樂天大喜屋 (已結業)

近排返工要加班，所以食有折扣時段(2030-1115)有平之餘重少人排隊拎食物。刺身: 大部分都好新鮮,有大約十款選擇。本人大推薦帶子，甜蝦，赤貝，油甘魚，象拔蚌材料比我想像中好好多，質素高！壽司:有多款壽司選擇。食材配搭得不錯，每件都細細舊，壽司飯嘅份量唔會過多，很不錯。手卷: 大推！要岀去排隊拎，每人每次只可拎兩件。但無限次數。有軟殼蟹同海膽選擇。即叫即整！手卷紫菜選用日本紫菜，好脆！飯嘅份量唔會好多。海膽質素幾好。軟殼蟹重係暖！入面放左沙律醬。好好味道燒物：燒雞翼 - 到枱時熱辣辣，有檸檬放旁。燒到個皮好香脆。剪開左雞翼燒，食時比較方便。燒菠蘿 - 香甜，燒完依然保留到菠蘿汁飲品: 有多款選擇，重有清酒任飲甜品: 有雪糕任食😍要留肚最後作戰總括而言。價錢唔叫好平，但性價比係高！食物選擇足夠，質素好。好值得一試！

今日返新女朋友就同我去咗旺角食放題慶祝，好彩女朋友有一早打電話去訂枱，因為就算平日都好多人去食，我哋就係唔夜晚 20:45 至 23:15.佢嘅卡位都坐得好舒服，張枱都唔會太細，夠放好多好多食物。食放題刺身當然唔少得，旺角有無數的日本放題餐廳，但質量絕對冇得同依間比。佢每一件刺身都好大件好厚，同好鮮甜。所以個刺身係已經值回票價。然後依兩個手卷都係絕對未食，仲會食完一個再即刻想食多一個。（左）係軟蟹手卷，（右）係海膽手卷，依兩個手卷都係即叫即做，所以先咁新鮮咁好食，但為咗控制人流所以每次只可以攞兩件。仲有注意番手卷供應時間 （晚市），係由第一埸18:00-20:00，同第二場 21:15-22:45。千其唔好錯過，一定要去試。除左新鮮的食物，仲有熱清酒🍶。甜品當然唔少得最受歡迎的haggen Dazs 雪糕。Overall 係絕對值回票價同好適合情侶去食的日本放題，因為可以選擇食物很多絕對有一樣女朋友一定會鍾意食，質素都相當高，價錢都唔貴。

我又去咗食放題啦，今次係去樂天大喜屋。一入到去，裝修金碧輝煌 ，可能係平日嘅關係，所以唔使點等位， 一入到去就有得食啦。先嚟嗌刺身，刺身方面佢都好多選擇，有三文魚，帶子，甜蝦，劍魚腩，象拔蚌等等。 全部都好新鮮，個人推介三文魚，帶子，甜蝦。壽司今次冇乜點食，但係海膽手捲就一定要嗌， 因為見到人哋食嘅時候就已經覺得好新鮮，啲海膽係一塊一塊唔係一pat一pat嘅， 好鮮甜， 好新鮮，好好味。最近天氣凍凍地，都係咗個牛肉鍋， 熱辣辣上碟，食落肚暖粒粒都好舒服。甜品區我都覺得要一讚， 有haagen daz雪糕 ，而且有好多款味道選擇，另外仲有牛奶布丁，好香牛奶味，又夠滑，好正丫。食到最飽呢次。

今晚去左旺角食放題，任食放題嘅好處就係俾一個價，可以吾洗再諗價錢，想食乜就嗌乜，食到飽為止。今次食樂天大喜屋，係創興廣場二樓，地方好方便。即到就先嗌左刺身，三文魚一定係最好食，食左吾少，北奇貝，帶子都鮮甜，幾正， 馬刀貝，赤貝， 象拔蚌刺身都有， 全部都好鮮甜，刺身都食左兩round。另外要介紹下一樣佢哋特有嘅 就係明太子芝士玉子燒，玉子燒燒得好好食，外脆內嫩，熱啦啦上碟，芝士味都好濃，冇係其他放題見過。之後就係食壽司， 花之戀，和牛壽司 ，海膽手卷都係我最愛，海膽 超新鮮，好creamy ，紫菜又夠脆，我total食咗兩件。最後我喺放題入面燒物我都好鍾意食嘅， 我嗌左燒菠蘿，燒冬菇，燒雞翼等等，當中燒菠蘿大力推介，好甜又多汁。今晚食得好飽，價錢又唔貴，記得好似淨係248蚊，一定會再嚟食過。

