菜式，但總覺得此店做得比較出色。尖沙咀加拿芬廣場應為新開分店，由港鐵站開始，至金馬倫道，都見到其指示牌如何前往此店。尖沙咀店裝修光潔明亮，入口大玻璃窗可以看見點心師傅正在製作八色小籠包。點了好幾款前菜及點心小籠包，各嘗一點，小食多滋味。芝麻醬油麥菜 生油麥菜用青瓜條捲好，整整齊齊賣相很好，點上芝麻醬可以除去油麥菜的草青味，味道十分清新討好。上海油炆筍 油炆荀色澤油潤，荀物雖粗大但入口尚算細嫩。撈拌海中寶 醋味海蜇絲下面放有青瓜絲及四角各有一粒河蝦仁，海蜇絲青瓜絲沾上酸醋同食冰凍爽脆，河蝦仁雪白剔透，入口鮮爽，不老不韌。八色小籠包八色小籠包有溫馨提示食法，先食中間的原味再順時針方向由綠色的人參味先食，到最後紅色的麻辣。我試了原味、人參、黑松露及芝士味，基本上豬肉味依然可以食到，皮薄多汁。人參有淡淡人參味，黑松露除黑松露味外，尚食到有粒粒菇菌，芝士味輕輕的，唔會蓋過豬肉味道。三鮮鮮肉水餃 鮮肉水餃味道與原味小籠包近似，一樣肉餡柔嫩，充滿肉汁鮮味。蘿蔔絲酥餅 蘿蔔絲酥餅炸得外皮酥脆，不會死實，蘿蔔絲餡清甜多汁，沒有多餘配料或調味，做得十分出色。皇朝

今天逛尖沙嘴，走過加拿芬廣場，被樂天皇朝的宣傳所吸引，想一試他們的小籠包。來到餐廳門口已可看見師傅製作的過程；入內座位空間寬闊，坐得十分舒適。**小食 $15, 茶 $8/位**《特色皇朝小籠包(八色) $108》有八款不同味道：分別有原味、人參、鵝肝、黑松露、芝士、蟹粉、蒜香、麻辣，跟順序吃就可以由淡到濃！個人覺得人參味、鵝肝味、黑松露味道最吸引！！因為外面很少吃到這些口味，每粒小籠包都各有特色，肉汁豐富，一試難忘！《紅燒扣肉豬骨湯拉麵 $75》紅燒扣肉味道香濃嫩腍，拉麵較腍身，豬骨湯底略為有點淡。《醋醬海蜇頭 $68/例》醋醬調味平衡，開胃沒有過酸。《李白醉雞 $78/例》酒味剛好，但雞肉稍稍欠嫩滑，可以更好。《肉碎欖菜乾扁四季豆 $78/例》四季豆新鮮爽嫩沒有渣，炒得夠鑊氣，加上肉碎，整體不會過咸，下飯最好。《重慶紅油抄手 $58/6pcs》粒粒飽滿，皮簿餡靚，辣度適中，重慶的風味。《宮廷驢打滾 $42》糯米粉糰做得夠軟帶點煙靱，紅豆餡甜度適中，入口軟綿，加上果仁碎粒, 味道和口感同樣吸引, 難怪它原是清朝的宮廷點心。

好幾年前曾經喺樂天皇朝初嚟到香港嘅時候，喺銅鑼灣利舞台嘅分店一嘗佢嘅食品，七色小籠包簡直係謀殺左唔少嘅相機，到今時今日呢一間小店越開越多，喺尖沙咀都有佢嘅足跡，今日再來試一次。前菜盛為$15碟，今日嘅前菜有花生和栗子。四川涼皮涼皮辣得好過癮，雖然辣椒唔係好多，但食落去好刺激，係幾好嘅一個涼菜。李白醉雞加$10就可以食到雞上髀，不過其他部份都唔錯。酒味道好香濃得好比雞肉索晒，而且唔會太肥。最怕食到一碟都會有嘅醉雞。扣肉豬骨湯拉麵扣肉嘅肥肉層次分明，食落去唔會好濃。豬骨湯底又香又濃，襯拉麵來講就最夾啦。話梅骨話梅骨酸酸甜甜，都幾開胃，炸香咗之後特別容易用來送飯。蔬菜餃入邊包住滿滿嘅蔬菜，啱啱正起一開個蓋就聞到香味。香酥蔥油餅驢打滾這一味甜品係普通嘅食店都好少食，用糯米包住紅豆蓉，再灑上黃豆粉，食落去軟綿綿，用嚟襯返杯熱茶就最好不過。酒釀丸子一碗酒釀丸子成為最好嘅甜品。暖暖地，丸子好煙韌。有一點一定要讚嘅就係小店上菜嘅速度都好快，基本上落咗單5分鐘之後就開始上菜。另外地理位置都好方便，喺尖沙咀站行5分鐘就到，食完之後仲可以去對面嘅商場行街，絕對啱晒長輩👴🏼。二來環境都好寬敞，坐得好舒服，今次

