樂天大喜屋 (已結業)

呢間放題不錯，呢似係第一次食呢間。啱啱坐低叫左第一round野食，十分鐘都唔洗就好快黎曬。環境方面，可能因為係全層既關係，枱與枱之間都算闊落，唔會有好逼既感覺，坐得幾舒服。而地方都算企理乾淨，唯獨收碟方面可以快少少，因為有時野食黎到冇地方擺。整體黎講環境好乾淨，亦都坐得好舒服。野食方面，有唔少選擇，特別係壽司。餐廳既壽司有好多唔同口味，而魚生亦都非常新鮮。不過可以改善一下野食溫度既問題，有部分野食黎到既時候已經涼左，特別係串燒。叫左兩round燒牛舌都有凍左既問題出現，但味道不錯。另外自助區當日提供左辣肉腸薯角，同樣地都係放涼左，有一點美中不足。野飲方面，餐廳又多個國家既飲品提供，例如韓國既水果酒，啤酒，亦有烏龍茶。值得一提係佢地還提供了熱麥精和薑茶，對女性係一個非常貼心既優點。整體黎講，很滿意。值得下次再去！

今次終於都試到依間好出名既樂天大喜屋，聽朋友講依間唔一早book位就會full晒無位比你walkin，所以襯著今次有朋友生日就一早book左夜晚6半至8半既時段。準時6半入到去，個場仲未坐滿人，就咁望成個場環境幾好，係燈光有少少暗。拿拿林落完order就去自助區同飲品區度拎野食，自助區既款式都算多，雖然唔食生蠔，但都好少會有放題有生蠔食，而且熟食離遠都聞到香味。可能因為黎得早，拎完野食番到埋位無耐，啲野食就好快就上到成枱都係，清都清唔切添！ 最值得一讚既係佢既刺身，淨望餐紙已經知款式夠晒多，我地依班刺身愛好者就唔理二七廿一，有啲款式一落就落十幾件。而最驚喜既地方係佢送黎既時候，真係唔會送漏比你。啲刺身除左厚切又新鮮，Wasabi亦都夠晒辣，唔會好像其他放題咁淨係得甜味，完全唔夠喉。至於其他野食，當中既榴連炸蛋同玉子燒亦都高質，天婦羅同壽司都OK，而串燒就再熱啲會更好啦。 haagen daz就得一次免費，有曲奇味、濃朱古力味同埋好高質既caramel biscuit&cream味，真係食完一盒仲想食多盒，唔知佢會唔會係樂天大喜屋既期間限定呢，依排準備去食既朋友一定要試下隻caramel

約左好朋友飯聚，上網搵下有咩放題好介紹？最終揀左樂天大喜屋日本料理。因為上網睇到餐廳環境還蠻舒服的， 好適合聊天呀！#滋味黃金燒蟹棒鮮味#海膽手卷，海膽雖然只有小小一匙，但想不到味道又頗鮮甜，一點苦味也沒有，不過如果愛食海膽的一定不能滿足，要叫多幾份#軟蟹殼手卷，軟殼蟹炸至香脆的，一軟一脆的口感特別美味#蟹肉露筍玉子，甜甜的玉子燒夾著蟹子、大竹輪和蘆筍，口感非常豐富#炸物有芝士年糕、芝麻雞翼、紫心芋丸，個人很欣賞那芝士年糕，脆皮香口#花之戀，三文魚親子，黑松露雙色花，龍蝦膏帶子甜蝦，樂天拖羅魚生㙮，細細件很精緻，每件都好新鮮，不過喜歡食就要多點一些很好多飲品自助任飲，還有自助前菜任食，越來越愛日式放題