同爸媽去食放題，佢地最鍾意嘅竟然係蟹粥，話d蟹好甜好新鮮，d粥夠綿又暖胃老人家喜歡就可以了，我都係繼續食刺身同海膽!晚市248加一，1745 開始，1730開始已經有人龍等候入座。刺身當然首選油甘魚，新鮮肥美，劍魚腩油脂香濃，帶子夠厚切，北寄貝都好鮮甜。火炙和牛壽司加脆蒜粒，嫩滑有牛肉味!白汁芝士焗大蝦有驚喜，個醬汁好香，加芝士焗無得輸。燒牛舌好爽滑，加胡椒粒更惹味。要排隊等嘅海膽手卷好足料，鮮甜香濃，放題都可以有得任食，無得頂。不過要花少少時間出去攞，每次兩件，食完又再攞過!自助區有大量炸物，吉列蠔，炸雞塊，薯角，咖哩角即炸出爐，好香脆!老人家表示最愛嘅蟹粥，加左粟米，蟹肉新鮮，食左大量魚生之後暖胃一流。大量燒菠蘿好juicy 好香甜，唔覺唔覺食左5件!榴槤炸彈，榴槤愛好者不能錯過。haagen daz 都可以任攞! 我攞嘅時候得咖啡同朱古力，唔知其他時間會唔會有其他口味呢？食到8:30， 可以話時間非常充裕，價錢亦非常實惠，地點方便易搵，係放題界中嘅大集團，水準有保證!

樂天大喜屋一向係我至愛，今次嚟有自助餐特區，新野，入到去好似卡拉ok buffet 咁,有手卷booth, 冷凍小食，炸物，雪糕，飲品，甜品任取，野食未嚟都有得攞野食。連吉列蠔都有可頂頂肚。手卷booth, 有海膽手卷好多海膽，都新鮮，雖要排隊都值得。仲有軟殼蟹手卷都係好選擇。壽司，呢度的確又多款又唔錯。三文魚籽花之戀刺身推介，呢度夠新鮮，特別推介油甘魚、三文魚、帶子，都係encore 之選！壽司，至愛既左口魚魚邊，好豐富油香，平時喺X氣廿幾蚊一碟，夠回本鵝肝牛肉卷，賣相都好吸引。燒牛舌，薄身，唔韌，有油香，微脆皮，燒得幾好，又唔過火，剛好。燒菠蘿，好甜，蜜糖黃色的。燉花膠，算大塊同厚身，真係大大片蟹粥，都有半隻蟹，粥濃郁，蟹肉都新鮮。燕窩燉蛋白，香滑。haagen dazs有3種味，vanilla, chocolate, coffee, 最愛coffee 味，好香又唔太甜。 2小時放題，真係好滿足，高CP的一餐！

星期四的晚上，好想外出吃飯，其實好想食磯燒海鮮加燒肉，但由於太即興，既沒有訂位，一時間亦想不到食邊間餐廳，行下行下到創興廣場，抱著試下walk in 放題博下有沒有位！樂天大喜屋佔創興廣場全層，都几大，但間隔係開揚的，感覺怪怪地～～店員帶位後，我們即刻開動落單，睇完落單紙發現其實不太多選擇...但有啲特別的菜式，好似鮑汁膾花膠、燕窩蛋白、梳打特飲、玉子燒等等，這些款式有別於平常光顧的日式放題店，至於是否吸引，這有點個人，但感覺很中式酒樓菜式呢！味道方面亦不過不失吧！還有一個特點係刺身方面可點選長腳蟹蟹腳，但腳很幼，不大多肉而且海水味太喊～～另外還有一個自助吧供顧客自行拿取沙律，冷盤，熱清酒，梅酒等，還有註場壽司師傅即場制作軟殼蟹及海胆手卷！

近年...發覺成行成市周圍都有日式放題! 價錢分時段...分別由$200頭至$200尾加一已經係任飲任! 今次就揀咗呢間開咗好多分店嘅樂天大喜屋試試! 位置喺旺角彌敦道創興廣場! 因為係平日..20:45至23:15時段, 收費每位$248加一!去到創興上咗2樓...發現一條打咗成三個圈既蛇餅人龍..😱仲以為個個都冇book枱喺度等緊位! 但係原來book咗枱都要排住隊confirm等入座!! 呢度食物種類算多, 刺身都幾新鮮...order跟得快...亦冇出現漏單情況! 仲有任食HaagenDazs!! 唯一覺得麻麻地嘅就係覺得座位安排比較逼夾! 如果叫咗兩三樣嘢加埋兩罐飲品..同埋佢本巧厚嘅Menu...張枱已經擺滿晒!!之前都食過好幾間日式放題. 坦白講...整體質素其實間間都差不多..食物款式大同小異! 唯一考慮嘅因素就係食物新吾新鮮...位置方吾方便...同價錢吸唔吸引嘅分別!