今日去咗尖沙咀，想坐得舒服啲，就去咗樂天王朝食小籠包。招牌係佢哋嘅八色小籠包，好似有人㟥，黑松露，麻辣，蟹粉，等等。當然仲有原味，其實我最鍾意食原味。淨係睇小籠包，我覺得只係一般，因為包裏便嘅湯汁唔係好多，依個係差少少嘅。叫咗個擔擔麵，但係唔可以走辣，所以都吾太ok。個醬鴨小食反而幾OK。沙拉骨好大碟，同啲肉都好好食，但係因為食得太飽，有半碟都要打包。最後好似佢哋有個優惠，如果食完個八色小籠包，影相擺上網，就送多個小籠包，因為太飽所以都冇用呢個優惠。

一直有聽過樂天王朝嘅小籠包好出色，今次有機會去尖沙咀分店試試，啱晒我呢個好鍾意食小籠包嘅人。星期五夜晚食飯黃金時段唔使等位，曾經都令我覺得係唔係間餐廳唔好食所以冇乜人去。但係食完之後我有諗唔明點解唔等位喎，因為食物質素都算幾好。可能因為唔係好多人嘅關係，所以點左菜之後好快就有得食。首先食嘅係一個八色小籠包。因為同朋友分享嘅關係所以我只係食咗四種味道，分別係原味，蒜香，蟹粉同埋黑松露味道。每一種味道都好特出你真係好食嘅。我問朋友佢食其他嘅味道都係咁樣。呢款咁有新意嘅小籠包可以再試下！除咗食小籠包之外我仲叫咗蟹粉炒飯同埋酸辣湯，一直好鐘意飲酸辣湯，但係哩款酸辣湯實在係太辣啦！利申我唔係唔識得辣嗰啲人黎。所以我就唔係咁推介呢款酸辣湯啦，得個辣字冇乜其他味道。但係個蟹粉炒飯就唔同，值得推介俾大家試吓。雖然佢份量唔大，但係蟹粉就好足，鋪晒喺成個炒飯上面。識落盒炒飯口感鬆軟，杯買蟹粉食一流呀！最後埋單一人大約二百幾蚊到食到飽都OK啦。

今天同個好喜歡吃小籠包嘅朋友去了這間人氣店，餐牌上真係十分多選擇，但重點就係個小籠包，點了最多口味選擇嘅皇朝小籠包，可以一次過試晒全部味道！當然這裡除了小籠包外，還有其他美食，例如個上海生煎包，上海蔥油大餅，蘿蔔絲酥餅，皇朝小籠包先有齊這裡嘅八種口味，當中較喜歡就係個蟹粉口味，咬開夠晒肉汁，而裡面嘅蟹粉味道十分濃郁。原味入口夠晒肉汁只在口中流出嘅感覺一樣咁好味！上海生煎包外面煎得香，咬開內裡充滿肉汁，十分好味；上海蔥油大餅亦煎得好香脆，中間夾滿了香蔥同豬肉鬆，入口感覺得到香濃嘅蔥味；蘿蔔絲酥餅，外面香脆內裡充滿熱盪盪嘅蘿蔔絲，入口香脆鬆軟，入口時小心好熱！追加了蟹粉炒飯材料十足，大量蟹粉鋪滿了在飯身上，食得十分滿足！

香港好像沒有了冬天，我卻喜歡這種不易岀汗的天氣，稍涼的氣溫，特別想食小籠包，而食小籠包呢，基本上首選樂天皇朝，因為大愛佢的八色小籠包呀🥰🥰🥰🥰小食15雞腳好入味，帶有小辣幾惹味。茶位8x2八色小籠包8隻108原味小籠包的皮可以蒸耐一點會更好。人參味道濃郁不苦澀，有參香。鵝肝味實在，湯汁肥美。芝士味足料，芝味十足。蟹粉小籠味ok鮮，也不會有腥氣。黑松露口味岀色，芬芳獨特，令豬肉味道大大昇華。麻辣有辣無麻味，倒是不太辣但癖了肉味。蒜香味夠刺激，令平凡的豬肉頓時變得肉香無比，寧舍不同。蟹粉小籠6隻118松子鮮果桂魚238大大份原條上，薄粉炸得不會油膩，外層每啖都很鬆脆，入面桂魚肉十分嫩滑呢！加上松子🍍等夠唒酸甜，超開胃。凍檸賓22奇怪的想飲奶茶，卻沒有，於是要了這賓，檸檬不吝嗇，配起來不太甜，吃炸魚夠冰凍降火。檸檬蘆薈桂花蜜28蘆薈清新配上檸香更是怡人，點到即止的桂花蜜，甜而不濟的作結。食後感：幫趁多年的小籠不二之選🥰

呢種服務態度簡直係影衰香港，影衰曬成間集團... 知道尖沙咀開左分店就黎試下，點個遇到服務員態度極之惡劣，收台既時候將杯碟扔落收餐具既車到，碗碟碰撞既聲非常大，而且一臉不屑既樣。我明白做餐飲業好辛苦，但都吾洗甘呀麻送白飯黎既時候又係，好大力將碗飯「呯」一聲撞落個台面到比你之後擰頭就走茶餐廳都吾會甘啦，何況係大集團...記得第一次食樂天皇朝係係旺角，當時服務態度好好，環境又舒服，相比依家尖沙咀分店...真係派十打小籠包人企曬成個尖東連尖沙咀都補救吾到唉，講番野食家鄉素菜包：正正常常，但吾知點解有件皺左皮心太軟紅棗熱既，釀既糯米就係室溫糯米吾夠煙韌可謂一大敗筆家常花肉豆腐：偏咸，配飯好 D宮廷驢打滾：非常一般，吾叫好過叫整體黎講食物一般，態度極差樂天皇朝好好醜醜都算有番甘上下規模，係咪應該要投放番多 d 資源去員工培訓到？呢種服務質素...