今日同幾個fd第一次去大喜屋食放題一上到黎環境唔錯，見到有自助區同飲品區飲品種類頗多，自助區都好乾淨企理，裡面啲野食都幾好味，不過焗薯角無野熱住佢所以已經凍哂，無咁好味裡面啲野食都幾好味，不過焗薯角無野熱住佢所以已經凍哂，無咁好味。入到去一坐底就開始畫野食，種類蠻多的，所以第一round都嗌得幾多野食下，要俾個like嘅係佢地上菜速度好快，不過太快搞到張枱無哂位放其他野食🙈如果卡位張枱可以再人啲就好。另外裡面環境唔錯，坐得幾舒服話咁快魚生們就到左，幾新鮮，質素好好，冰冰凍凍好正，個裝飾都好靚，不過第二round個陣，我地並唔嗌得多魚生，但係個碗都係咁大，所以如果量唔多，碗可以唔洗咁大，因為好佔位。。另外熱食都好正，人參雞湯同茶碗蒸都好好味，牛舌雖然黎個陣已經凍左不過都好正，榴蓮波好重榴蓮味👍不過時間有點短，食唔哂menu裡面啲野，下次會再去！

係第3次黎樂天喇！之前2次既體驗都唔錯 所以再同朋友黎多次。 店鋪環境同一般放題店一樣，有點逼，但座位都闊落，坐得舒舒。一坐底即刻叫左刺身 壽司 飲品，今次既上菜速度比之前快左。食物水準仲keep到👍🏼👍🏼，刺身都算新鮮，上足夠份量。今次有叫左蟹腳，可惜肉偏少，唔夠喉！ 跟住仲叫左玉子燒，天婦羅，燉蛋，人參雞，牛舌，羊架！好滿足！鋪頭有小食同飲品自助櫃，有泡菜，鳳爪同螺肉。 泡菜比想像中好食！（雖然唔係重點）😂😂 Order紙好似少左幾個食物category，無點見有燒物、炸物、鍋物、沙律🤔🤔但係唔緊要，之前叫既野食都已經食到好飽，仲有甜品！ 以200幾蚊既價錢黎講算係唔錯既放題👍🏼👍🏼👍🏼👍🏼 有機會會再黎嫁！

為左食放題午餐食少少野就算！所以一去到就勁餓啦！好少有勁多野食唔洗等!凍青口好好食啊！配番茄醬酸酸地好正！仲有凍蝦都係好彈牙！好有蝦味！刺身話咁快就到啦！好開心！件件都勁肥美！帶子好多汁好清好甜啊！厚切既三文魚同油甘魚肥美到爆！好好味！蝦都好鮮好彈！估唔到有玉子燒食！一見到就叫左個明太子玉子燒！勁多明太子係入面！玉子有少少係半熟既狀態！好滑好香啊！加埋木魚絲真係完美！仲有花膠食！個花膠都唔錯！好大片花膠！幾好食！個底有好多菜！壽司都好多款好高質！海膽蝦壽司好正啊！個蝦好鮮！最緊要係甜品係哈根大使！好正！

今日又係旺角搵午餐，呢個喺創興嘅樂天大喜屋夜晚就食過兩次，lunch今日真係第一次，見佢寫住58蚊起就試試佢。同朋友二人行叫左兩個set , 一個主菜叫左牛肉煱,另一個係炒牛肉粒,兩個set 都跟3件壽司, 蒸蛋, 味噌湯,飯同野飲, 份量非常之多。 牛肉煱味道唔錯, 唔會好甜, 而且多料, 可惜唔係太夠熱, 上台時啲牛肉未熟哂。個牛肉粒都可以啦,唔韌。至於壽司就唔好太大期望啦, 不過咁嘅價錢有咁多野食, 個人覺得非常低食。

踏入11月，又係增肥嘅時候，每年都好大鑊咁不停重覆食完又減，減完再食......大喜屋系列嘅放題一向口卑都好好，我只食過最傳統嘅大喜屋同訂咗枱都要排街症咁等嘅極上大喜屋，今次難得冇訂枱又唔洗等好耐，因為佢8點9開始我哋8點8去到，職員話排龍尾跟住入就ok，所以又試下呢間樂天大喜屋。第一時間當然係入刺身order 紙，仲有d燒烤類嘅嘢食，以往經驗話我知，第一轉燒嘅菠蘿係最好味，之後就會變差。其他有壽司、煮物、卷物、蒸焗類、一品料理、燒物同炸物，我哋今次每樣都叫咗d！另外，佢有一個自助區，放晒飲品、雪糕同小食，例如咖哩魚蛋、滷水雞亦、沙律、日式前菜有螺肉同中華沙律，仲有泰式辣鳳爪同泡椒雞亦尖。不過，一開始果陣好似打仗咁，完全唔想行入去。芒果汁+椰果 / 碧螺春超正！螺肉 / 泰式辣鳳爪呢個泰式辣鳳爪少少辣，又無骨，啱晒我呢d為食懶人。泡椒雞亦尖雖然我都食得辣，但我覺得個泡椒雞亦尖堅係辣，不過好好味，辣得好過癮！刺身先唔講質素，我呢d相機食先嘅人，就講下佢個賣相先...睇得出個職員無乜心機做囉！平時去食放題，最吸晴嘅就緊係第一輪個刺身拼盤，但...你睇下，佢放d刺身好似打風咁！之但係呢度嘅刺