每次去到創興廣場當上到去2樓嘅時候就見到人山人海見到好多人咁排隊去攞食物永遠都會有一個心思思嘅感覺就係想食一大吃一餐今晚終於比我等到呢個機會利用同朋友去慶祝生日嘅時候選擇咗呢間樂天大喜屋一坐低嘅時候就梗係叫返刺身放題啦呢度種類選擇都非常之咁多唔單止有大類嘅選擇有三文魚同埋油金魚呢度嘅貝類刺身都非常之咁多好似有赤貝馬刀貝同埋象拔蚌呢幾款都正正係開證我個味二話不說全部點晒食唔使5分鐘之後就已經清咗成盤之後就去主攻熟食呢度嘅鹽燒雞翼非常不錯燒得香脆而且入味另外燒羊假都不可以錯過食落口啖啖肉而且沒有羊騷味即炒牛柳粒都係一定要點嘅食物牛柳粒啖啖肉有冇渣再叫埋即刻炸起嘅芝麻雞翼同埋燒牛舌簡直令人食唔停口應我最喜歡食鍋物所以叫咗個雪花肥牛金菇鍋入面嘅肥牛非常之咁嫩滑簡直比吉野家嘅仲好食之後再叫埋燒菠蘿燒好之後嘅菠蘿啖啖肉而且非常之咁多汁最後再飲埋個燉湯作為今晚嘅完結唔記得咗呢度仲有音色嘅哈根大師雪糕其實淨係識幾杯都已經可以為番本簡直性價比極高

今日又同老公食放題之前一直去到始創中心都冇機會試樂天大喜屋去到樂天大喜屋 就見到好多人排隊排 廚師即製的海膽手捲同軟殼蟹手捲便立即去排下啦軟殼蟹手捲真係啱啱炸起真係香脆 而且海膽都幾新鮮喎之後嗌咗個日式炸豆腐豆腐啱啱炸起而且都幾滑溜同日本餐廳水平 有得比呢度仲有得食燕窩牛奶燉蛋白 細細碗牛奶味又有幾重仲好滑溜食埋上面啲燕窩即刻養顏曬呢度仲有得食日式玉子燒而且有幾種口味俾你選擇我就選擇咗粟米吞拿魚口味其他放題都冇得食玉子燒呀嚟到 玉子燒真係好好味因為廚師即刻整即刻製作 入面啲蛋好滑溜而且餡料好充足最後最後梗係要去返甜品區域食番杯haagen dazs 雪糕喇食番幾杯 已經和維返夠本喇

成日經過見到都好多人，終於有機會到我去試下啦😍一開始梗係整返個刺身船先啦，比平時既放題多好多選擇，刺身亦都好新鮮，唔會有一陣雪味唔少得叫返d壽司，好驚喜呢到竟然有得食海膽手卷😍😍😍😍👍 而且唔會一灘水既，好新鮮又唔會腥！仲有得食拖羅軍艦🤤擺盤都好靚，令人食慾大增！之後就到熟食啦～最驚喜係玉子燒，媲美好多貴既日本餐廳仲有加埋木魚係上面，誠實之作👍👍蟹粥都好好味，真係有埋蟹肉係入邊，粥底好綿最後唔少得食返個甜品啦

每隔兩三個月 港女總會好想食下放題 過下日本癮相信好多人都食過呢間大喜屋 排長龍排到痴線話說我都幫襯左4，5次 應該都夠資格打返篇食評啦價錢方面算中上 不過講最貴 就一定大有店鋪還在講食物質素 佢又算係正正常常 不過不失先講刺身 三文魚比較多根 唔算好肥美 粗食係可以接受帶子太細粒 冇口感 但勝在有鮮甜味 叫做好食啦而其他食物方面 我最中意就係佢個炸物 除左炸蠔個粉過厚 其他都好新鮮 推介呀個人認為呢間野個食物質素唔錯希望保持到個水準啦

這次路過所以上來試下食個set lunch!我14:00入座已經有好多人食放題，原來中午放題同夜晚一樣，但平小小。所以都幾多人。食set lunch係由另一個門口入，原來係分開2邊lunch 由$58起，但我揀左另外一款，其實有定食，魚生，壽司，串燒，$85連加一，有十幾款可以揀，種類好多。有魚生飯，串燒，沙拉同蒸蛋。仲有嘢飲，雖然食物不至於非常好食，但份量十足，好超值。服務員都好好。會再去！！下次試下這夜晚放題

出餐系統玩死人第一批單交出 等半個鐘冇野黎問經理 話廚房收唔到order 請我地再寫過一份單想食嘅寫20件唔過分啊 8個大男人ok 好快出齊 食曬 飽滿估唔到五分鐘後地獄黎了第一批話收唔到order嘅食物Boom！一聲出曬有啲冇叫嘅都隊埋黎 好似日本真人show咁玩為左唔浪費 猜輸一位仁兄食曬20支雞翼第二輪勉強清曬 五分鐘後又黎一大堆！火起身叫停 唔好再黎頭先嘅雞翼兄 食埋新黎嘅刺身而有位羊架兄食4～5條其他壽司兄弟差唔多硬食30幾件終於清 但其實仲有黎唔理 埋單走樂天-伏喜屋 好開心

第一次食放題食到成肚氣😡😡成個幾鐘先食得一盆魚生，跟住三催四請咩都無！ 叫人埋單就特別快！無人執野，無人換碟，三催四請都唔來！周圍都系垃圾！ 第一次食放題要自己執垃圾！樂天大喜屋你系得嘅👍🏻👍🏻