大伙兒到這裡食生日飯, 當然是先印好$100優惠券備用.第一次食, 必點八色小籠包吧, 包括原味, 人參, 鵝肝, 黑松露, 芝士, 蟹粉, 蒜香 和川味, 我食的是原味小籠包, 有不少肉汁, 味道唔錯. 這裡上菜速度超級快, 轉頭醋醬海蜇頭及芝麻醬油麥菜等菜式一一送到, 要忙碌的開動. 醋醬海蜇頭帶有青瓜, 醋醬令海蜇頭非常入味,爽爽的口感, 很快便清碟. 如果海蜇頭比例多些就更好了. 芝麻醬油麥菜, 像是中式的沙律菜, 屬清新之選.另外還點了肉絲, 炒飯和年糕, 這幾款比較下沒有什麼特別, 除年糕略微淡味外, 其他的味道正常. 如果上菜速度能慢一些就更好, 餸菜便不會涼掉.最後, 宮廷驢打滾, 落單時待應說最後叫上才上菜, 還以為是熱食, 原來是凍食的, 口感很軟糯, 而且不死甜, 以這個作尾甚是滿足.

最近一直很想吃小笼包，就选择这家咯，离家里近，我觉得味道没有颜值高，8色小笼包很好看，不过我觉得还是原味最好吃啦，不是拍照就要原味好了，辣子鸡吃少少还挺好，多了腻，茶水还好，小菜花生米糯糯的很好吃喜欢

今日同內地來的朋友由深水埗鴨寮街行到去油麻地金魚街，成個人好鬼肚餓。見朋友係上海人，一於帶佢試樂天皇朝，品評下這間上海菜的水準。我地夜晚仲要晀夜景，所以去左尖沙咀分店。我地7:30到，初頭以為好多人要等位，點知一入到去等都唔使等就坐低左😅因為我食過銅鑼灣個間，我即刻就叫左皇朝小籠包同擔擔麵。跟著朋友話想食油燜笋同竹筒魚片就順便叫埋～等左一陣終於上菜了😆先試小籠包，鵝肝味夠曬香，蒜香味夠曬濃。我朋友食左過川味，佢話囗味好重，好好食，真是重囗味😅 個擔擔麵唔係好辣，反而重麻醬看，對唔係好食得辣的我來講真是唔錯。油燘芛好香麻油味。而個竹筒魚片我個人覺得真是太重口味⋯⋯又咸又麻又辣🤯但是塊魚真是好滑，應該花左好多功夫整。而我朋友超好這道菜，佢一個人清左大半筒，而我只好一邊食，一邊食芛解辣⋯⋯總而言之，價錢係貴左D，但我同我朋友都食得好滿意，佢仲話拍得往他係上海食的水準。大家不防過來試下，眺下係唔係真係咁好食😁

新加坡不是旅遊的熱門城市， 跟香港同樣景點欠奉， 但共通之處在於精彩美食， 才能留住來自各地遊客的胃。每次到新加坡旅遊， 最精彩的旅遊活動就是吃、吃、吃！ 雖說有不少新加坡名店過江而來， 但能做得像有聲出色的不是很多， 因此每次都會爭取時間在當地吃過暢快。不過有少過江龍仍能維持當地水準， 而在這張名單中， 樂天皇朝可算是回頭率最高的一家， 菜式的推陳出新， 加上口味不錯，正是它吸引之處。樂天皇朝的點心是我的最愛，特別是八色小籠包百吃不厭，有時遇上推廣更有贈送活動，近來就是送辣椒螃蟹小籠包，當以為「八色」已是極限時，這「雙色」小籠包便是一大突破。色相固然是吸引，但顏色其實也反映了口味，一口咬下湯汁淋漓，先是蟹香的鮮甜，後勁是微微的辛辣，十分過癮。而八色小籠包每次都是必點的，對於初嘗者來說自然是新鮮感十足，但再嚐也要歷數輪才能試勻幾種口味，但也曾見過食客是一人獨享一籠八件的。這次嚐了芝士黑松露、鵝肝口味的，最喜歡依然是甘香的鵝肝口味。小籠包湯汁澎湃，外皮做得薄透，肉餡亦很新鮮，見師父在門前密密包製便知道新鮮程度。芝麻醬油麥菜是我的最愛， 捲裹成形的的油麥菜勝在鮮爽的食感，不止求賣相，是簡單