貓貓唔係成日食野，但貓貓一食野就係食好野。靚靚既日本放題等緊貓貓今日去食。放工後就行去食，勁方便。餐廳前面有個bar可以任攞食物。有貓貓最愛既青口。加少少檸檬汁同紅醬，青口好鮮甜。新鮮既青口口感特別彈牙。貓貓今日order左好多壽司。其中柚子劍魚腩係貓貓今日最愛。柚子醬既酸味，加埋少少鹹味，同劍魚腩既肥美肉質一齊食，味道好夾好肥滑。正到貓貓濕左個嘴。食緊呢個軟殼蟹手卷，仲係好熱。軟殼蟹炸得好香，份量唔會太多，食完個手卷仲可以食好多野。貓貓今日唔想食刺身，專食其他野食。燒牛舌燒得香，但唔會幹。牛舌有水份，口感彈牙，加少少檸檬汁，好甜！仲有鵝肝牛肉卷壽司，鵝肝既肥同牛肉好夾。壽司飯份量又唔會太多，貓貓覺得呢度既壽司真心可以同日本比較。芝士鰻魚壽司都夾得好，鰻魚有水份，唔會太甜，好味唷！貓貓愛上呢度既壽司同熱食，全部整得好高質數，貓貓濕左啦個嘴！

樂天大喜屋朋友極力推介樂天大喜屋放題，讚佢服務同食物水準都好高，而且位置非常方便，就喺創興廣場嘅一樓。其實我對放題一般，但係朋友極力邀請，咁就一齊傾吓計食吓飯。呢度座位亦都好寬闊，亦都好光猛，卡位仲坐得好舒服。見到呢一間放題，人氣一直高企，朋友大讚食物水準同服務都好好，難怪朋友如此推介。樂天大喜屋，無論熱食或者係刺身，壽司，手卷，鍋物等等嘅選擇真係好多。點餐紙擺放在兩本厚厚的file內，足有12款咁多，包括左熱葷，壽司、刺身、冷盤、鍋物等等。除咗order紙，呢度仲有一個賣點，就係設有一個自助吧，就好似酒店buffet一樣。第一次來樂天大喜屋，覺得好新鮮，因為仲有一個自助corner。入邊有甜品，飲品吧，好似便利店嘅雪條櫃，超過九款嘅甜品同生果，真係好似食buffet咁。另外仲有一個雪櫃係擺放日式小食例如中華沙律，枝豆等等。自助吧另一邊仲有一部乳酪機，仲可以加上自己喜愛嘅配料，好適合大小朋友黎食呢。朋友推介椰子雪條，佢話椰子味好香濃，不過今次唔見有椰子雪條，真係有啲可惜。最欣賞飲品吧，除咗有幾個飲品櫃，擺放左罐裝同支裝嘅飲品，款式亦都比其他嘅放題多。自助吧仲設有梅酒同清酒任斟任飲。除

今日返工好辛苦，約咗朋友一齊食放題，一諗起放題一定要去樂天大喜屋，因為食咗幾次品質都好有保證，啲刺身真係好新鮮，刺身超好味，刺身仲有長腳蟹超超好味，試過啲海膽係好好味好新鮮，個個朋友都話好好味值得再嚟過！我最鍾意食嘅焗蠔、和牛壽司、人參雞湯....在其他店系食唔到的味道！甜品仲多驚喜，有好味的黃金葡撻、仲有我的最愛木瓜蒸蛋白，最近仲新增左一個自助吧，有熱食，有冷盤，仲有好好味嘅韓國雪糕，超正！總之一句話，食放題梗系黎樂天大喜屋啦

