樂天大喜屋 (已結業)

樂天大喜屋一向係我至愛，今次嚟有自助餐特區，新野，入到去好似卡拉ok buffet 咁,有手卷booth, 冷凍小食，炸物，雪糕，飲品，甜品任取，野食未嚟都有得攞野食。連吉列蠔都有可頂頂肚。手卷booth, 有海膽手卷好多海膽，都新鮮，雖要排隊都值得。仲有軟殼蟹手卷都係好選擇。壽司，呢度的確又多款又唔錯。三文魚籽花之戀刺身推介，呢度夠新鮮，特別推介油甘魚、三文魚、帶子，都係encore 之選！壽司，至愛既左口魚魚邊，好豐富油香，平時喺X氣廿幾蚊一碟，夠回本鵝肝牛肉卷，賣相都好吸引。燒牛舌，薄身，唔韌，有油香，微脆皮，燒得幾好，又唔過火，剛好。燒菠蘿，好甜，蜜糖黃色的。燉花膠，算大塊同厚身，真係大大片蟹粥，都有半隻蟹，粥濃郁，蟹肉都新鮮。燕窩燉蛋白，香滑。haagen dazs有3種味，vanilla, chocolate, coffee, 最愛coffee 味，好香又唔太甜。 2小時放題，真係好滿足，高CP的一餐！