今日約咗朋友一齊來樂天大喜屋食飯，平時都有食過呢一間,水準保持得幾好唔錯！ ！ ！座位闊落唔迫夾！估唔到今次來，俾我有個驚喜就係有長腳蟹食仲有熱清酒飲唔錯唔錯！ 鍾意飲酒嘅朋友真係要來試吓，無限制任添飲!酒香香醇，入口唔嗱喉！今次來都冇令我失望海膽依然新鮮好味好清甜，刺身我哋全部爭住食，食個不停！係個焗蠔有少少失望，沙律醬比較多，掩蓋左個蠔味，希望下次唔好落咁多沙律醬可以再好啲！海鹽燒左口魚邊入口即溶,甘香好味😋😋😋😋😋😋正!值得encore再encore !!!

放題而家越嚟越多樣化，嚟到樂天大喜屋，竟然有自助餐區，有特飲，罐裝飲品，炸品，手卷，熟食，沙律，冷食，雪糕，甜品。未嚟第一round 都可即刻有野食住先。飲品甜品平時要落單，而家即有，方便左。刺身方面，真的唔錯，至愛油甘魚，三文魚，好肥美，又唔係硬冰冰嗰d。海膽手卷，勁多海膽，大愛！可惜要排隊，但都好值得，每次限取2個。軟殼蟹手卷都好大份，炸軟殼蟹都微熱，好食。牛肉鍋，湯底甜甜地，好味，特別蔬菜，吸收晒湯底，夾埋隻蛋同豆腐，好快清晒。蒸玉子，估唔到都幾好食，好強烈清湯底鮮味，又好滑，有水準。炸小蕃薯，平時出面都幾貴，粉漿唔厚，幾好。串燒糯米鷄，都幾得意，入面係鷄肉串，出面用糯米包住嚟燒，濃味，微脆，味道絕不是茶樓糯米鷄，都帶點日式風味。燒大腸，肥美乾淨既大腸，燒香再有甜甜地醬汁。沙律醬燒蝦，都係驚喜推介，開邊蝦沾上沙律醬同芝士，野味。今次都沒有失望，都好多選擇，又有新款式同新自助餐區，希望可以繼續keep 住啦～

第一次open rice訂座,雖然比佢啲條款說明搞到一頭霧水,訂座卻十分順順利利。第一次黎呢間餐放題,有好多飲品、甜品、水果等自助選擇...棒棒噠！餐廳仲安排左位置夠闊的corner位,可以一枱容納得到9個人以上第一次自攜生日蛋糕x2,竟然唔洗收切蛋糕費!!?大幸的是,餐廳還可讓我存放兩個蛋糕(掩笑)而經理還借堆車給我推蛋糕過去!!Nice Guy很感謝餐廳經理的幫忙我當時真的很怕捧著蛋糕行走會弄掉呀！整晚浸泡在愉快的氣氛很好的放題之夜!p.s.因為太在意個蛋糕,完全忘記拍食物同餐廳...(抱歉

4人聚會,想邊食邊傾,又可無拘無束坐幾小時除了酒店外,呢間日式放題皆可,今晚訂了頭輪,時間由5點半至8點半完,可食3小時對細食的女士們很有幫助,在傾計過程中可助消化,不用和時間競賽。除了有這優勢外,在食物方面一向皆有很好口啤,我也不是頭一次光顧,能否保持水準是很重要。到了取位時間,而擠滿人龍,看客人都很了解排隊過程,想必大多非首次光顧。而訂位及帶領入座侍應態度也中規中矩,比起同一大廈食評也不差的服務員算好得多。至於食物方面刺身除有基本款式外還多了任食松葉蟹腳。熱食除了基本款色外還多了貴價北菇花膠。至於有殼青口及有殼白灼蝦都好生鮮,可媲美酒店。另外甜品也有燕窩蛋白。羊架也很出色。其它各款壽司飯團細細粒,最岩呃餸食的我。出餐速度,以人客全爆來講也算適中。需則侍應生效率不弱但也難於應付收空碟速度,若要挑剔唯獨者。但若有要求提供或協助,禮貌也值中上。價錢方面需則絕無優惠,也絕不取巧,食物仍保持很好水準,款式又多。大滿足👍👍👍。